വീ​ണ്ടു​മൊ​രു ശി​ശു​ദി​നം എ​ത്തി​യി​രി​ക്കു​ന്നു. ഇ​ന്ത്യ​യു​ടെ പ്ര​ഥ​മ പ്ര​ധാ​ന​മ​ന്ത്രി പ​ണ്ഡി​റ്റ് ജ​വ​ഹ​ര്‍​ലാ​ല്‍ നെ​ഹ്റു​വി​ന്‍റെ ജ​ന്മ​ദി​ന​മാ​ണ് നാം ​ശി​ശു​ദി​ന​മാ​യി കൊ​ണ്ടാ​ടു​ന്ന​ത്.1964 ല്‍, ​നെ​ഹ്‌​റു​വി​ന്‍റെ മ​ര​ണ​ശേ​ഷ​മാ​ണ് പാ​ര്‍​ല​മെ​ന്‍റ് അ​ദ്ദേ​ഹ​ത്തി​ന്‍റെ ജ​ന്മ​ദി​ന​മാ​യ ന​വം​ബ​ര്‍ 14 ശി​ശു​ദി​ന​മാ​യി പ്ര​ഖ്യാ​പി​ച്ച് പ്ര​മേ​യം പാ​സാ​ക്കി​യ​ത്.

എ​ന്നാ​ല്‍ ന​വം​ബ​ര്‍ 20 ആ​ണ് ആ​ഗോ​ള​ത​ല​ത്തി​ല്‍ ശി​ശു​ദി​നമായി ആ​ഘോ​ഷി​ക്കു​ന്ന​ത്. ഇ​തി​നൊ​ക്കെ മു​മ്പേ, 1857ല്‍ ​റോ​സ് ഡേ ​എ​ന്ന പേ​രി​ല്‍ ജൂ​ണ്‍ ര​ണ്ടാം ഞാ​യ​റാ​ഴ്ച കു​ട്ടി​ക​ള്‍​ക്കാ​യു​ള്ള ദി​ന​മാ​യി ആ​ച​രി​ച്ചു തു​ട​ങ്ങി​യി​രു​ന്നു.

പി​ന്നീ​ട് പ​ല രാ​ജ്യ​ങ്ങ​ളും കു​ട്ടി​ക​ളു​ടെ സം​ര​ക്ഷ​ണ​ത്തി​നു​ള്ള അ​ന്താ​രാ​ഷ്ട്ര ദി​നം ജൂ​ണ്‍ ഒ​ന്ന്, ശി​ശു​ദി​ന​മാ​യി ആ​ഘോ​ഷി​ച്ചു​തു​ട​ങ്ങി. ഏ​താ​ണ്ട് 117 രാ​ജ്യ​ങ്ങ​ള്‍ നി​ല​വി​ല്‍ ശി​ശു​ദി​നം ആ​ഘോ​ഷി​ക്കാ​റു​ണ്ട്.

പ​ല​രും പ​ല​ദി​ന​മാ​ണ് തെ​ര​ഞ്ഞെ​ടു​ത്തി​രി​ക്കു​ന്ന​ത് എ​ന്നു​മാ​ത്രം. ചൈ​ന ജൂ​ണ്‍ ഒ​ന്നി​നും ജ​പ്പാ​ന്‍ മേ​യ് അ​ഞ്ചി​നും താ​യ്‌​വാ​ന്‍ ഏ​പ്രി​ല്‍ നാ​ലി​നും ബ്ര​സീ​ല്‍ ഒ​ക്ടോ​ബ​ര്‍ 12നും ​നൈ​ജീ​രി​യ മേ​യ് 27നും ​​ഒ​ക്കെ​യാ​ണ് ഈ ​ദി​നം കൊ​ണ്ടാ​ടു​ന്ന​ത്.

18 വ​യ​സി​ല്‍ താ​ഴെ​യു​ള്ള​വ​രെ​യാ​ണ് നാം ​കു​ട്ടി​ക​ളാ​യി പ​രി​ഗ​ണി​ക്കു​ന്ന​ത്. ഇ​വ​രോ​ട് ദേ​ശം, ഭാ​ഷ, മ​തം, സാ​മ്പ​ത്തി​കം എ​ന്നി​വ പ്ര​കാ​ര​മൊ​ന്നും യാ​തൊ​രു​ത​രം വി​വേ​ച​ന​വും പാ​ടി​ല്ല എ​ന്ന​തും കൂ​ടി​യാ​ണ് ശി​ശു​ദി​നം ഓ​ര്‍​മി​പ്പി​ക്കു​ന്ന​ത്.

എ​ന്നാ​ല്‍ ദൗ​ര്‍​ഭാ​ഗ്യ​വ​ശാ​ല്‍ നി​ല​വി​ല്‍ കാ​ര്യ​ങ്ങ​ള്‍ അ​ങ്ങ​നെ​യ​ല്ല. ലോ​ക​ത്തി​ന്‍റെ പ​ല​കോ​ണി​ലും എ​ന്തി​നേ​റെ സ്വ​ന്തം വീ​ടു​ക​ളി​ല്‍ പോ​ലും കു​ട്ടി​ക​ള്‍ സു​ര​ക്ഷി​ത​രാ​കു​ന്നി​ല്ല. യു​ദ്ധ​ങ്ങ​ളി​ലും ക​ലാ​പ​ങ്ങ​ളി​ലും ഒക്കെ​യാ​യി ഒ​രുദി​വ​സം ശ​രാ​ശ​രി 20 കു​ട്ടി​ക​ള്‍ക്ക് ജീ​വ​ന്‍ ന​ഷ്ട​പ്പെ​ടു​ന്നു എ​ന്നാ​ണ് അ​ന്താ​രാ​ഷ്ട്ര ക​ണ​ക്കു​ക​ള്‍.

കു​ട്ടി​ക​ള്‍​ക്കെ​തി​രാ​യ ലൈം​ഗി​ക ചൂ​ഷ​ണ​വും ലൈം​ഗി​ക അ​തി​ക്ര​മ​ങ്ങ​ളും ത​ട​യു​ക​യെ​ന്ന ല​ക്ഷ്യ​ത്തോ​ടെ ആ​വി​ര്‍​ഭ​വി​ച്ച നി​യ​മാ​യി​രു​ന്നു പോ​ക്സോ. 2012 ന​വം​ബ​ര്‍ 14നാ​ണ് പോ​ക്സോ നി​യ​മം രാ​ജ്യ​ത്ത് നി​ല​വി​ല്‍ വ​ന്ന​ത്.


കു​ട്ടി​ക​ള്‍​ക്കെ​തി​രാ​യ കു​റ്റ​കൃ​ത്യം മ​റ​ച്ചു​പി​ടി​ക്കു​ന്ന​തും പോ​ക്സോ നി​യ​മ​മ​നു​സ​രി​ച്ച് കു​റ്റ​ക​ര​മാ​ണ്. എ​ന്നാ​ല്‍ ന​മ്മു​ടെ ഇ​ട​യി​ല്‍ പോ​ക്‌​സോ കേ​സു​ക​ള്‍ ഇ​ര​ട്ടി​ക്കു​ന്നു എ​ന്ന​താ​ണ് ഞെ​ട്ടി​പ്പി​ക്കു​ന്ന സ​ത്യം.

കേ​ര​ള സം​സ്ഥാ​ന ബാ​ലാ​വ​കാ​ശ സം​ര​ക്ഷ​ണ ക​മ്മി​ഷ​ന്‍റെ ഒ​രു റി​പ്പോ​ര്‍​ട്ട് പ്ര​കാ​രം ക​ഴി​ഞ്ഞവ​ര്‍​ഷം സം​സ്ഥാ​ന​ത്ത് ആ​കെ 4,582 പോ​ക്സോ കേ​സു​ക​ള്‍ റി​പ്പോ​ര്‍​ട്ട് ചെ​യ്യു​ക​യും 5,002 പ്ര​തി​ക​ളെ ഹാ​ജ​രാ​ക്കു​ക​യും ചെ​യ്തു.

ഇ​തി​ല്‍ 4,643 പു​രു​ഷ​ന്മാ​രും 115 സ്ത്രീ​ക​ളു​മാ​ണ്. പ​ല കു​ട്ടി​ക​ളും സ്വ​ന്തം വീ​ടു​ക​ളി​ല്‍ പോ​ലും ലൈം​ഗി​കാ​തി​ക്ര​മ​ത്തി​ന് ഇ​ര​യാ​യ​താ​യും റി​പ്പോ​ര്‍​ട്ടി​ലു​ണ്ട്. അ​യ​ല്‍​വാ​സി​ക​ളും അ​ധ്യാ​പ​ക​രും പോ​ലും പ്ര​തി​പ​ട്ടി​ക​യിലു​ണ്ട്.

കേ​ര​ളാ പോ​ലീ​സിന്‍റെ ഔ​ദ്യോ​ഗി​ക വെ​ബ്‌​സൈ​റ്റി​ന്‍ പ്ര​കാ​രം 2022ല്‍ ​4,518 പോ​ക്‌​സോ കേ​സു​ക​ള്‍ ര​ജി​സ്റ്റ​ര്‍ ചെ​യ്തി​ട്ടു​ണ്ട്. 2016ല്‍ ​ഇ​ത് 2,131 മാ​ത്ര​മാ​യി​രു​ന്നു.

ചി​ന്തി​ക്കേ​ണ്ട ഒ​രു കാ​ര്യം കോ​വി​ഡ് കാ​ല​ത്ത്, അ​താ​യ​ത് കു​ട്ടി​ക​ള്‍ മി​ക്ക​പ്പോ​ഴും ത​ങ്ങ​ളു​ടെ വീ​ടു​ക​ളി​ല്‍ ഉ​ള്ള കാ​ല​ത്ത് പോ​ക്‌​സോ കേ​സു​ക​ള്‍ 3,000ല്‍ ​അ​ധി​കം ആ​യി​രു​ന്നു എ​ന്ന​താ​ണ്.

മ​നു​ഷ്യ മ​നഃ​സാ​ക്ഷി​യെ ഞെ​ട്ടി​ച്ച ആ​ലു​വ​യി​ലെ കു​ഞ്ഞും ഈ ​ശി​ശു​ദി​ന​ത്തി​ല്‍ ന​മു​ക്ക് മു​ന്നി​ലു​ണ്ട് ഇ​പ്പോ​ഴും പു​റം​ലോ​കം അ​റി​യാ​ത്ത​ നിരവധി കേ​സു​ക​ളും ന​മ്മു​ടെ സ​മൂ​ഹ​ത്തി​ലു​ണ്ട്.

കു​ട്ടി​ക​ളെ മാ​ന​സി​ക ആ​രോ​ഗ്യ​മു​ള്ള​വ​രാ​ക്കി മാ​റ്റേ​ണ്ട​ത് ന​മ്മു​ടെ ഓ​രോ​രു​ത്ത​രു​ടെ​യും ക​ട​മ​യാ​ണ്. ഒ​രു കു​ട്ടി​ക്ക് മ​ന​സു​തു​റ​ന്നു ചി​രി​ക്കാ​ന്‍ ക​ഴി​യു​ന്നി​ല്ല എ​ങ്കി​ല്‍, ആ​ര്‍​ത്തു​ല്ല​സി​ക്കാ​ന്‍ ആ​കു​ന്നി​ല്ല ​എങ്കി​ല്‍ നാം ​മ​ന​സി​ലാ​ക്കേ​ണ്ട​ത് ന​മ്മു​ടെ സ​മൂ​ഹം ഒ​ട്ടും പു​രോ​ഗ​മി​ച്ചി​ല്ല എ​ന്ന​താ​ണ്.

ചു​റ്റു​മു​ള്ള കു​ട്ടി​ക​ളുടെ പു​ഞ്ചി​രി​ക്ക് കാ​ര​ണ​മാ​കാ​ന്‍ നാം ​ഓ​രോ​രു​ത്ത​ര്‍​ക്കും ക​ഴി​യ​ട്ടെ. എ​ല്ലാ കു​ഞ്ഞു​ങ്ങ​ള്‍​ക്കും ദീപിക ഡോട്ട്കോമിന്‍റെ ശി​ശു​ദി​നാ​ശം​സ​ക​ള്‍