റയൽ, അത്ലറ്റിക്കോ ഈ സീസണില്‍ അത്ലറ്റിക്കോ മാഡ്രിഡില്‍ ചേര്‍ന്ന കോണര്‍ ഗല്ലഗർ, ജൂലിയന്‍ അല്‍വാരസ് എന്നിവര്‍ സ്പാനിഷ് ലീഗിൽ തങ്ങളുടെ ആദ്യ ഗോള്‍ നേടി. സ്വന്തം കളത്തില്‍ നടന്ന മത്സരത്തില്‍ അത്ലറ്റിക്കോ 3-0ന് വലന്‍സിയയെ തോല്‍പ്പിച്ചു.
ഒരു ഗോള്‍ ആന്‍ത്വാന്‍ ഗ്രീസ്മാന്‍റെ വകയാണ്. 39-ാം മിനിറ്റില്‍ ഗല്ലഗര്‍ ഗോള്‍ നേടി. ചെല്‍സിയില്‍നിന്നാണ് താരം അത്‌ലറ്റിക്കോയിലെത്തിയത്. ലാ ലിഗയില്‍ അത്‌ലറ്റിക്കോയ്ക്കായി ഗോള്‍ നേടുന്ന ആദ്യ ഇംഗ്ലീഷുകാരനെന്ന നേട്ടവും ഗല്ലഗര്‍ സ്വന്തമാക്കി.
എവേ പോരാട്ടത്തില്‍ രണ്ടാം പകുതിയില്‍ വിനിഷ്യസ് ജൂണിയറും (58') കിലിയന്‍ എംബപ്പെയും (75') പെനാല്‍റ്റികള്‍ ലക്ഷ്യത്തിലെത്തിച്ച് റയല്‍ മാഡ്രിഡിനെ ജയത്തിലെത്തിച്ചു. 2-0ന് സോസിദാദിനെയാണ് റയൽ പരാജയപ്പെടുത്തിയത്.