മാ​വേ​ലി​ക്ക​ര: പു​ന്ന​മ്മൂ​ട്ടി​ൽ ആറു വ​യ​സു​കാ​രി​യെ മ​ഴു​കൊ​ണ്ട് ​വെട്ടി​ക്കൊ​​ന്ന​തി​ന് ശേ​ഷം ആ​ത്മ​ഹ​ത്യ​ക്ക് ശ്ര​മി​ച്ച് ചി​കി​ത്സ​യി​ൽ ക​ഴി​യു​ന്ന പി​താ​വി​ന്‍റെ ആ​രോ​ഗ്യ​നി​ല​യി​ൽ പു​രോ​ഗ​തി.

ആ​ല​പ്പു​ഴ മെ​ഡി​ക്ക​ൽ കോ​ള​ജി​ലെ സ​ർ​ജി​ക്ക​ൽ ഐ​സി​യു​വി​ൽ ചി​കി​ത്സ​യി​ലു​ള്ള ശ്രീ​മ​ഹേ​ഷ് ഇ​പ്പോ​ൾ സം​സാ​രി​ച്ചു തു​ട​ങ്ങി​യ​താ‌​യാ​ണ് വി​വ​രം.

മാ​വേ​ലി​ക്ക​ര സ​ബ് ജ​യി​ലി​ൽ വ്യാ​ഴാ​ഴ്ച വൈ​കി​ട്ട് ആ​റോ​ടെ​യാ​ണ് ശ്രീമ​ഹേ​ഷ് ഞ​ര​മ്പ് മു​റി​ച്ച് ആ​ത്മ​ഹ​ത്യ ശ്ര​മം ന​ട​ത്തി​യ​ത്. പ്ര​തി​യെ സെ​ല്ലി​ലേ​ക്ക് മാ​റ്റും മു​മ്പ് രേ​ഖ​ക​ൾ ശ​രി​യാ​ക്കാ​നാ​യി ജ​യി​ൽ സൂ​പ്ര​ണ്ടി​ന്‍റെ ഓ​ഫീ​സി​ലേ​ക്ക് എ​ത്തി​ച്ച​പ്പോ​ഴാ​ണ് പേ​പ്പ​ർ മു​റി​ക്കു​ന്ന ക​ത്തി കൊ​ണ്ട് ക​ഴു​ത്തി​ലെ​യും കൈ​യി​ലേ​യും ഞ​ര​മ്പ് മു​റി​ച്ച​ത്.

ബു​ധ​നാ​ഴ്ച രാ​ത്രി എ​ട്ടോ​ടെ‌​യാ​ണ് മ​ക​ൾ ന​ക്ഷ​ത്ര​യെ ശ്രീ​മ​ഹേ​ഷ് മ​ഴു​കൊ​ണ്ട് വെ​ട്ടി​കൊ​ല​പ്പെ​ടു​ത്തി​യ​ത്. തൊ​ട്ട​ടു​ത്തു സ​ഹോ​ദ​രി​യു​ടെ വീ​ട്ടി​ൽ താ​മ​സി​ക്കു​ന്ന മ​ഹേ​ഷി​ന്‍റെ അ​മ്മ സു​ന​ന്ദ ബ​ഹ​ളം കേ​ട്ട് ഓ​ടി​ച്ചെ​ല്ലു​മ്പോ​ൾ വീ​ടി​ന്‍റെ സി​റ്റൗ​ട്ടി​ൽ സോ​ഫ​യി​ൽ വെ​ട്ടേ​റ്റു കി​ട​ക്കു​ന്ന ന​ക്ഷ​ത്ര​യെ​യാ​ണ് ക​ണ്ട​ത്.

ബ​ഹ​ളം വ​ച്ചു​കൊ​ണ്ടു പു​റ​ത്തേ​ക്കോ​ടി​യ സു​ന​ന്ദ​യെ പി​ന്തു​ട​ർ​ന്ന മ​ഹേ​ഷ് അ​വ​രെ​യും ആ​ക്ര​മി​ച്ചു. സു​ന​ന്ദ​യു​ടെ കൈ​യ്ക്കു വെ​ട്ടേ​റ്റു. ഓ​ടി​യെ​ത്തി​യ സ​മീ​പ​വാ​സി​ക​ളെ ഇ​യാ​ൾ മ​ഴു​കാ​ട്ടി ഭീ​ഷ​ണി​പ്പെ​ടു​ത്തു​ക​യും ആ​ക്ര​മി​ക്കാ​ൻ ശ്ര​മി​ക്കു​ക​യും ചെ​യ്തു.

തു​ട​ർ​ന്ന് പോ​ലീ​സ് എ​ത്തി ഇ​യാ​ളെ കീ​ഴ്പ്പെ​ടു​ത്തി ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു. ന​ക്ഷ​ത്ര​യു​ടെ അ​മ്മ വി​ദ്യ മൂ​ന്നു വ​ർ​ഷം മു​ന്പ് ജീ​വ​നൊ​ടു​ക്കി​യി​രു​ന്നു.

ഇ​യാ​ള്‍ മൂ​ന്നു​പേ​രെ​യാ​ണ് കൊ​ല്ലാ​ന്‍ പ​ദ്ധ​തി​യി​ട്ട​തെ​ന്ന് പോ​ലീ​സ് പ​റ​യു​ന്നു. മ​ക​ള്‍ ന​ക്ഷ​ത്ര, അ​മ്മ സു​ന​ന്ദ, വി​വാ​ഹം ആ​ലോ​ചി​ച്ച പോ​ലീ​സ് ഉ​ദ്യോ​ഗ​സ്ഥ എ​ന്നി​വ​രെ​യാ​ണ് കൊ​ല്ലാ​ന്‍ ല​ക്ഷ്യ​മി​ട്ട​ത്.

പോ​ലീ​സ് ഉ​ദ്യോ​ഗ​സ്ഥ വി​വാ​ഹ​ത്തി​ല്‍ നി​ന്നും പി​ന്മാ​റി​യി​രു​ന്നു. ഇ​യാ​ളു​ടെ സ്വ​ഭാ​വ​ദൂ​ഷ്യം കാ​ര​ണ​മാ​ണ് ഇ​വ​ർ വി​വാ​ഹ​ത്തി​ല്‍ നി​ന്നും പി​ന്മാ​റി​യ​തെ​ന്നാ​ണ് പോ​ലീ​സ് ക​രു​തു​ന്ന​ത്.

കൊ​ല​പാ​ത​കം ന​ട​ത്തു​ന്ന​തി​നാ​യി ഓ​ണ്‍​ലൈ​നി​ല്‍ മ​ഴു വാ​ങ്ങാ​ന്‍ ശ്രീ​മ​ഹേ​ഷ് ശ്ര​മി​ച്ചി​രു​ന്നു. ഓ​ര്‍​ഡ​ര്‍ ചെ​യ്തെ​ങ്കി​ലും ല​ഭി​ച്ചി​ല്ല. തു​ട​ര്‍​ന്ന് മ​ഴു മാ​വേ​ലി​ക്ക​ര​യി​ല്‍ നി​ന്നും പ​ണി​ക​ഴി​പ്പി​ച്ചെ​ടു​ക്കു​ക​യാ​യി​രു​ന്നു.

ഇ​തു​കൊ​ണ്ടാ​ണ് ഇ​യാ​ള്‍ മ​ക​ള്‍ ന​ക്ഷ​ത്ര​യു​ടെ ക​ഴു​ത്ത് അ​റു​ത്ത് കൊ​ല​പ്പെ​ടു​ത്തി​യ​ത്. വ്യാ​ഴാ​ഴ്ച വീ​ട്ടി​ല്‍ ന​ട​ത്തി​യ തെ​ളി​വെ​ടു​പ്പി​ല്‍ ക​ട്ടി​ലി​ന് അ​ടി​യി​ല്‍ നി​ന്നും മ​ഴു ക​ണ്ടെ​ടു​ത്തി​രു​ന്നു. കൊ​ല്ല​പ്പെ​ട്ട ന​ക്ഷ​ത്ര​യു​ടെ സം​സ്‌​കാ​രം വെ​ള്ളി​യാ​ഴ്ച ന​ട​ക്കും.