പൗ​രാ​ണി​ക​മാ​യി കാ​ത്തു​പോ​ന്ന​തും പി​ൽ​ക്കാ​ല​ത്ത് ന​ഷ്ട​പ്പെ​ട്ട​തു​മാ​യ വി​ശ്വാ​സ​പൈ​തൃ​ക​വും പാ​ര​ന്പ​ര്യ​വും ത​നി​മ​യും വീ​ണ്ടെ​ടു​ക്കാ​ൻ മാ​ർ​ത്തോ​മാ പൈ​തൃ​ക​മു​ള്ള വി​വി​ധ സ​ഭാ​വി​ശ്വാ​സി​ക​ളും നേ​തൃ​ത്വ​വും അ​ത്യ​ധി​കം ആ​ഗ്ര​ഹി​ച്ചി​രു​ന്ന​തി​ന്‍റെ ഫ​ല​മാ​ണ് 1984ൽ ​കേ​ര​ള​ത്തി​ലെ എ​പ്പി​സ്കോ​പ്പ​ൽ സ​ഭ​ക​ളു​ടെ നേ​തൃ​ത്വ​ത്തി​ൽ സം​സ്ഥാ​ന സ​ർ​ക്കാ​രി​ന്‍റെ അ​നു​മ​തി​യോ​ടെ നി​ല​യ്ക്ക​ലി​ൽ സെ​ന്‍റ് തോ​മ​സ് പള്ളിയും എ​ക്യു​മെ​നി​ക്ക​ൽ ട്ര​സ്റ്റും സ്ഥാ​പി​ത​മാ​യ​ത്.

നി​ല​യ്ക്ക​ൽ സെ​ന്‍റ് തോ​മ​സ് എ​ക്യു​മെ​നി​ക്ക​ൽ പള്ളിയും എ​ക്യു​മെ​നി​ക്ക​ൽ ട്ര​സ്റ്റും റൂ​ബി ജൂ​ബി​ലി​യി​ലേ​ക്ക്. ഭാ​ര​ത​ത്തി​ന്‍റെ അപ്പോസ്തല​നാ​യ വി​ശു​ദ്ധ തോ​മാ​ശ്ലീ​ഹ​യു​ടെ പാ​ദ​സ്പ​ർ​ശ​ന​ത്താ​ൽ അ​നു​ഗൃ​ഹീ​ത​മാ​യ നി​ല​യ്ക്ക​ലി​ന് ഇ​തു ധ​ന്യ​വേ​ള. വി​വി​ധ ദേ​ശ​ങ്ങ​ളി​ൽ സു​വി​ശേ​ഷം അ​റി​യി​ച്ച ക്രി​സ്തു​വി​ന്‍റെ പ​ന്ത്ര​ണ്ടു ശി​ഷ്യന്മാ​രി​ൽ ഒ​രു​വ​നാ​യ മാ​ർ​ തോ​മാ​ശ്ലീ​ഹ സ്ഥാ​പി​ച്ച ഏ​ഴ​ര പ​ള്ളി​ക​ളി​ലൊ​ന്നാ​ണ് നി​ല​യ്ക്ക​ൽ അ​ഥ​വാ ചാ​യ​ൽ.

നി​ല​യ്ക്ക​ൽ പ്ര​ദേ​ശം

പ​ത്ത​നം​തി​ട്ട ജി​ല്ല​യി​ലെ ഗൂ​ഡ്രി​ക്ക​ൽ ഫോ​റ​സ്റ്റ് റേ​ഞ്ചി​ൽ​പ്പെ​ടു​ന്ന നി​ല​യ്ക്ക​ൽ പ്ര​ദേ​ശം അ​ക്കാ​ല​ത്ത് വി​ക​സി​ത​മാ​യൊ​രു വാ​ണി​ജ്യന​ഗ​ര​വും വി​പ​ണ​ന​കേ​ന്ദ്ര​വു​മാ​യി​രു​ന്നു. പ​ല​വ്യ​ഞ്ജ​ന​ങ്ങ​ളും സു​ഗ​ന്ധ​ദ്ര​വ്യ​ങ്ങ​ളും മ​റ്റ് ഉ​ത്പ​ന്ന​ങ്ങ​ളും നി​ല​യ്ക്ക​ലി​ൽ​നി​ന്ന് ത​മി​ഴ്നാ​ട്ടി​ലെ തൂ​ത്തു​ക്കു​ടി, കാ​വേ​രി​ പ​ട്ട​ണം, കേ​ര​ള​ത്തി​ലെ പു​രാ​ത​ന തു​റ​മു​ഖ​ങ്ങ​ളാ​യ കൊ​ല്ലം, പു​റ​ക്കാ​ട്, നി​ര​ണം, ക​ട​പ്ര തു​ട​ങ്ങി​യ കേ​ന്ദ്ര​ങ്ങ​ളി​ലെ​ത്തി​ച്ചു വി​ദേ​ശ​ങ്ങ​ളി​ലേ​ക്ക് ക​യ​റ്റു​മ​തി ചെ​യ്തി​രു​ന്നു. വേ​ന്പ​നാ​ട്ട് കാ​യ​ലി​ൽ​നി​ന്നു പ​ന്പാ​ന​ദി അ​തി​രി​ടു​ന്ന നി​ല​യ്ക്ക​ലേ​ക്ക് ജ​ല​പാ​ത​യു​ണ്ടാ​യി​രു​ന്നു​വെ​ന്നാ​ണ് ച​രി​ത്രം.

പ​ലാ​യ​ന​ത്തി​ന്‍റെ ക​ഥ

പ​തി​ന്നാ​ലാം നൂ​റ്റാ​ണ്ടു​ വ​രെ സ​ജീ​വ ജ​ന​വാ​സ​മേ​ഖ​ല​യും വാ​ണി​ജ്യ​കേ​ന്ദ്ര​വു​മാ​യി​രു​ന്ന നി​ല​യ്ക്ക​ലി​ൽ കൊ​ള്ള​സം​ഘ​ങ്ങ​ളു​ടെ ആ​ക്ര​മ​ണ​ങ്ങ​ളും പ​ക​ർ​ച്ച​വ്യാ​ധി​ക​ളു​മു​ണ്ടാ​യ​തോ​ടെ ഇ​വി​ടെ അ​ധി​വ​സി​ച്ചി​രു​ന്ന ക്രൈ​സ്ത​വ​ർ മ​ധ്യ​കേ​ര​ള​ത്തി​ന്‍റെ വി​വി​ധ പ്ര​ദേ​ശ​ങ്ങ​ളി​ലേ​ക്കു പ​ലാ​യ​നം ചെ​യ്യു​ക​യും അ​വി​ട​ങ്ങ​ളി​ൽ ദേ​വാ​ല​യ​ങ്ങ​ൾ പ​ണി​ത് ക്രൈ​സ്ത​വസ​മൂ​ഹ​ങ്ങ​ളാ​യി വ​ള​രു​ക​യും ചെ​യ്തു.

കാ​ഞ്ഞി​ര​പ്പ​ള്ളി, അരുവിത്തുറ, ക​ട​ന്പ​നാ​ട്, ചെ​ങ്ങ​ന്നൂ​ർ, കോ​ഴ​ഞ്ചേ​രി, തു​ന്പ​മ​ണ്‍, പൂ​ഞ്ഞാ​ർ, പു​തു​പ്പ​ള്ളി, വ​ട​ശേ​രി​ക്ക​ര, എ​രു​മേ​ലി, റാ​ന്നി തു​ട​ങ്ങി​യ പ്ര​ദേ​ശ​ങ്ങ​ളി​ലേ​ക്കാ​യി​രു​ന്നു നി​ല​യ്ക്ക​ലി​ൽ​നി​ന്നു​ള്ള അ​ക്കാ​ല​ത്തെ പ​ലാ​യ​നം. നി​ല​യ്ക്ക​ൽ വ​ന​മേ​ഖ​ല​യി​ൽ ഇ​ക്കാ​ല​ത്തും പു​രാ​ത​ന നി​ർ​മി​തി​ക​ളു​ടെ​യും ക​ല്ല​റ​ക​ളു​ടെ​യും ശേ​ഷി​പ്പു​ക​ൾ അ​വ​ശേ​ഷി​ക്കു​ന്നു​ണ്ട്. ഈ ​പാ​ര​ന്പ​ര്യ​ത്തെ സ്ഥി​രീ​ക​രി​ക്കാ​ൻ ഈ ​പ്ര​ദേ​ശ​ത്തു പ​ഠ​ന​ങ്ങ​ളും പു​രാ​വ​സ്തു​വ​കു​പ്പി​ന്‍റെ ഗ​വേ​ഷ​ണ​ങ്ങ​ളും ന​ട​ത്തേ​ണ്ടി​യി​രി​ക്കു​ന്നു. വി​വി​ധ ആ​ദി​വാ​സി വി​ഭാ​ഗ​ങ്ങ​ൾ ഇ​ക്കാ​ല​ത്തും ഈ ​വ​നാ​ന്ത​ര​ങ്ങ​ളി​ൽ പാ​ർ​ക്കു​ന്നു​ണ്ട്.

എ​ക്യു​മെ​നി​ക്ക​ൽ പ​ള്ളി

പൗ​രാ​ണി​ക​മാ​യി കാ​ത്തു​പോ​ന്ന​തും പി​ൽ​ക്കാ​ല​ത്ത് ന​ഷ്ട​പ്പെ​ട്ട​തു​മാ​യ വി​ശ്വാ​സ​പൈ​തൃ​ക​വും പാ​ര​ന്പ​ര്യ​വും ത​നി​മ​യും വീ​ണ്ടെ​ടു​ക്കാ​ൻ മാ​ർ​ത്തോ​മാ പൈ​തൃ​ക​മു​ള്ള വി​വി​ധ സ​ഭാ​വി​ശ്വാ​സി​ക​ളും നേ​തൃ​ത്വ​വും അ​ത്യ​ധി​കം ആ​ഗ്ര​ഹി​ച്ചി​രു​ന്ന​തി​ന്‍റെ ഫ​ല​മാ​ണ് 1984ൽ ​കേ​ര​ള​ത്തി​ലെ എ​പ്പി​സ്കോ​പ്പ​ൽ സ​ഭ​ക​ളു​ടെ നേ​തൃ​ത്വ​ത്തി​ൽ സം​സ്ഥാ​ന സ​ർ​ക്കാ​രി​ന്‍റെ അ​നു​മ​തി​യോ​ടെ നി​ല​യ്ക്ക​ലി​ൽ സെ​ന്‍റ് തോ​മ​സ് പള്ളിയും എ​ക്യു​മെ​നി​ക്ക​ൽ ട്ര​സ്റ്റും സ്ഥാ​പി​ത​മാ​യ​ത്.

വി​വി​ധ എ​പ്പി​സ്കോ​പ്പ​ൽ സ​ഭാവി​ഭാ​ഗ​ങ്ങ​ളു​ടെ നി​യ​ന്ത്ര​ണ​ത്തി​ലു​ള്ള ആ​രാ​ധ​നാ​ല​യ​മാ​ണ് നി​ല​യ്ക്ക​ൽ സെ​ന്‍റ് തോ​മ​സ് എ​ക്യു​മെ​നി​ക്ക​ൽ പ​ള്ളി. ആ​ങ്ങ​മൂ​ഴി​ക്കും പ​ന്പ​യ്ക്കും തു​ലാ​പ്പ​ള്ളി​ക്കും സ​മീ​പ​മു​ള്ള ഈ ​ആ​രാ​ധ​നാ​ല​യ​ത്തെ ലോ​ക​ത്തി​ലെ​ത​ന്നെ ഏ​ക എ​ക്യു​മെ​നി​ക്ക​ൽ പള്ളി എ​ന്നു വി​ശേ​ഷി​പ്പി​ക്കാം. പ​ന്പ​യാ​റി​ന്‍റെ ജ​ല​സ​മൃ​ദ്ധി​യും പ​ന്പ​യു​ടെ കാ​ന​ന​ഭം​ഗി​യും പ്ര​ത്യേ​ക​മാ​യൊ​രു ആ​ത്മീ​യ ചൈ​ത​ന്യം പ​ക​ർ​ന്നു​ന​ൽ​കു​ന്നു.

എ​ല്ലാ​വ​രും ഒ​ന്നാ​കാ​ൻ

1983 മേ​യ് 19ന് ​നി​ല​യ്ക്ക​ലി​ൽ മാർ തോ​മാ​ശ്ലീ​ഹ​യു​ടെ നാ​മ​ത്തി​ൽ പള്ളി പ​ണി​യാ​ൻ സം​സ്ഥാ​ന സ​ർ​ക്കാ​ർ അ​നു​വ​ദി​ച്ചു. പ​ന്പ വ​ന​മേ​ഖ​ല​യി​ലെ ആ​ങ്ങാ​മൂ​ഴി​യി​ൽ സെ​പ്റ്റം​ബ​ർ 23ന് ​അ​ഞ്ച് എ​ക്ക​ർ 45 സെ​ന്‍റ് സ്ഥ​ലം അ​നു​യോ​ജ്യ​മാ​യ സ്ഥ​ലം നി​ശ്ച​യി​ക്കു​ക​യും ചെ​യ്തു.

കേ​ര​ള​ത്തി​ലെ ക​ത്തോ​ലി​ക്കാ സ​ഭ (സീ​റോ മ​ല​ബാ​ർ സ​ഭ, ല​ത്തീ​ൻ, മ​ല​ങ്ക​ര സു​റി​യാ​നി ക​ത്തോ​ലി​ക്കാ സ​ഭ, ക്നാ​നാ​യ കോ​ട്ട​യം അ​തി​രൂ​പ​ത), മ​ല​ങ്ക​ര ഓ​ർ​ത്ത​ഡോ​ക്സ്, മ​ല​ങ്ക​ര യാ​ക്കോ​ബാ​യ, ക്നാ​നാ​യ യാ​ക്കോ​ബാ​യ, മാ​ർ​ത്തോ​മ, സി​എ​സ്ഐ എ​ന്നീ ഒ​ൻ​പ​തു സ​ഭ​ക​ളു​ടെ കൂ​ട്ടാ​യ്മ​യി​ൽ സ്ഥാ​പി​ത​മാ​യ നി​ല​യ്ക്ക​ൽ എ​ക്യു​മെ​നി​ക്ക​ൽ ട്ര​സ്റ്റും എ​ക്യു​മെ​നി​ക്ക​ൽ പള്ളിയും ആ​ഗോ​ളസ​ഭാ എ​ക്യു​മെ​നി​സ​ത്തി​ന് എ​ക്കാ​ല​ത്തും മാ​തൃ​ക​യാ​ണ്. 1984ൽ ​നി​ർ​മി​ത​മാ​യ പള്ളി 2020ൽ ​ന​വീ​ക​രി​ച്ചു. എ​ല്ലാ​വ​രും ഒ​ന്നാ​യി​ത്തീ​ര​ണം (യോ​ഹ 17:21) എ​ന്ന​താ​ണ് ഈ ​സ​ഭാ ​സ​ഹോ​ദ​ര്യ കൂ​ട്ടാ​യ്മ​യു​ടെ ല​ക്ഷ്യം.

നി​ല​യ്ക്ക​ൽ എ​ക്യു​മെ​നി​ക്ക​ൽ ട്ര​സ്റ്റി​ന്‍റെ പ്ര​സി​ഡ​ന്‍റ്, വൈ​സ് പ്ര​സി​ഡ​ന്‍റ്, സെ​ക്ര​ട്ട​റി പ​ദ​വി​ക​ൾ ര​ണ്ടു വ​ർ​ഷം ചു​മ​ത​ല​യി​ൽ വി​വി​ധ സ​ഭ​ക​ളി​ലെ ബി​ഷ​പ്പു​മാ​ർ മാ​റി​മാ​റി നി​ർ​വ​ഹി​ക്കു​ന്നു. നി​ല​വി​ൽ പ്ര​സി​ഡ​ന്‍റാ​യി ഡോ. ​തെ​യോ​ഡോ​ഷ്യ​സ് മാ​ർ​ത്തോ​മാ മെ​ത്രാ​പ്പോ​ലീ​ത്ത​യും വൈ​സ് പ്ര​സി​ഡ​ന്‍റാ​യി ഡോ. ​ജോ​ഷ്വ മാ​ർ ഇ​ഗ്നാ​ത്തി​യോ​സും സെ​ക്ര​ട്ട​റി​യാ​യി റ​വ.​ഡോ. സാ​ബു കോ​ശി ചെ​റി​യാ​നും ചു​മ​ത​ല വ​ഹി​ക്കു​ന്നു. ഏ​ബ്ര​ഹാം ഇ​ട്ടി​ച്ചെ​റി​യ​യാ​ണ് ട്ര​ഷ​റ​ർ. ഫാ.​ബാ​ബു മൈ​ക്കി​ൾ ഒ​ഐ​സി​യാ​ണ് അ​ഡ്മി​നി​സ്ട്രേ​റ്റ​ർ.

ഉ​ദാ​ര​മ​തി​ക​ളു​ടെ സ​ഹാ​യ​ത്തോ​ടെ ഒ​ൻ​പ​തു സ​ഭ​ക​ൾ ചേ​ർ​ന്നു നി​ർ​മി​ച്ച​താ​ണ് നി​ല​യ്ക്ക​ൽ സെ​ന്‍റ് തോ​മ​സ് പ​ള്ളി. വി​വി​ധ സ​ഭാം​ഗ​ങ്ങ​ളു​ടെ പൊ​തു തീ​ർ​ഥാ​ട​ന​കേ​ന്ദ്ര​വു​മാ​ണ് പ​ന്പ​യു​ടെ ഹ​രി​താ​വ​ര​ണ​ത്ത​ിനു​ള്ളി​ൽ നി​ർ​മി​ത​മാ​യ ഈ ​പള്ളി. ക്രി​സ്തു​വി​ശ്വാ​സം പ​ക​ർ​ന്നുത​ന്ന പൂ​ർ​വ​പി​താ​വി​നെ​യും സ​ഭാ​പാ​ര​ന്പ​ര്യ​ത്തെ​യും അ​നു​സ്മ​രി​പ്പി​ക്കും വി​ധ​മാ​ണ് ഇ​വി​ട​ത്തെ നി​ർ​മി​തി​ക​ൾ. മാ​ർ​തോ​മ്മാ ക​ൽ​ക്കുരി​ശും മ​റ്റ് നി​ർ​മി​തി​ക​ളും ഭാ​ര​ത സ​ഭാ പാ​ര​ന്പ​ര്യ​ത്തി​നു മ​കു​ടം ചാ​ർ​ത്തു​ന്നു. ജൂ​ലൈ മൂ​ന്നി​ന് മാ​ർ​ത്തോ​മാ​ശ്ലീ​ഹ​യു​ടെ ദു​ക്റാ​ന തി​രു​നാ​ൾ ദി​വ​സം ഒ​ട്ടേ​റെ തീ​ർ​ഥാ​ട​ക​ർ ഇ​വി​ടെ സ​ന്ദ​ർ​ശ​നം ന​ട​ത്തി​വ​രു​ന്നു.

പള്ളിയോടു ചേ​ന്നു കോ​ണ്‍​ഫ​റ​ൻ​സു​ക​ൾ​ക്കും ധ്യാ​ന​ത്തി​നും ക്യാ​ന്പു​ക​ൾ​ക്കും അ​നു​യോ​ജ്യ​മാ​യ ഡ​യ​ലോ​ഗ് സെ​ന്‍റ​റും ഹാ​ളു​ക​ളും മു​റി​ക​ളും ഡോ​ർ​മ​റ്റ​റി​ക​ളും മെ​സ് ഹാ​ളും ഉ​ൾ​പ്പെ​ടെ ഇ​രു​ന്നൂ​റു പേ​ർ​ക്കു താ​മ​സ സൗ​ക​ര്യ​വുമു​ണ്ട്. കോ​വി​ഡ് മ​ഹാ​മാ​രി​യു​ടെ കാ​ല​ത്ത് ക്വാ​റ​ന്‍റൈ​ൻ സെ​ന്‍റ​റാ​യും ഈ ​മ​ന്ദി​ര​ങ്ങ​ൾ വി​ട്ടു​കൊ​ടു​ത്തി​രു​ന്നു. ഇ​ന്നു ര​ണ്ടി​നു നി​ല​യ്ക്ക​ൽ പള്ളിയി​ൽ ന​ട​ക്കു​ന്ന റൂ​ബി ജൂ​ബി​ലി ഉ​ദ്ഘാ​ട​ന​ത്തി​ലും പ്രാ​ർ​ഥ​നാ സ​മ്മേ​ള​ന​ത്തി​ലും മ​ത​മേ​ല​ധ്യ​ക്ഷ​ന്മാരും അ​ല്മാ​യ പ്ര​മു​ഖ​രും വി​ശ്വാ​സി​ക​ളും ഉ​ൾ​പ്പെ​ടെ ഒ​ട്ടേ​റെ​പ്പേ​ർ പ​ങ്കെ​ടു​ക്കും.

റെ​ജി ജോ​സ​ഫ്