ഗെയ്ക്വാദിന് സെഞ്ചുറി; ഓസീസിന് 223 റണ്സ് വിജയലക്ഷ്യം
Tuesday, November 28, 2023 9:10 PM IST
ഗോഹട്ടി: ഇന്ത്യയ്ക്കെതിരായ മൂന്നാം ട്വന്റി-20യിൽ ഓസ്ട്രലിയയ്ക്ക് 223 റണ്സ് വിജയലക്ഷ്യം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യ നിശ്ചിത 20 ഓവറിൽ മൂന്ന് വിക്കറ്റ് നഷ്ടത്തിൽ 222 റണ്സെടുത്തു.
ഋതുരാജ് ഗെയ്ക്വാദിന്റെ സെഞ്ചുറി കരുത്തിലാണ് ഇന്ത്യ മികച്ച നിലയിലെത്തിയത്. 57 പന്തിൽ 123 റണ്സുമായി ഗെയ്ക്വാദ് പുറത്താകാതെ നിന്നു. 13 ഫോറും ഏഴ് സിക്സും ഉൾപ്പെടുന്നതായിരുന്നു ഗെയ്ക്വാദിന്റെ ഇന്നിംഗ്സ്.
സൂര്യകുമാർ യാദവ് 29 പന്തിൽ 39 റണ്സെടുത്തു. തിലക് വർമ പുറത്താകാതെ 31 റണ്സും നേടി. യശ്വസി ജയ്സ്വാളും (6), ഇഷാൻ കിഷനും (0) നിരാശപ്പെടുത്തി.