ന്യൂ​യോ​ർ​ക്ക്: റ​ഷ്യ - യു​ക്രൈ​ൻ യു​ദ്ധം അ​വ​സാ​നി​പ്പി​ക്കാ​നാ​യി അ​ലാ​സ്ക​യി​ൽ വ്‌‌​ളാ​ഡ്മി​ർ പു​ടി​നു​മാ​യി ന​ട​ത്തി​യ ച​ർ​ച്ച​യു​ടെ തു​ട​ർ​ച്ച​യാ​യി ഡോ​ണ​ൾ​ഡ് ട്രം​പു​മാ​യു​ള്ള വ്‌‌​ളാ​ഡ്മി​ർ സെ​ല​ൻ​സ്കി​യു​ടെ കൂ​ടി​ക്കാ​ഴ്ച ഇ​ന്ന് ന​ട​ക്കും.

എ​ന്നാ​ൽ സെ​ല​ൻ​സ്കി ഒ​റ്റ​യ്ക്കാ​കി​ല്ല, യൂ​റോ​പ്യ​ൻ നേ​താ​ക്ക​ളും സെ​ല​ൻ​സ്കി​ക്കു​ള്ള പി​ന്തു​ണ​യാ​യി അ​മേ​രി​ക്ക​യി​ലെ​ത്തും. യു​കെ പ്ര​ധാ​ന​മ​ന്ത്രി കെ​യ്ർ സ്റ്റാ​മ​റും ഫ്ര​ഞ്ച് പ്ര​സി​ഡ​ന്‍റ് ഇ​മ്മാ​നു​വ​ൽ മ​ക്രോ​ണും ഉ​ൾ​പ്പെ​ടെ അ​ഞ്ച് രാ​ജ്യ​നേ​താ​ക്ക​ളാ​കും വൈ​റ്റ് ഹൗ​സി​ലെ​ത്തു​ക​യെ​ന്നാ​ണ് വ്യ​ക്ത​മാ​കു​ന്ന​ത്.

യൂ​റോ​പ്പി​ന്‍റെ ഈ ​നീ​ക്ക​ത്തി​ന്‍റെ ല​ക്ഷ്യം സ​മാ​ധാ​ന ക​രാ​റി​ൽ യു​ക്രൈ​ന് സു​ര​ക്ഷാ ഗ്യാ​ര​ണ്ടി ഉ​റ​പ്പാ​ക്ക​ലാ​ണ്. യു​ദ്ധം അ​വ​സാ​നി​പ്പി​ക്കാ​നാ​യി റ​ഷ്യ​ൻ പ്ര​സി​ഡ​ന്‍റ് വ്‌​ളാ​ഡ്മി​ർ പു​ടി​ൻ മു​ന്നോ​ട്ടു​വ​ച്ച ആ​വ​ശ്യ​ങ്ങ​ളി​ലെ ച​ർ​ച്ച​ക്കാ​ണ് ട്രം​പ് സെ​ല​ൻ​സ്കി​യെ ക്ഷ​ണി​ച്ചി​രി​ക്കു​ന്ന​ത്.

ഡോ​ൺ​ബാ​സ് പൂ​ർ​ണ​മാ​യും വി​ട്ടു​കൊ​ടു​ക്ക​ണ​മെ​ന്ന് അ​ലാ​സ്ക കൂ​ടി​ക്കാ​ഴ്ച​യി​ൽ ട്രം​പി​നോ​ട് പു​ടി​ൻ ആ​വ​ശ്യ​പ്പെ​ട്ട​താ​യാ​ണ് സൂ​ച​ന. വി​ട്ടു​കൊ​ടു​ക്കി​ല്ലെ​ന്നാ​ണ് സെ​ല​ൻ​സ്കി​യു​ടെ നി​ല​പാ​ട്. ഈ ​സാ​ഹ​ച​ര്യ​ത്തി​ലാ​ണ് യു​ക്രൈ​നൊ​പ്പ​മെ​ന്ന് വ്യ​ക്ത​മാ​ക്കി​ക്കൊ​ണ്ട് യൂ​റോ​പ്യ​ൻ യൂ​ണി​യ​ൻ നേ​താ​ക്ക​ൾ ഒ​ന്ന​ട​ങ്കം വൈ​റ്റ് ഹൗ​സി​ലേ​ക്ക് എ​ത്തു​ന്ന​ത്.