ഇ​ക്കൊ​ല്ലം വീ​ടു മേ​യാ​ൻ സാ​ധി​ച്ചി​ല്ലെ​ന്നു പ​റ​യു​ന്ന​തു​ത​ന്നെ വീ​ട്ടു​കാ​ർ​ക്കു വ​ലി​യ കു​റ​ച്ചി​ലാ​യി​രു​ന്നു, സ​ങ്ക​ട​മാ​യി​രു​ന്നു. മ​ഴ​യ്ക്കു മു​ന്നേ വീ​ട് മേ​യ​ണം എ​ന്നു പ​റ​യു​ന്ന​ത് ഏ​വ​രു​ടെ​യും ക​രു​ത​ലാ​യി​രു​ന്നു. വീ​ടു മു​ഴു​വ​ൻ മേ​യാ​നു​ള്ള ഓ​ല​യി​ല്ലെ​ങ്കി​ൽ ന​ന​യാ​ൻ ഇ​ട​മു​ള്ള ഭാ​ഗ​മെ​ങ്കി​ലും ഓ​ല​ക്കീ​റു​ക​ൾ ചേ​ർ​ത്തു​കോ​ർ​ത്ത് മ​ഴ​ഭീ​തി ഒ​ഴി​വാ​ക്കു​ന്ന​വ​രാ​യി​രു​ന്നു പാ​വ​പ്പെ​ട്ട​വ​ർ.

കേ​രം തി​ങ്ങി വ​ള​ർ​ന്ന പ​ഴ​യ​കാ​ല​ത്ത് ഓ​ല​കൊ​ണ്ടു ജീ​വി​തം മെ​ട​ഞ്ഞി​രു​ന്ന​വ​രാ​യി​രു​ന്നു ഏ​റെ​പ്പേ​രും. വേ​ന​ലി​ലും മ​ഞ്ഞി​ലും മ​ഴ​യി​ലും എ​ല്ലാ​ത്ത​രം നി​ർ​മി​തി​ക​ളു​ടെ​യും മേ​ൽ​ക​വ​ചം തെ​ങ്ങോ​ല​യാ​യി​രു​ന്നു. വീ​ടു മാ​ത്ര​മ​ല്ല തൊ​ഴു​ത്തും വി​റ​കു​പു​ര​യു​മൊ​ക്കെ ഓ​ല​മേ​ഞ്ഞ​താ​യി​രു​ന്നു. ചാ​യ​പ്പീ​ടി​ക, സി​നി​മാ​കൊ​ട്ട​ക, റേ​ഷ​ൻ​ക​ട തു​ട​ങ്ങി സ​ർ​ക്കാ​ർ ഓ​ഫീ​സു​ക​ൾ​വ​രെ ഓ​ല​മേ​ഞ്ഞ നി​ർ​മി​തി​ക​ളാ​യി​രു​ന്നു.

ഓ​ല​യി​ല്ലാ​തെ ജീ​വി​ക്കാ​നാ​കാ​ത്ത​വ​രാ​യി​രു​ന്നു കേ​ര​ളീ​യ​ർ. അ​ടു​ക്ക​ള​യി​ൽ ഓ​ല​ക്കു​ട്ട​ക​ൾ. പ​റ​ന്പി​ൽ തെ​ങ്ങോ​ല വേ​ലി​ക​ൾ. കോ​ഴി​ക്കൂ​ടു​വ​രെ തെ​ങ്ങോ​ല കെ​ട്ടി​യു​ണ്ടാ​ക്കി​യ​ത്. ഉ​ണ​ങ്ങി​യ തെ​ങ്ങോ​ല കോ​തി​ക്കെ​ട്ടി അ​ടു​പ്പു ക​ത്തി​ച്ചി​രു​ന്ന കാ​ലം.

നാ​ടു പു​രോ​ഗ​മി​ച്ച​തോ​ടെ ഓ​ല ഒ​ന്നി​നും കൊ​ള്ളാ​ത്ത​താ​യി, ആ​ർ​ക്കും വേ​ണ്ടാ​താ​യി. മ​ണ്ണി​നു വ​ള​മാ​യി മാ​റു​ക​യ​ല്ലാ​തെ ചൂ​ലു​ണ്ടാ​ക്കാ​ൻ​പോ​ലും പു​തി​യ ത​ല​മു​റ​യ്ക്ക് തെ​ങ്ങോ​ല വേ​ണ്ട. അ​പൂ​ർ​വ​മാ​യി അ​ല​ങ്കാ​ര​ത്തി​നും പ​ര​സ്യം എ​ഴു​ത്തി​നു​മൊ​ക്കെ പ​ച്ച ഓ​ല​ക​ൾ ഇ​ക്കാ​ല​ത്ത് കാ​ണാ​നു​ണ്ടെ​ന്നു മാ​ത്രം.

നാ​ലു​വ​ശ​ങ്ങ​ളും മേ​ൽ​ക്കൂ​ര​യും ഓ​ല മേ​ഞ്ഞ വീ​ടു​ക​ളേ ഉ​ണ്ടാ​യി​രു​ന്നു ക​ഴി​ഞ്ഞ ത​ല​മു​റ​യി​ൽ. ഓ​ടും ഇ​ഷ്ടി​ക​യും കോ​ണ്‍​ക്രീ​റ്റും ആ​സ്ബ​റ്റോ​സു​മൊ​ക്കെ വ്യാ​പ​ക​മാ​യ​തോ​ടെ ഓ​ല പ​ഴ​മ​യു​ടെ അ​ട​യാ​ള​മാ​യി. മു​ൻ​പൊ​ക്കെ നാ​ട്ടു​ച​ന്ത​ക​ളി​ൽ മെ​ട​ഞ്ഞ ഓ​ല വി​ൽ​ക്കു​ന്ന ക​ട​ക​ളു​ണ്ടാ​യി​രു​ന്നു. ഗ്രാ​മ​ങ്ങ​ളി​ൽ ഓ​ല​ക്ക​ച്ച​വ​ട​ക്കാ​രു​മു​ണ്ടാ​യി​രു​ന്നു.

വെ​ള്ള​മോ നി​ഴ​ലോ ക​ട​ത്താ​ത്ത ഇ​ഴ​യ​ടു​പ്പ​ത്തി​ൽ ഓ​രോ ഓ​ല​ക്കാ​ലും എ​ങ്ങ​നെ​യാ​ണ് ചേ​ർ​ത്തും കോ​ർ​ത്തും മെ​ട​ഞ്ഞെ​ടു​ക്കു​ന്ന​തെ​ന്നോ അ​തി​ന്‍റെ ഉ​പ​യോ​ഗ​ങ്ങ​ൾ എ​ന്തൊ​ക്കെ​യാ​യി​രു​ന്നെ​ന്നോ പു​തി​യ ത​ല​മു​റ​ക്കാ​ർ​ക്ക് അ​റി​വി​ല്ല. ചെ​റി​യ വീ​ടു​ക​ൾ മു​ത​ൽ വ​ലി​യ എ​ട്ടു​കെ​ട്ടു​ക​ൾ​ക്കു​വ​രെ പ്രൗ​ഢി​യും ഗാം​ഭീ​ര്യ​വും ന​ല്കി​യി​രു​ന്ന​ത് വി​താ​നി​ക്കു​ന്ന മേ​ച്ചി​ൽ ഓ​ല​ക​ളാ​യി​രു​ന്നു.

മേ​ൽ​ക്കൂ​ര​യി​ൽ കോ​ടി​ക്ക​ഴു​ക്കോ​ലി​ന്‍റെ നീ​ള​മ​നു​സ​രി​ച്ച് പ​ട്ടി​ക​ക​ളി​ൽ മെ​ട​ഞ്ഞ ഓ​ല​ക​ൾ നി​ര​ത്തി അ​വ തീ​യി​ൽ വാ​ട്ടി​യെ​ടു​ത്ത പ​ച്ച ഓ​ല​ക്കാ​ലു​കൊ​ണ്ട് കെ​ട്ടി​ചേ​ർ​ത്താ​ൽ അ​തൊ​രാ​ണ്ടി​ലേ​ക്കു​ള്ള ക​വ​ച​മാ​ണ്. മേ​ൽ​ക്കൂ​ര മാ​ത്ര​മ​ല്ല വീ​ടു​ക​ളു​ടെ വ​ശ​ങ്ങ​ളി​ലെ മ​റ​ച്ചാ​ർ​ത്ത് മെ​ട​ഞ്ഞ ഓ​ല​ക​ളാ​യി​രു​ന്നു. മു​ള​യും ക​വു​ങ്ങും കീ​റി​യെ​ടു​ത്ത് മെ​ട​ഞ്ഞ ഓ​ല​ക​ൾ അ​ടു​ക്കി​ക്കെ​ട്ടി ബ​ല​പ്പെ​ടു​ത്തു​ന്ന ഭി​ത്തി​മ​റ.

പു​ര​കെ​ട്ട് ഏ​വ​രു​ടെ​യും ആ​വ​ശ്യ​വും ആ​ഘോ​ഷ​വു​മാ​യി​രു​ന്നു. കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും അ​ത് ഉ​ത്സ​വ​ദി​വ​സ​മാ​യി മാ​റും. ഒ​ന്നും ര​ണ്ടും ദി​വ​സം നീ​ളും പു​ര​കെ​ട്ട്. പു​ഴു​ക്കും പാ​യ​സ​വു​മൊ​ക്കെ ത​യാ​റാ​ക്കി​യും പ​ങ്കു​വ​ച്ചും അ​വി​സ്മ​ര​ണീ​യ​മാ​ക്കു​ന്ന ദി​വ​സം. ബ​ല​മാ​യും ഭം​ഗി​യാ​യും ഓ​ല​മേ​യാ​ൻ പു​ര​കെ​ട്ട് തൊ​ഴി​ലാ​ക്കി​യ വി​ദ​ഗ്ധ​രു​ണ്ടാ​യി​രു​ന്നു. പു​ര​യു​ടെ നീ​ള​വും വീ​തി​യും അ​നു​സ​രി​ച്ച് അ​നു​യോ​ജ്യ​മാ​യ ഓ​ല​ക​ൾ തെ​ര​ഞ്ഞു​കൊ​ടു​ക്കാ​നും വേ​ണ​മാ​യി​രു​ന്നു വൈ​ദ​ഗ്ധ്യം.

വീ​ടു​മേ​ച്ചി​ൽ

ഇ​ക്കൊ​ല്ലം വീ​ടു മേ​യാ​ൻ സാ​ധി​ച്ചി​ല്ലെ​ന്നു പ​റ​യു​ന്ന​തു​ത​ന്നെ വീ​ട്ടു​കാ​ർ​ക്കു വ​ലി​യ കു​റ​ച്ചി​ലാ​യി​രു​ന്നു, സ​ങ്ക​ട​മാ​യി​രു​ന്നു. മ​ഴ​യ്ക്കു മു​ന്നേ വീ​ട് മേ​യ​ണം എ​ന്നു പ​റ​യു​ന്ന​ത് ഏ​വ​രു​ടെ​യും ക​രു​ത​ലാ​യി​രു​ന്നു. വീ​ട് മു​ഴു​വ​ൻ മേ​യാ​നു​ള്ള ഓ​ല​യി​ല്ലെ​ങ്കി​ൽ ന​ന​യാ​ൻ ഇ​ട​മു​ള്ള ഭാ​ഗ​മെ​ങ്കി​ലും ഓ​ല​ക്കീ​റു​ക​ൾ ചേ​ർ​ത്തു​കോ​ർ​ത്ത് മ​ഴ​ഭീ​തി ഒ​ഴി​വാ​ക്കു​ന്ന​വ​രാ​യി​രു​ന്നു പാ​വ​പ്പെ​ട്ട​വ​ർ.

എ​ന്തൊ​രു സു​ഖ​മാ​യി​രു​ന്നു ഓ​ല​മേ​ഞ്ഞ വീ​ടി​നു​ള്ളി​ലെ ജീ​വി​തം. വേ​ന​ൽ​ക്കാ​ല​ത്തു കു​ളി​ർ​മ. മ​ഴ​ക്കാ​ല​ത്ത് നേ​രി​യ ചൂ​ട്. ശീ​ത​കാ​ല​ത്ത് ത​ണു​പ്പ് അ​രി​ച്ചു​ക​യ​റു​ക​യു​മി​ല്ല. ഉ​റ​പ്പി​നും ഉ​റ​ക്ക​ത്തി​നും ഓ​ല​പ്പു​ര എ​ന്നൊ​രു ചൊ​ല്ലു​ത​ന്നെ​യു​ണ്ടാ​യി​രു​ന്നു. ഇ​ക്കാ​ല​ത്തെ എ​യ​ർ​ക​ണ്ടീ​ഷ​നേ​ക്കാ​ൾ കു​ളി​ർ​മ പ​ക​രു​ന്ന അ​നു​ഭൂ​തി​യാ​യി​രു​ന്നു അ​ത്.

നാ​ളി​കേ​ര​വും നെ​ല്ലു​മാ​യി​രു​ന്ന​ല്ലോ പ​ഴ​മ​യു​ടെ കാ​ല​ത്ത് വീ​ടു​ക​ളി​ലെ പ്ര​ധാ​ന വ​രു​മാ​നം. എ​ന്നാ​ൽ ചി​ല​ർ​ക്കെ​ങ്കി​ലും തെ​ങ്ങോ​ല ര​ണ്ടാ​മ​ത്തെ വ​രു​മാ​ന​മാ​യി​രു​ന്നു. കേ​ടി​ല്ലാ​ത്ത തെ​ങ്ങും കേ​ടി​ല്ലാ​ത്ത ഓ​ല​യും ഒ​രു​പോ​ലെ നേ​ട്ട​മാ​യി​രു​ന്നു. നാ​ളി​കേ​രം വെ​ട്ടി​യി​ടു​ന്ന​തി​നൊ​പ്പം മൂ​പ്പെ​ത്തി​യ നാ​ല​ഞ്ച് ഓ​ല​ക​ളും വീ​ഴ്ത്തും. മ​ട​ലും തു​ഞ്ചാ​ണി​യും കോ​തി​മാ​റ്റി ശേ​ഷി​ക്കു​ന്ന ഓ​ല ന​ടു​വേ കീ​റി കെ​ട്ടു​ക​ളാ​ക്കി മൂ​ന്നു​നാ​ലു ദി​വ​സം വെ​ള്ള​ത്തി​ൽ ആ​ഴ്ത്തി​യി​ട്ട് കു​തി​ർ​ക്കും.

തി​രി​കെ​യെ​ടു​ത്ത് ഒ​ന്നു​ര​ണ്ടു ദി​വ​സം തോ​ർ​ന്ന​ശേ​ഷം ഓ​രോ ഓ​ല​ക്കാ​ലും ത​ല​ങ്ങും വി​ല​ങ്ങും വി​ട​ർ​ത്തി മ​ട​ക്കി​യൊ​തു​ക്കി കോ​ർ​ത്തെ​ടു​ക്കു​ന്ന മെ​ട​യ​ൽ ഏ​റെ​പ്പേ​രു​ടെ ഉ​പ​ജീ​വ​ന​മാ​യി​രു​ന്നു. മേ​യു​ന്ന​തി​നും ചു​വ​രു കെ​ട്ടു​ന്ന​തി​നും വേ​ലി​യു​ണ്ടാ​ക്കു​ന്ന​തി​നു​മൊ​ക്കെ പ്ര​ത്യേ​കം വ​ലു​പ്പ​ത്തി​ൽ ഓ​ല​ക​ൾ മെ​ട​ഞ്ഞെ​ടു​ക്കും.

തെ​ങ്ങി​ൻ​തോ​പ്പു​ക​ൾ​ക്ക് അ​തി​രി​ലെ തോ​ടു​ക​ളി​ലും കു​ള​ങ്ങ​ളി​ലും പു​ഴ​ക​ളി​ലും കു​തി​ർ​ത്ത​ശേ​ഷം ത​ണ​ൽ​പ​റ്റി നി​ര​യാ​യി​രു​ന്ന് സ്ത്രീ​ക​ൾ ഓ​ല മെ​ട​ഞ്ഞി​രു​ന്ന​ത് സ്ഥി​രം കാ​ഴ്ച​യാ​യി​രു​ന്നു. കൈ​വേ​ഗം അ​നു​സ​രി​ച്ചാ​യി​രു​ന്നു തൊ​ഴി​ലാ​ളി​ക​ൾ​ക്ക് വേ​ത​നം. എ​ത്ര ഓ​ല മെ​ട​യു​ന്നു​വോ അ​ത​നു​സ​രി​ച്ചാ​കും കൂ​ലി. ദി​വ​സം അ​ൻ​പ​ത് ഓ​ല​ക​ൾ​വ​രെ മെ​ട​യാ​ൻ കൈ​വേ​ഗ​വു​മു​ള്ള​വ​രു​ണ്ടാ​യി​രു​ന്നു. കു​ത്തി​യി​രു​ന്ന് പ​ക​ല​ന്തി​യോ​ളം ഏ​കാ​ഗ്ര​ത​യോ​ടെ ചെ​യ്യേ​ണ്ടി​യി​രു​ന്ന ക്ലേ​ശ​ക​ര​മാ​യ ജോ​ലി​യാ​യി​രു​ന്നു മെ​ട​ച്ചി​ൽ.

കു​നി​ഞ്ഞി​രു​ന്ന് ക​ഠി​ന​വേ​ല ചെ​യ്തി​രു​ന്ന ഇ​വ​രി​ൽ പ​ല​ർ​ക്കും വാ​ർ​ധ​ക്യ​ത്തി​ൽ കൂ​നു ബാ​ധി​ച്ചി​രു​ന്നു.മ​റ്റു ജോ​ലി​ക​ളി​ല്ലാ​തെ വ​രു​ന്പോ​ൾ ഇ​ട​വേ​ള​യാ​യി മെ​ട​ച്ചി​ൽ ജോ​ലി​ക്കു പോ​യി​രു​ന്ന​വ​രു​ണ്ട്. അ​ധി​ക​വേ​ത​ന​മെ​ന്നോ​ണം രാ​വി​ലെ​യും രാ​ത്രി​യി​ലും ഓ​ല മെ​ട​ഞ്ഞി​രു​ന്ന​വ​രു​മു​ണ്ട്. സ്ത്രീ​ക​ളു​ടെ കു​ത്ത​ക​യാ​യി​രു​ന്നു ഓ​ല​മെ​ട​യ​ലെ​ങ്കി​ലും അ​പൂ​ർ​വം ഇ​ട​ങ്ങ​ളി​ൽ പു​രു​ഷ​ൻ​മാ​രും ഈ ​തൊ​ഴി​ൽ ചെ​യ്തി​രു​ന്നു.

തെ​ങ്ങി​ൻ​തോ​പ്പി​ന്‍റെ ഉ​ട​മ ഓ​ല​വെ​ട്ടി തൊ​ഴി​ലാ​ളി​ക​ളെ വ​രു​ത്തി മെ​ട​ഞ്ഞ് വി​ൽ​ക്കു​ന്ന​താ​യി​രു​ന്നു അ​ക്കാ​ല​ത്ത് പ​തി​വ്. എ​ന്നാ​ൽ തെ​ങ്ങോ​ല വി​ല​യ്ക്കു വാ​ങ്ങി മെ​ട​ഞ്ഞു​വി​റ്റി​രു​ന്ന തൊ​ഴി​ലാ​ളി​ക​ളു​മു​ണ്ട്. വ​ല്ലം, കു​ട്ട, കൂ​ട, വ​ട്ടി തു​ട​ങ്ങി​യ തെ​ങ്ങോ​ല ഉ​ത്പ​ന്ന​ങ്ങ​ൾ നെ​യ്തെ​ടു​ക്കാ​ൻ പ്രാ​ഗ​ത്ഭ്യ​മു​ള്ള​വ​ർ സ്ത്രീ​ക​ളാ​യി​രു​ന്നു. ഓ​ണ​ക്കാ​ല​ത്ത് പൂ​ക്കൂ​ട​ക​ൾ നി​ർ​മി​ച്ചി​രു​ന്ന​ത് ത​ളി​രോ​ല​ക​ൾ​കൊ​ണ്ടാ​യി​രു​ന്നു.

പു​ര​ക​ൾ മേ​യു​ന്ന​ത് ഏ​റെ​യും വേ​ന​ൽ​ക്കാ​ല​ത്ത് ആ​യി​രു​ന്ന​തി​നാ​ൽ കാ​ല​വ​ർ​ഷം ക​ഴി​യു​ന്പോ​ൾ മെ​ട​ച്ചി​ൽ ആ​രം​ഭി​ക്കും. മെ​ട​ഞ്ഞ ഓ​ല​ക​ൾ ര​ണ്ടു​മൂ​ന്നു ദി​വ​സം വെ​യി​ലി​ൽ ഉ​ണ​ക്കി​യാ​ണ് അ​ടു​ക്കി സൂ​ക്ഷി​ക്കു​ക. ന​ന്നാ​യി സൂ​ക്ഷി​ച്ചാ​ൽ ഓ​ല ര​ണ്ടും മൂ​ന്നും വ​ർ​ഷം​വ​രെ കേ​ടു​കൂ​ടാ​തെ ഇ​രി​ക്കും.

പ​ണം ആ​വ​ശ്യ​മു​ള്ള​പ്പോ​ഴും ആ​വ​ശ്യ​ക്കാ​ർ വ​രു​ന്പോ​ഴും വി​ൽ​പ​ന​യ്ക്കു​ള്ള ക​രു​ത​ലാ​യി​രു​ന്നു മെ​ട​ഞ്ഞ ഓ​ല. മെ​ട​ഞ്ഞ ഓ​ല സൂ​ക്ഷി​ക്കാ​ൻ​മാ​ത്രം ഓ​ല​പ്പു​ര​ക​ളു​ള്ള സ​ന്പ​ന്ന​രു​മു​ണ്ടാ​യി​രു​ന്നു. ഇ​ട​നാ​ട്ടി​ൽ​നി​ന്നും തീ​ര​പ്ര​ദേ​ശ​ത്തു​നി​ന്നും മെ​ട​ഞ്ഞ ഓ​ല​ക​ൾ വ​ള്ള​ങ്ങ​ളി​ലും വ​ണ്ടി​ക​ളി​ലും വി​വി​ധ നാ​ടു​ക​ളി​ൽ വി​ൽ​പ​ന​യ്ക്ക് എ​ത്തി​ച്ചി​രു​ന്ന കാ​ല​മു​ണ്ട്. ച​ന്ത​ക​ൾ​ക്കു പു​റ​മേ പെ​രു​ന്നാ​ൾ, ഉ​ത്സ​വ സ്ഥ​ല​ങ്ങ​ളി​ലും ഓ​ല​വി​ൽ​പ​ന സ​ജീ​വ​മാ​യി​രു​ന്നു.

ഓ​ല​പ്പ​ന്ത​ൽ

വീ​ടും ചു​വ​രും മാ​ത്ര​മ​ല്ല പ​ന്ത​ലു​ക​ൾ മേ​ഞ്ഞി​രു​ന്ന​തും ഓ​ല​യി​ലാ​ണ്. ഇ​ക്കാ​ല​ത്ത് പ​ന്ത​ലു​ക​ളു​ടെ മു​ക​ളി​ൽ അ​ലൂ​മി​നി​യം ഷീ​റ്റു​ക​ളാ​ണ് വി​താ​നി​ക്കു​ന്ന​ത്. പ​ന്ത​ൽ നി​ർ​മാ​താ​ക്ക​ളു​ടെ ശേ​ഖ​ര​ത്തി​ൽ ആ​യി​ര​ക്ക​ണ​ക്കി​ന് ഓ​ല​ക​ളു​ണ്ടാ​കും. പ​ന്ത​ലു​കാ​ർ എ​ത്തു​ന്ന​തു​ത​ന്നെ ഓ​ല​ക്കെ​ട്ട് ത​ല​യി​ൽ ചു​മ​ന്നാ​ണ്. പ​ന്ത​ൽ അ​ഴി​ക്കു​ന്പോ​ൾ ഓ​ല​ക​ൾ അ​ടു​ക്കി​ക്കെ​ട്ടി​യാ​ണ് അ​വ​രു​ടെ മ​ട​ക്കം.

ആ​ദ്യ​കാ​ല​ങ്ങ​ളി​ൽ മാ​രാ​മ​ണ്‍ ക​ണ്‍​വ​ൻ​ഷ​നി​ലും വ​ലി​യ സ​മ്മേ​ള​ന​ങ്ങ​ളി​ലും ക​ലോ​ത്സ​വ​ങ്ങ​ളി​ലു​മൊ​ക്കെ പ​തി​നാ​യി​ര​ക്ക​ണ​ക്കി​ന് ഓ​ല​ക​ൾ​മേ​ഞ്ഞ പ​ന്ത​ലു​ക​ൾ നി​ർ​മി​ച്ചി​രു​ന്നു. തീ​പി​ടി​ത്തം ഒ​ഴി​വാ​ക്കാ​ൻ തൊ​ഴി​ലാ​ളി​ക​ൾ സ​ദാ വെ​ള്ള​വു​മാ​യി കാ​വ​ൽ നി​ൽ​ക്കു​ന്ന​തും പ​തി​വാ​യി​രു​ന്നു.

കാ​യ​ൽ രാ​ജാ​വ് ജോ​സ​ഫ് മു​രി​ക്ക​ൻ നെ​ൽ​കൃ​ഷി ന​ട​ത്താ​ൻ നി​ല​ങ്ങ​ൾ കു​ത്തി ഉ​യ​ർ​ത്തി​യ​പ്പോ​ൾ പു​റം​ബ​ണ്ടു​ക​ൾ ബ​ല​പ്പെ​ടു​ത്താ​ൻ തെ​ങ്ങി​ൻ കു​റ്റി​ക​ളോ​ടൊ​പ്പം ചേ​ർ​ത്ത് നി​ര​ത്തി​യ​ത് പ​ന​ന്പും മെ​ട​ഞ്ഞ ഓ​ല​ക​ളു​മാ​യി​രു​ന്നു എ​ന്ന​റി​യു​ന്പോ​ഴാ​ണ് തെ​ങ്ങോ​ല ക​രു​ത​ൽ മാ​ത്ര​മ​ല്ല ക​രു​ത്തും ന​ൽ​കു​മെ​ന്ന് തി​രി​ച്ച​റി​യു​ക. കു​ട്ട​നാ​ട്ടി​ൽ റാ​ണി, ചി​ത്തി​ര, മാ​ർ​ത്താ​ണ്ഡം കാ​യ​ലു​ക​ൾ കു​ത്തി​യെ​ടു​ത്ത​പ്പോ​ൾ പ​ല ദേ​ശ​ങ്ങ​ളി​ൽ​നി​ന്ന് നൂ​റു​ക​ണ​ക്കി​ന് വ​ള്ള​ങ്ങ​ളി​ലാ​ണ് മെ​ട​ഞ്ഞ ഓ​ല​യും പ​ന​ന്പും എ​ത്തി​ച്ച​ത്.

പൂ​ക്കൂ​ട മു​ത​ൽ ഇ​റ​ച്ചി​ക്കൂ​ട​വ​രെ തെ​ങ്ങോ​ല​യി​ൽ ഭം​ഗി​യാ​യി മെ​ന​ഞ്ഞെ​ടു​ക്കാം. ഓ​ണ​ക്കാ​ല​ത്ത് പൂ​ക്കു​ട്ട മെ​ട​ഞ്ഞു​വി​റ്റാ​ണ് തീ​ര​മേ​ഖ​ല​യി​ലെ സ്ത്രീ​ക​ൾ ഓ​ണം ഘോ​ഷി​ക്കാ​നു​ള്ള വ​ക ക​ണ്ടെ​ത്തി​യി​രു​ന്ന​ത്. പ്ലാ​സ്റ്റി​ക് ക്യാ​രി ബാ​ഗു​ക​ൾ വ്യാ​പ​ക​മാ​കു​ന്ന​തി​നു​മു​ൻ​പ് ഇ​റ​ച്ചി​യും മീ​നും മ​റ്റു സാ​ധ​ന​ങ്ങ​ളും വാ​ങ്ങി​ക്കൊ​ണ്ടു​വ​രാ​ൻ ഓ​ല​ക്കൂ​ട കൈ​യി​ൽ ക​രു​തി​യി​രു​ന്നു.

ച​തു​രാ​കൃ​തി​യി​ൽ നി​ർ​മി​ക്കു​ന്ന കു​ട്ട​യും അ​തി​നൊ​രു കൈ​പി​ടി​വ​ള്ളി​യു​മു​ണ്ടാ​കും. എ​ല്ലാ വീ​ടു​ക​ളി​ലും ക​ട​ക​ന്പോ​ള​ത്തി​ൽ പോ​യി വ​രാ​ൻ നാ​ല​ഞ്ച് കൂ​ട​ക​ൾ ക​രു​ത​ലാ​യു​ണ്ടാ​കും. ന​ന​യാ​തെ വ​ച്ചാ​ൽ ഒ​രാ​ണ്ടി​ലേ​റെ ഇ​ത് ഉ​പ​യോ​ഗി​ക്കാ​നാ​കും. ഉ​ണ​ക്ക​മീ​ൻ സൂ​ക്ഷി​ക്കു​ന്ന​തും ഇ​ത്ത​രം കൂ​ട​ക​ളി​ൽ​ത​ന്നെ.

കോ​ഴി​ക​ളെ വ​ള​ർ​ത്താ​നും മു​ട്ട സൂ​ക്ഷി​ക്കാ​നും അ​ട​വ​യ്ക്കാ​നു​മൊ​ക്കെ ഓ​ല​ക്കൂ​ട​ക​ൾ ഉ​പ​യോ​ഗി​ച്ചി​രു​ന്നു. മോ​ട്ടോ​ർ വാ​ഹ​ന​ങ്ങ​ൾ സാ​ധാ​ര​ണ​മാ​കു​ന്ന​തി​നു​മു​ൻ​പ് കാ​ള​വ​ണ്ടി​ക​ളു​ടെ കാ​ല​മാ​യി​രു​ന്ന​ല്ലോ. നാ​ട്ടി​ലും ന​ഗ​ര​ങ്ങ​ളു​മൊ​ക്കെ മ​ണി​കി​ലു​ക്കി പാ​യു​ന്ന കാ​ള​വ​ണ്ടി​ക​ൾ. കാ​ള​വ​ണ്ടി​ക​ളു​ടെ മു​ക​ളി​ലെ ത​ട്ടി എ​ന്ന വ​ള​ച്ചു​കെ​ട്ടി​നും മെ​ട​ഞ്ഞ ഓ​ല​ക​ളാ​യി​രു​ന്നു ഉ​പ​യോ​ഗി​ച്ചി​രു​ന്ന​ത്.

മ​ഴ​യെ​യും വെ​യി​ലി​നെ​യും പ്ര​തി​രോ​ധി​ക്കാ​നും സു​ഖ​ക​ര​മാ​യ അ​ന്ത​രീ​ക്ഷം പ്ര​ദാ​നം ചെ​യ്യാ​നും തെ​ങ്ങോ​ല​യ്ക്ക് ക​ഴി​യും. ഇ​ന്ന​ത്തെ ത​ല​മു​റ​ക്ക് കൈ​മോ​ശം വ​ന്നു​പോ​യ പ്ര​കൃ​തി​യു​ടെ വ​ര​ദാ​ന​മാ​യി​രു​ന്നു പോ​യ കാ​ല​ത്തെ ഓ​ല​സം​സ്കൃ​തി. ഇ​നി​യൊ​രി​ക്ക​ലും തി​രി​കെ വ​രാ​ത്ത അ​ക​ല​ത്തി​ലേ​ക്ക് തെ​ങ്ങോ​ല അ​ക​ന്നു​പോ​യി​രി​ക്കു​ന്നു. ഓ​ല വെ​ട്ടാ​നും മെ​ട​യാ​നും മേ​യാ​നും വാ​ങ്ങാ​നും ആ​ളി​ല്ലെ​ന്ന​തും മ​റ്റൊ​രു കാ​ര്യം.

ആ​ന്‍റ​ണി ആ​റി​ൽ​ചി​റ
ച​ന്പ​ക്കു​ളം