എം​ടി​യു​ടെ മൗ​നം വാ​ചാ​ല​മാ​വു​ന്ന​ത് അ​ക്ഷ​ര​ങ്ങ​ളെ വി​സ്മ​യ​മാ​ക്കു​ന്ന തൂ​ലി​ക​യി​ലൂ​ടെ​യാ​ണ്. അ​ന​ർ​ഗ​ള​മാ​യി ഒ​ഴു​കു​ന്ന നി​ളാ​ന​ദി​പോ​ലെ വ​ശ്യ​മാ​ണ് ഓ​രോ വാ​ക്കും പ്ര​യോ​ഗ​വും

എം​ടി എ​ന്ന ര​ണ്ട​ക്ഷ​രം ഒ​രു ക​ട​ലാ​ണ്. ഏ​ഴു പ​തി​റ്റാ​ണ്ടു​ക​ളാ​യി തി​ര​യ​ട​ങ്ങാ​ത്ത ക​ട​ൽ. ത​ല​മു​റ​ക​ൾ ഈ ​ക​ട​ലോ​ര​ത്ത് ആ​സ്വാ​ദ​ക​രാ​യി നി​ല​കൊ​ള്ളു​ന്നു. ക​ഥ​ക​ൾ, നോ​വ​ലു​ക​ൾ, തി​ര​ക്ക​ഥ​ക​ൾ എ​ന്നി​ങ്ങ​നെ ഓ​രോ തി​ര​യും ആ​സ്വാ​ദ​ക​ർ​ക്ക് നി​ധി​ക​ളെ സ​മ്മാ​നി​ക്കു​ന്നു.

കാ​ല​ത്തി​ന്‍റെ സ​ങ്കീ​ർ​ണ​ത​ക​ളും ജീ​വി​ത​ത്തി​ന്‍റെ സ​മ​സ്യ​ക​ളും ന​ക്ഷ​ത്ര​ശോ​ഭ​യു​ള്ള വാ​ക്കു​ക​ളി​ലൂ​ടെ എം​ടി കു​റി​ച്ചു. ഒ​പ്പം ഒ​ട്ടേ​റെ മി​ത്തു​ക​ളും ശൈ​ലി​ക​ളും മ​ല​യാ​ള​ത്തി​നു ക​ടം​ത​രി​ക​യും ചെ​യ്തു. ഈ ​ത​ല​മു​റ​യി​ലെ എ​ഴു​ത്ത​ച്ഛ​നാ​യ എം​ടി​യു​ടെ ഓ​രോ ക​ഥ​യും ആ​ത്മ​ക​ഥാം​ശ​മു​ള്ള ഓ​രോ സാ​ക്ഷ്യ​മാ​ണ്. നാ​യ​ർ​ത​റ​വാ​ടും ജ​ൻ​മി​ത്വ​വും മ​രു​മ​ക്ക​ത്താ​യ​വും പു​രാ​ണ​ങ്ങ​ളും സ്വ​ന്തം ഗ്രാ​മ​മാ​യ കൂ​ട​ല്ലൂ​രും ദേ​ശ​വാ​സി​ക​ളും നി​ള​യും ക​ണ്ണാ​ന്ത​ളി​പ്പൂ​ക്ക​ളും നീ​ല​ത്താ​മ​ര​യു​മൊ​ക്കെ ഈ ​ക​ഥ​ക​ൾ​ക്ക് ജീ​വ​ൻ പ​ക​ർ​ന്നു.

പു​ന്ന​യൂ​ർ​ക്കു​ളം ടി. ​നാ​രാ​യ​ണ​ൻ​നാ​യ​രു​ടെ​യും കൂ​ട​ല്ലൂ​ർ അ​മ്മാ​ളു​അ​മ്മ​യു​ടെ​യും നാ​ല് ആ​ണ്‍​മ​ക്ക​ളി​ൽ ഇ​ള​യ​വ​നാ​ണ് വാ​സു. ഒ​രു പു​ത്ത​നു​ടു​പ്പി​നു​വേ​ണ്ടി കൊ​തി​ച്ച ബാ​ല്യം. വീ​ട്ടി​ൽ വ​റു​തി ആ​വോ​ളം. കോ​പ്പ​ൻ​മാ​സ്റ്റ​റു​ടെ കു​ടി​പ്പ​ള്ളി​ക്കൂ​ട​ത്തി​ലേ​ക്കും മ​ല​മ​ക്കാ​വ് വി​ദ്യാ​ല​യ​ത്തി​ലേ​ക്കും പ​ല പ്ര​ഭാ​ത​ങ്ങ​ളി​ലും വ​യ​റെ​രി​ഞ്ഞാ​ണ് പോ​യി​രു​ന്ന​ത്.

ദു​രി​ത​പാ​ത​ക​ൾ ​ഏ​റെ താ​ണ്ടി​യാ​ണ് എം​ടി ബി​രു​ദം​വ​രെ പ​ഠി​ച്ച​ത്. ചെ​റു​പ്പ​ത്തി​ലേ തു​ട​ങ്ങി എ​ഴു​ത്ത്. ആ​ദ്യ​നോ​വ​ലി​നു കേ​ര​ള​സാ​ഹി​ത്യ അ​ക്കാ​ദ​മി അ​വാ​ർ​ഡ്. അ​തും ഇ​രു​പ​ത്തി​നാ​ലാം വ​യ​സി​ൽ. ആ​ദ്യ സി​നി​മ​യ്ക്ക് രാ​ഷ്‌​ട്ര​പ​തി​യു​ടെ സ്വ​ർ​ണ്ണ​പ്പ​ത​ക്കം. ഓ​രോ അ​ക്ഷ​ര​വും കാ​ച്ചി​മി​നു​ക്കി പൊ​ന്നാ​ക്കി​യ പെ​രു​ന്ത​ച്ച​നാ​ണ് ജ്ഞാ​ന​പീ​ഠ​ത്താ​ൽ ആ​ദ​രി​ക്ക​പ്പെ​ട്ട പ​ത്മ​വി​ഭൂ​ഷ​ണ്‍ മാ​ട​ത്ത് തെ​ക്കേ​പ്പാ​ട്ട് വാ​സു​ദേ​വ​ൻ​നാ​യ​ർ എ​ന്ന എം​ടി.

പാ​ല​ക്കാ​ട് വി​ക്ടോ​റി​യ കോ​ള​ജി​ൽ ര​സ​ത​ന്ത്ര ബി​രു​ദ​ത്തി​നു പ​ഠി​ക്കു​ന്പോ​ൾ ര​ക്തം പു​ര​ണ്ട മ​ണ്‍​ത​രി​ക​ൾ എ​ന്ന ആ​ദ്യ ക​ഥാ​സ​മാ​ഹാ​രം പു​റ​ത്തി​റ​ങ്ങി. 1954ൽ ​മാ​തൃ​ഭൂ​മി​യു​ടെ ചെ​റു​ക​ഥാ​മ​ത്സ​ര​ത്തി​ൽ എം​ടി എ​ഴു​തി​യ വ​ള​ർ​ത്തു​മൃ​ഗ​ങ്ങ​ൾ ഒ​ന്നാം സ്ഥാ​നം നേ​ടി.

ഖ​ണ്ഡ​ശഃ പു​റ​ത്തു​വ​ന്ന പാ​തി​രാ​വും പ​ക​ൽ​വെ​ളി​ച്ച​വു​മാ​ണ് ആ​ദ്യ​നോ​വ​ൽ. ആ​ദ്യ​മാ​യി പു​സ്ത​ക​രൂ​പ​ത്തി​ൽ പ്ര​സി​ദ്ധീ​ക​രി​ച്ച നോ​വ​ലാ​ണ് കേ​ര​ള സാ​ഹി​ത്യ അ​ക്കാ​ദ​മി പു​ര​സ്കാ​ര​ത്തി​ന് അ​ർ​ഹ​മാ​യ നാ​ലു​കെ​ട്ട്. സ്വ​ർ​ഗം തു​റ​ക്കു​ന്ന സ​മ​യം, ഗോ​പു​ര​ന​ട​യി​ൽ എ​ന്നീ കൃ​തി​ക​ൾ​ക്കും പി​ൽ​ക്കാ​ല​ത്തു കേ​ര​ള സാ​ഹി​ത്യ അ​ക്കാ​ദ​മി അ​വാ​ർ​ഡു​ക​ൾ ല​ഭി​ച്ചി​ട്ടു​ണ്ട്.

വാ​യ​നാ​ലോ​ക​ത്തെ ത്ര​സി​പ്പി​ക്കു​ക​യും വി​സ്മ​യി​പ്പി​ക്കു​ക​യും ചെ​യ്ത കാ​ലാ​തി​വ​ർ​ത്തി​യാ​യ എ​ത്ര​യെ​ത്ര നോ​വ​ലു​ക​ൾ. മ​ഞ്ഞ്, കാ​ലം, നാ​ലു​കെ​ട്ട്, അ​സു​ര​വി​ത്ത്, വി​ലാ​പ​യാ​ത്ര, പാ​തി​രാ​വും പ​ക​ൽ വെ​ളി​ച്ച​വും, ര​ണ്ടാ​മൂ​ഴം, വാ​ര​ണാ​സി.... വാ​യ​ന​ക്കാ​ർ നെ​ഞ്ചോ​ടു ചേ​ർ​ത്ത ചെ​റു​ക​ഥ​ക​ളും നോ​വ​ലു​ക​ളും നോ​വ​ലെ​റ്റു​ക​ളും.

ജീ​വി​ക്കാ​ൻ ഒ​രു ജോ​ലി എ​ന്ന​താ​യി​രു​ന്നു ചെ​റു​പ്പ​ത്തി​ൽ എം​ടി​യു​ടെ ല​ക്ഷ്യ​വും സ്വ​പ്ന​വും. ബി​രു​ദ​ശേ​ഷം പ​ട്ടാ​ന്പി, ചാ​വ​ക്കാ​ട് സ്കൂ​ളു​ക​ളി​ൽ ക​ണ​ക്കു​മാ​ഷാ​യും പാ​ല​ക്കാ​ട് എം.​ബി. ട്യൂ​ട്ടോ​റി​യ​ലി​ൽ അ​ധ്യാ​പ​ക​നാ​യും ത​ളി​പ്പ​റ​ന്പി​ൽ ഗ്രാ​മ​സേ​വ​ക​നാ​യും ജോ​ലി​നോ​ക്കി​യ കാ​ലം എം​ടി​ക്കു​ണ്ട്. അ​ക്ഷ​ര​പ്ര​ണ​യ​ത്തി​ന്‍റെ ജ്വ​ലി​ക്കു​ന്ന തീ​ക്ഷ്ണ​ത​യി​ൽ 1957ൽ ​മാ​തൃ​ഭൂ​മി​യി​ൽ എ​ഡി​റ്റ​റാ​യി വാ​യ​ന​യു​ടെ വാ​താ​യ​ന​ങ്ങ​ൾ ക​ട​ന്ന് എ​ഴു​ത്തു​മേ​ശ​യി​ൽ ര​ച​നാ​ലോ​കം സൃ​ഷ്ടി​ച്ചു.

മാ​ട​ത്ത് തെ​ക്കെ​പ്പാ​ട്ട് ത​റ​വാ​ടും ഭാ​ര​ത​പ്പു​ഴ​യോ​ര​ത്തെ ചെ​റി​യ ലോ​ക​വു​മൊ​ക്കെ എം​ടി​ക്ക് ക​ഥ​ക​ളും ക​ഥാ​പാ​ത്ര​ങ്ങ​ളു​മാ​യി.

നാ​ലു​കെ​ട്ടി​ലെ അ​പ്പു​ണ്ണി​യെ ഓ​ർ​മി​ക്കു​ന്നി​ല്ലേ. ഇ​ടു​ങ്ങി​യ ഇ​ട​നാ​ഴി​യു​ടെ ന​ടു​വി​ൽ മ​ച്ച്. ചി​ത്ര​പ്പ​ണി​ക​ളു​ള്ള ക​ട്ടി​ള​യും വാ​തി​ലും. ത​റ​വാ​ടി​ന്‍റെ തെ​ക്ക് ഇ​ല്ല​പ്പ​റ​ന്പും വ​ട​ക്ക് വ​ട​ക്കേ​തി​ൽ വീ​ടും. ഭ്രാ​ന്ത​ൻ വേ​ലാ​യു​ധ​നും കു​ട്ട്യേ​ട​ത്തി​യും.....

അ​ഗ്നി​പ​ർ​വ​തം​പോ​ലെ അ​ശാ​ന്ത​മാ​യ മ​ന​സ്. പാ​ര​ന്പ​ര്യ​ങ്ങ​ളെ ഉ​ഴു​തു​മ​റി​ച്ച ഭാ​ഷ. കാ​ച്ചി​ക്കു​റു​ക്കി​യ വ​ള്ളു​വ​നാ​ട​ൻ ഭാ​ഷാ​പ്ര​യോ​ഗ​ങ്ങ​ൾ. വ​ലി​യ അ​ർ​ഥ​ത​ല​ങ്ങ​ളു​ള്ള ചെ​റി​യ വാ​ക്കു​ക​ൾ. എം​ടി എ​ഴു​ത്തി​ലും പ്ര​യോ​ഗ​ത്തി​ലും എ​ന്നും വ്യ​ത്യ​സ്ത​നാ​ണ്.

ശ​ത്രു​വി​നോ​ട് ദ​യ കാ​ട്ട​രു​ത്. ദ​യ​യി​ൽ​നി​ന്നും കൂ​ടു​ത​ൽ ക​രു​ത്തു​നേ​ടി​യ ശ​ത്രു വീ​ണ്ടും നേ​രി​ടു​ന്പോ​ൾ അ​ജ​യ്യ​നാ​വും. അ​താ​ണ് ഞ​ങ്ങ​ളു​ടെ നി​യ​മം. മൃ​ഗ​ത്തെ വി​ട്ടു​ക​ള​യാം. മ​നു​ഷ്യ​നു ര​ണ്ടാ​മൊ​തൊ​ര​വ​സ​രം കൊ​ടു​ക്ക​രു​ത്. എം​ടി​യു​ടെ മാ​സ്റ്റ​ർ​പീ​സാ​യ ര​ണ്ടാ​മൂ​ഴ​ത്തി​ലെ വ​രി​ക​ൾ. മ​ഹാ​ഭാ​ര​ത​ക​ഥ​യി​ൽ​നി​ന്നു വേ​റി​ട്ട് ഭീ​മ​ന് നാ​യ​ക​വേ​ഷം ക​ൽ​പ്പി​ച്ചു കൊ​ടു​ത്ത ര​ണ്ടാ​മൂ​ഴം.

ഒ​രു ജ​ന്മം മു​ഴു​വ​ൻ ര​ണ്ടാ​മൂ​ഴ​ത്തി​നാ​യി കാ​ത്തു​നി​ന്ന ഭീ​മ​ൻ. ചൂ​തു​ക​ളി​ച്ച് മ​ണ്ണും പെ​ണ്ണും ന​ഷ്ട​പ്പെ​ടു​ത്തി​യ യു​ധി​ഷ്ഠി​ര​ന്‍റെ​യും വി​ല്ലാ​ളി​വീ​ര​നാ​യ അ​ർ​ജു​ന​ന്‍റെ​യും നി​ഴ​ലി​ൽ നാ​യ​ക​ത്വം ന​ഷ്ട​പ്പെ​ട്ട ഭീ​മ​ൻ.

1977ലെ ​ന​വം​ബ​റി​ൽ മ​ര​ണം സ​മീ​പ​ത്തെ​ത്തി പി​ൻ​മാ​റി​യെ​ന്നും അ​തി​നു​ശേ​ഷം എ​ഴു​തി പൂ​ർ​ത്തി​യാ​ക്കി​യ​താ​ണ് ര​ണ്ടാ​മൂ​ഴ​മെ​ന്നും എം​ടി പ​റ​യു​ന്നു. ആ ​ര​ണ്ടാ​മൂ​ഴ​ത്തി​ൽ സ​ർ​ഗാ​ത്മ​ക​ത​യു​ടെ ഈ​റ്റു​നോ​വ് ഏ​റെ അ​നു​ഭ​വി​ച്ചെ​ഴു​തി​യ​തി​നാ​ലാ​വും മ​ല​യാ​ള​ത്തി​ലെ ഒ​ന്നാം​നി​ര കൃ​തി​യാ​യി ര​ണ്ടാ​മൂ​ഴം നി​ല​കൊ​ണ്ട​ത്. തൊ​ണ്ണൂ​റു​ക​ളി​ലാ​ണ് വാ​ര​ണാ​സി പു​റ​ത്തി​റ​ങ്ങി​യ​ത്.

എം​ടി​യു​ടെ മൗ​നം വാ​ചാ​ല​മാ​വു​ന്ന​ത് അ​ക്ഷ​ര​ങ്ങ​ളെ വി​സ്മ​യ​മാ​ക്കു​ന്ന തൂ​ലി​ക​യി​ലൂ​ടെ​യാ​ണ്. അ​ന​ർ​ഗ​ള​മാ​യി ഒ​ഴു​കു​ന്ന നി​ളാ​ന​ദി​പോ​ലെ വ​ശ്യ​മാ​ണ് വാ​ക്കും പ്ര​യോ​ഗ​വും. മ​ര​ണ​ത്തി​ന് എം​ടി ന​ൽ​കി​യ നി​ർ​വ​ച​ന​മാ​ണ​ല്ലോ രം​ഗ​ബോ​ധ​മി​ല്ലാ​ത്ത കോ​മാ​ളി​യെ​ന്ന​ത്. വാ​ക്കു​ക​ളു​ടെ പ്ര​വാ​ഹം, ആ​ശ​യ​ങ്ങ​ളു​ടെ ലാ​ളി​ത്യം, ഭാ​ഷ​യു​ടെ സൗ​ന്ദ​ര്യം എ​ന്നി​വ​യാ​ണ് ഓ​രോ വ​രി​ക​ളു​ടെ​യും ത​നി​മ. ത​ല​മു​റ​ക​ൾ ആ​വ​ർ​ത്തി​ച്ചു വാ​യി​ച്ചി​ട്ടും മു​ഷി​യു​ന്നി​ല്ല എം​ടി​യെ​ന്ന എ​ഴു​ത്തു​കാ​ര​നെ.

സാ​ഹി​ത്യം​പോ​ലെ വി​സ്മ​യ​മാ​ണ് എം​ടി​യു​ടെ സി​നി​മാ​ലോ​ക​വും. മു​റ​പ്പെ​ണ്ണി​ന് തി​ര​ക്ക​ഥ​യെ​ഴു​തി​യാ​ണ് എം​ടി ച​ല​ച്ചി​ത്ര​ലോ​ക​ത്തു കൈ​വ​ച്ച​ത്.

1973ൽ ​ആ​ദ്യ​മാ​യി സം​വി​ധാ​നം ചെ​യ്ത നി​ർ​മാ​ല്യം രാ​ഷ്‌​ട്ര​പ​തി​യു​ടെ സ്വ​ർ​ണ്ണ​പ്പ​ത​ക്കം നേ​ടി. അ​റു​പ​തി​ലേ​റെ തി​ര​ക്ക​ഥ​ക​ളെ​ഴു​തി​യ എം​ടി നാ​ലു ദേ​ശീ​യ ച​ല​ച്ചി​ത്ര പു​ര​സ്കാ​ര​ങ്ങ​ൾ​ക്കും അ​ർ​ഹ​നാ​യി.

ഏ​തു ത​ര​ത്തി​ലു​ള്ള വാ​യ​ന​ക്കാ​ര​നും എം​ടി​യി​ലേ​ക്ക് ഒ​രു പാ​ല​മു​ണ്ടെ​ന്ന​താ​ണ് മാ​ന്ത്രി​ക​ത​യു​ള്ള എ​ഴു​ത്തി​ന്‍റെ പൊ​രു​ൾ.

വി​സ്തൃ​ത​മാ​ണ് ഇ​ദ്ദേ​ഹ​ത്തി​ന്‍റെ ര​ച​നാ​ലോ​കം. ചെ​റു​ക​ഥ, നോ​വ​ൽ, തി​ര​ക്ക​ഥ, നാ​ട​കം, ഉ​പ​ന്യാ​സം, പ​ഠ​നം, യാ​ത്രാ​വി​വ​ര​ണം, ഓ​ർ​മ​ക്കു​റി​പ്പു​ക​ൾ...
എ​ന്തെ​ഴു​തി​യാ​ലും അ​ക്ഷ​ര​ങ്ങ​ളി​ലും ആ​ശ​യ​ങ്ങ​ളി​ലും മാ​രി​വി​ല്ല് തെ​ളി​യി​ക്കാ​നാ​കു​ന്ന പ്ര​തി​ഭ​യും പ്ര​തി​ഭാ​സ​വു​മാ​ണ് സാ​ഹി​ത്യ ലോ​ക​ത്തെ പെ​രു​ന്ത​ച്ച​നാ​യ എം​ടി വാ​സു​ദേ​വ​ൻ​നാ​യ​ർ.

കൂ​ട​ല്ലൂ​രും ക​ഥ​ക​ളും

കൂ​ട​ല്ലൂ​ർ ഗ്രാ​മം എം​ടി വാ​സു​ദേ​വ​ൻ​നാ​യ​ർ​ക്കു സ​മ്മാ​നി​ച്ച ക​ഥ​ക​ളും ക​ഥാ​പാ​ത്ര​ങ്ങ​ളും എ​റെ​യാ​ണ്. വീ​ട്ടു​മൊ​ഴി​ക​ളും നാ​ട്ടു​വ​ഴി​ക​ളു​മൊ​ക്കെ നി​റ​ഞ്ഞ​താ​ണ് എം​ടി​യു​ടെ ക​ഥാ​പ്ര​പ​ഞ്ചം. ഓ​പ്പോ​ളും ഇ​രു​ട്ടി​ന്‍റെ ആ​ത്മാ​വും ഓ​ള​വും തീ​ര​വും നാ​ലു​കെ​ട്ടും പി​റ​വി​യെ​ടു​ത്ത ഭൂ​മി​ക​യു​ടെ കേ​ന്ദ്രം. ഇ​വി​ടെ​യാ​ണ് തൂ​ത​പ്പു​ഴ​യും കു​ന്തി​പ്പു​ഴ​യും സം​ഗ​മി​ക്കു​ന്ന​ത്.

കൊ​യ്യു​ന്തോ​റും ക​തി​രി​ടു​ന്ന വ​യ​ൽ​പോ​ലെ എം​ടി​യു​ടെ വി​ര​ലു​ക​ളി​ൽ ക​ഥ​ക​ൾ പൊ​ലി​ച്ചു​വ​ന്നു. എ​ഴു​ത്തു​പു​ര​യി​ൽ കാ​ലം അ​ട​യാ​ള​പ്പെ​ടു​ത്തി​യ ക​ഥാ​പാ​ത്ര​ങ്ങ​ളാ​യി അ​വ പി​റ​വി​കൊ​ണ്ടു. അ​ക്ഷ​ര​പ്പാ​ട​ങ്ങ​ളി​ൽ എം​ടി കൊ​യ്ത​തൊ​ന്നും പ​തി​രാ​യി​രു​ന്നി​ല്ല, ക​തി​രാ​യി​രു​ന്നു.

എം​ടി ഒ​രി​ക്ക​ൽ എ​ഴു​തി: “എ​ന്‍റെ സാ​ഹി​ത്യ​ജീ​വി​ത​ത്തി​ൽ മ​റ്റെ​ന്തി​നേ​ക്കാ​ളും ഞാ​ൻ ക​ട​പ്പെ​ട്ടി​രി​ക്കു​ന്ന​ത് കൂ​ട​ല്ലൂ​രി​നോ​ടാ​ണ്. വേ​ലാ​യു​ധേ​ട്ട​ന്‍റെ​യും ഗോ​വി​ന്ദ​ൻ​കു​ട്ടി​യു​ടെ​യും പ​കി​ട​ക​ളി​ക്കാ​ര​ൻ കോ​ന്തു​ണ്ണി അ​മ്മാ​മ​യു​ടെ​യും കാ​തു​മു​റി​ച്ച മീ​നാ​ക്ഷി ഏ​ട​ത്തി​യു​ടെ​യും നാ​ടാ​യ കൂ​ട​ല്ലൂ​രി​നോ​ട്. അ​ച്ഛ​ൻ, അ​മ്മ, ജ്യേ​ഷ്ഠ​ൻ​മാ​ർ, ബ​ന്ധു​ക്ക​ൾ, പ​രി​ച​യ​ക്കാ​ർ, അ​യ​ൽ​ക്കാ​ർ ഇ​വ​രെ​ല്ലാം എ​നി​ക്കു പ്രി​യ​പ്പെ​ട്ട ക​ഥാ​പാ​ത്ര​ങ്ങ​ളാ​ണ്.

എ​ന്‍റെ ചെ​റി​യ അ​നു​ഭ​വ​മ​ണ്ഡ​ല​ത്തി​ൽ​പ്പെ​ട്ട സ്ത്രീ​പു​രു​ഷ​ൻ​മാ​രു​ടെ ക​ഥ​ക​ളാ​ണ് എ​ന്‍റെ സാ​ഹി​ത്യ​ത്തി​ൽ ഭൂ​രി​ഭാ​ഗ​വും. മ​റ്റൊ​രു ത​ര​ത്തി​ൽ പ​റ​ഞ്ഞാ​ൽ എ​ന്‍റെ​ത​ന്നെ ക​ഥ​ക​ൾ. എ​നി​ക്കു സു​പ​രി​ചി​ത​മാ​യ ഈ ​ഗ്രാ​മ​മാ​ണ് ഭൂ​രി​പ​ക്ഷം കൃ​തി​ക​ളു​ടെ​യും പ​ശ്ചാ​ത്ത​ലം. അ​തി​ലൂ​ടെ ഒ​ഴു​കു​ന്ന പു​ഴ എ​ന്‍റെ ജീ​വ​ധ​മ​നി​യാ​ണ്. ഗ്രാ​മം എ​നി​ക്ക് ബിം​ബ​ങ്ങ​ളും വാ​ക്കു​ക​ളും ത​ന്നു. ഗ്രാ​മ​ത്തി​ലെ​ന്ന​പോ​ലെ മ​നു​ഷ്യ​പ്ര​കൃ​തി​യി​ലെ ഋ​തു​ഭേ​ദ​ങ്ങ​ൾ എ​ന്നും എ​ന്നെ ആ​ക​ർ​ഷി​ച്ചി​രു​ന്നു.

മ​റ്റൊ​ര​ഭി​മു​ഖ​ത്തി​ൽ അ​ദ്ദേ​ഹം പ​റ​ഞ്ഞു: “ഇ​പ്പോ, എ​ന്‍റെ ഗ്രാ​മ​ത്തീ ത​ന്നെ ഇ​നീം എ​ഴു​താ​ൻ ബാ​ക്കീ​ണ്ട്. പ​ല​തു​ണ്ട്. എ​ന്തു​കൊ​ണ്ടോ ഇ​പ്പോ അ​വി​ടെ​യെ​ത്തു​ന്പോ ഞാ​ൻ ആ​ലോ​ചി​ക്കു​ന്ന​ത്... ഒ​ന്ന്, അ​ന്ത​രീ​ക്ഷം മാ​റി. പ്ര​കൃ​തി മാ​റി. എ​ന്‍റെ മു​ന്പി​ലു​ണ്ടാ​യി​രു​ന്ന പ​ല​തും മാ​റി. എ​ന്‍റെ വ​യ​ലു​ക​ള് പോ​യി. എ​ന്‍റെ പു​ഴ പോ​യി. എ​ന്‍റെ കു​ന്നു​ക​ള് പോ​യി. അ​പ്പോ ഇ​തി​നോ​ട് ഇ​പ്പോ പ​ണ്ട​ത്തെ​പ്പോ​ലെ ഒ​രാ​ക​ർ​ഷ​ണം തോ​ന്നു​ന്നി​ല്ല. പ​ണ്ട​ത് ന​മ്മ​ടെ സ്വ​ത്വ​ത്തി​ന്‍റെ ഭാ​ഗം​ത​ന്നെ​യാ​യി​രു​ന്നു”.

നി​ള​യി​ൽ​നി​ന്നു മ​ണ​ൽ ലോ​റി ക​യ​റി​പ്പോ​യി. നീ​രൊ​ഴു​ക്കു മെ​ലി​ഞ്ഞു. കു​ന്നു​ക​ൾ നി​ലം​പൊ​ത്തി. എം​ടി ക​ഥ​ക​ളി​ൽ നാം ​അ​റി​ഞ്ഞ കൂ​ട​ല്ലൂ​ർ ഇ​ന്നി​ല്ല. ക​ണ്ടാ​ല​റി​യാ​ത്ത വി​ധം അ​തി​ന്‍റെ ഛായ ​മാ​റി​യി​രി​ക്കു​ന്നു. നാ​ളു​ക​ൾ ക​ഴി​യു​ന്പോ​ൾ ഇ​ങ്ങ​നെ​യൊ​രു ഗ്രാ​മ​മു​ണ്ടാ​യി​രു​ന്നു എ​ന്ന​തി​ന്‍റെ ഒ​രേ​യൊ​രു തെ​ളി​വ് കൂ​ട​ല്ലൂ​രി​ന്‍റെ പ്രി​യ​പ്പെ​ട്ട വാ​സു അ​ന​ശ്വ​ര​മാ​ക്കി​യ ക​ഥ​ക​ൾ മാ​ത്ര​മാ​യി​രി​ക്കും.

പ്ര​ധാ​ന കൃ​തി​ക​ൾ

മ​ഞ്ഞ്, കാ​ലം, നാ​ലു​കെ​ട്ട്, അ​സു​ര​വി​ത്ത്, വി​ലാ​പ​യാ​ത്ര, പാ​തി​രാ​വും പ​ക​ൽ​വെ​ളി​ച്ച​വും, അ​റ​ബി​പ്പൊ​ന്ന്, ര​ണ്ടാ​മൂ​ഴം, വാ​രാ​ണ​സി (നോ​വ​ലു​ക​ൾ); ഇ​രു​ട്ടി​ന്‍റെ ആ​ത്മാ​വ്, ഓ​ള​വും തീ​ര​വും, കു​ട്ട്യേ​ട​ത്തി, വാ​രി​ക്കു​ഴി, പ​ത​നം, ബ​ന്ധ​നം, സ്വ​ർ​ഗം തു​റ​ക്കു​ന്ന സ​മ​യം, നി​ന്‍റെ ഓ​ർ​മ​ക്ക്, വാ​ന​പ്ര​സ്ഥം, എം​ടി​യു​ടെ തി​ര​ഞ്ഞെ​ടു​ത്ത ക​ഥ​ക​ൾ, ഡാ​ർ എ​സ് സ​ലാം, ര​ക്തം പു​ര​ണ്ട മ​ണ​ൽ​ത​രി​ക​ൾ, വെ​യി​ലും നി​ലാ​വും, ക​ളി​വീ​ട്, വേ​ദ​ന​യു​ടെ പൂ​ക്ക​ൾ, ഷെ​ർ​ല​ക്ക് (ക​ഥ​ക​ൾ) ഗോ​പു​ര​ന​ട​യി​ൽ (നാ​ട​കം) കാ​ഥി​ക​ന്‍റെ ക​ല, കാ​ഥി​ക​ന്‍റെ പ​ണി​പ്പു​ര, ഹെ​മിം​ഗ്‌​വെ ഒ​രു മു​ഖ​വു​ര, ക​ണ്ണാ​ന്ത​ളി പൂ​ക്ക​ളു​ടെ കാ​ലം (പ്ര​ബ​ന്ധ​ങ്ങ​ൾ) ആ​ൾ​കൂ​ട്ട​ത്തി​ൽ ത​നി​യെ (യാ​ത്രാ​വി​വ​ര​ണം) എം​ടി​യു​ടെ തി​ര​ക്ക​ഥ​ക​ൾ , പ​ഞ്ചാ​ഗ്നി, ന​ഖ​ക്ഷ​ത​ങ്ങ​ൾ, വൈ​ശാ​ലി, പെ​രു​ന്ത​ച്ച​ൻ, ഒ​രു വ​ട​ക്ക​ൻ വീ​ര​ഗാ​ഥ, ന​ഗ​ര​മേ ന​ന്ദി, നി​ഴ​ലാ​ട്ടം, ഒ​രു ചെ​റു പു​ഞ്ചി​രി, നീ​ല​ത്താ​മ​ര, പ​ഴ​ശി​രാ​ജ... (തി​ര​ക്ക​ഥ​ക​ൾ) സ്നേ​ഹാ​ദ​ര​ങ്ങ​ളോ​ടെ, അ​മ്മ​ക്ക് (ഓ​ർ​മ​ക​ൾ ).

ഡോ. ​ലി​ജി​മോ​ൾ പി. ​ജേ​ക്ക​ബ്