വിജയ പ്രതീക്ഷ പങ്കുവച്ച് പ്രധാനമന്ത്രിയുടെ ട്വീറ്റ്
Sunday, March 3, 2024 12:56 AM IST
ന്യൂഡൽഹി : സ്ഥാനാർഥി പ്രഖ്യാപനത്തിനു പിന്നാലെ വിജയ പ്രതീക്ഷ പങ്കുവച്ച് പ്രധാനമന്ത്രി നരേന്ദ്രമോദിയുടെ ട്വീറ്റ്.
മൂന്നാം തവണയും കാശിയിലെ ജനങ്ങളെ സേവിക്കാൻ തയാറെടുക്കുകയാണെന്നും മണ്ഡലത്തിൽ 2014 മുതൽ മികച്ച രീതിയിൽ വികസന പ്രവർത്തനങ്ങൾ നടപ്പാക്കിയെന്നും ഇത് തുടരും എന്നും മോദി ട്വീറ്റ് ചെയ്തു.
കാശി ഉൾപ്പെടുന്ന വാരാണസി മണ്ഡലത്തിലാണ് മോദി മൂന്നാം തവണയും ജനവിധി തേടുന്നത്. പതിനാറ് സംസ്ഥാനങ്ങളിലെ 195 മണ്ഡലങ്ങളിലെ സ്ഥാനാർഥികളെയാണ് ബിജെപി പ്രഖ്യാപിച്ചത്.