ഒ​രു ജോ​ലി കി​ട്ടാ​ന്‍ എ​ല്ലാ​വ​രും ആ​ഗ്ര​ഹി​ക്കും. എ​ന്നാ​ല്‍ നാ​ള്‍​ക്കു​നാ​ള്‍ പ​ല​രും പ​ല​കാ​ര​ണ​ങ്ങ​ളാ​ല്‍ കാ​ര്യാ​ല​യ​ത്തി​ലേ​ക്ക് പോ​കാ​ന്‍ മ​ടി​ക്കും. അ​ത്ത​ര​ക്കാ​ര്‍ പി​ന്നീ​ട് വീ​ട്ടി​ല്‍ നി​ന്നും ജോ​ലി ചെ​യ്യാ​ന്‍ കു​റ​ച്ചാ​ഗ്ര​ഹി​ക്കും.

ഇ​ക്കാ​ര്യം ഐ​ടി പോ​ലു​ള്ള മേ​ഖ​ല​ക​ളി​ല്‍ പ്രാ​വ​ര്‍​ത്തി​ക​മാ​കും. എ​ന്നാ​ല്‍ ചി​ല ക​മ്പ​നി​ക​ള്‍ വ​ര്‍​ക്ക് അ​റ്റ് ഹോ​മി​നെ അ​ങ്ങ​നെ അ​ത്ര പ്രോത്സാ​ഹി​പ്പി​ക്കാ​റി​ല്ല. ഇ​പ്പോ​ഴി​താ ഒ​രു ജീ​വ​ന​ക്കാ​ര​ന്‍ ത​നി​ക്ക് നാ​ളെ മു​ത​ല്‍ വീ​ട്ടി​ലി​രു​ന്നു ജോ​ലി ചെ​യ്യാ​ന്‍ ക​ഴി​യു​മൊ എ​ന്ന കാ​ര്യം ഒ​രു മാ​നേ​ജ​രോ​ട് ചോ​ദി​ക്കു​ന്നു. അ​ത് അ​നു​വ​ദി​ക്കാ​തി​രി​ക്കാ​ന്‍ മാ​നേ​ജ​ര്‍ പ​റ​യു​ന്ന മ​റു​പ​ടി​ക​ള്‍ വൈ​റ​ലാ​യി.

അ​തി​ന്‍റെ കാ​ര​ണം മാ​നേ​ജ​രാ​യി വേ​ഷ​മി​ട്ടത് ഒ​രു കൊ​ച്ചു പെ​ണ്‍​കു​ട്ടി​യാ​ണ്. ഇ​ന്‍​സ്റ്റ​ഗ്രാ​മി​ലെ​ത്തി​യ വീ​ഡി​യോ​യി​ല്‍ ഈ ​പെ​ണ്‍​കു​ട്ടി ഒ​രു ലാ​പ്പ്‌​ടോ​പ്പു​മാ​യി വ​ള​രെ ഗൗ​ര​വ​ത്തി​ല്‍ ഇ​രി​ക്കു​ന്നു. അ​ന്നേ​രം ആ ​ജീ​വ​ന​ക്കാ​ര​ന്‍ "ഹാ​യ് മാ​നേ​ജ​ര്‍, എ​നി​ക്ക് നാ​ളെ മു​ത​ല്‍ വീ​ട്ടി​ല്‍ നി​ന്ന് ജോ​ലി ചെ​യ്യാ​മോ? ഓ​ഫീ​സ് എ​ന്‍റെ വീ​ട്ടി​ല്‍ നി​ന്ന് വ​ള​രെ അ​ക​ലെ​യാ​ണ്' എ​ന്ന് ഫോ​ണി​ല്‍ പ​റ​യു​ന്നു.

എ​ന്നാ​ല്‍ ഈ ​മാ​നേ​ജ​ര്‍ അ​വ​നോ​ട് വീ​ട് വ​ള​രെ ദൂ​രെ​യാ​ണെ​ങ്കി​ല്‍ ഒ​രു കാ​റോ ബൈ​ക്കോ എ​ടു​ത്തു​വ​രാ​ന്‍ ആ​വ​ശ്യ​പ്പെ​ട്ടു. എ​ന്നാ​ല്‍ ത​നി​ക്ക് കാ​റി​ല്ലെ​ന്ന് അ​യാ​ള്‍ പ​റ​യു​ന്നു. മാ​ത്രമ​ല്ല ബൈ​ക്ക് ഓ​ടി​ക്കാ​നും അ​റി​യി​ല്ല​ത്രെ. എ​ന്നാ​ല്‍ ജോ​ഗിം​ഗ് ചെ​യ്ത് ഓ​ഫീ​സി​ലെ​ത്താ​ന്‍ കു​ട്ടി പ​റ​യു​ന്നു. പ​ക്ഷേ താ​ന്‍ ത​ള​ര്‍​ന്നു​പോ​കുമെന്ന് അ​യാ​ള്‍ മ​റു​പ​ടി പ​റ​യു​ന്നു.

എ​ങ്കി​ല്‍ സ്‌​കേ​റ്റിം​ഗ് ന​ട​ത്തി വ​രാ​ന്‍ പ​റ​യു​ന്നു ഈ ​മാ​നേ​ജ​ര്‍. അ​ത് പേടിയാണെന്ന് ജീ​വ​ന​ക്കാ​ര​ന്‍ പ​റ​ഞ്ഞ​പ്പോ​ള്‍ മാ​നേ​ജ​ര്‍ അ​യാ​ള്‍​ക്ക് നി​ഷേ​ധി​ക്കാ​ന്‍ ക​ഴി​യാ​ത്ത ഒ​രു പോം​വ​ഴി പ​റ​യു​ന്നു. അ​താ​യ​ത് നിത്യ​വും താ​ന്‍​ത​ന്നെ ത​ന്‍റെ കാ​റി​ല്‍ അ​യാ​ളെ കൂ​ട്ടി​ക്കൊ​ണ്ടു വ​രാ​മെ​ന്ന്. ഇ​തോ​ടെ ജീ​വ​ന​ക്കാ​ര​ന്‍ കു​ടു​ങ്ങി.

ഈ ​വീ​ഡി​യോ വൈ​റ​ലാ​കു​ക​യും ഇ​ന്‍​സ്റ്റാ​ഗ്രാ​മി​ല്‍ ര​ണ്ട് ല​ക്ഷ​ത്തി​ല​ധി​കം ലൈ​ക്കു​ക​ള്‍ ല​ഭി​ക്കു​ക​യും ചെ​യ്തു. ര​സ​ക​ര​മാ​യ ഈ ​വീ​ഡി​യോ​യ്ക്ക് നി​ര​വ​ധി അ​ഭി​പ്രാ​യ​ങ്ങ​ള്‍ ല​ഭി​ച്ചു. "ഈ ​മാ​നേ​ജ​ര്‍ ഒ​രു ര​ക്ഷ​യു​മി​ല്ല' എ​ന്നാ​ണൊ​രാ​ള്‍ കു​റി​ച്ച​ത്.