യൂ​ബ​ർ ഡ്രൈ​വ​ർ 113 രൂ​പ അ​ധി​ക​മാ​യി ഈ​ടാ​ക്കി​യ​തി​നെ​ക്കു​റി​ച്ച് പ​രാ​തി പ​റ​യാ​ൻ ക​സ്റ്റ​മ​ർ കെ​യ​റി​ൽ വി​ളി​ച്ച​യാ​ൾ​ക്ക് അ​ഞ്ചു​ല​ക്ഷ​ത്തി​ല​ധി​കം രൂ​പ ന​ഷ്ട​മാ​യി. ഡ​ൽ​ഹി​യി​ലെ സ​ഫ്ദ​ർ​ജം​ഗ് എ​ൻ​ക്ലേ​വി​ലെ താ​മ​സ​ക്കാ​ര​നാ​യ പ്ര​ദീ​പ് ചൗ​ധ​രി​ക്കാ​ണ് ഈ ​വ​ൻ​ച​തി​വ് പ​റ്റി​യ​ത്.

സം​ഭ​വം ഇ​ങ്ങ​നെ: പ്ര​ദീ​പ് ചൗ​ധ​രി ഗു​ഡ്ഗാ​വി​ലേ​ക്ക് ഒ​രു യൂ​ബ​ർ ക്യാ​ബ് ബു​ക്ക് ചെ​യ്തു. യാ​ത്ര​യു​ടെ ചെ​ല​വാ​യി യൂ​ബ​ർ ആ​പ്പി​ൽ കാ​ണി​ച്ച നി​ര​ക്ക് 205 രൂ​പ​യാ​യി​രു​ന്നു. എ​ന്നാ​ൽ യാ​ത്ര​യ്ക്കു​ശേ​ഷം യൂ​ബ​ർ ഡ്രൈ​വ​ർ അ​ദ്ദേ​ഹ​ത്തി​ൽ​നി​ന്നു 318 രൂ​പ ഈ​ടാ​ക്കി.

ഇ​തേ​ത്തു​ട​ർ​ന്ന് അ​ധി​ക​മാ​യി ഈ​ടാ​ക്കി​യ പ​ണം തി​രി​കെ ല​ഭി​ക്കു​ന്ന​തി​നാ​യി ചൗ​ധ​രി ക​സ്റ്റ​മ​ർ കെ​യ​റി​ൽ പ​രാ​തി പ​റ​യാ​ൻ വി​ളി​ച്ചു. ഗൂ​ഗി​ളി​ൽ​നി​ന്നു ല​ഭി​ച്ച ന​മ്പ​റി​ലേ​ക്കാ​ണു വി​ളി​ച്ച​ത്.

കോ​ൾ എ​ടു​ത്ത​യാ​ൾ രാ​കേ​ഷ് മി​ശ്ര എ​ന്നു സ്വ​യം പ​രി​ച​യ​പ്പെ​ടു​ത്തി. പ​രാ​തി കേ​ട്ട​ശേ​ഷം ഗൂ​ഗി​ൾ പ്ലേ ​സ്റ്റോ​റി​ൽ​നി​ന്ന് "റ​സ്റ്റ് ഡെ​സ്ക് ആ​പ്പ്' ഡൗ​ൺ​ലോ​ഡ് ചെ​യ്യാ​ൻ ചൗ​ധ​രി​യോ​ട് ആ​വ​ശ്യ​പ്പെ​ട്ടു. തു​ട​ർ​ന്ന് റീ​ഫ​ണ്ടി​നാ​യി Paytm ആ​പ്പ് തു​റ​ന്ന് ‘rfnd 112’ എ​ന്ന സ​ന്ദേ​ശം അ​യ​യ്ക്കാ​നും ആ​വ​ശ്യ​പ്പെ​ട്ടു.


അ​ക്കൗ​ണ്ട് വെ​രി​ഫി​ക്കേ​ഷ​നാ​ണെ​ന്നു പ​റ​ഞ്ഞ് മൊ​ബൈ​ൽ ന​മ്പ​ർ വാ​ങ്ങി​യ​ശേ​ഷം ചി​ല നി​ർ​ദേശ​ങ്ങ​ൾ കൂ​ടി ന​ൽ​കി. അ​യാ​ൾ പ​റ​ഞ്ഞ​തു​പോ​ലെ​യൊ​ക്കെ ചൗ​ധ​രി ചെ​യ്തു.

ഇ​തി​നു പി​ന്നാ​ലെ ചൗ​ധ​രി​യു​ടെ ബാ​ങ്ക് അ​ക്കൗ​ണ്ടി​ൽ​നി​ന്നു നാ​ലു ത​വ​ണ​യാ​യി അ​ഞ്ചു ല​ക്ഷ​ത്തി​ല​ധി​കം രൂ​പ ന​ഷ്ട​പ്പെ​ടു​ക​യാ​യി​രു​ന്നു. ഇ​തി​ൽ മൂ​ന്ന് ഇ​ട​പാ​ടു​ക​ൾ പേ​ടി​എം വ​ഴി​യും ഒ​ന്ന് പി​ബി ബാ​ങ്ക് വ​ഴി​യു​മാ​ണു ന​ട​ന്ന​ത്.

സം​ഭ​വ​ത്തി​ൽ ഇ​ന്ത്യ​ൻ ശി​ക്ഷാ നി​യ​മ​ത്തി​ലെ സെ​ക്ഷ​ൻ 420, ഇ​ൻ​ഫ​ർ​മേ​ഷ​ൻ ടെ​ക്‌​നോ​ള​ജി ആ​ക്‌​ട് സെ​ക്ഷ​ൻ 66 ഡി ​എ​ന്നി​വ പ്ര​കാ​രം കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണ ആ​രം​ഭി​ച്ചി​ട്ടു​ണ്ട്.