കു​ട്ടി​ക​ളു​ടെ സി​പ്പി പ​ള്ളി​പ്പു​റം
“കൈ​ത​പ്പൂ​ക്കു​ല​കൊ​ണ്ടു ഞാ​നൊ​രു
ന​ക്ഷ​ത്ര​ക്ക​ള​മു​ണ്ടാ​ക്കും
ആ​രും ക​ണ്ടാ​ൽ കൊ​തി​ച്ചു പോ​കും
ര​സി​ക​ൻ പൂ​ക്ക​ള​മു​ണ്ടാ​ക്കും!”

സി​പ്പി പ​ള്ളി​പ്പു​റം കു​ട്ടി​ക​ൾ​ക്കാ​യി എ​ഴു​തി​യ ജ​ന്തു​സ്ഥാ​നി​ലെ പൂ​ക്ക​ള മ​ത്സ​രം എ​ന്ന ക​ഥ​യി​ലെ ക​ഥാ​പാ​ത്രം പാ​ടു​ന്ന വ​രി​ക​ളാ​ണി​ത്. മ​ല​യാ​ള അ​ക്ഷ​ര​മു​റ്റ​ത്ത് സ​ർ​ഗ​സൗ​ന്ദ​ര്യ​ത്തി​ന്‍റെ കാ​യ്ക​ളും ഇ​ല​ക​ളും പൂ​ക്ക​ളും സ​മം ചേ​ർ​ത്ത്, മ​നോ​ഹ​ര​വ​ർ​ണ​ങ്ങ​ളി​ൽ പൂ​ക്ക​ള​ങ്ങ​ളൊ​രു​ക്കി​യ പ്ര​തി​ഭ​യാ​ണ് സി​പ്പി പ​ള്ളി​പ്പു​റം.

എ​ത്ര​യോ കു​രു​ന്നു​ക​ളാ​ണ് ആ ​അ​ക്ഷ​ര​പ്പൂ​ക്ക​ള​ങ്ങ​ളെ കൊ​തി​യോ​ടെ ആ​സ്വ​ദി​ച്ച​ത്. അ​തി​ലേ​റെ​പ്പേ​രാ​ണ് വാ​യ​ന​യു​ടെ വി​ശാ​ല​വൃ​ത്ത​ങ്ങ​ളി​ലേ​ക്ക് അ​തി​നു​ള്ളി​ലൂ​ടെ ചു​വ​ടു​വ​ച്ച​ത്. കാ​ല​ങ്ങ​ളാ​യി മ​ല​യാ​ളി​ക​ൾ​ക്ക് പ്ര​ത്യേ​കി​ച്ച് ഇ​ളം ബാ​ല്യ​ങ്ങ​ൾ​ക്ക് വാ​യ​ന​യു​ടെ വി​സ്മ​യ​ങ്ങ​ൾ സ​മ്മാ​നി​ച്ചു​കൊ​ണ്ടി​രി​ക്കു​ന്ന സി​പ്പി പ​ള്ളി​പ്പു​റം എ​ണ്‍​പ​തി​ന്‍റെ നി​റ​വി​ലാ​ണ്.

ബാ​ല​സാ​ഹി​ത്യ​ത്തി​നു സാ​ഹി​ത്യ​മേ​ഖ​ല​യി​ൽ തി​ള​ക്ക​മു​ള്ള വി​ലാ​സം എ​ഴു​തി​ച്ചേ​ർ​ത്ത​താ​ണു സി​പ്പി​യെ വ്യ​ത്യ​സ്ത​നാ​ക്കു​ന്ന​ത്. ക​ഥ​ക​ളും ക​വി​ത​ക​ളും നോ​വ​ലു​ക​ളു​മെ​ല്ലാ​മാ​യി ഇ​രു​നൂ​റോ​ളം പു​സ്ത​ക​ങ്ങ​ൾ ഇ​ദ്ദേ​ഹ​ത്തി​ന്‍റെ തൂ​ലി​ക​യി​ൽ നി​ന്നു​തി​ർ​ന്നു. ദീ​ർ​ഘ​കാ​ല അ​ധ്യാ​പ​ന​ജീ​വി​ത​വും കു​ട്ടി​ക​ളു​ടെ വി​ചാ​ര​ധാ​ര​ക​ൾ​ക്കൊ​പ്പ​മു​ള്ള അ​ക്ഷ​ര​സ​ഞ്ചാ​ര​വും വാ​യ​ന​ക്കാ​രെ വി​സ്മ​യി​പ്പി​ച്ച അ​നേ​കം ര​ച​ന​ക​ൾ​ക്കു നി​മി​ത്ത​മാ​യി. വൈ​പ്പി​ൻ​ക​ര പ​ള്ളി​പ്പു​റം മ​ഞ്ഞു​മാ​താ പ​ള്ളി​യ്ക്കു സ​മീ​പ​ത്തെ വീ​ട്ടി​ൽ​വ​ച്ച് അ​ദ്ദേ​ഹം ത​ന്‍റെ ര​ച​നാ​വ​ഴി​ക​ൾ പ​ങ്കു​വ​ച്ചു.

മു​ത്ത​ശി​ക്ക​ഥ​ക​ളു​ടെ ബാ​ല്യം

നാ​ട​ൻ​പാ​ട്ടു​ക​ളും നാ​ടോ​ടി​ക്ക​ഥ​ക​ളും പ​ഴ​ഞ്ചൊ​ല്ലു​ക​ളു​മെ​ല്ലാം പ​റ​ഞ്ഞു കേ​ള്‌​പ്പി​ച്ച വ​ല്യ​മ്മ​യാ​ണു വാ​യ​ന​യു​ടെ​യും എ​ഴു​ത്തി​ന്‍റെ​യും അ​ദ്യ വി​ത്തു​ക​ൾ പാ​കി​യ​തെ​ന്നു സി​പ്പി പ​ള്ളി​പ്പു​റം. ല​ളി​ത​മാ​യ ഈ​ണ​ത്തി​ൽ അ​മ്മൂ​മ്മ പാ​ടി​ത്ത​ന്ന പാ​ട്ടു​ക​ൾ ഇ​പ്പോ​ഴും മ​ന​സി​ലു​ണ്ട്. അ​തി​ലൊ​ന്ന് ഇ​ങ്ങ​നെ-
“ഇ​ല്ല്യേ​പ്പോ​ണ​താ​ര്?
കു​ഞ്ഞൂ​ഞ്ഞ​മ്മേ​ട​മ്മ.
കൂ​ടെ​പ്പോ​ണ​താ​ര്?
വേ​ല​ക്കാ​ര​ൻ പാ​പ്പി.
എ​ന്തു​ടു​ത്തു പോ​ണ്?
പ​ട്ടു​ടു​ത്തു പോ​ണ്.
പ​ട്ടി​ന്‍റ​റ്റ​ത്തെ​ന്ത്?
കാ​ക്ക​പ്പൊ​ന്നും നൂ​ലും
ആ​ർ​ക്ക​ണി​യാ​ൻ പൊ​ന്ന്?
ആ​ർ​ക്ക​റി​യാം പെ​ണ്ണേ!”
യോ​ദ്ധാ​ക്ക​ളു​ടെ​യും പു​രാ​ണ​വീ​ര​ന്മാ​രു​ടെ​യു​മെ​ല്ലാം ക​ഥ​ക​ളും പാ​ട്ടു​ക​ളും അ​മ്മൂ​മ്മ പാ​ടി കേ​ള്‌​പ്പി​ച്ചു. ആ​റാം ക്ലാ​സി​ൽ പ​ഠി​ക്കു​ന്പോ​ഴാ​യി​രു​ന്നു ആ​ദ്യ​മാ​യി ക​വി​ത​യെ​ഴു​ത്തി​ൽ പ​രീ​ക്ഷ​ണ​മാ​കാ​മെ​ന്ന തോ​ന്ന​ലു​ണ്ടാ​യ​ത്. അ​ണ്ണാ​റ​ക്ക​ണ്ണ​നെ​ക്കു​റി​ച്ചെ​ഴു​തി​യ ക​വി​ത ഒ​രു കൈ​യെ​ഴു​ത്തു മാ​സി​ക​യി​ൽ ഉ​ൾ​പ്പെ​ടു​ത്തി​യ​പ്പോ​ൾ ഉ​ണ്ടാ​യ ആ​ഹ്ലാ​ദം മ​റ​ക്കാ​നാ​വി​ല്ല. അ​ക്കാ​ല​ത്ത് അ​ധ്യാ​പ​ക​ർ ക​വി​ത എ​ഴു​താ​ൻ പ്രോ​ത്സാ​ഹി​പ്പി​ച്ചു.

സ്കൂ​ൾ ടൈം​സ് എ​ന്ന പേ​രി​ൽ വി​ദ്യാ​ല​യ​നാ​ളു​ക​ളി​ലെ കു​ട്ടി​പ്പ​ത്ര​വും എ​ഴു​ത്തി​ന് ഇ​ടം​ന​ൽ​കി. എ​ട്ടാം ക്ലാ​സി​ൽ പ​ഠി​ക്കു​ന്പോ​ഴാ​യി​രു​ന്നു ആ​ദ്യ ക​ഥ​യെ​ഴു​ത്ത്. ചെ​റാ​യി വി​ജ്ഞാ​ന വ​ർ​ധി​നി സ​ഭ​യു​ടെ ര​ജ​ത​ജൂ​ബി​ലി​യോ​ട​നു​ബ​ന്ധി​ച്ചു ന​ട​ത്തി​യ ക​ലാ​സാ​ഹി​ത്യ മ​ത്സ​ര​ങ്ങ​ളു​ടെ ഭാ​ഗ​മാ​യു​ള്ള ക​ഥാ​ര​ച​ന മ​ത്സ​ര​ത്തി​ലാ​യി​രു​ന്നു അ​ത്. ‘അ​ന്ത​പ്പ​ൻ മാ​പ്പി​ള’ എ​ന്ന പേ​രി​ൽ എ​ഴു​തി​യ ക​ഥ​യ്ക്ക് ഒ​ന്നാം സ്ഥാ​നം ല​ഭി​ച്ചു. നി​യ​മ​വ​കു​പ്പു മ​ന്ത്രി​യാ​യി​രു​ന്ന ജ​സ്റ്റീ​സ് വി.​ആ​ർ. കൃ​ഷ്ണ​യ്യ​രി​ൽ നി​ന്ന് സ​മ്മാ​ന​മാ​യി അ​ന്ന് ല​ഭി​ച്ച പു​സ്ത​ക​ങ്ങ​ളും പ്ര​ശ​സ്തി​പ​ത്ര​വും സി​പ്പി ഇ​പ്പോ​ഴും സൂ​ക്ഷി​ച്ചു​വ​ച്ചി​ട്ടു​ണ്ട്.

പേ​രി​ലു​ണ്ട് ജ​ന്മ​നാ​ട്

എ​റ​ണാ​കു​ളം ജി​ല്ല​യി​ലെ തീ​ര​ദേ​ശ ഗ്രാ​മ​മാ​യ പ​ള്ളി​പ്പു​റ​ത്ത് 1943 മേ​യ് 18 നാ​ണു സി​പ്പി​യു​ടെ ജ​ന​നം. വി​ശു​ദ്ധ സി​പ്രി​യാ​ൻ എ​ന്ന ര​ക്ത​സാ​ക്ഷി​യു​ടെ സ്മ​ര​ണ​യി​ൽ പി​താ​വ് അ​ന്ത​പ്പ​നാ​ണ് സി​പ്പി​യെ​ന്നു പേ​രി​ട്ട​ത്. 33 വ​ർ​ഷ​ത്തെ അ​ധ്യാ​പ​ക ജീ​വി​ത​വും വീ​ടി​ന​ടു​ത്തു​ള്ള സെ​ന്‍റ് മേ​രീ​സ് ഹൈ​സ്കൂ​ളി​ലാ​യി​രു​ന്നു.

1966 മു​ത​ൽ ബാ​ല​സാ​ഹി​ത്യ ര​ച​ന​യി​ലും കു​ട്ടി​ക​ൾ​ക്കാ​യു​ള്ള പ​രി​ശീ​ല​ന പ​രി​പാ​ടി​ക​ളി​ലും പ്ര​ഭാ​ഷ​ണ വേ​ദി​ക​ളി​ലും സ​ജീ​വ​മാ​ണ്. ആ​ദ്യ​നോ​വ​ൽ മി​ന്നാ​മി​നു​ങ്ങ് പ്ര​സി​ദ്ധീ​ക​രി​ച്ച​ത് പൂ​ന്പാ​റ്റ മാ​സി​ക​യി​ലാ​ണ്. നൂ​റു രൂ​പ​യാ​യി​രു​ന്നു പ്ര​തി​ഫ​ലം.

കു​ട്ടി​ക്ക​ഥ​ക​ളി​ലും ക​വി​ത​ക​ളി​ലും ഒ​തു​ങ്ങു​ത​ല്ല സി​പ്പി​യു​ടെ ബാ​ല​സാ​ഹി​ത്യ​ലോ​കം. നോ​വ​ലു​ക​ൾ, ന​ഴ്സ​റി​പ്പാ​ട്ടു​ക​ൾ, ക​ഥാ​പ്ര​സം​ഗ​ങ്ങ​ൾ, ജീ​വ​ച​രി​ത്ര​ങ്ങ​ൾ, അ​നു​ഭ​വ​ക്കു​റി​പ്പു​ക​ൾ, ബാ​ല​ലേ​ഖ​ന​ങ്ങ​ൾ... ഇ​തി​ലൂ​ടെ​യെ​ല്ലാം ഈ ​അ​ധ്യാ​പ​ക​ൻ കു​ട്ടി​ക​ളെ​യും മു​തി​ർ​ന്ന​വ​രെ​യും ര​സി​പ്പി​ച്ചു, ചി​ന്തി​പ്പി​ച്ചു.
ചെ​ണ്ട, പൂ​രം, അ​പ്പൂ​പ്പ​ൻ​താ​ടി​യു​ടെ സ്വ​ർ​ഗ​യാ​ത്ര, ആ​ന​ക്ക് തു​ന്പി​ക്കൈ ഉ​ണ്ടാ​യ​തെ​ങ്ങ​നെ?, നൂ​റ് ന​ഴ്സ​റി​പ്പാ​ട്ടു​ക​ൾ, ചാ​ഞ്ചാ​ടു​ണ്ണീ ചാ​ഞ്ചാ​ട്, നൂ​റ് അ​ക്ഷ​ര​പ്പാ​ട്ടു​ക​ൾ, നൂ​റ് ഗ​ണി​ത​ഗാ​ന​ങ്ങ​ൾ, ത​ത്ത​മ്മേ പൂ​ച്ച​പൂ​ച്ച, മി​ന്നാ​മി​നു​ങ്ങ്, ഉ​ണ്ട​നും ഉ​ണ്ടി​യും പു​ലി​യ​ച്ച​നും, തേ​ൻ​തു​ള്ളി​ക​ൾ, ച​ന്ദ​ന​പ്പാ​വ, മ​യി​ലും മ​ഴ​വി​ല്ലും, കാ​ട്ടി​ലെ ക​ഥ​ക​ൾ, കു​റു​ക്ക​ൻ ക​ഥ​ക​ൾ... ഇ​ങ്ങ​നെ നീ​ളു​ന്നു ര​ച​ന​ക​ൾ. സ്കൂ​ൾ പാ​ഠ​പു​സ്ത​ക​ങ്ങ​ളി​ലും ഇ​ദ്ദേ​ഹ​ത്തി​ന്‍റെ സൃ​ഷ്ടി​ക​ൾ പ​ല​തു​ണ്ട്.

വാ​യ്ത്താ​രി​ക​ളും ക​വി​ത​ക​ളും ക​ഥ​ക​ളു​മെ​ല്ലാം ചേ​രും​പ​ടി ചേ​ർ​ത്തൊ​രു​ക്കി​യ മ​നോ​ഹ​ര​മാ​യ പ്ര​സം​ഗ​ങ്ങ​ളും സി​പ്പി​മാ​ഷി​നെ ശ്ര​ദ്ധേ​യ​നാ​ക്കു​ന്നു. കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ വി​ദ്യാ​ല​യ​ങ്ങ​ളി​ലും സാം​സ്കാ​രി​ക വേ​ദി​ക​ളി​ലു​മെ​ല്ലാം അ​ദ്ദേ​ഹം പ്ര​സം​ഗി​ക്കാ​നെ​ത്തി.

കു​ട്ടി​ക​ൾ​ക്കു മാ​ത്ര​മ​ല്ല, മു​തി​ർ​ന്ന​വ​ർ​ക്കും അ​റി​യാ​നും ആ​സ്വ​ദി​ക്കാ​നു​മു​ള്ള വാ​ക്കു​ക​ളു​ടെ വി​രു​ന്നാ​യി സി​പ്പി​യു​ടെ വ​ർ​ത്ത​മാ​ന​ങ്ങ​ൾ.

എ​ഴു​ത്തി​ന്‍റെ​യും പ്ര​സം​ഗ​ത്തി​ന്‍റെ​യും ത​നി​മ​ക​ൾ​ക്കൊ​പ്പം വേ​ഷ​ത്തി​ലും ഇ​ദ്ദേ​ഹം വ്യ​ത്യ​സ്ത​ത പു​ല​ർ​ത്തു​ന്നു. ജു​ബ്ബ​യി​ല​ല്ലാ​തെ സി​പ്പി​മാ​ഷി​നെ കാ​ണു​ക എ​ളു​പ്പ​മ​ല്ല. ക​ഴു​ത്തി​നു ചു​റ്റും ചി​ത്ര​പ്പ​ണി​ക​ൾ കൊ​ണ്ടു മ​നോ​ഹ​ര​മാ​ക്കി​യ ജു​ബ്ബ​യാ​ണു സി​പ്പി​മാ​ഷി​ന്‍റെ സ്ഥി​രം വേ​ഷം.

അം​ഗീ​കാ​രം, ആ​ദ​രം

മി​ക​ച്ച അ​ധ്യാ​പ​ക​നു​ള്ള ദേ​ശീ​യ പു​ര​സ്കാ​രം 1992ൽ ​സി​പ്പി​ക്കു ല​ഭി​ച്ചു. കു​ഞ്ഞു​ണ്ണി​മാ​ഷി​ന്‍റെ ജീ​വി​ത​ത്തെ ആ​സ്പ​ദ​മാ​ക്കി എ​ഴു​തി​യ ഒ​രി​ട​ത്ത് ഒ​രി​ട​ത്ത് ഒ​രു കു​ഞ്ഞു​ണ്ണി എ​ന്ന പു​സ്ത​കം കേ​ന്ദ്ര​സാ​ഹി​ത്യ അ​ക്കാ​ദ​മി പു​ര​സ്കാ​ര​ത്തി​ന് അ​ർ​ഹ​നാ​യി. ഉ​ണ്ണി​ക​ൾ​ക്ക് നൂ​റ്റി​യെ​ട്ട് ഗു​രു​ദേ​വ ക​ഥ​ക​ൾ എ​ന്ന കൃ​തി​ക്ക് 2013-ൽ ​ബാ​ല​സാ​ഹി​ത്യ​ത്തി​നു​ള്ള കേ​ര​ള സാ​ഹി​ത്യ അ​ക്കാ​ദ​മി അ​വാ​ർ​ഡ് ല​ഭി​ച്ചു.

ഭീ​മ ബാ​ല​സാ​ഹി​ത്യ അ​വാ​ർ​ഡ്, ബാ​ല​സാ​ഹി​ത്യ ഇ​ൻ​സ്റ്റി​റ്റ്യൂ​ട്ടി​ന്‍റെ സ​മ​ഗ്ര​സം​ഭാ​വ​ന പു​ര​സ്കാ​രം, കെ​സി​ബി​സി അ​വാ​ർ​ഡ്, എ​ൻ​സി​ഇ​ആ​ർ​ടി അ​വാ​ർ​ഡ്, കു​ഞ്ഞു​ണ്ണി പു​ര​സ്കാ​രം, കു​ടും​ബ​ദീ​പം അ​വാ​ർ​ഡ്, ഫൊ​ക്കാ​ന സാ​ഹി​ത്യ​പു​ര​സ്കാ​രം, സ​ഹൃ​ദ​യ​വേ​ദി അ​വാ​ർ​ഡ്, കൈ​ര​ളി ചി​ൽ​ഡ്ര​ൻ​സ് ബു​ക് ട്ര​സ്റ്റ് അ​വാ​ർ​ഡ് തു​ട​ങ്ങി​വ​യും പു​ര​സ്കാ​ര​പ്പ​ട്ടി​ക​യി​ലു​ണ്ട്. കാ​ട്ടി​ലെ ക​ഥ​ക​ൾ ഇം​ഗ്ലീ​ഷി​ലേ​ക്കും, ത​ത്ത​ക​ളു​ടെ ഗ്രാ​മം ത​മി​ഴ്, ഗു​ജ​റാ​ത്തി, തെ​ലു​ങ്ക് ഭാ​ഷ​ക​ളി​ലേ​ക്കും ക്രേ​ന്ദ്ര​സാ​ഹി​ത്യ അ​ക്കാ​ഡ​മി വി​വ​ർ​ത്ത​നം ചെ​യ്തി​ട്ടു​ണ്ട്.

റി​ട്ട. അ​ധ്യാ​പി​ക സെ​ലി​നാ​ണു ഭാ​ര്യ. ശാ​രി​ക, ന​വ​നീ​ത് എ​ന്നി​വ​രാ​ണ് മ​ക്ക​ൾ.

ബാ​ല​സാ​ഹി​ത്യ​കൃ​തി​ക​ൾ കു​ട്ടി​ക​ൾ​ക്കു ര​സം പ​ക​രു​ന്ന​തി​നൊ​പ്പം അ​വ​രി​ൽ ന​ന്മ​ക​ൾ പ​ക​രു​ന്ന​തു കൂ​ടി​യാ​ക​ണ​മെ​ന്ന ബോ​ധ്യ​ത്തി​ൽ സി​പ്പി പ​ള്ളി​പ്പു​റം എ​ണ്‍​പ​തി​ലും എ​ഴു​ത്ത് തു​ട​രു​ക​യാ​ണ്.

സി​ജോ പൈ​നാ​ട​ത്ത്