ആ​ളു​ക​ള്‍ പ​ല ത​ര​ത്തി​ലു​ള്ള റി​ക്കാ​ര്‍​ഡു​ക​ള്‍ സ്വ​ന്ത​മാ​ക്കാ​റു​ണ്ട്. അ​വ​യി​ല്‍ പ​ല​തും പ​ല​രും തി​രു​ത്താ​റു​മു​ണ്ട്. എ​ന്നാ​ല്‍ ചി​ല നേ​ട്ട​ങ്ങ​ള്‍​ക്ക് അ​തി​ന്‍റേതാ​യ സ​വി​ശേ​ഷ​ത ഉ​ണ്ടാ​കും. അ​ത്ത​ര​മൊ​രു ഗി​ന്ന​സ് റി​ക്കാ​ര്‍​ഡി​ന്‍റെ കാ​ര്യ​മാ​ണി​ത്.

ഈ ​നേ​ട്ട​ത്തി​നു​ട​മ ഒ​രു ഇം​ഗ്ല​ണ്ടു​കാ​ര​നാ​ണ്. മാ​ര്‍​ക്ക് ഓ​വ​ന്‍ ഇ​വാ​ന്‍​സ്(49) എ​ന്ന ഇ​ദ്ദേ​ഹം തന്‍റെ മ​ക​ളു​ടെ പേ​ര് ശരീരത്തിൽ പ​തി​പ്പി​ച്ചാ​ണ് റി​ക്കാ​ര്‍​ഡ് തീ​ര്‍​ത്ത​ത്. ലൂ​സി എ​ന്നാ​യി​രു​ന്നു ഇ​ദ്ദേ​ഹ​ത്തി​ന്‍റെ ഏ​ഴു​വ​യ​സു​കാ​രി മ​ക​ളു​ടെ പേ​ര്.

667 ത​വ​ണ​യാ​ണ് ഇ​ദ്ദേ​ഹം ഈ ​പേ​ര് തന്‍റെ ശ​രീ​ര​ത്തി​ല്‍ പ​ച്ച​കു​​ത്തി​യ​ത്. 2017ല്‍ ​ആ​ണ് ആ​ദ്യം ഇ​ദ്ദേ​ഹം ഈ ​റി​ക്കാ​ര്‍​ഡ് ക​ര​സ്ഥ​മാ​ക്കി​യ​ത്. അ​ന്ന് 267 ത​വ​ണ മ​ക​ളു​ടെ പേ​ര് ഇ​ദ്ദേ​ഹം പ​ച്ച​കു​ത്തി.

എ​ന്നാ​ല്‍ ഈ ​റി​ക്കാ​ര്‍​ഡ് 2020ല്‍ ​ത​ക​ര്‍​ന്നു. അ​മേ​രി​ക്ക​ന്‍ യു​വ​തി​യാ​യ ഡീ​ദ്ര വി​ജി​ല്‍ ആ​ണ് ഇ​ത് ത​ക​ര്‍​ത്ത​ത്. 300 ത​വ​ണ​യാ​ണ് ഡീ​ദ്ര ശ​രീ​ര​ത്തി​ല്‍ തന്‍റെ പേ​ര് പ​ച്ച​കു​ത്തിയത്.


എന്നാൽ ഈ കി​രീ​ടം വീ​ണ്ടെ​ടു​ക്കാ​ന്‍ മാ​ര്‍​ക്ക് തീ​രു​മാ​നി​ക്കു​ക​യും ത​ന്‍റെ തു​ട​യി​ല്‍ പു​തി​യ ടാ​റ്റൂ​ക​ള്‍ ചെ​യ്യാ​ന്‍ തീ​രു​മാ​നി​ക്കു​ക​യും ചെ​യ്തു. മു​തു​കി​ല്‍ ഇ​ടം കു​റ​വാ​യ​തി​നാ​ലാണ് കാ​ലി​ലു​മാ​യി​ട്ട് ഈ ​പ​ച്ച​കു​ത്ത​ല്‍ പൂ​ര്‍​ത്തി​യാ​ക്കി​യ​ത്.

ര​ണ്ട് ടാ​റ്റൂ വി​ദ​ഗ്ധ​ര്‍ ആ​ണ് ഇ​തി​ന് പി​ന്നി​ല്‍ പ്ര​വ​ര്‍​ത്തി​ച്ച​ത്. അ​ഞ്ച​ര​മ​ണി​ക്കൂ​റി​ല്‍ അ​ധി​ക​മാ​ണ് ടാ​റ്റൂ​ക​ള്‍ പൂ​ര്‍​ത്തി​യാ​ക്കാ​ന്‍ വേ​ണ്ടി​വ​ന്ന​ത്. എ​ന്താ​യാ​ലും റി​ക്കാ​ര്‍​ഡ് തി​രി​ച്ചു​പി​ടി​ക്കാ​ന്‍ ക​ഴി​ഞ്ഞു എ​ന്ന സ​ന്തോ​ഷ​ത്തി​ലാ​ണ് മാ​ര്‍​ക്ക് ഓ​വ​ന്‍.