ഐസ്ക്രീമിൽ വിരൽ കണ്ടെത്തിയ സംഭവം; കമ്പനിയിലെ ജീവനക്കാരന് വിരലുകള്ക്ക് പരിക്കേറ്റതായി കണ്ടെത്തി
Wednesday, June 19, 2024 10:12 PM IST
മുംബൈ: ഐസ്ക്രീമിൽ മനുഷ്യവിരൽ കണ്ടെത്തിയ സംഭവത്തിൽ പുനേ ഫാക്ടറിയിലെ ജീവനക്കാരന് അപകടത്തില് വിരലുകള്ക്ക് പരിക്കേറ്റതായി അന്വേഷണ സംഘം കണ്ടെത്തി. ജീവനക്കാരന്റെ ഡിഎന്എ സാമ്പിളുകള് ശേഖരിച്ച് അന്വേഷണസംഘം പരിശോധനക്കായി അയച്ചു.
ഇതിന്റെ ഫലം വന്നശേഷം വിരൽ ഇയാളുടേതാണെന്ന് സ്ഥിരീകരിച്ചാല് കമ്പനിക്കെതിരെ പുതിയ കേസെടുക്കും. മുബൈയില് ഐസ്ക്രീമില് മനുഷ്യവിരലിന്റെ ഭാഗങ്ങള് കണ്ടെത്തിയ സംഭവം വലിയ വാര്ത്തയായിരുന്നു.
യമ്മോ എന്ന കമ്പനിയുടെ കോണ് ഐസ്ക്രീമിൽ നിന്ന് വിരൽ കിട്ടിയതായി 26കാരനായ ഡോക്ടറാണ് പരാതിയുമായി രംഗത്തെത്തിയത്. ഐസ്ക്രീം കഴിച്ചുതുടങ്ങിയപ്പോഴാണ് വായിൽ എന്തോ അസാധാരണമായി തടഞ്ഞതെന്ന് ഡോക്ടർ പറഞ്ഞു. തുടർന്ന് പോലീസിൽ പരാതിപ്പെടുകയായിരുന്നു.