റി​ക്കാ​ർ​ഡു​ക​ളു​ടെ തോ​ഴ​ൻ; എ​സ്പി​ബിയുടെ പേ​രി​ലു​ള്ള​ത് ഗി​ന്ന​സ് അ​ട​ക്കം നി​ര​വ​ധി അം​ഗീ​കാ​ര​ങ്ങ​ൾ
Friday, September 25, 2020 2:54 PM IST
ചെ​ന്നൈ: ച​ല​ച്ചി​ത്ര സം​ഗീ​ത ലോ​ക​ത്തി​ന് അ​തു​ല്യ സം​ഭാ​വ​ന​ങ്ങ​ൾ ന​ൽ​കി​യ ഗാ​യ​ക​നാ​ണ് എ​സ്.​പി. ബാ​ല​സു​ബ്ര​ഹ്മ​ണ്യം. ഭാ​ഷ​ക​ളു​ടെ അ​തി​ർ​വ​ര​മ്പു​ക​ളെ​ല്ലാം ഭേ​ദി​ച്ച എ​സ്പി​ബി​യു​ടെ വി​ട​വാ​ങ്ങ​ൽ വ​ലി​യൊ​രു ശൂ​ന്യ​ത​യാ​ണ് സൃ​ഷ്ടി​ക്കു​ന്ന​ത്. ക​ഴി​ഞ്ഞ 50 വ​ർ​ഷ​ത്തി​നി​ടെ ഏ​റ്റ​വു​മ​ധി​കം സി​നി​മാ ഗാ​ന​ങ്ങ​ൾ ആ​ല​പി​ച്ച എ​സ്പി​ബി ഗി​ന്ന​സ് അ​ട​ക്കം നി​ര​വ​ധി റി​ക്കാ​ർ​ഡും പേ​രി​ലാ​ക്കി​യി​ട്ടു​ണ്ട്.

16 ഭാ​ഷ​ക​ളി​ൽ നാ​ൽ​പ​തി​നാ​യി​ര​ത്തി​ൽ അ​ധി​കം പാ​ട്ടു​ക​ൾ

ത​മി​ഴ്, തെ​ലു​ങ്ക്, മ​ല​യാ​ളം, ക​ന്ന​ഡ, അ​സ​മീ​സ്, ഒ​റി​യ, ബം​ഗാ​ളി, ഹി​ന്ദി, സം​സ്‌​കൃ​തം, തു​ളു, മ​റാ​ത്തി, പ​ഞ്ചാ​ബി തു​ട​ങ്ങി 14 പ്രാ​ദേ​ശി​ക ഭാ​ഷ​ങ്ങ​ളി​ലും വി​ദേ​ശ​ഭാ​ഷ​ങ്ങ​ളി​ലും അ​ട​ക്കം 40,000ലേ​റെ ഗാ​ന​ങ്ങ​ളാ​ണ് അ​ദ്ദേ​ഹം ആ​ല​പി​ച്ച​ത്. ഏ​റ്റ​വു​മ​ധി​കം പാ​ട്ടു​ക​ൾ റി​ക്കോ​ർ​ഡ് ചെ​യ്‌​ത​തി​ന്‍റെ ഗി​ന്ന​സ് റെ​ക്കോ​ർ​ഡ് എ​സ്പി​ബി​യു​ടെ പേ​രി​ലാ​ണ്. ഇ​ത്ര​യ​ധി​കം ച​ല​ച്ചി​ത്ര​ഗാ​ന​ങ്ങ​ൾ പാ​ടി​യ മ​റ്റൊ​രു ഗാ​യ​ക​ൻ ലോ​ക​ത്തു​ണ്ടാ​യി​ട്ടി​ല്ല.

ഒ​റ്റ​ദി​വ​സം 21 പാ​ട്ടു​ക​ൾ

ഒ​രു ദി​വ​സം ഏ​റ്റ​വു​മ​ധി​കം ഗാ​ന​ങ്ങ​ൾ ആ​ല​പി​ച്ച​തി​നും എ​സ്പി​ബി​ക്ക് റി​ക്കാ​ർ​ഡു​ണ്ട്. 12 മ​ണി​ക്കൂ​റി​നു​ള്ളി​ൽ 21 ഗാ​ന​ങ്ങ​ൾ ആ​ല​പി​ച്ച​തി​നാ​ണ് റി​ക്കോ​ർ​ഡ്. ഉ​പേ​ന്ദ്ര കു​മാ​ർ എ​ന്ന ക​മ്പോ​സ​റി​ന് വേ​ണ്ടി​യാ​യി​രു​ന്നു എ​സ്പി​ബി ഇ​ത്ര​യ​ധി​കം ഗാ​ന​ങ്ങ​ൾ ഒ​റ്റ​ദി​വ​സം പാ​ടി​യ​ത്. ഇ​തി​ന് പു​റ​മെ ത​മി​ഴി​ൽ ഒ​രു ദി​വ​സം 19 ഗാ​ന​ങ്ങ​ളും ഹി​ന്ദി​യി​ൽ ഒ​റ്റ ദി​വ​സ​ത്തി​ൽ 19 ഗാ​ന​ങ്ങ​ളും പാ​ടി​യി​ട്ടു​ണ്ട്.

മ​ല​യാ​ള​ത്തി​ൽ 120 ഗാ​ന​ങ്ങ​ൾ

മ​ല​യാ​ള​ത്തി​ൽ 120 സി​നി​മാ ഗാ​ന​ങ്ങ​ൾ എ​സ്പി​ബി ആ​ല​പി​ച്ചി​ട്ടു​ണ്ട്. ഊ​ട്ടി​പ്പ​ട്ട​ണം, താ​രാ​പ​ഥം, പാ​ല്‍ നി​ലാ​വി​ലേ തു​ട​ങ്ങി മ​ല​യാ​ള​ത്തി​ലും ഹി​റ്റു​ക​ളു​ടെ പെ​രു​മ​ഴ തീ​ര്‍​ത്തു അ​ദ്ദേ​ഹം. ഇ​ള​യ​രാ​ജ​യു​ടെ സം​ഗീ​ത​ത്തി​ൽ അ​ന​ശ്വ​രം എ​ന്ന സി​നി​മ​യി​ലെ ഗാ​നം, താ​രാ​പ​ഥം ചേ​തോ​ഹ​രം... തു​ട​ങ്ങി​യ പാ​ട്ടു​ക​ൾ സം​ഗീ​താ​സ്വാ​ദ​ക മ​ന​സി​ൽ മാ​യാ​തെ കി​ട​ക്കു​ന്നു.

ആ​റു ദേ​ശീ​യ പു​ര​സ്കാ​ര​ങ്ങ​ൾ

നാ​ലു ഭാ​ഷ​ക​ളി​ലാ​യി മി​ക​ച്ച ഗാ​യ​ക​നു​ള്ള ദേ​ശീ​യ പു​ര​സ്‌​കാ​രം ആ​റു ത​വ​ണ അ​ദ്ദേ​ഹ​ത്തെ തേ​ടി​യെ​ത്തി. ത​മി​ഴ്നാ​ട്, ക​ർ​ണാ​ട​ക, ആ​ന്ധ്ര സം​സ്ഥാ​ന​ങ്ങ​ളു​ടെ ച​ല​ച്ചി​ത്ര പു​ര​സ്കാ​ര​ങ്ങ​ളും അ​ദ്ദേ​ഹം പ​ല ത​വ​ണ നേ​ടി​യി​ട്ടു​ണ്ട്. മി​ക​ച്ച ഗാ​യ​ക​നു​ള്ള ആ​ന്ധ്ര​പ്ര​ദേ​ശ് സ​ർ​ക്കാ​രി​ന്റെ അ​വാ​ർ​ഡ് എ​സ്.​പി.​ബി 25 വ​ട്ടം നേ​ടി. 2001ൽ ​പ​ത്മ​ശ്രീ​യും 2011ൽ ​പ​ദ്‌​മ​ഭൂ​ഷ​ണും ല​ഭി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.