തി​രു​വ​ന​ന്ത​പു​രം: നി​യ​മ​സ​ഭ പാ​സാ​ക്കു​ന്ന ബി​ല്ലു​ക​ൾ ഗ​വ​ർ​ണ​ർ ദീ​ർ​ഘ​കാ​ലം അം​ഗീ​കാ​രം ന​ൽ​കാ​തെ പി​ടി​ച്ചു​വ​യ്ക്കു​ന്നു​വെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ഈ ​വി​ഷ​യ​ത്തി​ൽ സ​ർ​ക്കാ​ർ സു​പ്രീം​കോ​ട​തി​യെ സ​മീ​പി​ക്കു​മെ​ന്നും മു​ഖ്യ​മ​ന്ത്രി വാ​ർ​ത്താ​സ​മ്മേ​ള​ന​ത്തി​ൽ അ​റി​യി​ച്ചു.

നി​യ​മ​സ​ഭ പാ​സാ​ക്കു​ന്ന ബി​ല്ലു​ക​ൾ ദീ​ർ​ഘ​കാ​ലം അം​ഗീ​കാ​രം ന​ൽ​കാ​തെ ഗ​വ​ർ​ണ​ർ പി​ടി​ച്ചു​വ​യ്ക്കു​ന്ന​ത് കൊ​ളോ​ണി​യ​ൽ കാ​ല​ത്തെ അ​നു​സ്മ​രി​പ്പി​ക്കു​ന്നു എ​ന്നു തോ​ന്നി​യാ​ൽ ആ ​വി​കാ​ര​ത്തെ കു​റ്റ​പ്പെ​ടു​ത്താ​ൻ സാ​ധി​ക്കി​ല്ലെ​ന്നും മു​ഖ്യ​മ​ന്ത്രി പ​റ​ഞ്ഞു.

ഭ​ര​ണ​ഘ​ട​ന​യ്ക്കു വി​രു​ദ്ധ​മാ​യി ഏ​തെ​ങ്കി​ലും ഭാ​ഗം പാ​സാ​ക്ക​പ്പെ​ട്ട ബി​ല്ലി​ൽ ഉ​ണ്ടെ​ങ്കി​ൽ അ​ക്കാ​ര്യം ശ്ര​ദ്ധ​യി​ൽ​പെ​ടു​ത്തു​വാ​നും ഹൈ​ക്കോ​ട​തി​യു​ടെ അ​ധി​കാ​ര​ത്തെ ബാ​ധി​ക്കു​ന്ന എ​തെ​ങ്കി​ലും വ​കു​പ്പ് പാ​സാ​ക്ക​പ്പെ​ട്ട ബി​ല്ലി​ൽ ഉ​ണ്ടെ​ങ്കി​ൽ അ​ത് രാ​ഷ്ട്ര​പ​തി​യു​ടെ അം​ഗീ​കാ​ര​ത്തി​ന് സ​മ​ർ​പ്പി​ക്കു​വാ​നും ഗ​വ​ർ​ണ​ർ​ക്ക് ഭ​ര​ണ​ഘ​ട​ന​പ​ര​മാ​യ അ​ധി​കാ​ര​മു​ണ്ടെ​ന്നും മു​ഖ്യ​മ​ന്ത്രി പ​റ​ഞ്ഞു.

പ​ക്ഷേ ഇ​തൊ​ന്നും ഇ​ല്ലാ​ത്ത സാ​ധാ​ര​ണ നി​യ​മ​ങ്ങ​ൾ​ക്ക് അം​ഗീ​കാ​രം ന​ൽ​കാ​ൻ കാ​ല​താ​മ​സ​മു​ണ്ടാ​കു​ന്ന​ത് സ​ർ​ക്കാ​രി​ന്‍റെ പ്ര​വ​ർ​ത്ത​ന​ങ്ങ​ളെ പ്ര​തി​കൂ​ല​മാ​യി ബാ​ധി​ക്കു​ന്ന ഒ​ന്നാ​ണ്. നി​ല​വി​ൽ തെ​ലു​ങ്കാ​ന, ത​മി​ഴ്നാ​ട് ഉ​ൾ​പ്പെ​ടെ​യു​ള്ള മ​റ്റ് സം​സ്ഥാ​ന​ങ്ങ​ളി​ലും സ​ർ​ക്കാ​ർ ഇ​ത്ത​രം പ്ര​ശ്ന​ങ്ങ​ൾ നേ​രി​ടു​ന്നു​ണ്ട്. തെ​ലു​ങ്കാ​ന സ​ർ​ക്കാ​ർ ഈ ​വി​ഷ​യം ഉ​ന്ന​യി​ച്ച് സു​പ്രീം​കോ​ട​തി​യെ സ​മീ​പി​ച്ചി​ട്ടു​ണ്ടെ​ന്നും മു​ഖ്യ​മ​ന്ത്രി പ​റ​ഞ്ഞു.

നി​യ​മ​സ​ഭ പാ​സാ​ക്കി​യ ബി​ല്ലു​ക​ൾ അ​നി​ശ്ചി​ത​മാ​യി ത​ട​ഞ്ഞു​വ​യ്ക്കാ​ൻ ഗ​വ​ർ​ണ​ർ​ക്ക് അ​ധി​കാ​ര​മു​ണ്ടോ എ​ന്ന വി​ഷ​യ​ത്തി​ൽ മു​തി​ർ​ന്ന അ​ഭി​ഭാ​ഷ​ക​ൻ ഫാ​ലി എ​സ്. ന​രി​മാ​ന്‍റെ അ​ഭി​പ്രാ​യം സ​ർ​ക്കാ​ർ തേ​ടി​യി​രു​ന്നു. ഈ ​വി​ഷ​ത്തി​ൽ സു​പ്രീം​കോ​ട​തി​യെ സ​മീ​പി​ക്കാ​നും മു​തി​ർ​ന്ന അ​ഭി​ഭാ​ഷ​ക​ൻ കെ.​കെ. വേ​ണു​ഗോ​പാ​ലി​ന്‍റെ സേ​വ​നം തേ​ടാ​നും സ​ർ​ക്കാ​ർ തീ​രു​മാ​നി​ച്ചു​വെ​ന്നും മു​ഖ്യ​മ​ന്ത്രി വ്യ​ക്ത​മാ​ക്കി.