ന​മ്മു​ടെ നാ​ട്ടി​ല്‍ വി​വി​ധ മ​ത​ങ്ങ​ളു​ണ്ട​ല്ലൊ. അ​വ​യു​മാ​യി ബ​ന്ധ​പ്പെ​ട്ട് ഒ​ട്ട​ന​വ​ധി ആ​ചാ​ര​ങ്ങ​ളു​മു​ണ്ട്. ചി​ല​തൊ​ക്കെ ശാ​സ്ത്ര​ത്തി​ന്‍റെ പു​രോ​ഗ​തി​യി​ല്‍ മാ​റ്റ​പ്പെ​ട്ടെ​ങ്കി​ലും ചി​ല​ത് ഇ​പ്പോ​ഴും പൂ​ര്‍​വാ​ധി​കം ശ​ക്തി​യോ​ടെ നി​ല​നി​ല്‍​ക്കു​ന്നു.

ആ​ളു​ക​ള്‍ അ​വ​യെ അ​നു​കൂ​ലി​ച്ചും പ്ര​തി​കൂ​ലി​ച്ചും മി​ക്ക​പ്പോ​ഴും രം​ഗ​ത്തെ​ത്തു​ന്നു. ഇ​പ്പോ​ഴി​താ മ​ഴ പെ​യ്യാ​നാ​യി ക​ര്‍​ണാ​ട​ക​യി​ല്‍ ചെ​യ്ത ഒ​രു കാ​ര്യം സ​മൂ​ഹ മാ​ധ്യ​മ​ങ്ങ​ള്‍ ച​ര്‍​ച്ച​യാ​ക്കു​ക​യാ​ണ്.

സാ​ധാ​ര​ണ​യാ​യി മ​ഴ​പെ​യ്യാ​നാ​യി യാ​ഗ​വും മ​റ്റും ന​ട​ത്താ​റു​ള്ള​താ​യി നാം ​കേ​ള്‍​ക്കാ​റു​ണ്ട​ല്ലൊ.​എ​ന്നാ​ല്‍ ഗ​ദ​ഗ് ജി​ല്ല​യി​ലെ ല​ക്ഷ്‌​മേ​ശ്വ​രി​ലു​ള്ള നാ​ട്ടു​കാ​ര്‍ മ​ഴ പെ​യ്യാ​ന്‍ വേ​ണ്ടി പാ​വ​ക​ളു​ടെ വി​വാ​ഹം ന​ട​ത്തുകയാണുണ്ടായത്.


ഒരു ​സാ​ധാ​ര​ണ വി​വാ​ഹ​ത്തി​നു​ണ്ടാ​കു​ന്ന എ​ല്ലാ ച​ട​ങ്ങു​ക​ളോ​ടും കൂ​ടി​യാ​ണ് പാ​വ​ക​ളെ നാ​ട്ടുകാ​ര്‍ വി​വാ​ഹം ക​ഴി​പ്പി​ച്ച​ത്. മാ​ത്ര​മ​ല്ല പാ​വ ദ​മ്പ​തി​ക​ള്‍​ക്കൊ​പ്പം ഗ്രൂ​പ്പ് ഫോ​ട്ടോ​യും എ​ടു​ത്തു. പോ​രാ​ഞ്ഞി​ട്ട് ച​ട​ങ്ങി​ല്‍ പ​ങ്കെ​ടു​ത്ത നാ​ട്ടു​കാ​ര്‍​ക്കും പു​രോ​ഹി​ത​ന്‍​മാ​ര്‍​ക്കും വി​ഭ​വ​സ​മൃ​ദ്ധ​മാ​യ ഉ​ച്ച​ഭ​ക്ഷ​ണ​വും ഒരുക്കി.

പാ​വ​ക​ളു​ടെ ക​ല്യാ​ണം ന​ട​ത്തി​യാ​ല്‍ ഏ​ഴാം നാ​ള്‍ മ​ഴ​പെ​യ്യു​മെ​ന്നാ​ണ് ഇ​വി​ടു​ത്തു​കാ​രു​ടെ വി​ശ്വാ​സം. ഏ​താ​യാ​ലും ഈ ​സം​ഭ​വം നെ​റ്റി​സ​ണി​ല്‍ വൈ​റ​ലാ​യി. നി​ര​വ​ധി ക​മ​ന്‍റുക​ളും ല​ഭി​ച്ചു. "സം​ഭ​വം ശ​രി​യോ തെ​റ്റോ എ​ന്ന​റി​യി​ല്ല., പ​ക്ഷേ കൗ​തു​ക​മു​ണ്ട്.' എ​ന്നാ​ണൊ​രാ​ള്‍ കു​റി​ച്ച​ത്.