നൊ​ച്ചു​ള്ളി​യി​ൽ ജി​ല്ലാ പ​ഞ്ചാ​യ​ത്തി​ന്‍റെ സ​ഹാ​യ​ത്തോ​ടെ ര​ണ്ട് കി​ലോ​വാ​ട്ടി​ന്‍റെ സൗ​രോ​ർ​ജ പാ​ന​ലു​ക​ളാ​ണ് സ്ഥാ​പി​ച്ച​ത്. ഒ​രു കി​ലോ​വാ​ട്ട് പ്ലാ​ന്‍റി​ൽ​നി​ന്ന് പ്ര​തി​ദി​നം നാ​ലു യൂ​ണി​റ്റ് വൈ​ദ്യു​തി ല​ഭി​ക്കും. ര​ണ്ടു പ്ലാ​ന്‌​റു​ക​ളി​ൽ നി​ന്ന് എ​ട്ടു യൂ​ണി​റ്റ്. വീ​ടു​ക​ളി​ൽ ഉ​പ​യോ​ഗ​ത്തി​ന് പ​ര​മാ​വ​ധി നാ​ലു യൂ​ണി​റ്റു മ​തി​യെ​ന്നി​രി​ക്കെ ബാ​ക്കി നാ​ലു യൂ​ണി​റ്റ് ഗ്രി​ഡ് വ​ഴി വൈ​ദ്യു​തി​ബോ​ർ​ഡി​ന് ന​ല്കു​ക​യാ​ണ്.

തൊ​ട്ടു​കൂ​ടാ​യ്മ ന​ട​മാ​ടി​യി​രു​ന്ന കാ​ല​ത്ത് പാ​ല​ക്കാ​ട് കു​ഴ​ൽ​മ​ന്ദ​ത്തെ നാ​യാ​ടി വി​ഭാ​ഗ​ത്തി​ന്‍റെ കോ​ള​നി 1934ൽ ​മ​ഹാ​ത്മാ​ഗാ​ന്ധി സ​ന്ദ​ർ​ശി​ച്ചു. കു​ഴ​ൽ​മ​ന്ദ​ത്തും കു​ന്ന​ത്തൂ​ർ, പെ​രി​ങ്ങോ​ട്ടു​കു​റി​ശി, കോ​ട്ടാ​യി, പു​ളി​നെ​ല്ലി പ്ര​ദേ​ശ​ങ്ങ​ളി​ലും ക​ഴി​ഞ്ഞി​രു​ന്ന ദ​ളി​ത​രാ​യ നാ​യാ​ടി​ക​ളെ കാ​ണാ​നാ​യി​രു​ന്നു മ​ഹാ​ത്മ​ജി​യു​ടെ വ​ര​വ്.

പൊ​തു​നി​ര​ത്തു​ക​ളി​ൽ പ്ര​വേ​ശ​നം നി​ഷേ​ധി​ക്ക​പ്പെ​ട്ടി​രു​ന്ന ആ ​ജ​ന​ത​തി​യു​ടെ ന​ര​ക​യാ​ത​ന അ​ദ്ദേ​ഹം ക​ണ്ട​റി​ഞ്ഞു. അ​വ​ർ‌​ക്ക് പൊ​തു​കി​ണ​റി​ൽ​നി​ന്നു കു​ടി​വെ​ള്ളം നി​ഷേ​ധി​ക്ക​പ്പെ​ട്ടി​രു​ന്ന സാ​ഹ​ച​ര്യ​ത്തി​ൽ ഗാ​ന്ധി​ജി​യു​ടെ നി​ർ​ദേ​ശ​മ​നു​സ​രി​ച്ച് നൊ​ച്ചു​ള്ളി​യി​ൽ ഒ​രു പൊ​തു​കി​ണ​ർ നി​ർ​മി​ച്ച​ത് ച​രി​ത്രം.

ആ ​കി​ണ​റ്റി​ൽ​നി​ന്ന് കാ​ല​ങ്ങ​ളോ​ളം ഗ്രാ​മ​വാ​സി​ക​ൾ ദാ​ഹ​മ​ക​റ്റി. കാ​ല​പ്ര​യാ​ണ​ത്തി​ൽ ഉ​ച്ച​നീ​ച​ത്വം ഇ​ല്ലാ​താ​യി. സ്വ​ത​ന്ത്ര ഇ​ന്ത്യ​യി​ൽ ജാ​തി​ക്കും മ​ത​ത്തി​നു​മ​പ്പു​റം മ​നു​ഷ്യ​ർ എ​ന്ന പൊ​തു​വി​കാ​ര​ത്തി​ലേ​ക്ക് വ്യ​വ​സ്ഥി​തി​യും നി​യ​മ​വും മാ​റി.

നൊ​ച്ചു​ള്ളി​യി​ലെ കി​ണ​ർ 2020-ൽ ​പാ​ല​ക്കാ​ട് ജി​ല്ലാ​പ​ഞ്ചാ​യ​ത്ത് ഏ​റ്റെ​ടു​ത്തു ന​വീ​ക​രി​ച്ച് ഗാ​ന്ധി​ജി സ്മാ​ര​ക കി​ണ​ർ എ​ന്നു പേ​രി​ട്ടു. മ​ഹാ​ത്മ​ജി​യു​ടെ ചി​ത്ര​ങ്ങ​ളും വാ​ക്കു​ക​ളും അ​തി​ൽ ആ​ലേ​ഖ​നം ചെ​യ്യു​ക​യും ചെ​യ്തു.

സൗ​രോ​ർ​ജ വി​പ്ല​വം

നൊ​ച്ചു​ള്ളി​യി​ൽ ക​ഴി​ഞ്ഞ​വ​ർ​ഷം മ​റ്റൊ​രു സു​പ്ര​ധാ​ന സം​ഭ​വ​മു​ണ്ടാ​യി. ഇ​ക്കാ​ലം​വ​രെ അ​വി​ടെ പ​ട്ടി​ക​ജാ​തി പ​ട്ടി​ക​വ​ർ​ഗ കു​ടും​ബ​ങ്ങ​ൾ​ക്ക് വൈ​ദ്യു​തി ല​ഭി​ച്ചി​രു​ന്നി​ല്ല. വൈ​ദ്യു​തി മ​ന്ത്രി കെ. ​കൃ​ഷ്ണ​ൻ​കു​ട്ടി​യു​ടെ സ്വ​ന്തം ജി​ല്ല​യാ​യി​രി​ക്കെ പി​ന്നാ​ക്ക കു​ടും​ബ​ങ്ങ​ൾ​ക്കു വെ​ളി​ച്ചം എ​ത്തി​ക്കാ​നു​ള്ള സാ​ധ്യ​ത മ​ന്ത്രി വൈ​ദ്യു​തി ബോ​ർ​ഡ് ഉ​ദ്യോ​ഗ​സ്ഥ​രു​മാ​യി ച​ർ​ച്ച ചെ​യ്തു.

കേ​ന്ദ്ര സ​ർ​ക്കാ​ർ സ​ബ്സി​ഡി​യോ​ടെ അ​വി​ടെ പു​ര​പ്പു​റ സൗ​രോ​ർ​ജ വൈ​ദ്യു​തി ന​ട​പ്പി​ലാ​ക്കാ​മെ​ന്നു വൈ​ദ്യു​തി ബോ​ർ​ഡ് ഡ​യ​റ​ക്ട​ർ ആ​ർ. സു​കു നി​ർ​ദേ​ശം വ​ച്ചു. 40 ശ​ത​മാ​നം കേ​ന്ദ്ര​സ​ബ്സി​ഡി​യു​ള്ള പ​ദ്ധ​തി​യി​ൽ ശേ​ഷി​ക്കു​ന്ന തു​ക പാ​ല​ക്കാ​ട് ജി​ല്ലാ പ​ഞ്ചാ​യ​ത്ത് ഏ​റ്റെ​ടു​ക്കാ​ൻ ത​യാ​റാ​യ​തോ​ടെ കോ​ള​നി​യി​ലെ വീ​ടു​ക​ളി​ൽ ക​ഴി​ഞ്ഞ ഓ​ഗ​സ്റ്റി​ൽ വെ​ളി​ച്ച​മെ​ത്തി.

പ​ദ്ധ​തി വി​ജ​യ​മാ​യ​തോ​ടെ മ​റ്റ് കോ​ള​നി​ക​ളി​ൽ സ​മാ​ന​രീ​തി​യി​ൽ വെ​ളി​ച്ച​മെ​ത്തി​ക്കാ​നു​ള്ള ശ്ര​മം സം​സ്ഥാ​ന സ​ർ​ക്കാ​ർ ആ​രം​ഭി​ച്ചി​രി​ക്കു​ന്നു.

നൊ​ച്ചു​ള്ളി​യി​ൽ ജി​ല്ലാ പ​ഞ്ചാ​യ​ത്തി​ന്‍റെ സ​ഹാ​യ​ത്തോ​ടെ ര​ണ്ട് കി​ലോ​വാ​ട്ടി​ന്‍റെ സൗ​രോ​ർ​ജ പാ​ന​ലു​ക​ളാ​ണ് സ്ഥാ​പി​ച്ച​ത്. ഒ​രു കി​ലോ​വാ​ട്ട് പ്ലാ​ന്‍റി​ൽ​നി​ന്ന് പ്ര​തി​ദി​നം നാ​ലു യൂ​ണി​റ്റ് വൈ​ദ്യു​തി ല​ഭി​ക്കും. ര​ണ്ടു പ്ലാ​ന്‌​റു​ക​ളി​ൽ നി​ന്ന് എ​ട്ടു യൂ​ണി​റ്റ്.

വീ​ടു​ക​ളി​ൽ ഉ​പ​യോ​ഗ​ത്തി​ന് പ​ര​മാ​വ​ധി നാ​ലു യൂ​ണി​റ്റു മ​തി​യെ​ന്നി​രി​ക്കെ ബാ​ക്കി നാ​ലു യൂ​ണി​റ്റ് ഗ്രി​ഡ് വ​ഴി വൈ​ദ്യു​തി​ബോ​ർ​ഡി​ന് ന​ല്കു​ക​യാ​ണ്. യൂ​ണി​റ്റി​ന് 3.22 രൂ​പ നി​ര​ക്കി​ലാ​ണ് സ​ർ​ക്കാ​ർ വൈ​ദ്യു​തി വാ​ങ്ങു​ന്ന​ത്.

മേ​ൽ​ക്കൂ​ര​ക​ളി​ൽ സ്ഥാ​പി​ച്ച സോ​ളാ​ർ പാ​ന​ലി​ന് 25 വ​ർ​ഷ​ത്തെ ഗാ​ര​ന്‍റി​യാ​ണ് നി​ർ​മാ​ണ ഏ​ജ​ൻ​സി ന​ല്കു​ന്ന​ത്. പാ​ന​ലു​ക​ൾ സ്ഥാ​പി​ക്കു​ന്ന​വ​ർ 25 വ​ർ​ഷ​ത്തേ​ക്ക് വൈ​ദ്യു​തി ബി​ൽ അ​ട​യ്ക്കേ​ണ്ടെ​ന്നു മാ​ത്ര​മ​ല്ല അ​ധി​ക വൈ​ദ്യു​തി കെ​എ​സ്ഇ​ബി​യ്ക്ക് ന​ല്കു​ന്ന​തി​ലൂ​ടെ ചെ​റി​യൊ​രു സാ​ന്പ​ത്തി​ക വ​രു​മാ​ന​വും ല​ഭ്യ​മാ​കു​ന്നു.

ഗാ​ന്ധി​ജി​യു​ടെ പാ​ദ​സ്പ​ർ​ശ​മേ​റ്റ മ​ണ്ണി​ൽ​ത​ന്നെ പി​ന്നാ​ക്ക വി​ഭാ​ഗ​ങ്ങ​ൾ​ക്ക് വൈ​ദ്യു​തി എ​ത്തി​ക്കാ​നു​ള്ള പ​ദ്ധ​തി​ക്ക് തു​ട​ക്ക​മി​ടാ​നാ​യി. ഈ ​സം​രം​ഭം ദേ​ശീ​യ​ത​ല​ത്തി​ൽ​ത​ന്നെ ശ്ര​ദ്ധ നേ​ടി​യ​താ​യും സം​സ്ഥാ​ന​ത്ത് വെ​ളി​ച്ചം എ​ത്തി​യി​ട്ടി​ല്ലാ​ത്ത മേ​ഖ​ല​ക​ളി​ൽ‌ ഈ ​പ​ദ്ധ​തി ന​ട​പ്പാ​ക്കു​മെ​ന്നും വൈ​ദ്യു​തി​മ​ന്ത്രി കെ. ​കൃ​ഷ്ണ​ൻ​കു​ട്ടി വ്യ​ക്ത​മാ​ക്കി.

പു​ര​പ്പു​റം ത​രും പ​ണം

കേ​ന്ദ്ര പു​ന​രു​പ​യോ​ഗ മ​ന്ത്രാ​ല​യം ഫേ​സ് ടു ​സ്കീ​മി​ൽ മൂ​ന്നു കി​ലോ​വാ​ട്ട് വ​രെ ശേ​ഷി​യു​ള്ള പു​ര​പ്പു​റം പ്ലാ​ന്‍റി​ന് 40 ശ​ത​മാ​നം സ​ബ്സി​ഡി​യും മൂ​ന്നു മു​ത​ൽ 10 കി​ലോ​വാ​ട്ട് വ​രെ 20 ശ​ത​മാ​നം സ​ബ്സി​ഡി​യു​മാ​ണ് അ​നു​വ​ദി​ച്ചി​ട്ടു​ള്ള​ത്.

ജ​ന​റ​ൽ കാ​റ്റ​ഗ​റി​യി​ൽ വ​ണ്‍ എ ​താ​രി​ഫ് ഉ​ള്ള​വ​ർ​ക്കാ​ണ് ഇ​തി​ൽ ഉ​പ​യോ​ക്താ​ക്ക​ളാ​കാ​ൻ ക​ഴി​യു​ക. നൂ​ത​ന​മാ​യ ഈ ​പ​ദ്ധ​തി ന​ട​പ്പാ​ക്കാ​ൻ കെ​എ​സ്ഇ​ബി വി​ക​സി​പ്പി​ച്ച പോ​ർ​ട്ട​ലാ​ണ് ഇ-​കി​ര​ണ്‍. ഇ​തി​ൽ ഉ​പ​യോ​ക്താ​ക്ക​ൾ, വൈ​ദ്യു​തി ബോ​ർ​ഡ്, നി​ർ​മാ​താ​ക്ക​ൾ അ​ഥ​വാ ക​രാ​റു​കാ​ർ എ​ന്നി​വ​ർ​ക്ക് ഒ​രേ സ​മ​യം ലോ​ഗി​ൻ ചെ​യ്യാം.

പോ​ർ​ട്ട​ലി​ൽ പ​ദ്ധ​തി​യെ​ക്കു​റി​ച്ച​റി​യാ​നും ല​ളി​ത​മാ​യ രീ​തി​യി​ൽ ര​ജി​സ്ട്രേ​ഷ​ൻ ചെ​യ്യാ​നും സാ​ധി​ക്കും. പ്ലാ​ന്‍റ് ര​ജി​സ്ട്രേ​ഷ​ൻ ചെ​യ്യു​ന്ന​തി​ന് ഒ​രു രൂ​പ പോ​ലും ഫീ​സ് ന​ല്കേ​ണ്ട​തി​ല്ല. ഇ-​കി​ര​ണ്‍ പോ​ർ​ട്ട​ലി​ൽ ര​ജി​സ്ട്രേ​ഷ​ൻ പൂ​ർ​ത്തി​യാ​ക്കി​യാ​ൽ ഉ​പ​ഭോ​ക്താ​വി​ന് കെ​എ​സ്ഇ​ബി ലി​സ്റ്റ് ചെ​യ്തി​ട്ടു​ള്ള കാ​രാ​റു​കാ​രി​ൽ നി​ന്ന് താ​ൽ​പ​ര്യ​മു​ള്ള​വ​രെ തെ​ര​ഞ്ഞെ​ടു​ക്കാ​നും സാ​ധി​ക്കും.

ഉ​പ​യോ​ക്താ​വി​ന്‍റെ വി​വ​ര​ങ്ങ​ൾ ക​രാ​റു​കാ​ര​ന് ല​ഭി​ക്കു​ക​യും അ​വ​ർ വീ​ടു​ക​ളി​ലെ​ത്തി എ​ത്ര കി​ലോ​വാ​ട്ടി​ന്‍റെ പ്ലാ​ന്‍റ് സ്ഥാ​പി​ക്കാ​നാ​കു​മെ​ന്ന് വ്യ​ക്ത​ത ന​ൽ​കു​ക​യും ചെ​യ്യും.

ഒ​രു കി​ലോ​വാ​ട്ട് പ്ലാ​ന്‍റ് സ്ഥാ​പി​ക്കാ​ൻ ന​ന്നാ​യി സൂ​ര്യ​പ്ര​കാ​ശം ല​ഭ്യ​മാ​യ 100 സ്ക്വ​യ​ർ ഫീ​റ്റ് സ്ഥ​ല​മാ​ണ് ആ​വ​ശ്യ​മു​ള്ള​ത്. പൊ​തു​വി​ഭാ​ഗ​ത്തി​ന് ഒ​രു കി​ലോ വാ​ട്ട് പ്ലാ​ന്‍റ് സ്ഥാ​പി​ക്കാ​ൻ 65,000 രൂ​പ​യാ​ണ് മു​ട​ക്കേ​ണ്ടി​വ​രി​ക. ഇ​തി​ൽ 40 ശ​ത​മാ​നം സ​ബ്സി​ഡി ല​ഭി​ക്കും.

പ്ലാ​ന്‍റ് സ്ഥാ​പി​ക്കു​ന്ന മു​റ​യ്ക്ക് പൂ​ർ​ത്തീ​ക​ര​ണ സ​ർ​ട്ടി​ഫി​ക്ക​റ്റ് ഇ ​കി​ര​ണ്‍ പോ​ർ​ട്ട​ലി​ൽ അ​പ് ലോ​ഡ് ചെ​യ്യു​ക​യും തു​ട​ർ​ന്ന് കെ​എ​സ്ഇ​ബി വി​ഭാ​ഗം നി​ർ​മാ​ണ നി​ല​വാ​രം ഉ​റ​പ്പു​വ​രു​ത്തി‍​യ ശേ​ഷ​മാ​യി​രി​ക്കും സ​ബ്സി​ഡി ന​ൽ​കു​ക.

മ​ലി​നീ​ക​ര​ണം പ​ര​മാ​വ​ധി ഒ​ഴി​വാ​ക്കാ​മെ​ന്ന കാ​ഴ്ച​പ്പാ​ടി​ലാ​ണ് ഗ്രീ​ൻ എ​ന​ർ​ജി എ​ന്ന ആ​ശ​യം രൂ​പം​കൊ​ണ്ട​ത്. ഒ​പ്പം സം​രം​ഭ​ക​ർ​ക്ക് സാ​ന്പ​ത്തി​ക നേ​ട്ട​വും. മൂ​ന്നു കി​ലോ​വാ​ട്ട് ശേ​ഷി​യു​ള്ള പ്ലാ​ന്‍റി​ൽ​നി​ന്ന് പ്ര​തി​ദി​നം ശ​രാ​ശ​രി 12 യൂ​ണി​റ്റ് വൈ​ദ്യു​തി ല​ഭി​ച്ചാ​ൽ ഗാ​ര​ന്‍റി പീ​രി​ഡാ​യ 25 വ​ർ​ഷ​ത്തേ​യ്ക്ക് വൈ​ദ്യു​തി ബി​ൽ ഇ​ന​ത്തി​ൽ ഒ​രു രൂ​പ പോ​ലും അ​ട​യ്ക്കേ​ണ്ടി വ​രു​ന്നു​മി​ല്ല.

വൈ​ദ്യു​തി ബോ​ർ​ഡ് ഓ​ണ്‍​ഗ്രി​ഡ് വി​ഭാ​ഗ​ത്തി​ലാ​ണ് ഈ ​പ​ദ്ധ​തി രൂ​പ​ക​ല്പ​ന ചെ​യ്തി​ട്ടു​ള്ള​ത്. ഓ​ണ്‍ ഗ്രി​ഡ് ക​ണ​ക്ഷ​ൻ നെ​റ്റ് മീ​റ്റ​ർ സം​വി​ധാ​നം ഉ​പ​യോ​ഗി​ച്ച് അ​ധി​ക വൈ​ദ്യു​തി യൂ​ണി​റ്റി​ന് 3.22 നി​ര​ക്കി​ൽ വൈ​ദ്യു​ത ബോ​ർ​ഡ് ഏ​റ്റെ​ടു​ക്കും. രാ​ത്രി സൗ​രോ​ർ​ജ​പാ​ന​ൽ പ്ര​വ​ർ​ത്ത​ന​ര​ഹി​ത​മാ​കു​ന്ന സ​മ​യ​ത്ത് പൊ​തു​ഗ്രി​ഡി​ൽ നി​ന്ന് ഉ​പ​യോ​ക്താ​ക്ക​ൾ​ക്ക് കെ​എ​സ്ഇ​ബി​യു​ടെ വൈെ​ദ്യു​തി ഉ​പ​യോ​ഗി​ക്കാ​വും.

ഒ​രു മാ​സം 500 യൂ​ണി​റ്റ് വൈ​ദ്യു​തി ഉ​ത്പാ​ദി​പ്പി​ക്കു​ക​യും 300 യൂ​ണി​റ്റ് ഉ​പ​യോ​ഗി​ക്കു​ക​യും ബാ​ക്കി​വ​രു​ന്ന 200 യൂ​ണി​റ്റ് വൈ​ദ്യു​തി ബോ​ർ​ഡി​നു ന​ല്കു​ക​യും ചെ​യ്താ​ൽ വൈ​ദ്യു​തി ബോ​ർ​ഡ് അ​ത്ര​യും യൂ​ണി​റ്റ് കൃ​ത്യ​മാ​യി ബാ​ങ്ക് ചെ​യ്യും. അ​ടു​ത്ത മാ​സം ഉ​ത്പാ​ദ​നം കു​റ​വാ​ണെ​ങ്കി​ൽ ബാ​ങ്ക് ചെ​യ്‌​ത യൂ​ണി​റ്റി​ൽ നി​ന്ന് അ​ത് നെ​റ്റ് മീ​റ്റ​ർ വ​ഴി ഉ​പ​യോ​ഗി​ക്കാ​ൻ സാ​ധി​ക്കും.

സോ​ളാ​ർ വ​ർ​ഷം തു​ട​ങ്ങു​ന്ന​ത് ഒ​ക്ടോ​ബ​റി​ലും അ​വ​സാ​നി​ക്കു​ന്ന​ത് സെ​പ്റ്റം​ബ​റി​ലു​മാ​ണ്. സോ​ളാ​ർ പാ​ന​ലു​ക​ളി​ൽ നി​ന്ന് വൈ​ദ്യ​തി ബോ​ർ​ഡ് ഏ​റ്റെ​ടു​ത്ത യൂ​ണി​റ്റു​ക​ളു​ടെ പ​ണം എ​ല്ലാ വ​ർ​ഷ​വും സെ​പ്റ്റം​ബ​റി​ൽ വൈ​ദ്യു​തി ബോ​ർ​ഡ് ന​ല്കും.

ക​ഴി​ഞ്ഞ മാ​സം സം​സ്ഥാ​ന വൈ​ദ്യു​തി ബോ​ർ​ഡി​ന്‌​റെ ഉ​ന്ന​ത ഉ​ദ്യോ​ഗ​സ്ഥ​ർ കേ​ന്ദ്ര സ​ർ​ക്കാ​രി​ന്‍റെ ക്ഷ​ണം സ്വീ​ക​രി​ച്ച് ഡ​ൽ‌​ഹി​യി​ലെ​ത്തി. കേ​ര​ളം വി​ജ​യ​ക​ര​മാ​യി ന​ട​പ്പാ​ക്കി​യ പു​ര​പ്പു​റം സോ​ളാ​ർ പ​ദ്ധ​തി​യെ​ക്കു​റി​ച്ച് മ​റ്റു സം​സ്ഥാ​ന​ങ്ങ​ൾ​ക്ക് വി​വ​ര​ണം ന​ല്കു​ന്ന​തി​നാ​യി​രു​ന്നു ക്ഷ​ണം.

പു​ര​പ്പു​റം സൗ​രോ​ർ​ജ്ജ പ​ദ്ധ​തി സ​മ​യ​ബ​ന്ധി​ത​മാ​യി ന​ട​പ്പി​ലാ​ക്കി​യ​തി​നു കെ​എ​സ്ഇ​ബി​ക്ക് ര​ണ്ടു അ​വാ​ർ​ഡു​ക​ളും ല​ഭി​ച്ചു. കെ​എ​സ്ഇ​ബി ഡ​യ​റ​ക്ട​ർ ആ​ർ. സു​കു​വും സൗ​രോ​ർ​ജ വി​ഭാ​ഗം എ​ൻ​ജി​നി​യ​ർ എ​സ്.​നൗ​ഷാ​ദു​മാ​ണ് കേ​ര​ള​ത്തെ പ്ര​തി​നി​ധീ​ക​രി​ച്ച് അ​വാ​ർ​ഡു​ക​ൾ ഏ​റ്റു വാ​ങ്ങി​യ​ത്. ആ​ർ. സു​കു​വി​ന്‍റെ നേ​തൃ​ത്വ​ത്തി​ലാ​ണ് പു​ര​പ്പു​റം സോ​ളാ​ർ പ​ദ്ധ​തി സം​സ്ഥാ​ന​ത്ത് ന​ട​പ്പാ​ക്കു​ന്ന​ത്.

തോ​മ​സ് വ​ർ​ഗീ​സ്