കുടുംബക്കോടതി വളപ്പിൽ മരുമകൻ അമ്മായിയമ്മയെ വെട്ടിപ്പരിക്കേൽപ്പിച്ചു
Tuesday, July 23, 2024 3:03 PM IST
മലപ്പുറം: കുടുംബക്കോടതി പരിസരത്ത് വച്ച് മരുമകൻ അമ്മായിയമ്മയെ വെട്ടിപ്പരിക്കേൽപ്പിച്ചു. കഴുത്തിനും കാലിനുമാണ് വെട്ടേറ്റത്. ആദ്യം മലപ്പുറം താലൂക്ക് ആശുപത്രിയിൽ പ്രവേശിപ്പിച്ച ഇവരെ പിന്നീട് മഞ്ചേരി മെഡിക്കൽ കോളജ് ആശുപത്രിയിലേക്ക് മാറ്റി.
ചൊവാഴ്ച ഉച്ചയ്ക്ക് ഒന്നോടെയാണ് സംഭവം. കോടതിയിൽ നിന്ന് കൗൺസലിംഗ് കഴിഞ്ഞ് പുറത്ത് വന്നപ്പോൾ ഇയാൾ അമ്മായിയമ്മയെ ആക്രമിക്കുകയായിരുന്നു.