ന​മ്മു​ടെ നാ​ട്ടി​ലെ മു​ത്ത​ശി​മാ​രെ ക​ണ്ടാ​ൽ എ​ങ്ങ​നെ​യി​രി​ക്കും പ്രാ​യ​ത്തി​ന്‍റേ​താ​യ എ​ല്ലാ ബു​ദ്ധി​മു​ട്ടു​ക​ളും നേ​രി​ടു​ന്ന ശ​രീ​ര​ത്തി​ൽ ന​ര​യും ചു​ളി​വു​ക​ളു​മൊ​ക്കെ വീ​ണി​ട്ടു​ള്ള​വ​രാ​യി​രി​ക്കും. എ​ന്നാ​ൽ ചൈ​ന​യി​ൽ നി​ന്നു​ള്ള ഒ​രു മു​ത്ത​ശി​യെ ക​ണ്ടു ഞെ​ട്ടി​യി​രി​ക്കു​ക​യാ​ണ് സോ​ഷ്യ​ൽ മീ​ഡി​യ.
പ്രാ​യം വെ​റും മു​പ്പ​ത്തൊ​ന്പ​ത് ക​ണ്ടാ​ൽ കു​ഞ്ഞി​ന്‍റെ അ​മ്മ​യാ​ണെ​ന്നേ തോ​ന്നൂ.

ചൈ​ന​യി​ലെ വ​ട​ക്ക് കി​ഴ​ക്ക​ന്‍ പ്ര​വി​ശ്യ​യാ​യ അ​ന്‍​ഹു​യി​ലെ സു​ചൌ​വി​ല്‍ നി​ന്നു​ള്ള യു​വ​തി​യു​ടെ​യും പേ​ര​കു​ട്ടി​യു​ടെ​യും വീ​ഡി​യോ​യാ​ണ് ചൈ​നീ​സ് സ​മൂ​ഹ മാ​ധ്യ​മ​ങ്ങ​ളി​ല്‍ വൈ​റ​ലാ​യ​ത്. വീ​ഡി​യോ​യി​ല്‍‌ യു​വ​തി ത​ന്‍റെ പേ​ര​കു​ട്ടി​ക്ക് ഭ​ക്ഷ​ണം ന​ല്‍​കു​ക​യാ​ണ്. എ​ന്നാ​ൽ, വീ​ഡി​യോ​യി​ലു​ള്ള​ത് കു​ട്ടി​യു​ടെ അ​മ്മ​യ​ല്ലെ​ന്നും മു​ത്ത​ശ്ശി​യാ​ണെ​ന്നു​മു​ള്ള യാ​ഥാ​ര്‍​ത്ഥ്യം പ​ക്ഷേ, വീ​ഡി​യോ ക​ണ്ട​വ​രൊ​ന്നും അം​ഗീ​ക​രി​ക്കാ​ൻ ത​യ്യാ​റാ​യി​ട്ടി​ല്ല.

യു​വ​തി ജ​നി​ച്ച​ത് 1985 ലാ​ണെ​ന്ന് സൗ​ത്ത് ചൈ​ന മോ​ർ​ണിം​ഗ് പോ​സ്റ്റ് റി​പ്പോ​ര്‍​ട്ട് ചെ​യ്യു​ന്നു. അ​താ​യ​ത് യു​വ​തി​ക്ക് ഇ​പ്പോ​ൾ പ്രാ​യം 39 വ​യ​സ്. മു​ടി പോ​ണി​ടെ​യി​ല്‍ കെ​ട്ടി ചെ​റി​യ മേ​ക്ക​പ്പോ​ടെ യു​വ​ത്വം നി​റ​ഞ്ഞു നി​ൽ​ക്കു​ന്ന മു​ഖ​ഭാ​വ​ത്തോ​ടെ​യാ​ണ് യു​വ​തി ത​ന്‍റെ പേ​ര​കു​ട്ടി​യ്ക്ക് ചി​രി​ച്ച് കൊ​ണ്ട് ഭ​ക്ഷ​ണം ന​ല്‍​കു​ന്ന​ത്.


വീ​ഡി​യോ​യി​ല്‍ കു​ട്ടി​യെ​യും എ​ടു​ത്ത് വീ​ട്ടി​ലെ ജോ​ലി​ക​ൾ ചെ​യ്യു​ന്ന​തും കു​ട്ടി​യു​ടെ നാ​പ്കി​ന്‍ മാ​റ്റു​ന്ന​തും​കു​ഞ്ഞി​ന്‍റെ മ​റ്റ് ആ​വ​ശ്യ​ങ്ങ​ൾ​ക്കാ​യും ഭ​ക്ഷ​ണം ഉ​ണ്ടാ​ക്കാ​നാ​യും ഓ​ടി ന​ട​ക്കു​ന്ന യു​വ​തി​യെ കാ​ണാം.

യു​വ​തി​യു​ടെ ആ​ദ്യ പേ​ര​കു​ട്ടി​യാ​ണ് ചി​ത്ര​ത്തി​ലു​ള്ള​തെ​ന്നും സൗ​ത്ത് ചൈ​ന മോ​ർ​ണിം​ഗ് പോ​സ്റ്റ് റി​പ്പോ​ർ​ട്ട് സൂ​ചി​പ്പി​ക്കു​ന്നു. ഇ​തി​നി​ടെ യു​വ​തി​യു​ടെ മ​രു​മ​ക​ൾ വീ​ഡി​യോ​യി​ല്‍ പ്ര​ത്യ​ക്ഷ​പ്പെ​ടു​ന്നു​മു​ണ്ട്. ഇ​രു​വ​രു​ടെ​യും പ്രാ​യം എ​ത്ര​യാ​ണെ​ന്ന ചോ​ദ്യ​വു​മാ​യി നി​ര​വ​ധി ആ​ളു​ക​ളെ​ത്തി​യി​ട്ടു​ണ്ട്.