ആ​വ​ണി തി​ങ്ക​ൾ
അ​ച്ഛ​ന്‍റെ മു​ച്ച​ക്ര സൈ​ക്കി​ളി​ന്‍റെ ഒാ​രം ചേ​ർ​ന്ന് അ​വ​ളു​ണ്ട്, കൈ​യി​ൽ ഒ​രു​പി​ടി ഭാ​ഗ്യ​ക്കു​റി​ക​ളു​മാ​യി. സ്കൂ​ൾ വി​ട്ടാ​ൽ അ​വ​ൾ ഒാ​ടി ആ ​മു​ച്ച​ക്ര വ​ണ്ടി​ക്ക​രി​കി​ലേ​ക്ക് എ​ത്തും. കാ​ര​ണം, അ​വ​ൾ ഒ​രു കൈ ​സ​ഹാ​യി​ച്ചെ​ങ്കി​ലേ ആ ​വ​ണ്ടി ഉ​രു​ളൂ. അ​വ​ധി​ക്കാ​ല​ത്തു കൂ​ട്ടു​കാ​ർ ടൂ​റി​നും ഉ​ല്ലാ​സ​ത്തി​നു​മൊ​ക്കെ പോ​യെ​ങ്കി​ലും ആ​വ​ണി എ​ന്ന കൗ​മാ​ര​ക്കാ​രി ത​നി​യെ ന​ട​ക്കാ​നാ​വാ​ത്ത അ​ച്ഛ​ന​രി​കി​ലു​ണ്ട്... പ്ര​തി​സ​ന്ധി​ക​ളെ ത​ള്ളി​നീ​ക്കി അ​വ​രു​ടെ അ​തി​ജീ​വ​ന ച​ക്രം ഉ​രു​ളു​ക​യാ​ണ്...

നേ​രം പു​ല​ർ​ന്നു ക​ഴി​ഞ്ഞു. പാ​ത​ക​ൾ​ക്കു ചെ​റു​താ​യി ജീ​വ​ൻ​വ​ച്ചു തു​ട​ങ്ങി​യി​രി​ക്കു​ന്നു. ഇ​ട​യ്ക്കി​ടെ ഇ​ര​ന്പി​യെ​ത്തു​ന്ന വാ​ഹ​ന​ങ്ങ​ളും അ​വി​ടെ​യും ഇ​വി​ടെ​യു​മൊ​ക്കെ​യാ​യി ന​ട​ന്നു​നീ​ങ്ങു​ന്ന മ​നു​ഷ്യ​രു​മൊ​ക്കെ​ക്കൂ​ടി റോ​ഡി​നു ജീ​വ​ൻ പ​ക​രു​ന്നു. രാ​ത്രി​യി​ലെ ചാ​റ്റ​ൽ മ​ഴ​യു​ടെ ബാ​ക്കി​യാ​യ വെ​ള്ള​ത്തു​ള്ളി​ക​ളെ ന​ക്കി​യെ​ടു​ക്കാ​നു​ള്ള ആ​ർ​ത്തി​യോ​ടെ വെ​യി​ൽ മ​ര​ത്ത​ല​പ്പു​ക​ൾ​ക്കി​ട​യി​ൽ റോ​ഡി​ലേ​ക്ക് എ​ത്തി​ക്ക​ഴി​ഞ്ഞു. റോ​ഡി​ലെ തി​ര​ക്കി​നെ​യും വെ​യി​ലി​ന്‍റെ ചൂ​ടി​നെ​യും വ​ക​വ​യ്ക്കാ​തെ ആ ​പാ​ത​യു​ടെ അ​രി​കു ചേ​ർ​ന്ന് സൈ​ക്കി​ൾ റി​ക്ഷ പോ​ലെ​യൊ​ന്നു ക​ട​ന്നു​വ​രു​ന്നു​ണ്ട്. അ​ല്പം​കൂ​ടി അ​ടു​ത്തെ​ത്തി​യ​പ്പോ​ളാ​ണ് മ​ന​സി​ലാ​യ​ത് അ​തു ഭി​ന്ന​ശേ​ഷി​ക്കാ​ർ ഉ​പ​യോ​ഗി​ക്കു​ന്ന മു​ച്ച​ക്ര സൈ​ക്കി​ളാ​ണ്.

സ്നേ​ഹ​മാ​ണ് ഇ​ന്ധ​നം

ആ ​സൈ​ക്കി​ളി​ന്‍റെ സീ​റ്റി​ൽ ചു​രു​ണ്ടു​കൂ​ടി​യി​രി​ക്കു​ന്ന മ​ട്ടി​ൽ ഒ​രു മ​നു​ഷ്യ​ൻ.. സീ​റ്റി​ന് അ​രി​കി​ൽ ഘ​ടി​പ്പി​ച്ചി​രി​ക്കു​ന്ന സൈ​ക്കി​ൾ പെ​ഡ​ൽ പോ​ലെ​യു​ള്ള ഉ​പ​ക​ര​ണം കൈ​കൊ​ണ്ടു ബ​ലം​പ്ര​യോ​ഗി​ച്ചു ക​റ​ക്കി വേ​ണം ആ ​സൈ​ക്കി​ൾ മു​ന്നോ​ട്ടു നീ​ക്കാ​ൻ. എ​ന്നാ​ൽ, ശാ​രീ​രി​ക പ​രി​മി​തി​ക​ളു​ള്ള ആ ​മ​നു​ഷ്യ​ന് ഒാ​ടി​ക്കാ​ൻ എ​ളു​പ്പ​മ​ല്ലെ​ന്ന് ഒ​റ്റ നോ​ട്ട​ത്തി​ൽ വ്യ​ക്തം. ക​യ​റ്റ​വും ഗ​ട്ട​റു​മൊ​ന്നും ത​ര​ണം ചെ​യ്യാ​ൻ ആ ​കൈ​ക​ളു​ടെ ബ​ലം മ​തി​യാ​വി​ല്ല.

സൈ​ക്കി​ളി​ന്‍റെ മു​ൻ വ​ശ​ത്തെ ബോ​ർ​ഡി​ൽ നി​ര​ത്തി​യി​രി​ക്കു​ന്ന കേ​ര​ള ഭാ​ഗ്യ​ക്കു​റി​ക​ൾ വ​ഴി​യോ​ര​ത്തു കാ​ണു​ന്ന​വ​ർ​ക്കു നേ​രേ നീ​ട്ടു​ക​യാ​ണ് ആ ​മ​നു​ഷ്യ​ൻ. ചി​ല​രൊ​ക്കെ സൈ​ക്കി​ളി​ന് അ​ടു​ത്തേ​ക്ക് എ​ത്തു​ന്നു, ലോ​ട്ട​റി​ക​ൾ തി​ര​ഞ്ഞു​വാ​ങ്ങു​ന്നു, എ​ന്തെ​ങ്കി​ലു​മൊ​ക്കെ കു​ശ​ലം പ​റ​യു​ന്നു. ചി​ല​ർ ഇ​തൊ​ന്നും ഗൗ​നി​ക്കാ​തെ റോ​ഡി​ലൂ​ടെ ക​ട​ന്നു​പോ​കു​ന്നു.

പ​രി​മി​തി​ക​ളു​ടെ റി​ക്ഷ​യി​ലാ​ണ് സ​ഞ്ചാ​ര​മെ​ങ്കി​ലും ആ ​മ​നു​ഷ്യ​ന്‍റെ മു​ഖ​ത്ത് ഒ​രു തെ​ളി​ഞ്ഞ പു​ഞ്ചി​രി​യു​ണ്ട്. മു​ന്നി​ൽ ക​യ​റ്റ​വും കു​ഴി​ക​ളു​മൊ​ക്കെ വ​ന്നാ​ലും ത​ര​ണം ചെ​യ്തു മു​ന്നോ​ട്ടു​പോ​കാ​നാ​വു​മെ​ന്ന ആ​ത്മ​വി​ശ്വ​സ​മു​ണ്ട്. വ​ഴി​യി​ലെ തി​ര​ക്കും വ​ണ്ടി​ക​ളു​ടെ ബ​ഹ​ള​വു​മൊ​ന്നും അ​ദ്ദേ​ഹ​ത്തെ പ​രി​ഭ്ര​മ​ത്തി​ലാ​ഴ്ത്തു​ന്നു​മി​ല്ല.

എ​ന്താ​ണ് ഈ ​ആ​ത്മ​വി​ശ്വാ​സ​ത്തി​ന്‍റെ ര​ഹ​സ്യ​മെ​ന്ന മ​ട്ടി​ൽ ആ ​മു​ഖ​ത്തേ​ക്കു നോ​ക്കി​യ​പ്പോ​ഴാ​ണ് അ​ദ്ദേ​ഹം പു​ഞ്ചി​രി​ക്കു​ന്ന മു​ഖം പി​ന്നി​ലേ​ക്കു തി​രി​ച്ച​ത്. അ​പ്പോ​ഴാ​ണ് ക​ണ്ട​ത് ആ​ക​ർ​ഷ​ക​മാ​യി വേ​ഷം ധ​രി​ച്ച, മി​ടു​ക്കി​യാ​യ ഒ​രു പെ​ൺ​കു​ട്ടി ആ ​മു​ച്ച​ക്ര സൈ​ക്കി​നു പി​ന്നി​ൽ. അ​വ​ളാ​ണ് ആ ​സൈ​ക്കി​ളി​ന്‍റെ ഇ​ന്ധ​നം. തി​ര​ക്കി​നി​ട​യി​ലൂ​ടെ മു​ച്ച​ക്ര സൈ​ക്കി​ളി​നെ മു​ന്നോ​ട്ടു​ത​ള്ളു​ന്ന​ത് അ​വ​ളു​ടെ കൈ​ക​ളാ​ണ്.

അ​വ​ളു​ടെ കൈ​യി​ലു​മു​ണ്ട് ഏ​താ​നും ലോ​ട്ട​റി ടി​ക്ക​റ്റു​ക​ൾ. വ​ണ്ടി​ക്ക് അ​രി​കി​ലേ​ക്കു വ​ന്നു ലോ​ട്ട​റി​യെ​ടു​ക്കാ​ൻ സാ​ധി​ക്കാ​ത്ത​വ​ർ​ക്കും വാ​ഹ​ന​ത്തി​ൽ ഇ​രി​ക്കു​ന്ന​വ​ർ​ക്കും ക​ട​ത്തി​ണ്ണ​ക​ളി​ലും മ​റ്റും നി​ൽ​ക്കു​ന്ന​വ​ർ​ക്കും അ​വ​ളാ​ണ് ലോ​ട്ട​റി ടി​ക്ക​റ്റ് ന​ൽ​കു​ന്ന​ത്. അ​ച്ഛ​ന്‍റെ മു​ച്ച​ക്ര സൈ​ക്കി​ളി​നെ ത​ള്ളി ഭാ​വ​ഭേ​ദ​മി​ല്ലാ​തെ ആ ​കൗ​മാ​ര​ക്കാ​രി. ശാ​രീ​രി​ക പ​രി​മി​തി​യി​ൽ മു​ച്ച​ക്ര വ​ണ്ടി​യി​ൽ ലോ​ട്ട​റി​ക്ക​ച്ച​വ​ടം ന​ട​ത്തു​ന്ന അ​ച്ഛ​ന്‍റെ അ​രി​കു​ചേ​ർ​ന്നു ന​ട​ക്കാ​ൻ അ​വ​ൾ​ക്കു മ​ടി​യി​ല്ല. കോ​ട്ട​യം ചെ​ങ്ങ​ളം കു​ന്നും​പു​റം ഭാ​ഗ​ത്തു​നി​ന്നു​ള്ള ഈ ​പ്ര​ഭാ​ത കാ​ഴ്ച ആ​രു​ടെ​യും മ​ന​സു നി​റ​യ്ക്കും. സ​ന്തോ​ഷ​വും അ​ഭി​മാ​ന​വും ആ​ദ​ര​വും തോ​ന്നു​ന്ന കാ​ഴ്ച. ഒ​ര​ച്ഛ​ന്‍റെ​യും മ​ക​ളു​ടെ​യും അ​തി​ജീ​വ​ന​യാ​ത്ര.

മാ​റി​മ​റി​ഞ്ഞ ജീ​വി​തം

ചെ​ങ്ങ​ളം കൊ​ച്ചു​കോ​ത​മ​ന​ശേ​രി​യി​ൽ അ​ജ​ന്തേ​ഷ് ആ​ണ് ഈ ​അ​ച്ഛ​ൻ. ഉ​ന്തു​വ​ണ്ടി​യു​ടെ ഒാ​രം ചേ​ർ​ന്ന് അ​ച്ഛ​നെ സ​ഹാ​യി​ക്കാ​നെ​ത്തു​ന്ന ആ​വ​ണി​യാ​ണ് ആ ​കൊ​ച്ചു​മി​ടു​ക്കി. അ​ച്ഛ​ന്‍റെ പ​രി​മി​തി​ക​ളെ നാ​ണ​ക്കേ​ടോ ല​ജ്ജ​യോ ആ​യി ക​രു​താ​ത്ത കൗ​മാ​ര​ക്കാ​രി. കൂ​ട്ടു​കാ​രൊ​ക്കെ അ​വ​ധി​ക്കാ​ലം ട്രി​പ്പു​ക​ൾ പോ​കാ​നും കൂ​ട്ടു​കാ​ർ​ക്കൊ​പ്പം അ​ടി​ച്ചു​പൊ​ളി​ക്കാ​നും സി​നി​മ കാ​ണാ​നു​മൊ​ക്കെ ചെ​ല​വ​ഴി​ക്കു​ന്പോ​ൾ അ​വ​ൾ അ​ച്ഛ​നൊ​പ്പം ന​ട​ക്കു​ക​യാ​ണ്.

വീ​ട്ടി​ലെ അ​ടു​പ്പു പു​ക​യാ​ൻ ആ​കെ​യു​ള്ള ആ​ശ്ര​യം ഈ ​ഉ​ന്തു​വ​ണ്ടി​യു​ടെ യാ​ത്ര​യാ​ണ്. അ​തൊ​രു ദി​വ​സം മു​ട​ങ്ങി​യാ​ൽ വീ​ട്ടി​ൽ പ​ല​തും മു​ട​ങ്ങും. അ​തു​കൊ​ണ്ടു വെ​യി​ലും മ​ഴ​യു​മൊ​ന്നും ഗൗ​നി​ക്കാ​തെ ആ ​ഉ​ന്തു​വ​ണ്ടി​യും അ​തി​നെ മു​ന്നോ​ട്ടു​ത​ള്ളു​ന്ന പെ​ൺ​കു​ട്ടി​യും മി​ക്ക ദി​വ​സ​ങ്ങ​ളി​ലും ഈ ​പാ​ത​യി​ലെ കാ​ഴ്ച​യാ​ണ്.

സാ​ധാ​ര​ണ​പോ​ലെ ഒ​രു ജീ​വി​ത​മാ​യി​രു​ന്നു അ​ജ​ന്തേ​ഷി​ന്‍റേ​തും. എ​ന്നാ​ൽ, 14 വ​ർ​ഷ​ങ്ങ​ൾ​ക്കു മു​ന്പ് ചി​ല ശാ​രീ​രി​ക അ​സ്വ​സ്ഥ​ത​ക​ൾ തോ​ന്നി​യ​പ്പോ​ഴാ​ണ് ചി​കി​ത്സ തേ​ടി​യ​ത്. പ​ല​വി​ധ പ​രി​ശോ​ധ​ന​ക​ൾ​ക്കൊ​ടു​വി​ൽ ഡോ​ക്ട​ർ​മാ​ർ അ​ക്കാ​ര്യം ക​ണ്ടെ​ത്തി. ത​ല​ച്ചോ​റി​ലേ​ക്കു​ള്ള ഞ​ര​ന്പ് ചു​രു​ങ്ങു​ന്ന രോ​ഗ​മാ​ണ്. ഇ​പ്പോ​ഴ​ത്തെ അ​വ​സ്ഥ​യു​മാ​യി ബ​ന്ധ​മു​ണ്ടോ​യെ​ന്ന് അ​റി​യി​ല്ലെ​ങ്കി​ലും ആ​റാം ക്ലാ​സി​ൽ പ​ഠി​ക്കു​ന്പോ​ൾ മ​ര​ത്തി​ൽ​നി​ന്നു വീ​ണ ഒ​രു സം​ഭ​വം അ​ജ​ന്തേ​ഷി​ന്‍റെ ജീ​വി​ത​ത്തി​ലു​ണ്ടാ​യി​രു​ന്നു. മാ​ങ്ങ പ​റി​ക്കാ​നാ​യി മാ​വി​ൽ ക​യ​റി​യ​താ​യി​രു​ന്നു. ഇ​തി​നി​ടെ, പി​ടി​വി​ട്ട് താ​ഴേ​ക്കു വീ​ണു. അ​ന്നു ചി​ല പ​രി​ക്കു​ക​ൾ പ​റ്റി​യെ​ങ്കി​ലും അ​ജ​ന്തേ​ഷ് അ​തു കാ​ര്യ​മാ​ക്കി​യി​ല്ല. പി​ന്നീ​ടു കാ​ലം മു​ന്നോ​ട്ടു​പോ​യി.

എ​ന്നാ​ൽ, വി​വാ​ഹം ക​ഴി​ഞ്ഞു ര​ണ്ടു വ​ർ​ഷം ക​ഴി​ഞ്ഞ​പ്പോ​ൾ അ​ജ​ന്തേ​ഷ് കി​ട​പ്പി​ലാ​യി. സം​സാ​ര​ശേ​ഷി ന​ഷ്ട​പ്പെ​ട്ടു. ത​നി​യെ ഭ​ക്ഷ​ണം ക​ഴി​ക്കാ​ൻ സാ​ധി​ക്കാ​തെ​യാ​യി. കു​ടും​ബം ആ​കെ പ്ര​തി​സ​ന്ധി​യി​ലാ​യ ദി​വ​സ​ങ്ങ​ളാ​യി​രു​ന്നു അ​ത്. വി​ദ​ഗ്ധ പ​രി​ശോ​ധ​ന​യി​ലാ​ണ് ത​ല​യി​ലേ​ക്കു​ള്ള ഞ​ര​ന്പു​ക​ൾ ചു​രു​ങ്ങു​ന്ന അ​വ​സ്ഥ​യാ​ണെ​ന്നു ക​ണ്ടെ​ത്തി​യ​ത്. പ​ല ആ​ശു​പ​ത്രി​ക​ളി​ലും ചി​കി​ത്സി​ച്ചെ​ങ്കി​ലും കാ​ര്യ​മാ​യ പു​രോ​ഗ​തി​യു​ണ്ടാ​യി​ല്ല. രോ​ഗ​ത്തി​ന്‍റെ തീ​വ്ര​ത​ക​ൾ ശ​രീ​ര​ത്തി​ൽ പ്ര​തി​ഫ​ലി​ച്ചു​തു​ട​ങ്ങി. ഒ​ടു​വി​ൽ ശ​സ്ത്ര​ക്രി​യ​യ്ക്കു വി​ധേ​യ​നാ​യി. ഇ​തോ​ടെ സം​സാ​ര​ശേ​ഷി തി​രി​ച്ചു​കി​ട്ടി. ഭ​ക്ഷ​ണം ക​ഴി​ക്കാ​നും സാ​ധി​ക്കു​ന്ന അ​വ​സ്ഥ​യാ​യി. ത​നി​യെ ന​ട​ക്കാ​ൻ ക​ഴി​യി​ല്ലെ​ങ്കി​ലും എ​വി​ടെ​യെ​ങ്കി​ലും പി​ടി​ച്ചു​നി​ൽ​ക്കാ​നാ​കും.

അ​രി​കി​ലു​ണ്ട​വ​ർ

രോ​ഗം ബാ​ധി​ച്ച​തോ​ടെ അ​ധ്വാ​ന​മു​ള്ള ജോ​ലി​ക​ൾ ചെ​യ്യാ​ൻ ക​ഴി​യാ​തെ​യാ​യി. ശ​രി​ക്കൊ​ന്നു നേ​രേ നി​ൽ​ക്കാ​ൻ ക​ഴി​യാ​ത്ത ആ​ൾ എ​ന്തു ജോ​ലി ചെ​യ്യാ​ൻ.. ഭ​ർ​ത്താ​വ് കി​ട​പ്പി​ലാ​യ​തോ​ടെ മ​ക്ക​ളെ പ​ഠി​പ്പി​ക്കാ​നും ജീ​വി​ത​ച്ചെ​ല​വു​ക​ൾ​ക്കു​മാ​യി ഭാ​ര്യ മി​നി ലോ​ട്ട​റി ക​ച്ച​വ​ടം ആ​രം​ഭി​ച്ചു. കു​മ​ര​കം ഭാ​ഗ​ത്താ​ണ് മി​നി ലോ​ട്ട​റി ക​ച്ച​വ​ടം ന​ട​ത്തു​ന്ന​ത്. മി​നി​ക്കു ല​ഭി​ക്കു​ന്ന തു​ച്ഛ​മാ​യ വ​രു​മാ​നം ഒ​ന്നി​നും തി​ക​യു​ന്നി​ല്ലെ​ന്നു വ​ന്ന​തോ​ടെ ശാ​രീ​രി​ക ബു​ദ്ധി​മു​ട്ടു​ക​ൾ വ​ക​വ​യ്ക്കാ​തെ അ​ജ​ന്തേ​ഷും ലോ​ട്ട​റി​ക്ക​ച്ച​വ​ട​ത്തി​ന് ഇ​റ​ങ്ങാ​ൻ തീ​രു​മാ​നി​ച്ചു.

വീ​ട്ടി​ലെ കി​ട​ക്ക​യി​ലേ​ക്ക് ഒ​തു​ങ്ങി​യാ​ൽ ജീ​വി​തം വ​ഴി​മു​ട്ടു​മെ​ന്ന് അ​ദ്ദേ​ഹം തി​രി​ച്ച​റി​ഞ്ഞി​രു​ന്നു. അ​ങ്ങ​നെ അ​ജ​ന്തേ​ഷും ലോ​ട്ട​റി​ക്ക​ച്ച​വ​ട​ത്തി​ലേ​ക്കു തി​രി​ഞ്ഞു. എ​ന്നാ​ൽ, പ്ര​തി​സ​ന്ധി​ക​ൾ പ​ല​താ​യി​രു​ന്നു. ഏ​റെ ദൂ​രം ന​ട​ക്കാ​നാ​വാ​ത്ത​തി​നാ​ൽ ആ​ളു​ക​ൾ നി​ൽ​ക്കു​ന്ന ഇ​ട​ങ്ങ​ളി​ലേ​ക്കു പോ​കാ​ൻ ക​ഴി​യി​ല്ല. അ​തു​പോ​ലെ അ​ധി​ക​നേ​രം നി​ൽ​ക്കാ​നും ക​ഴി​യി​ല്ല. ഈ ​സ​മ​യ​ത്താ​ണ് മു​ച്ച​ക്ര സൈ​ക്കി​ൾ കി​ട്ടി​യ​ത്.

അ​ജ​ന്തേ​ഷി​ന്‍റെ ക​ഷ്‌​ട​പ്പാ​ടു​ക​ൾ ക​ണ്ട് ചി​ല സ​ന്ന​ദ്ധ സം​ഘ​ട​ന​ക​ൾ മു​ച്ച​ക്ര സൈ​ക്കി​ൾ ന​ൽ​കി​യ​തോ​ടെ ക​ച്ച​വ​ടം ചെ​ങ്ങ​ളം കു​ന്നും​പു​റം റോ​ഡി​ലേ​ക്കു മാ​റ്റി. ഇ​പ്പോ​ൾ ഈ ​വ​ണ്ടി​യി​ലാ​ണ് ലോ​ട്ട​റി​ക്ക​ച്ച​വ​ടം. കൈ​കൊ​ണ്ടു ക​റ​ക്കി മു​ന്നോ​ട്ടു നീ​ക്കു​ന്ന വ​ണ്ടി ആ​യ​തി​നാ​ൽ ന​ല്ല ആ​യാ​സ​മാ​ണ്. ക​യ​റ്റം ക‍​യ​റാ​നും ഗ​ട്ട​റു​ക​ളി​ലൂ​ടെ നീ​ങ്ങാ​നു​മൊ​ക്കെ ത​നി​യെ ക​ഴി​യി​ല്ല.

അ​വി​ടെ​യാ​ണ് ആ​വ​ണി ഒ​രു തി​ങ്ക​ൾ പോ​ലെ ഉ​ദി​ക്കു​ന്ന​ത്. അ​ച്ഛ​ന്‍റെ ക​ഷ്ട​പ്പാ​ടു​ക​ളി​ൽ ഒ​രു കൈ ​സ​ഹാ​യ​മാ​ണ് ആ​വ​ണി. അ​ജ​ന്തേ​ഷും ഭാ​ര്യ മി​നി​യും ആ​വ​ണി​യും സ​ഹോ​ദ​രി ആ​ര​തി​യും ചേ​ർ​ന്ന​താ​ണ് ഇ​വ​രു​ടെ കു​ടും​ബം. വ​ലി​യ ഉ​ത്ത​ര​വാ​ദി​ത്വ​ങ്ങ​ളൊ​ന്നും ഏ​റ്റെ​ടു​ക്കാ​നു​ള്ള പ്രാ​യ​മാ​യി​ല്ലെ​ങ്കി​ലും അ​ച്ഛ​ന്‍റെ സ​ങ്ക​ട​ങ്ങ​ളി​ൽ ചേ​ർ​ന്നു ന​ട​ക്കാ​നും കു​ടും​ബ​ത്തി​ന്‍റെ ബു​ദ്ധി​മു​ട്ടു​ക​ളി​ൽ ത​ന്നാ​ൽ​ക്ക​ഴി​യു​ന്ന സ​ഹാ​യം ന​ൽ​കാ​നും ആ​വ​ണി​ക്കും ആ​ര​തി​ക്കും മ​ടി​യി​ല്ല.

കാ​വ​ലു​ണ്ട് ടി​പ്പു

രാ​വി​ലെ ആ​റി​നു വീ​ട്ടി​ൽ​നി​ന്ന് അ​ജ​ന്തേ​ഷ് വ​ണ്ടി​യു​മാ​യി ഇ​റ​ങ്ങും. ഭാ​ര്യ മി​നി ലോ​ട്ട​റി ക​ച്ച​വ​ട​ത്തി​നാ​യി കു​മ​ര​ക​ത്തി​നു വ​ണ്ടി ക​യ​റും. മ​ക​ൾ ആ​വ​ണി​യും അ​ജ​ന്തേ​ഷി​നൊ​പ്പം ഉ​ണ്ടാ​കും. കു​മ​ര​കം ചെ​ങ്ങ​ളം ജം​ഗ്ഷി​ന​ലാ​ണ് പ്ര​ധാ​ന​മാ​യും ക​ച്ച​വ​ടം. എ​ട്ടാ​കു​ന്പോ​ൾ അ​ടു​ത്തു​ള്ള കെ​എ​സ്ഇ​ബി ഓ​ഫീ​സി​നു സ​മീ​പ​മു​ള്ള മ​തി​ലി​നോ​ടു ചേ​ർ​ത്തു മു​ച്ച​ക്ര​വ​ണ്ടി​യി​ൽ അ​ച്ഛ​നെ​യാ​ക്കി ആ​വ​ണി സ്കൂ​ളി​ലേ​ക്കു പോ​കും. ഒ​ള​ശ സി​എം​എ​സ് ഹൈ​സ്കൂ​ളി​ലാ​ണ് ആ​വ​ണി​യു​ടെ പ​ഠ​നം.

വീ​ട്ടി​ലെ ജോ​ലി തീ​ർ​ത്ത് ചേ​ച്ചി ആ​ര​തി​യും ഈ ​സ​മ​യം സ്കൂ​ളി​ൽ പോ​കാ​നാ​യി എ​ത്തും. വൈ​കു​ന്നേ​രം സ്കൂ​ൾ വി​ട്ടു ക​ഴി​ഞ്ഞാ​ൽ ആ​വ​ണി അ​ച്ഛ​ന്‍റെ​യ​ടു​ത്തേ​ക്ക് ഒാ​ടി​യെ​ത്തും. പി​ന്നെ അ​ച്ഛ​നോ​ടൊ​പ്പം സ​ന്ധ്യ വ​രെ ക​ച്ച​വ​ടം. തു​ട​ർ​ന്നു വീ​ട്ടി​ലേ​ക്കു മ​ട​ക്കം. വീ​ട്ടി​ലെ​ത്തു​ന്പോ​ഴേ​ക്കും അ​മ്മ​യും ലോ​ട്ട​റി​ക്ക​ച്ച​വ​ടം ക​ഴി​ഞ്ഞ് എ​ത്തി​യി​ട്ടു​ണ്ടാ​വും. പി​ന്നെ ഒ​രു​മി​ച്ചു​ള്ള ഭ​ക്ഷ​ണം, പ്രാ​ർ​ഥ​ന, പ​ഠ​നം, ഉ​റ​ക്കം.

ചെ​ങ്ങ​ളം ജം​ഗ്ഷ​നി​ൽ കെ​എ​സ്ഇ​ബി ഓ​ഫീ​സി​നു സ​മീ​പം അ​ച്ഛ​നെ​യാ​ക്കി ആ​വ​ണി സ്കൂ​ളി​ൽ പോ​കു​ന്പോ​ൾ അ​ച്ഛ​നു കാ​വ​ലാ​യി ര​ണ്ടു മൂ​ന്നു നാ​യ്ക്ക​ളും സ​മീ​പ​ത്തു​ണ്ടാ​കാ​റു​ണ്ട്.

അ​ടു​ത്ത നാ​ളി​ൽ ഈ ​നാ​യ്ക്ക​ളി​ലൊ​രു​വ​നെ ഇ​വ​ർ കൂ​ടെ കൂ​ട്ടി. ടി​പ്പു എ​ന്നു പേ​രി​ട്ടി​രി​ക്കു​ന്ന ഈ ​നാ​യ​യും ഇ​പ്പോ​ൾ ഇ​വ​രു​ടെ കു​ടും​ബാം​ഗ​മാ​യി മാ​റി​യി​രി​ക്കു​ന്നു. വീ​ട്ടി​ൽ​നി​ന്നു ലോ​ട്ട​റി​വ​ണ്ടി ഉ​രു​ണ്ടു​തു​ട​ങ്ങു​ന്പോ​ൾ ഒ​രു വ​ശ​ത്ത് ആ​വ​ണി​യും മ​റു​വ​ശ​ത്തു ടി​പ്പു​വു​മു​ണ്ടാ​കും. ആ​വ​ണി സ്കൂ​ളി​ലേ​ക്കു പോ​കു​മ്പോ​ൾ ടി​പ്പു​വി​നെ ഒ​ന്നു നോ​ക്കും. ആ ​നോ​ട്ട​ത്തി​ൽ അ​വ​നെ​ല്ലാം മ​ന​സി​ലാ​കും. പി​ന്നെ ആ​വ​ണി തി​രി​കെ വ​രു​ന്ന​തു​വ​രെ ടി​പ്പു അ​ജ​ന്തേ​ഷി​ന്‍റെ അ​ടു​ത്തു​നി​ന്നു മാ​റി​ല്ല.

ടി​പ്പു​വി​ന്‍റെ കൂ​റ് തെ​ളി​യി​ച്ച മ​റ്റൊ​രു സം​ഭ​വം​കൂ​ടി അ​ടു​ത്ത കാ​ല​ത്തു​ണ്ടാ​യി. ഒ​രു ദി​വ​സം ഒ​രു ആ​ക്രി​ക്ക​ച്ച​വ​ട​ക്കാ​ര​ന്‍റെ ഉ​ന്തു​വ​ണ്ടി അ​ജ​ന്തേ​ഷി​ന്‍റെ മു​ച​ക്ര വാ​ഹ​ന​ത്തി​ൽ ചെ​റു​താ​യൊ​ന്നു മു​ട്ടി. അ​തോ​ടെ ടി​പ്പു ചാ​ടി​വീ​ണു. ഭ​യ​ങ്ക​ര​മാ​യി കു​ര​ച്ചു ബ​ഹ​ള​മു​ണ്ടാ​ക്കി ആ​ളു​ക​ളെ കൂ​ട്ടി അ​ജ​ന്തേ​ഷി​ന്‍റെ സം​ര​ക്ഷ​ക​നാ​യി നി​ന്നു. അ​വ​ന്‍റെ സ്നേ​ഹം ക​ണ്ട് അ​ജ​ന്തേ​ഷും നാ​ട്ടു​കാ​രും അ​ന്ന് അ​ദ്ഭു​ത​പ്പെ​ട്ടു​നി​ന്നു. ഇ​ന്ന് അ​ജ​ന്തേ​ഷും ആ​വ​ണി​യും വീ​ട്ടി​ലേ​ക്കു മ​ട​ങ്ങു​ന്പോ​ൾ ഒ​പ്പം ടി​പ്പു​വു​മു​ണ്ടാ​കും.

മോ​ഹ​മു​ണ്ട്, പ​ക്ഷേ

വി​ക​ലാം​ഗ​ക്ഷേ​മ കോ​ർ​പ​റേ​ഷ​ൻ വ​ഴി ല​ഭി​ച്ച മു​ച്ച​ക്ര വ​ണ്ടി​ക്ക് ഏ​റെ കാ​ല​പ്പ​ഴ​ക്ക​മാ​യി എ​ന്ന​താ​ണ് ഇ​പ്പോ​ൾ അ​ജ​ന്തേ​ഷി​ന്‍റെ സ​ങ്ക​ടം. പു​തി​യ ഒ​രു വ​ണ്ടി വാ​ങ്ങ​ണ​മെ​ന്നു മോ​ഹ​മു​ണ്ട്. പ​ക്ഷേ, അ​തി​നു​ള്ള സാ​ന്പ​ത്തി​ക​മി​ല്ല. അ​ജ​ന്തേ​ഷി​നോ​ടും ആ​വ​ണി​യോ​ടു​മു​ള്ള സ്നേ​ഹ​ത്താ​ൽ പ​തി​വാ​യി ലോ​ട്ട​റി വാ​ങ്ങു​ന്ന​വ​രു​മു​ണ്ട്. ചി​ല ദി​വ​സ​ങ്ങ​ളി​ൽ നൂ​റി​നു മു​ക​ളി​ൽ ലോ​ട്ട​റി വി​ല്ക്കും. ഇ​ട​യ്ക്കു ചെ​റി​യ സ​മ്മാ​ന​ങ്ങ​ളും അ​ടി​ക്കാ​റു​ണ്ട്. എ​ന്നാ​ൽ, ബം​ബ​ർ സ​മ്മാ​ന​ങ്ങ​ളൊ​ന്നും ല​ഭി​ച്ചി​ട്ടി​ല്ല.

ആ​ര​തി ഇ​നി പ​ത്താം ക്ലാ​സി​ലേ​ക്കാ​ണ്. ആ​വ​ണി ഒ​ന്പ​താം ക്ലാ​സി​ലേ​ക്കും. മ​ക്ക​ളെ ര​ണ്ടു​പേ​രെ​യും പ​ഠി​പ്പി​ച്ചു മി​ടു​ക്ക​രാ​ക്ക​ണ​മെ​ന്നാ​ണ് അ​ജ​ന്തേ​ഷി​ന്‍റെ ആ​ഗ്ര​ഹം. ആ​വ​ണി​ക്ക് ഡോ​ക്ട​റാ​കാ​നും ആ​ര​തി​ക്കു സി​വി​ൽ സ​ർ​വീ​സി​ലെ​ത്താ​നു​മാ​ണ് ആ​ഗ്ര​ഹം. പ്ര​തി​സ​ന്ധി​ക​ളെ ത​ള്ളി​നീ​ക്കി​യു​ള്ള ഒ​രു അ​ച്ഛ​ന്‍റെ​യും മ​ക്ക​ളു​ടെ​യും അ​തി​ജീ​വ​ന​യാ​ത്ര ഇ​പ്പോ​ൾ കോ​ട്ട​യ​ത്തി​ന്‍റെ ന​ല്ല പ്ര​ഭാ​ത​കാ​ഴ്ച​ക​ളി​ലൊ​ന്നാ​ണ്. അ​വ​രു​ടെ സ്വ​പ്ന​ങ്ങ​ളി​ലേ​ക്ക് ഈ ​യാ​ത്ര മു​ന്നേ​റ​ട്ടെ.

ജി​ബി​ൻ കു​ര്യ​ൻ


Copyright @ 2022 , Rashtra Deepika Ltd.