സൈ​ബീ​രി​യ​യി​ൽ ക​ർ​ഷ​ക കു​ടും​ബ​ത്തി​ൽ ജ​നി​ച്ച ക​ലാ​ഷ് നി​ക്കോ​വ് 1941-ൽ ​ന​ട​ന്ന യു​ദ്ധ​ത്തി​ൽ നാ​സി പ​ട​യാ​ളി​ക​ളു​ടെ വെ​ടി​യേ​റ്റ് മാ​ര​ക​മാ​യി പ​രി​ക്കു​പ​റ്റി ആ​ശു​പ​ത്രി​യി​ലാ​യ കാ​ല​ത്ത് എ​ടു​ത്ത തീ​രു​മാ​ന​മാ​ണ് ലോ​ക​ത്തെ ഏ​റ്റ​വും മി​ക​ച്ച ആ​യു​ധ​ത്തി​ന്‍റെ നി​ർ​മാ​ണ​ത്തി​ലേ​ക്ക് എ​ത്തി​ച്ച​ത്.

‘ആ​ത്മാ​വി​നെ​പ്പോ​ലും നീ​റ്റു​ന്ന ഈ ​ക​ഠി​ന​വേ​ദ​ന എ​നി​ക്ക് താ​ങ്ങാ​നാ​വു​ന്നി​ല്ല. ഒ​രു ചോ​ദ്യം മ​നഃ​സാ​ക്ഷി​യോ​ട് ഞാ​ൻ വീ​ണ്ടും വീ​ണ്ടും ചോ​ദി​ച്ചു. എ​ണ്ണ​മ​റ്റ യു​ദ്ധ​ങ്ങ​ളി​ലും അ​തി​ക്ര​മ​ങ്ങ​ളി​ലും ജ​ന​ല​ക്ഷ​ങ്ങ​ളെ കൊ​ല്ലാ​ൻ ഞാ​ൻ നി​ർ​മി​ച്ച ആ​യു​ധം കാ​ര​ണ​മാ​യി. മി​ഖാ​യേ​ൽ ക​ലാ​ഷ് നി​ക്കോ​വ് എ​ന്ന ഞാ​ൻ ലോ​ക​മെ​ന്പാ​ടും എ​ണ്ണ​മ​റ്റ കൂ​ട്ട​ക്കൊ​ല​ക​ൾ​ക്കും ചോ​ര​ചി​ന്ത​ലി​നും കാ​ര​ണ​ക്കാ​ര​നാ​ണ്. കൊ​ല​ക്ക​ള​ങ്ങ​ളി​ൽ ചി​ന്ത​പ്പെ​ട്ട നി​ര​പ​രാ​ധി​ക​ളു​ടെ ര​ക്തം നീ​തി​ക്കു​വേ​ണ്ടി നി​ല​വി​ളി​ക്കു​ന്നു​ണ്ടാ​കും.’

2013 ഡി​സം​ബ​ർ 23 ന് ​മ​ര​ണ​ത്തി​ന് മാ​സ​ങ്ങ​ൾ​ക്ക് മു​ന്പ് റ​ഷ്യ​ൻ ഓ​ർ​ത്ത​ഡോ​ക്സ് സ​ഭാ പാ​ത്രി​യാ​ർ​ക്കീ​സ് കി​റി​ലി​ന് എ​ഴു​തി​യ ക​ത്തി​ൽ വി​ഖ്യാ​ത​മാ​യ എ.​കെ. 47 യ​ന്ത്ര​ത്തോ​ക്കി​ന്‍റെ നി​ർ​മ്മാ​താ​വ് അ​ല​ക്സാ​ണ്ട​ർ മി​ഖാ​യേ​ൽ ക​ലാ​ഷ് നി​ക്കോ​വ് എ​ഴു​തി​യ ക​ത്തി​ലെ പ്ര​തി​പാ​ദ്യ​മാ​ണ് മു​ക​ളി​ൽ കു​റി​ച്ച​ത്.

പാ​ത്രി​യാ​ർ​ക്കീ​സ് കി​റി​ൽ ഈ ​ക​ത്തും അ​ദ്ദേ​ഹം കൊ​ടു​ത്ത മ​റു​പ​ടി​യും സ​ഭാ​ധി​കാ​രി​ക​ൾ കു​ന്പ​സാ​ര​ര​ഹ​സ്യം പോ​ലെ സൂ​ക്ഷി​ച്ചു. ക​ലാ​ഷ് നി​ക്കോ​വി​ന്‍റെ മ​ര​ണ​ശേ​ഷം ക​ത്തും പാ​ത്രി​യാ​ക്കീ​സി​ന്‍റെ മ​റു​പ​ടി​യും പു​റ​ത്തു​വി​ട്ടു. പാ​ത്രി​യാ​ർ​ക്കീ​സി​ന്‍റെ മ​റു​പ​ടി ഇ​പ്ര​കാ​ര​മാ​യി​രു​ന്നു.

“റ​ഷ്യ​ൻ ഓ​ർ​ത്ത​ഡോ​ക്സ് സ​ഭ​യു​ടെ മ​ഹാ​നാ​യ പു​ത്ര​നാ​ണ് അ​ങ്ങ്. താ​ങ്ക​ളു​ടെ ആ​യു​ധം നി​ര​പ​രാ​ധി​ക​ളെ​യും അ​ശ്ര​യ​മ​റ്റ​വ​രെ​യും സം​ര​ക്ഷി​ക്കാ​ൻ നി​ർ​മി​ക്ക​പ്പെ​ട്ട​താ​ണ്. അ​ത് തെ​റ്റാ​യ ക​ര​ങ്ങ​ളി​ലെ​ത്തി​യെ​ങ്കി​ൽ താ​ങ്ക​ൾ ഉ​ത്ത​ര​വാ​ദി​യ​ല്ല. അ​ങ്ങ് അ​തി​ർ​ത്തി കാ​ക്കു​ന്ന സൈ​നി​ക​ന് ശ​ക്തി​പ​ക​രാ​ൻ ന​ട​ത്തി​യ ക​ണ്ടു​പി​ടു​ത്തം എ​ക്കാ​ല​വും ഓ​ർ​മി​ക്ക​പ്പെ​ടും. താ​ങ്ക​ൾ റ​ഷ്യ​യു​ടെ ധീ​ര​നാ​യ ദേ​ശ​സ്നേ​ഹി​യാ​ണ്.”

‘ഇ​നി​യൊ​രു ജ​ന്മ​മു​ണ്ടെ​ങ്കി​ൽ ഞാ​ൻ മ​നു​ഷ്യ​നെ കൊ​ല്ലു​ന്ന ഒ​രാ​യു​ധ​വും നി​ർ​മി​ക്കി​ല്ല, മ​നു​ഷ്യ​കു​ല​ത്തി​ന് പ്ര​യോ​ജ​നം ല​ഭി​ക്കു​ന്ന എ​ന്തെ​ങ്കി​ലു​മാ​യി​ക്കും നി​ർ​മി​ക്കു​ക. ക​ഠി​നാ​ധ്വാ​നം ചെ​യ്യു​ന്ന ക​ർ​ഷ​ക​രെ സ​ഹാ​യി​ക്കു​ന്ന ഒ​രു കൃ​ഷി​യ​ന്ത്രം നി​ർ​മി​ക്കാ​നാ​യി​രി​ക്കും ഞാ​ൻ ശ്ര​മി​ക്കു​ക. മ​നു​ഷ്യ​ജീ​വ​നെ​ടു​ക്കു​ന്ന ഒ​രാ​യു​ധ​വും നി​ർ​മി​ക്കാ​ൻ എ​ന്‍റെ ബു​ദ്ധി​യും കൈ​ക​ളും ഉ​പ​യോ​ഗി​ക്കി​ല്ല.’ 1999ൽ ​ഇ​ന്ത്യ സ​ന്ദ​ർ​ശി​ച്ച​പ്പോ​ൾ ഡ​ൽ​ഹി​യി​ലെ മൗ​ര്യ ഷെ​റാ​ട്ട​ണ്‍ ഹോ​ട്ട​ലി​ൽ മാ​ധ്യ​മ​പ്ര​വ​ർ​ത്ത​രോ​ട് ക​ലാ​ഷ് നി​ക്കോ​വ് പ​റ​ഞ്ഞു.

സ​ര​സ​നാ​യ അ​ദ്ദേ​ഹം കൂ​ട്ടി​ച്ചേ​ർ​ത്തു. ‘എ​ന്‍റെ തോ​ക്കു​കൊ​ണ്ട് എ​ന്നെ ആ​രെ​ങ്കി​ലും കൊ​ല്ലു​മോ എ​ന്നാ​ണ് എ​ന്‍റെ ഭ​യം.’ ഒ​രു രാ​ഷ്‌​ട്ര​ത്ത​ല​വ​ന് ല​ഭി​ക്കു​ന്ന ഇ​സ​ഡ് പ്ല​സ് സു​ര​ക്ഷ​യാ​ണ് അ​ദ്ദേ​ഹ​ത്തി​ന് ഇ​ന്ത്യ ഒ​രു​ക്കി​യി​രു​ന്ന​ത്. 2013 ഡി​സം​ബ​ർ 23ന് ​റ​ഷ്യ​യി​ലെ ഇ​ഷ്വെ​ക്കി​ൽ 94-ാം വ​യ​സി​ലാ​ണ് ക​ലാ​ഷ് നി​ക്കോ​വ് അ​ന്ത​രി​ച്ച​ത്.

വി​നാ​ശ​കാ​രി

ലോ​കം ക​ണ്ട ഏ​റ്റ​വും വി​നാ​ശ​കാ​രി​യാ​യ യ​ന്ത്ര​ത്തോ​ക്കാ​ണ് എ.​കെ. എ​ന്ന ഓ​മ​ന​പ്പേ​രി​ൽ അ​റി​യ​പ്പെ​ടു​ന്ന റ​ഷ്യ​ൻ നി​ർ​മി​ത അ​സാ​ൾ​ട്ട് റൈ​ഫി​ൾ. സൈ​നി​ക​ർ​ക്കും ഭീ​ക​ര​വാ​ദി​ക​ൾ​ക്കും ഒ​രു​പോ​ലെ പ്രി​യ​പ്പെ​ട്ട ആ​യു​ധം. ഈ ​തോ​ക്ക് ലോ​ക​ത്തി​ന് പ​രി​ച​യ​പ്പെ​ടു​ത്തു​ന്പോ​ൾ അ​ത് സം​ഹാ​ര​ത്തി​ന്‍റെ ആ​യു​ധ​മാ​കു​മെ​ന്ന് നി​ർ​മാ​താ​വ് ക​രു​തി​യി​ല്ല.

പ​ട്ടാ​ള​ക്കാ​ര​നും പോ​ലീ​സി​നും ത​ന്‍റെ ക​ണ്ടു​പി​ടു​ത്തം ഒ​രി​ക്ക​ലും തോ​ൽ​ക്കാ​ത്ത കൃ​ത്യ​ത​യു​ള്ള ആ​യു​ധ​മാ​കു​മെ​ന്നാ​ണ് ക​ലാ​ഷ് നി​ക്കോ​വ് ക​രു​തി​യ​ത്. എ.​കെ. 47നെ ​വെ​ല്ലാ​ൻ മ​റ്റൊ​രാ​യു​ധം ഉ​ണ്ടാ​കി​ല്ലെ​ന്ന് ഒ​രി​ക്ക​ൽ അ​മേ​രി​ക്ക​ൻ പ്ര​തി​രോ​ധ സം​വി​ധാ​ന​ങ്ങ​ളു​ടെ കേ​ന്ദ്ര​മാ​യ പെ​ന്‍റ​ഗ​ണ്‍ അ​ഭി​പ്രാ​യ​പ്പെ​ട്ടി​രു​ന്നു.

എ.​കെ. 47 തോ​ക്ക് സൈ​നി​ക​രു​ടെ കൈ​ക​ളി​ൽ എ​ത്തു​ന്ന​തി​നേ​ക്കാ​ൾ വേ​ഗ​ത്തി​ലാ​ണ് ഭീ​ക​ര​പ്ര​വ​ർ​ത്ത​ക​രും മാ​ഫി​യാ​സം​ഘ​ങ്ങ​ളും കു​റ്റ​വാ​ളി​ക​ളും കൈ​ക്ക​ലാ​ക്കി​യ​ത്. ശ്രീ​ല​ങ്ക​യി​ലെ എ​ൽ​ടി​ടി​ഇ​യു​ടെ​യും ഖാ​ലി​സ്ഥാ​ൻ​വാ​ദി​ക​ളു​ടെ​യും അ​ഫ്ഗാ​ൻ തീ​വ്ര​വാ​ദി​ക​ളു​ടെ​യും മാ​വോ​യി​സ്റ്റു​ക​ളു​ടെ​യു​മെ​ല്ലാം ആ​യു​ധ​മാ​യി ഇ​ത് മാ​റി.

ക​ര​യി​ലും വെ​ള്ള​ത്തി​ന​ടി​യി​ലും ഒ​രു​പോ​ലെ പ്ര​വ​ർ​ത്തി​ക്കു​ന്ന​തും ഒ​രു കി​ലോ​മീ​റ്റ​ർ അ​ക​ലെ നി​ൽ​ക്കു​ന്ന മ​നു​ഷ്യ​വ്യൂ​ഹ​ത്തി​ലെ ഒ​രാ​ളെ മാ​ത്രം ഫോ​ക്ക​സ് ചെ​യ്യാ​വു​ന്ന ബൈ​നോ​ക്കു​ല​ർ ഘ​ടി​പ്പി​ക്കാ​വു​ന്ന കൃ​ത്യ​ത​യു​ള്ള​തു​മാ​യ പ്ര​ഹ​ര​ശേ​ഷി​യു​ണ്ട് ഈ ​തോ​ക്കി​ന്. എ.​കെ. 56 തു​ട​ങ്ങി​യ ചി​ല പ​തി​പ്പു​ക​ളും ക​ലാ​ഷ് നി​ക്കോ​വ് ത​ന്നെ പി​ന്നീ​ട് വി​ക​സി​പ്പി​ച്ചെ​ങ്കി​ലും എ.​കെ. 47ന്‍റെ അ​ത്ര​യും ശോ​ഭി​ച്ചി​ല്ല അ​വ​യൊ​ന്നും.

ഇ​ന്ത്യ​യി​ൽ വി.​ഐ.​പി സു​ര​ക്ഷാ ചു​മ​ത​ല വ​ഹി​ക്കു​ന്ന നാ​ഷ​ണ​ൽ സെ​ക്യൂ​രി​റ്റി ഗാ​ർ​ഡ്സി​ന്‍റെ ഒൗ​ട്ട​ർ​റിം​ഗി​ൽ പ്ര​വ​ർ​ത്തി​ക്കു​ന്ന ക​മാ​ണ്ടോ​ക​ൾ​ക്ക് ഈ ​ഇ​നം തോ​ക്കാ​ണ് ന​ൽ​കി​യി​രി​ക്കു​ന്ന​ത്. അ​വ​ർ സ്വ​ന്തം ക​ണ്ണു​ക​ൾ മൂ​ടി​ക്കെ​ട്ടി ഈ ​തോ​ക്ക് അ​ഴി​ക്കാ​നും തി​രി​കെ അ​തു​പോ​ലെ ത​ന്നെ കൂ​ട്ടി​യോ​ജി​പ്പി​ക്കാ​നും പ​രി​ശീ​ല​നം നേ​ടി​യ​വ​രാ​ണ്.

ലോ​ക​മെ​ന്പാ​ടും സൈ​നി​ക​രും സു​ര​ക്ഷാ ഉ​ദ്യോ​ഗ​സ്ഥ​രും ഒ​പ്പം ഭീ​ക​ര​രും എ.​കെ. യു​ടെ ആ​രാ​ധ​ക​രാ​കാ​ൻ കാ​ര​ണം ഇ​തി​ന്‍റെ കൃ​ത്യ​ത​യും കാ​ര്യ​ക്ഷ​മ​ത​യും ത​ന്നെ​യാ​ണ്.

ലോ​കം ഭ​യ​ത്തോ​ടെ കാ​ണു​ന്ന ഭീ​ക​ര​പ്ര​വ​ർ​ത്ത​ക​രു​ടെ തോ​ളി​ൽ ഈ ​തോ​ക്ക് അ​ല​ങ്കാ​ര​മാ​ണ്. അ​ൽ ഖ്വ​യി​ദ നേ​താ​വ് ഉ​സാ​മ ബി​ൻ​ലാ​ദ​ന്‍റെ തോ​ളി​ൽ തോ​ക്കി​ല്ലാ​തെ സ​ങ്ക​ൽ​പ്പി​ക്കാ​നാ​വു​മോ.

ഇ​സ്ലാ​മി​ക് സ്റ്റേ​റ്റ് സ്ഥാ​പ​ക​ൻ അ​ബൂ​ബ​ക്ക​ർ അ​ൽ ബാ​ഗ്ദാ​ദി​യും ഉൗ​ണി​ലും ഉ​റ​ക്ക​ത്തി​ലും എ.​കെ.47 കൊ​ണ്ടു​ന​ട​ന്നി​രു​ന്നു.​ലോ​ക​ത്തി​ന്‍റെ മു​ഖ​ച്ഛാ​യ മാ​റ്റി​മ​റി​ച്ച തോ​ക്ക് എ​ന്നാ​ണ് ക​ലാ​ഷ് നി​ക്കോ​വി​ന്‍റെ ആ​ത്മ​ക​ഥ​യു​ടെ പേ​ര്. ലോ​ക​ജ​ന​ത ഏ​റ്റ​വും അ​ധി​കം ഉ​രു​വി​ട്ട റ​ഷ്യ​ൻ വാ​ക്ക് ക​ലാ​ഷ് നി​ക്കോ​വ് എ​ന്നാ​യി​രി​ക്കും.

എ.​കെ​യു​ടെ നി​ർ​മാ​ണം

സൈ​ബീ​രി​യ​യി​ലെ ക​ർ​ഷ​ക കു​ടും​ബ​ത്തി​ൽ ജ​നി​ച്ച മി​ഖാ​യേ​ൽ ക​ലാ​ഷ് നി​ക്കോ​വ് 1941ലെ ​യു​ദ്ധ​ത്തി​ൽ നാ​സി പ​ട​യാ​ളി​ക​ളു​ടെ വെ​ടി​യേ​റ്റ് മാ​ര​ക​മാ​യി പ​രി​ക്ക് പ​റ്റി ആ​ശു​പ​ത്രി​യി​ലാ​യ കാ​ല​ത്ത് എ​ടു​ത്ത തീ​രു​മാ​ന​മാ​ണ് ലോ​ക​ത്തെ ഏ​റ്റ​വും മി​ക​ച്ച ആ​യു​ധ​ത്തി​ന്‍റെ നി​ർ​മാ​ണ​ത്തി​ലേ​ക്ക് എ​ത്തി​ച്ച​ത്.
റ​ഷ്യ​ൻ ചെ​ന്പ​ട​യ്ക്ക് ശ​ത്രു​ക്ക​ളെ നേ​രി​ടാ​ൻ ശ​ക്ത​വും ഫ​ല​പ്ര​ദ​വു​മാ​യ ഒ​രാ​യു​ധം വേ​ണം. ലോ​ക​യു​ദ്ധ​ത്തി​ൽ ഹി​റ്റ്‌​ല​റു​ടെ നാ​സി പ​ട​യോ​ട് പൊ​രു​തി വ​ൻ‌​തോ​തി​ൽ റ​ഷ്യ​ൻ സൈ​നി​ക​രെ ന​ഷ്ട​മാ​യി.

ഓ​രോ റൗ​ണ്ടി​നു​ശേ​ഷ​വും തോ​ക്കി​ൽ തി​ര നി​റ​യ്ക്കു​ന്ന സ​മ​യം ലാ​ഭി​ച്ചാ​ൽ ആ​ൾ​നാ​ശം കു​റ​യ്ക്കാ​മെ​ന്ന​താ​യി​രു​ന്നു ക​ലാ​ഷ് നി​ക്കോ​വി​ന്‍റെ ചി​ന്ത. കാ​ഞ്ചി ഒ​ന്നു​വ​ലി​ച്ചാ​ൽ‌ സെ​ക്ക​ന്‍റി​ൽ നാ​ല് വെ​ടി​യു​ണ്ട​ക​ൾ ല​ക്ഷ്യ​ത്തി​ലെ​ത്തു​ന്ന​തും ഗ്യാ​സ് നി​റ​ച്ച സി​ലി​ണ്ട​റി​ൽ പ്ര​വ​ർ​ത്തി​ക്കു​ന്ന​തും ഏ​തു പ്ര​തി​കൂ​ല കാ​ലാ​വ​സ്ഥ​യി​ലും ഉ​പ​യോ​ഗി​ക്കാ​വു​ന്ന​തു​മാ​യ തോ​ക്കി​ന്‍റെ നി​ർ​മാ​ണം ആ ​സാ​ഹ​ച​ര്യ​ത്തി​ലാ​ണ്.

ചെ​ന്പ​ട​യു​ടെ ആ​യു​ധ​ശേ​ഖ​ര​ത്തി​ലേ​ക്ക് മു​ത​ൽ​കൂ​ട്ട​പ്പെ​ട്ട ഈ ​തോ​ക്ക് ആ​ൾ​ക്കൂ​ട്ട​ത്തി​നി​ട​യി​ൽ ഒ​രാ​ളെ മാ​ത്രം ല​ക്ഷ്യ​മാ​ക്കാ​ൻ സാ​ധി​ക്കും. തോ​ക്കി​ന്‍റെ ബാ​ര​ലി​ന് മു​ക​ളി​ൽ ഘ​ടി​പ്പി​ച്ച ബൈ​നോ​ക്കു​ല​റി​ലൂ​ടെ നോ​ക്കി ഒ​രു കി​ലോ​മീ​റ്റ​ർ വ​രെ ല​ക്ഷ്യം കൃ​ത്യ​ത​യോ​ടെ നേ​രി​ടാ​ൻ ഷാ​ർ​പ്പ് ഷൂ​ട്ട​ർ​മാ​ർ​ക്ക് സാ​ധി​ക്കും. ലോ​ക​മെ​ന്പാ​ടും നൂ​റ് ദ​ശ​ല​ക്ഷം ഈ ​ഇ​നം തോ​ക്കു​ക​ളു​ള്ള​താ​യാ​ണ് റ​ഷ്യ​ൻ സ​ർ​ക്കാ​ർ നേ​രി​ട്ട് ന​ട​ത്തു​ന്ന ആ​യു​ധ ഫാ​ക്ട​റി​യി​ൽ നി​ന്നു​ള്ള ക​ണ​ക്ക്.

വ്യാ​ജ​മാ​യി തോ​ക്ക് നി​ർ​മി​ക്കു​ന്ന​വ​രും റ​ഷ്യ​യി​ൽ​നി​ന്ന് ഇ​തി​നു​ള്ള ഫ്രാ​ഞ്ചൈ​സി ക​ര​സ്ഥ​മാ​ക്കി​യ​തു​മാ​യ രാ​ജ്യ​ങ്ങ​ൾ നി​ർ​മി​ച്ച തോ​ക്കു​ക​ൾ ഈ ​ക​ണ​ക്കി​ൽ പെ​ടു​ന്നി​ല്ല. ക​ള്ള​ക്ക​ട​ത്തി​ലൂ​ടെ എ​ത്തു​ന്ന തോ​ക്കി​ന്‍റെ ക​ണ​ക്ക് ആ​ർ​ക്കും അ​റി​യി​ല്ല. 20 രാ​ജ്യ​ങ്ങ​ളി​ൽ ഇ​ത് റ​ഷ്യ​യു​ടെ അ​റി​വോ ലൈ​സ​ൻ​സോ ഇ​ല്ലാ​തെ​യും നി​ർ​മി​ക്ക​പ്പെ​ടു​ന്നു​ണ്ട്. 30 രാ​ജ്യ​ങ്ങ​ളി​ൽ റ​ഷ്യ​ൻ ലൈ​സ​ൻ​സോ​ടെ എ.​കെ. 47 നി​ർ​മി​ക്കു​ന്നു​ണ്ട്. ഓ​രോ വ​ർ​ഷ​വും ഈ ​ഇ​നം തോ​ക്ക് കൊ​ണ്ട് കൊ​ല്ല​പ്പെ​ടു​ന്ന​വ​ർ കാ​ൽ​ല​ക്ഷ​ത്തോ​ളം പേ​രാ​ണ്.

വി​യ​റ്റ്നാം യു​ദ്ധ​ത്തി​ൽ അ​മേ​രി​ക്ക​ൻ സൈ​നി​ക​ർ ത​ങ്ങ​ളു​ടെ എം.16 ​യ​ന്ത്ര തോ​ക്കു​ക​ൾ ഉ​പേ​ക്ഷി​ച്ച് കൊ​ല്ല​പ്പെ​ട്ട വി​യ​റ്റ്നാം പോ​രാ​ളി​ക​ളു​ടെ എ.​കെ. 47 കൈ​ക്ക​ലാ​ക്കി​യി​രു​ന്ന​താ​യി ഈ ​ക​ണ്ടു​പി​ടി​ത്തി​ന്‍റെ അ​റു​പ​താം വാ​ർ​ഷി​ക​വേ​ള​യി​ൽ ക​ലാ​ഷ് നി​ക്കോ​വ് വെ​ളി​പ്പെ​ടു​ത്തി.

ക​മ്യൂ​ണി​സ്റ്റ് റ​ഷ്യ​യി​ൽ നി​രീ​ശ്വ​ര​വാ​ദി​യാ​യി ജീ​വി​ച്ച മി​ഖാ​യേ​ൽ ക​ലാ​ഷ് നി​ക്കോ​വ് 91-ാം വ​യ​സി​ലാ​ണ് പ​ള്ളി​യി​ൽ പോ​യ​തും റ​ഷ്യ​ൻ ഓ​ർ​ത്ത​ഡോ​ക്സ് സ​ഭ​യി​ൽ മാ​മോ​ദീ​സ സ്വീ​ക​രി​ച്ച​തും. മാ​മോ​ദീ​സ സ്വീ​ക​രി​ച്ച​തി​നെ​പ്പ​റ്റി അ​ദ്ദേ​ഹം പ​റ​ഞ്ഞു. ‘ ജീ​വി​ത​സാ​യ​ന്ത​ന​ത്തി​ൽ ദൈ​വം എ​നി​ക്ക് വ​ഴി​കാ​ട്ടി​യാ​യി. അ​ൾ​ത്താ​ര​ക്ക് മു​ന്നി​ലെ​ത്തി​യ​പ്പോ​ൾ ഹൃ​ദ​യം ആ​ന​ന്ദ​നൃ​ത്തം ചെ​യ്തു. സൈ​നി​ക ആ​യു​ധ ഡി​സൈ​ന​ർ അ​ല​ക്സാ​ണ്ട​ർ മി​ഖാ​യേ​ൽ ക​ലാ​ഷ് നി​ക്കോ​വ് എ​ന്ന ഞാ​ൻ ഇ​നി ദൈ​വ​ത്തി​ന്‍റെ അ​ടി​മ​യാ​ണ്.’

പ​ട്ടാ​ള​ക്കാ​രും ഭീ​ക​ര​രും ഒ​രേ പോ​ലെ ഇ​ഷ്ട​പ്പെ​ടു​ന്ന ഈ ​ആ​യു​ധം വി​റ്റ് റ​ഷ്യ നേ​ടി​യ​ത് ശ​ത​കോ​ടി​ക​ളാ​ണ്. അ​മേ​രി​ക്ക​യി​ൽ ജ​നി​ച്ചി​രു​ന്നു​വെ​ങ്കി​ൽ അ​ല​ക്സാ​ണ്ട​ർ മി​ഖാ​യേ​ൽ ക​ലാ​ഷ് നി​ക്കോ​വ് ശ​ത​കോ​ടീ​ശ്വ​ര​ൻ​മാ​രു​ടെ ഗ​ണ​ത്തി​ൽ ചേ​ർ​ക്ക​പ്പെ​ട്ടേ​നെ.

ജോൺ മാത്യു