2032ൽ ​മാ​ര​ക​പ്ര​ഹ​ര​ശേ​ഷി​യു​ള്ള ഛിന്ന​ഗ്ര​ഹം ഭൂ​മി​യു​മാ​യി കൂ​ട്ടി​യി​ടി​ക്കാ​ൻ സാ​ധ്യ​ത​യു​ണ്ടെ​ന്നു നാ​സ​യി​ലെ ശാ​സ്ത്ര​ജ്ഞ​ർ. 2024 YR4 എ​ന്നു പേ​രി​ട്ട ഛിന്ന​ഗ്ര​ഹം ഭൂ​മി​യി​ൽ ഇ​ടി​ക്കാ​നു​ള്ള സാ​ധ്യ​ത ത​ള്ളി​ക്ക​ള​യാ​നാ​കി​ല്ലെ​ന്നും ശാ​സ്ത്ര​ലോ​ക​ത്തി​ന്‍റെ വെ​ളി​പ്പെ​ടു​ത്ത​ൽ. ഏ​ക​ദേ​ശം 130 മു​ത​ൽ 300 അ​ടി വ​രെ വ്യാ​സ​മു​ള്ള ഈ ഛി​ന്ന​ഗ്ര​ഹം ഭൂ​മി​യി​ൽ ഇ​ടി​ച്ചാ​ൽ, മ​നു​ഷ്യ​രാ​ശി​യു​ടെ വം​ശ​നാ​ശ​ത്തി​നു ഭീ​ഷ​ണി​യാ​കി​ല്ലെ​ങ്കി​ലും വ​ൻ നാ​ശ​ന​ഷ്ട​ത്തി​നു കാ​ര​ണ​മാ​യേ​ക്കാ​മെ​ന്നും ശാ​സ്ത്ര​ജ്ഞ​ർ മു​ന്ന​റി​യി​പ്പു ന​ൽ​കു​ന്നു.

ഒ​രു മ​ഹാ​ന​ഗ​രം വ​രെ ചാ​ന്പ​ലാ​ക്കാ​നു​ള്ള പ്ര​ഹ​ര​ശേ​ഷി ഛിന്ന​ഗ്ര​ഹ​ത്തി​നു​ണ്ട്. ഛിന്ന​ഗ്ര​ഹം ഇ​ടി​ക്കു​ന്ന​തി​ന്‍റെ ആ​ഘാ​തം എ​ട്ട് മെ​ഗാ​ട​ൺ TNTന് ​തു​ല്യ​മാ​യ ഊ​ർ​ജം പു​റ​പ്പെ​ടു​വി​ക്കും, അ​താ​യ​ത് ജ​പ്പാ​നി​ലെ ഹി​രോ​ഷി​മ​യെ ന​ശി​പ്പി​ച്ച അ​ണു​ബോം​ബി​നേ​ക്കാ​ൾ 500 ഇ​ര​ട്ടി പ്ര​ഹ​ര​ശേ​ഷി കൂ​ടു​ത​ൽ! 2032 ഡി​സം​ബ​ർ 22ന്, 2024 YR4 ​ഭൂ​മി​യി​ൽ ഇ​ടി​ക്കാ​നു​ള്ള സാ​ധ്യ​ത ഒ​രു ശ​ത​മാ​ന​ത്തി​ൽ കൂ​ടു​ത​ലാ​ണെ​ന്ന് ഗ​വേ​ഷ​ക​ർ അ​ഭി​പ്രാ​യ​പ്പെ​ടു​ന്നു.


ഭൂ​മി​യു​മാ​യി കൂ​ട്ടി​യി​ടി സം​ഭ​വി​ക്കി​ല്ലെ​ന്ന സാ​ധ്യ​ത​യാ​ണു കൂ​ടു​ത​ലെ​ങ്കി​ലും ഇ​പ്പോ​ഴു​ള്ള വി​ശ​ക​ല​ന​ത്തി​നു കാ​ല​ക്ര​മേ​ണ മാ​റ്റം സം​ഭ​വി​ക്കാ​നു​ള്ള സാ​ധ്യ​ത​യു​ണ്ടെ​ന്നും ഗ​വേ​ഷ​ക​ർ പ​റ​ഞ്ഞു. നി​ല​വി​ൽ, അ​റി​യ​പ്പെ​ടു​ന്ന മ​റ്റു വ​ലി​യ ഛിന്ന​ഗ്ര​ഹ​ങ്ങ​ൾ​ക്ക് ഒ​രു ശ​ത​മാ​ന​ത്തി​ൽ കൂ​ടു​ത​ൽ കൂ​ട്ടി​യി​ടി​ക്കാ​നു​ള്ള സാ​ധ്യ​ത​യി​ല്ലെ​ന്നും ഗ​വേ​ഷ​ക​ർ അ​ഭി​പ്രാ​യ​പ്പെ​ട്ടു.

2024 ഡി​സം​ബ​ർ 27ന്, ​നാ​സ​യു​ടെ ധ​ന​സ​ഹാ​യ​ത്തോ​ടെ ചി​ലി​യി​ൽ പ്ര​വ​ർ​ത്തി​ക്കു​ന്ന ആ​സ്ട്രോ​യി​ഡ് ടെ​റ​സ്‌​ട്രി​യ​ൽ ഇം​പാ​ക്‌​ട് ലേ​സ​ർ അ​ല​ർ​ട്ട് സി​സ്റ്റം സ്റ്റേ​ഷ​നി​ലെ ശാ​സ്ത്ര​ജ്ഞ​രാ​ണ് ഛിന്ന​ഗ്ര​ഹം ക​ണ്ടെ​ത്തി​യ​ത്.

ക​ഴി​ഞ്ഞ​വ​ർ​ഷം ഡി​സം​ബ​ർ 31ന് ​നാ​സ​യു​ടെ ഓ​ട്ടോ​മേ​റ്റ​ഡ് സെ​ൻ​ട്രി റി​സ്ക് പ​ട്ടി​ക​യി​ൽ ഇ​ടം നേ​ടി​യ​തോ​ടെ​യാ​ണ് ജ്യോ​തി​ശാ​സ്ത്ര​ജ്ഞ​രു​ടെ ശ്ര​ദ്ധ പി​ടി​ച്ചു​പ​റ്റി​യ​ത്. ഭാ​വി​യി​ൽ ഭൂ​മി​യി​ൽ ഇ​ടി​ക്കാ​ൻ പൂ​ജ്യം സാ​ധ്യ​ത​യി​ല്ലാ​ത്ത, ഭൂ​മി​ക്കു സ​മീ​പ​മു​ള്ള അ​റി​യ​പ്പെ​ടു​ന്ന എ​ല്ലാ ഛിന്ന​ഗ്ര​ഹ​ങ്ങ​ളും സെ​ൻ​ട്രി പ​ട്ടി​ക​യി​ൽ ഉ​ൾ​പ്പെ​ടു​ന്നു.