രാ​ജ്കോ​ട്ട്: ര​ഞ്ജി ട്രോ​ഫി ക്രി​ക്ക​റ്റി​ല്‍ ഡ​ല്‍​ഹി​ക്കെ​തി​രേ സൗ​രാ​ഷ്ട്ര​യ്ക്ക് 10 വി​ക്ക​റ്റി​ന്‍റെ ത​ക​ർ​പ്പ​ൻ ജ​യം. ര​ണ്ടാ​മി​ന്നിം​ഗ്സി​ൽ ഡ​ൽ​ഹി​യെ 94 റ​ൺ​സി​നു പു​റ​ത്താ​ക്കി​യ സൗ​രാ​ഷ്ട്ര വി​ജ​യ​ല​ക്ഷ്യ​മാ​യ 15 റ​ൺ​സ് വി​ക്ക​റ്റ് ന​ഷ്ടം കൂ​ടാ​തെ അ​ടി​ച്ചെ​ടു​ത്തു. സ്കോ​ര്‍- ഡ​ല്‍​ഹി: 188, 94, സൗ​രാ​ഷ്ട്ര: 271, 11-0.

ഏ​ഴു വി​ക്ക​റ്റ് വീ​ഴ്ത്തി​യ ഇ​ന്ത്യ​ൻ താ​രം ര​വീ​ന്ദ്ര ജ​ഡേ​ജ​യാ​ണ് ഡ​ല്‍​ഹി​യെ എ​റി​ഞ്ഞി​ട്ട​ത്. ആ​ദ്യ ഇ​ന്നിം​ഗ്സി​ലെ അ​ഞ്ചു വി​ക്ക​റ്റു​മു​ൾ​പ്പെ​ടെ ജ​ഡേ​ജ മ​ത്സ​ര​ത്തി​ലാ​കെ 12 വി​ക്ക​റ്റ് വീ​ഴ്ത്തി.

ര​ണ്ടാ​മി​ന്നിം​ഗ്സി​ൽ ക്യാ​പ്റ്റ​ൻ ആ​യു​ഷ് ബ​ദോ​നി (44) ആ​ണ് ഡ​ൽ​ഹി​യു​ടെ ടോ​പ് സ്കോ​റ​ർ. ഋ​ഷ​ഭ് പ​ന്ത് 17 റ​ൺ​സു​മാ​യി പു​റ​ത്താ​യി. ഇ​രു​വ​ർ​ക്കും പു​റ​മെ അ​ർ​പി​ത് റാ​ണ​യ്ക്കു (12) മാ​ത്ര​മേ ര​ണ്ട​ക്കം ക​ട​ക്കാ​നാ​യു​ള്ളൂ.

12.2 ഓ​വ​റി​ല്‍ 38 റ​ണ്‍​സ് വ​ഴ​ങ്ങി​യാ​ണ് ജ​ഡേ​ജ ഏ​ഴ് വി​ക്ക​റ്റെ​ടു​ത്ത​ത്. ധ​ർ​മേ​ന്ദ്ര സി​ൻ​ഹ് ജ​ഡേ​ജ ര​ണ്ടു​വി​ക്ക​റ്റും യു​വ്‌​രാ​ജ്സി​ൻ‌​ഹ് ദോ​ദി​യ ഒ​രു വി​ക്ക​റ്റും വീ​ഴ്ത്തി.

ഒ​ന്നാ​മി​ന്നിം​ഗ്സ് ലീ​ഡി​ന്‍റെ പി​ൻ​ബ​ല​ത്തി​ൽ കു​ഞ്ഞ​ൻ വി​ജ​യ​ല​ക്ഷ്യ​വു​മാ​യി ഇ​റ​ങ്ങി​യ സൗ​രാ​ഷ്ട്ര 3.1 ഓ​വ​റി​ൽ വി​ജ​യ​ല​ക്ഷ്യം മ​റി​ക​ട​ന്നു.

ആ​റ് ക​ളി​ക​ളി​ല്‍ സൗ​രാ​ഷ്ട്ര​യു​ടെ ര​ണ്ടാം ജ​യ​മാ​ണി​ത്. ജ​യ​ത്തോ​ടെ എ​ലൈ​റ്റ് ഗ്രൂ​പ്പ് ഡി​യി​ൽ സൗ​രാ​ഷ്ട്ര മൂ​ന്നാം സ്ഥാ​ന​ത്തേ​ക്ക് ക​യ​റി​യ​പ്പോ​ള്‍ 14 പോ​യി​ന്‍റു​മാ​യി ഡ​ല്‍​ഹി നാ​ലാം സ്ഥാ​ന​ത്താ​ണ്.