ഇ​ത് റീ​ലു​ക​ളു​ടെ കാ​ല​മാ​ണ്. ഒ​പ്പം വൈ​റ​ലാ​കാ​നു​ള്ള ശ്ര​മ​ത്തി​ന്‍റെ​യും. അ​തി​നു വേ​ണ്ടി എ​ന്തും ചെ​യ്യും. പ​രി​സ​രം പോ​ലും നോ​ക്കാ​തെ നൃ​ത്തം ചെ​യ്യു​ക​യും പാ​ട്ടു​പാ​ടു​ക​യും വി​വി​ധ ച​ല​ഞ്ചു​ക​ൾ ചെ​യ്യു​ക​യും ഒ​ക്കെ ചെ​യ്യു​ന്ന​വ​രു​ണ്ട്. അ​ങ്ങ​നെ വൈ​റ​ലാ​കാ​ൻ നോ​ക്കി ഭ​ർ​ത്താ​വി​ന്‍റെ പ​ണി ക​ള​ഞ്ഞ ഒ​രു യു​വ​തി​യും സോ​ഷ്യ​ൽ മീ​ഡി​യ​യി​ൽ വൈ​റ​ലാ​ണ്.

യു​വ​തി റോ​ഡി​ൽ നി​ന്നു നൃ​ത്തം ചെ​യ്ത​താ​ണ് പൊ​ലീ​സ് ഉ​ദ്യോ​ഗ​സ്ഥ​നാ​യ ഭ​ർ​ത്താ​വി​ന്‍റെ പ​ണി പോ​കാ​ൻ കാ​ര​ണ​മാ​യ​ത്. സീ​ബ്ര ക്രോ​സിം​ഗി​ലാ​ണ് നൃ​ത്തം ചി​ത്രീ​ക​രി​ച്ച​ത്. ച​ണ്ഡീ​ഗ​ഢി​ൽ നി​ന്നു​ള്ള പൊ​ലീ​സ് കോ​ൺ​സ്റ്റ​ബി​ളി​നാ​ണ് സ​സ്പെ​ൻ​ഷ​ൻ ല​ഭി​ച്ച​ത്. സീ​ബ്രാ ക്രോ​സിം​ഗി​ൽ നൃ​ത്തം ചെ​യ്താ​ണ് യു​വ​തി ന​ഗ​ര​ത്തി​ൽ ഗ​താ​ഗ​ത​ക്കു​രു​ക്കാ​ണ് സൃ​ഷ്ടി​ച്ച​ത്.


ച​ണ്ഡീ​ഗ​ഢി​ലെ സെ​ക്ട​ർ 19 പൊ​ലീ​സ് സ്റ്റേ​ഷ​നി​ലാ​ണ് അ​ജ​യ് കു​ണ്ടു എ​ന്ന പൊ​ലീ​സു​കാ​ര​ൻ ജോ​ലി ചെ​യ്യു​ന്ന​ത്. ഇ​യാ​ളു​ടെ ഭാ​ര്യ ജ്യോ​തി മാ​ർ​ച്ച് 22 നാ​ണ് സീ​ബ്ര ക്രോ​സിം​ഗി​ൽ നൃ​ത്തം ചെ​യ്യു​ന്ന വീ​ഡി​യോ ഇ​ൻ​സ്റ്റ​ഗ്രാ​മി​ൽ പോ​സ്റ്റ് ചെ​യ്ത​ത്. വീ​ഡി​യോ വൈ​റ​ലാ​യ​തോ​ടെ​യാ​ണ് ഭ​ർ​ത്താ​വും വി​വാ​ദ​ങ്ങ​ളി​ൽ പെ​ട്ട​ത്.

ഗ​താ​ഗ​ത​ക്കു​രു​ക്ക് സൃ​ഷ്ടി​ക്കു​ക​യും കാ​ൽ​ന​ട യാ​ത്ര​ക്കാ​ർ​ക്കു പോ​ലും ബു​ദ്ധി​മു​ട്ടു​ണ്ടാ​കു​ക​യും ചെ​യ്തെ​ങ്കി​ലും ജ്യോ​തി​യും കൂ​ടെ​യു​ണ്ടാ​യി​രു​ന്ന​യാ​ളും അ​തൊ​ന്നും ശ്ര​ദ്ധി​ക്കാ​തെ റീ​ൽ ചി​ത്രീ​ക​ര​ണം തു​ട​ർ​ന്നു. നൃ​ത്തം വൈ​റ​ലാ​യ​തോ​ടെ പൊ​ലീ​സി​ന്‍റെ ശ്ര​ദ്ധ​യി​ലും വീ​ഡി​യോ എ​ത്തി. നൃ​ത്തം ഗു​രു​ത​ര​മാ​യ ഗ​താ​ഗ​ത ത​ട​സ്സം സൃ​ഷ്ടി​ച്ച​തോ​ടെ​യാ​ണ് ന​ട​പ​ടി​യെ​ടു​ക്കാ​ൻ അ​ധി​കൃ​ത​ർ തീ​രു​മാ​നി​ച്ച​ത്.