വാതകച്ചോര്ച്ച, പുക: വന്ദേഭാരത് എക്സ്പ്രസ് ആലുവയിൽ നിർത്തിയിട്ടു
Wednesday, February 28, 2024 10:41 AM IST
കൊച്ചി: തിരുവനന്തപുരം- മംഗലാപുരം വന്ദേഭാരത് എക്സ്പ്രസിൽ എസി വാതകം ചോർന്നു. രാവിലെ 8.55 ന് കളമശേരിക്കും ആലുവയ്ക്കുമിടയിലായിരുന്നു സംഭവം. സി ഫൈവ് കോച്ചിലാണ് വാതകച്ചോർച്ചയുണ്ടായത്. അടിയന്തര സൈറൺ മുഴങ്ങിയതിനെ തുടർന്ന് ട്രെയിൻ ആലുവ സ്റ്റേഷനിൽ നിർത്തിയിട്ടു.
വലിയ പുക ഉയര്ന്നതിനെ തുടര്ന്ന് യാത്രക്കാര്ക്ക് അസ്വസ്ഥത അനുഭവപ്പെട്ടു. തുടര്ന്ന് യാത്രക്കാരെ കോച്ചില് നിന്ന് പുറത്തിറക്കി. പിന്നീട് 23 മിനിറ്റിനു ശേഷം ട്രെയിൻ യാത്ര തുടർന്നു. മംഗലാപുരത്തെത്തിയ ശേഷം വിശദമായ പരിശോധന നടത്തും.
അതേസമയം, യാത്രക്കാരിൽ ആരോ ട്രെയിനിൽ പുകവലിച്ചതാണെന്ന് സംശയിക്കുന്നതായി റെയിൽവേ അധികൃതർ പറഞ്ഞു.