കൊ​ച്ചി: ഒ​രു വ്യ​ക്തി സ്വ​കാ​ര്യ​മാ​യി മൊ​ബൈ​ലി​ല്‍ അ​ശ്ലീ​ല ചി​ത്ര​ങ്ങ​ളും വീ​ഡി​യോ​യും കാ​ണു​ന്ന​ത് കു​റ്റ​ക​ര​മ​ല്ലെ​ന്ന് ഹൈ​ക്കോ​ട​തി. എ​ന്നാ​ല്‍ ഇ​ത്ത​രം ദൃ​ശ്യ​ങ്ങ​ള്‍ പ്ര​ച​രി​പ്പി​ക്കു​ക​യോ വി​ത​ര​ണം ചെ​യ്യു​ക​യോ പ്ര​ദ​ര്‍​ശി​പ്പി​ക്കു​ക​യോ ചെ​യ്താ​ല്‍ ഇ​ന്ത്യ​ന്‍ ശി​ക്ഷാ നി​യ​മ​ത്തി​ലെ സെ​ക്ഷ​ന്‍ 292 പ്ര​കാ​രം കു​റ്റ​ക​ര​മാ​ണെ​ന്നും ജ​സ്റ്റീ​സ് പി.​വി. കു​ഞ്ഞി​കൃ​ഷ്ണ​ന്‍.

മൊ​ബൈ​ലി​ല്‍ അ​ശ്ലീ​ല ദൃ​ശ്യം ക​ണ്ടെ​ന്നാ​രോ​പി​ച്ച് അ​ങ്ക​മാ​ലി ക​റു​കു​റ്റി സ്വ​ദേ​ശി​യാ​യ യു​വാ​വി​നെ​തി​രെ ആ​ലു​വ പോ​ലീ​സ് ര​ജി​സ്റ്റ​ര്‍ ചെ​യ്ത കേ​സ് റ​ദ്ദാ​ക്കി​യാ​ണ് സിം​ഗി​ള്‍​ബെ​ഞ്ച് ഇ​ക്കാ​ര്യം വ്യ​ക്ത​മാ​ക്കി​യ​ത്. കേ​സ് റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് യു​വാ​വ് ന​ല്‍​കി​യ ഹ​ര്‍​ജി​യാ​ണ് ഹൈ​ക്കോ​ട​തി പ​രി​ഗ​ണി​ച്ച​ത്.

ജൂ​ലൈ 11 നു ​രാ​ത്രി​യി​ല്‍ ആ​ലു​വ പാ​ല​സി​നു സ​മീ​പം റോ​ഡ​രി​കി​ല്‍ നി​ന്ന ഹ​ര്‍​ജി​ക്കാ​ര​ന്‍ മൊ​ബൈ​ലി​ല്‍ അ​ശ്ലീ​ല വീ​ഡി​യോ ക​ണ്ടെ​ന്ന കു​റ്റം ചു​മ​ത്തി​യാ​ണ് കേ​സെ​ടു​ത്ത​ത്. ഹ​ര്‍​ജി​ക്കാ​ര​നെ​തി​രെ ചു​മ​ത്തി​യ കു​റ്റം പൂ​ര്‍​ണ​മാ​യി സ​മ്മ​തി​ച്ചാ​ല്‍ ത​ന്നെ ഇ​ന്ത്യ​ന്‍ ശി​ക്ഷാ​നി​യ​മ​ത്തി​ലെ സെ​ക്ഷ​ന്‍ 292 പ്ര​കാ​രം ര​ജി​സ്റ്റ​ര്‍ ചെ​യ്ത കേ​സ് നി​യ​മ​പ​ര​മാ​യി നി​ല​നി​ല്‍​ക്കി​ല്ലെ​ന്ന് സിം​ഗി​ള്‍​ബെ​ഞ്ച് അ​ഭി​പ്രാ​യ​പ്പെ​ട്ടു. തു​ട​ര്‍​ന്ന് കേ​സി​ല്‍ ആ​ലു​വ ജു​ഡി​ഷ്യ​ല്‍ ഫ​സ്റ്റ്ക്ലാ​സ് മ​ജി​സ്‌​ട്രേ​ട്ട് കോ​ട​തി​യി​ലെ തു​ട​ര്‍ ന​ട​പ​ടി​ക​ളും റ​ദ്ദാ​ക്കി.

അ​ശ്ലീ​ല സാ​ഹി​ത്യം നൂ​റ്റാ​ണ്ടു​ക​ളാ​യി നി​ല​വി​ലു​ണ്ട്. പു​തി​യ ഡി​ജി​റ്റ​ല്‍ യു​ഗ​ത്തി​ല്‍ ഇ​വ വി​ര​ല്‍​ത്തു​മ്പി​ലെ​ത്തു​ന്ന സ്ഥി​തി​യു​ണ്ട്. ഒ​രാ​ള്‍ സ്വ​കാ​ര്യ​മാ​യി അ​ശ്ലീ​ല ദൃ​ശ്യ​ങ്ങ​ള്‍ കാ​ണു​ന്ന​തി​ല്‍ ഇ​ട​പെ​ടു​ന്ന​ത് അ​യാ​ളു​ടെ സ്വ​കാ​ര്യ​ത​യി​ലേ​ക്കു​ള്ള ക​ട​ന്നു ക​യ​റ്റ​മാ​ണെ​ന്നും ഹൈ​ക്കോ​ട​തി ചൂ​ണ്ടി​ക്കാ​ട്ടി. എ​ന്നാ​ല്‍ കു​ട്ടി​ക​ള്‍ ഇ​ത്ത​രം ദൃ​ശ്യ​ങ്ങ​ള്‍ കാ​ണു​ന്ന​ത് ദൂ​ര​വ്യാ​പ​ക​മാ​യ പ്ര​ത്യാ​ഘാ​ത​ങ്ങ​ളു​ണ്ടാ​ക്കു​മെ​ന്നും ഹൈ​ക്കോ​ട​തി പ​റ​ഞ്ഞു.

കു​ട്ടി​ക​ള്‍​ക്ക് മൊ​ബൈ​ല്‍ ഫോ​ണ്‍ സ​മ്മാ​ന​മാ​യി ന​ല്‍​കി അ​വ​രെ സ​ന്തോ​ഷി​പ്പി​ക്കു​ന്ന​തി​നു പ​ക​രം രു​ചി​ക​ര​മാ​യ ഭ​ക്ഷ​ണം ത​യാ​റാ​ക്കി ന​ല്‍​കി​യും ക്രി​ക്ക​റ്റ്, ഫു​ട്‌​ബോ​ള്‍ തു​ട​ങ്ങി​യ കാ​യി​ക വി​നോ​ദ​ങ്ങ​ളി​ല്‍ ഏ​ര്‍​പ്പെ​ടാ​ന്‍ പ്രോ​ത്സാ​ഹി​പ്പി​ച്ചും നാ​ള​ത്തെ മി​ക​ച്ച പൗ​ര​ന്മാ​രാ​യി വ​ള​ര്‍​ത്തു​ക​യാ​ണ് വേ​ണ്ട​ത്.

ക​ളി​ക്ക​ള​ങ്ങ​ളി​ല്‍ നി​ന്ന് തി​രി​ച്ചെ​ത്തു​ന്ന കു​ട്ടി​ക​ള്‍ അ​മ്മ​യു​ണ്ടാ​ക്കു​ന്ന രു​ചി​ക​ര​മാ​യ ഭ​ക്ഷ​ണം ആ​സ്വ​ദി​ക്ക​ട്ടെ. ഈ ​ചി​ന്ത​ക​ള്‍ ര​ക്ഷി​താ​ക്ക​ളു​ടെ തീ​രു​മാ​ന​ത്തി​നു വി​ടു​ക​യാ​ണെ​ന്നും ഹൈ​ക്കോ​ട​തി പ​റ​ഞ്ഞു.