വി​ചാ​ര​ണ​ത്ത​ട​വു​കാ​ർ​ക്ക് ഉ​പാ​ധി​ക​ളോ​ടെ ഇ​ട​ക്കാ​ല ജാ​മ്യം
Monday, March 30, 2020 1:43 PM IST
കൊ​ച്ചി: കോ​വി​ഡ്-19​യു​ടെ പ​ശ്ചാ​ത്ത​ല​ത്തി​ൽ സം​സ്ഥാ​ന​ത്തെ വി​ചാ​ര​ണ​ത്ത​ട​വു​കാ​ർ​ക്കും റിമാൻഡ് പ്രതികൾക്കും ഇ​ട​ക്കാ​ല​ജാ​മ്യം. ഏ​പ്രി​ൽ 30 വ​രെ​യാ​ണ് ജാമ്യം. ഹൈ​ക്കോ​ട​തി​ ഫൂ​ൾ ബെ​ഞ്ചിന്‍റേതാണ് ഉത്തരവ്. ക​ർ​ശ​ന ഉ​പാ​ധി​ക​ളോ​ടെ​യാ​ണ് ജാ​മ്യം അ​നു​വ​ദി​ച്ചി​രി​ക്കു​ന്ന​ത്.

ഏ​ഴ് വ​ർ​ഷ​ത്തി​ന് താ​ഴെ ശി​ക്ഷ ല​ഭി​ക്കാ​വു​ന്ന കു​റ്റം ചു​മ​ത്ത​പ്പെ​ട്ടി​രി​ക്കു​ന്ന​വ​ർ​ക്കാ​ണ് ഇ​ള​വ് ല​ഭി​ക്കു​ക. അ​ര്‍​ഹ​രാ​യ​വ​രെ ജ​യി​ൽ സൂ​പ്ര​ണ്ടു​മാ​ര്‍ മോ​ചി​പ്പി​ക്ക​ണ​മെ​ന്നാ​ണ് നി​ർ​ദ്ദേ​ശം. ലോ​ക്ക്ഡൗ​ണ്‍ നി​ർ​ദേ​ശ​ങ്ങ​ൾ ലം​ഘി​ച്ചാ​ൽ ജാ​മ്യം റ​ദ്ദാ​ക്കും. ജാ​മ്യം ല​ഭി​ച്ചാ​ലു​ട​ൻ ഇ​വ​ർ താ​മ​സ​സ്ഥ​ല​ത്തെ പോ​ലീ​സ് സ്റ്റേ​ഷ​നി​ൽ റി​പ്പോ​ർ​ട്ട് ചെ​യ്യ​ണ​മെ​ന്നും കോ​ട​തി ഉ​ത്ത​ര​വി​ട്ടു.

പ്ര​തി​ക​ളു​ടെ ക്രി​മി​ന​ൽ പ​ശ്ചാ​ത്ത​ലം പ​രി​ശോ​ധി​ച്ചാ​ണ് ജാ​മ്യം ന​ൽ​കു​ന്ന​ത്. സ്ത്രീ​ക​ൾ​ക്കും കു​ട്ടി​ക​ൾ​ക്കും എ​തി​രാ​യ കു​റ്റ​കൃ​ത്യ​ങ്ങ​ൾ ചെ​യ്ത​വ​ർ, സ്ഥി​രം കു​റ്റ​വാ​ളി​ക​ൾ തു​ട​ങ്ങി​യ​വ​ർ​ക്ക് ജാ​മ്യം അ​നു​വ​ദി​ക്ക​രുതെന്നും കോ​ട​തി നി​ർ​ദേ​ശി​ച്ചു.

ലോ​ക്ക്ഡൗ​ണ്‍ പ്ര​ഖ്യാ​പി​ച്ച​ പ​ശ്ചാ​ത്ത​ല​ത്തി​ൽ പ്ര​തി​ക​ൾ​ക്ക് ജാ​മ്യ​ഹ​ർ​ജി ഉ​ൾ​പ്പെ​ടെ​യു​ള്ള ന​ട​പ​ടി​ക​ളു​മാ​യി കോ​ട​തി​യെ സ​മീ​പി​ക്കാ​ൻ പ​റ്റാ​ത്ത സാ​ഹ​ച​ര്യ​ത്തി​ലാ​ണ് ഹൈ​ക്കോ​ട​തി ന​ട​പ​ടി. ലോ​ക്ക്ഡൗ​ണ്‍ നീ​ട്ടി​യാ​ൽ ഇതിനനുസരിച്ച് ജാമ്യ കാലാവധിയും നീട്ടും.

ജാ​മ്യം അ​വ​സാ​നി​ച്ചാ​ൽ പ്ര​തി​ക​ൾ​ വി​ചാ​ര​ണ കോ​ട​തി​യെ സ​മീ​പ​ക്ക​ണ​മെ​ന്നും പി​ന്നീ​ട് ജാ​മ്യം നീ​ട്ടു​ന്ന​ത് സം​ബ​ന്ധി​ച്ച് വി​ചാ​ര​ണ കോ​ട​തി​ക്ക് തീ​രു​മാ​നം എ​ടു​ക്കാ​മെ​ന്നും ഹൈ​ക്കോ​ട​തി ഉ​ത്ത​ര​വി​ൽ പ​റ​യു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.