വിദേശികൾ വന്നു ; ഓഹരി സൂചികകൾ കയറി
Wednesday, May 27, 2020 11:35 PM IST
മുംബൈ: വിദേശനിക്ഷേപകർ പണമിറക്കിയതും വിദേശ കന്പോളങ്ങൾ ഉയർന്നതും ഇന്ത്യൻ ഓഹരികളെ സഹായിച്ചു. സൂചികകൾ ഗണ്യമായി ഉയർന്നു. ബാങ്കിംഗ്, ധനകാര്യം, ഐടി കന്പനികൾക്ക് വലിയ നേട്ടമുണ്ടായി.
തലേന്ന് യുഎസ് ഓഹരികളും ഇന്നലെ ഏഷ്യൻ ഓഹികളും മികച്ച ഉയർച്ച കാണിച്ചു. എന്നാൽ ചൈനീസ് സൂചികകൾ അല്പം താണു. അമേരിക്കയുമായുള്ള ചൈനീസ് ഉരസലാണ് കാരണം.
സെൻസെക്സ് 995.92 പോയിന്റ് (3.25 ശതമാനം) ഉയർന്ന് 31,605.22-ലും നിഫ്റ്റി 285.9 പോയിന്റ് (3.17 ശതമാനം) കയറി 9314.95-ലും ക്ലോസ് ചെയ്തു.