വി​ദേ​ശ​ത്തു​നി​ന്നും അ​ന​ധി​കൃ​ത​മാ​യി കൊ​ണ്ടു​വ​രു​ന്ന വ​സ്തു​ക​ൾ പി​ടി​കൂ​ടി കേ​സെ​ടു​ക്കു​ന്ന​ത് ക​സ്റ്റം​സി​നെ സം​ബ​ന്ധി​ച്ചി​ട​ത്തോ​ളം സ്വ​ഭാ​വി​ക ന​ട​പ​ടി​ക​ൾ മാ​ത്ര​മാ​ണ്. അ​ത്ത​ര​ത്തി​ൽ ക​ഴി​ഞ്ഞ ഞാ​യ​റാ​ഴ്ച കൊ​ച്ചി വി​മാ​ന​ത്താ​വ​ള​ത്തി​ലൂ​ടെ കൊ​ണ്ടു​വ​ന്ന അ​പൂ​ര്‍​വ​യി​നം പ​ക്ഷി​ക​ളെ പി​ടി​കൂ​ടി​യ ക​സ്റ്റം​സി​ന് പി​ന്നീ​ട് വ​ലി​യ ത​ല​വേ​ദ​ന​യാ​യി.

പ​ക്ഷി​ക​ളെ ജീ​വ​നോ​ടെ തി​രി​ച്ച​യ​ക്കു​ന്ന​താ​ണ് വ​ലി​യ ത​ല​വേ​ദ​ന സൃ​ഷ്ടി​ച്ച​ത്. ഇ​വ​യു​ടെ ഭ​ക്ഷ​ണ​വും ക​സ്റ്റം​സി​നെ വ​ട്ടം ക​റ​ക്കി. പി​ന്നീ​ട് പെ​റ്റ് ഷോ​പ്പ് ന​ട​ത്തു​ന്ന ഒ​രാ​ളെ വി​ളി​ച്ചു​വ​രു​ത്തി​യാ​ണ് ക​സ്റ്റം​സ് പ​ക്ഷി​ക​ളു​ടെ മെ​നു തി​ര​ക്കി. ഇ​യാ​ളു​ടെ നി​ർ​ദേ​ശ​പ്ര​കാ​രം പി​ന്നീ​ട് ഭ​ക്ഷ​ണ​പ​രീ​ക്ഷ​ണ​മാ​യി​രു​ന്നു.


പ​പ്പാ​യ​യും പൈ​നാ​പ്പി​ളും ജ്യൂ​സാ​ക്കി ന​ല്‍​കി​യാ​യി​രു​ന്നു ആ​ദ്യ പ​രീ​ക്ഷ​ണം. ചി​ല പ​ക്ഷി​ക​ള്‍ പൈ​നാ​പ്പിൾ ജ്യൂസിനോട് നോ പറഞ്ഞു. ചിലർ പ​പ്പാ​യ ജ്യൂ​സ് സ്വീ​ക​രി​ച്ചു.. ചി​ല​വ പ​ഴ​വും തി​ന​യു​മൊ​ക്കെ അകത്താക്കി.

24 മ​ണി​ക്കൂ​റി​ലേ​റെ നീ​ണ്ട പ​ക്ഷി പ​രി​പാ​ല​ന​ത്തി​നു​ശേ​ഷം 14 പ​ക്ഷി​ക​ളെ​യും ക​സ്റ്റം​സ് താ​യ്‌​ല​ൻഡി​ലേ​ക്ക് തി​രി​കെ വി​മാ​നം ക​യ​റ്റി. അ​വി​ടെ താ​യ്‌​ല​ൻ​ഡ് ആ​നി​മ​ല്‍ ക്വാ​റ​ന്‍റൈ​ൻ അ​തോ​റി​റ്റി പ​ക്ഷി​ക​ളെ ഏ​റ്റു​വാ​ങ്ങി.

ജീ​വ​നോ​ടെ പ​ക്ഷി​ക​ളെ തി​രി​കെ​യെ​ത്തി​ച്ച​തി​ന് ന​ന്ദി രേ​ഖ​പ്പെ​ടു​ത്തി അ​തോ​റി​റ്റി അ​യ​ച്ച സ​ന്ദേ​ശം കൈ​പ്പ​റ്റി​യ​തോ​ടെ​യാ​ണ് ഇ​വി​ടെ ക​സ്റ്റം​സി​ന് ശ്വാ​സം നേ​രേ​വീ​ണ​ത്.