റാ​ന്നി: അ​ത്തി​ക്ക​യം കേ​ന്ദ്രീ​ക​രി​ച്ചു​ള്ള ജെ​ജെ ഗാ​ര്‍ഡ​ന്‍റെ ഡ്രാ​ഗ​ണ്‍ ഫ്രൂ​ട്ട് ഇ​നി ഗ​ള്‍ഫി​ലും ല​ഭ്യ​മാ​കും. ജെ​ജെയു​ടെ മു​ന്തി​യ ഇ​ന​മാ​യ ഡ്രാ​ഗ​ണ്‍ ഫ്രൂ​ട്ട് പു​തു​മ​യോ​ടെ സ്വ​ന്തം പാ​ക്കിം​ഗി​ല്‍ ഗ​ള്‍ഫി​ലെ ഒ​മാ​നി​ല്‍ എ​ത്തിത്തു​ട​ങ്ങി.

ഏ​ജ​ന്‍സി വ​ഴി​യാ​ണ് ഇ​പ്പോ​ള്‍ വി​ത​ര​ണ​മെ​ങ്കി​ലും കൂ​ടു​ത​ല്‍ അ​ള​വി​ല്‍ ഗ​ള്‍ഫി​ല്‍ ആ​വ​ശ്യ​ക്കാ​ര്‍ക്ക് ല​ഭ്യ​മാ​ക്കാ​ന്‍ ശ്ര​മി​ക്കു​മെ​ന്ന് ജെ​ജെ ഗാ​ര്‍ഡ​ന്‍ ഉ​ട​മ കെ.​എ​സ്. ജോ​സ​ഫ് പ​റ​ഞ്ഞു. ഫെ​ഡ​റ​ല്‍ ബാ​ങ്ക് മു​ന്‍ ഉ​ദ്യോ​ഗ​സ്ഥ​നാ​യ ജോ​സ​ഫ് 2017ല്‍ ​പ​രീ​ക്ഷ​ണാ​ര്‍ഥം നാ​ല് ഏ​ക്ക​റി​ല്‍ ആ​രം​ഭി​ച്ച ഡ്രാ​ഗ​ണ്‍ ഫ്രൂ​ട്ട് കൃ​ഷി ഇ​പ്പോ​ള്‍ 10 ഏ​ക്ക​റി​ല്‍ വ്യാ​പി​പ്പി​ച്ചി​രി​ക്കു​ക​യാ​ണ്.

നാ​ലാ​യി​ര​ത്തി​ലേ​റെ മൂ​ടു​ക​ളി​ലാ​യി പ​തി​നാ​റാ​യി​ര​ത്തി​ലേ​റെ ചെ​ടി​ക​ളാ​ണ് ജെ​ജെ ഗാ​ര്‍ഡ​നി​ലു​ള്ള​ത്. അ​തി​ല്‍ 99 ശ​ത​മാ​ന​വും ഔ​ഷ​ധ ഗു​ണ​മേ​റി​യ മ​ലേ​ഷ്യ​ന്‍ റെ​ഡ് ഇ​ന​മാ​ണ്. ഇ​തോ​ടൊ​പ്പം വെ​ള്ള, പ​ലേ റോ, ​ബ്രൂ​ണി, സി​യം റെഡ്, റെ​ഡ് ജ​യ​ന്‍, ഇ​സ്രേയ​ലി ഗോ​ള്‍ഡ് തു​ട​ങ്ങി​യ​വ​യു​മു​ണ്ട്.


ജൈ​വ കൃ​ഷിരീ​തി അ​വ​ലം​ബി​ച്ചി​ട്ടു​ള്ള ജെ​ജെ ഗാ​ര്‍ഡ​നി​ല്‍ മ​റ്റു വ​ള​ങ്ങ​ളൊ കീ​ട​നാ​ശി​നി പ്ര​യോ​ഗ​മോ ഇ​ല്ലെ​ന്ന പ്ര​തി​ജ്ഞ​യി​ലാ​ണ് ഉ​ട​മ​യും മ​ക്ക​ളാ​യ ജോ​മി​നും ജെ​സ്റ്റി​നും. എ​ന്‍ജി​നി​യ​റിം​ഗ്, ബാ​ങ്കിം​ഗ് മേ​ഖ​ല​യി​ല്‍ ജോ​ലി ചെ​യ്യു​ന്ന മ​ക്ക​ളും കൃ​ഷി​യെ സ്‌​നേ​ഹിക്കു​ന്ന​വ​രാ​ണ്.

കൈ​നി​റ​യെ ആ​ദാ​യം കി​ട്ടു​ന്നു​ണ്ടെ​ങ്കി​ലും വ​ര്‍ഷം​തോ​റും അ​തി​ല്‍നി​ന്നും 25 ല​ക്ഷം രൂ​പ​യെ​ങ്കി​ലും ചെ​ല​വ​ഴി​ച്ച് കൃ​ഷി ചെ​യ്യു​ന്നു. കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍നി​ന്ന് നി​ര​വ​ധി ആ​ളു​ക​ളാ​ണ് ഗാ​ര്‍ഡ​ന്‍ കാ​ണാ​ന്‍ എ​ത്തു​ന്ന​ത്. ഫ​ല​ങ്ങ​ൾ തോ​ട്ട​ത്തി​ല്‍നി​ന്നും ക​ച്ച​വ​ട​ക്കാ​ര്‍ നേ​രി​ട്ടു കൊ​ണ്ടു​പോ​വു​ക​യാ​ണ്. 15 ട​ണ്‍ ഫ​ല​ങ്ങ​ള്‍ കേ​ടു​കൂ​ടാ​തെ ശേ​ഖ​രി​ച്ചു വ​യ്ക്കാ​നു​ള്ള ശീ​തീ​ക​ര​ണ സം​വി​ധാ​ന​വു​മുണ്ട്.