ക​റാ​ച്ചി: പാ​ക്കി​സ്ഥാ​നി​ലെ ബ​ലൂ​ചി​സ്ഥാ​ൻ പ്ര​വി​ശ്യ​യി​ൽ ഭീ​ക​ര​ർ എ​ക്സ്പ്ര​സ് ട്രെ​യി​ൻ ആ​ക്ര​മി​ച്ചു പി​ടി​ച്ചെ​ടു​ത്ത് ഇ​രു​നൂ​റിൽപരം യാ​ത്ര​ക്കാ​രെ ബ​ന്ദി​ക​ളാ​ക്കി. 30 സു​ര​ക്ഷാ ഉ​ദ്യോ​ഗ​സ്ഥ​രെ ഭീ​ക​ര​ർ വ​ധി​ച്ചു. ക്വെ​റ്റ​യി​ൽ​നി​ന്നു പെ​ഷ​വാ​റി​ലേ​ക്കു പോ​യ ജാ​ഫ​ർ എ​ക്സ്പ്ര​സാ​ണ് പെ​ഹ്റോ കു​ന്‍‌​റി​ക്കും ഗാ​ദ​ല​റി​നു മ​ധ്യേ ആ​ക്ര​മി​ക്ക​പ്പെ​ട്ട​ത്.

ട്രെ​യി​ൻ ആ​ക്ര​മ​ണ​ത്തി​ന്‍റെ ഉ​ത്ത​ര​വാ​ദി​ത്വം ബ​ലൂ​ചി​സ്ഥാ​ൻ ലി​ബ​റേ​ഷ​ൻ ആ​ർ​മി (ബി​എ​ൽ​എ) ഏ​റ്റെ​ടു​ത്തു. പാ​ക് സൈ​ന്യം ഇ​ട​പെ​ട്ടാ​ൽ എ​ല്ലാ ബ​ന്ദി​ക​ളെ​യും വ​ധി​ക്കു​മെ​ന്ന് ബി​എ​ൽ​എ പ്ര​സ്താ​വ​ന​യി​ൽ അ​റി​യി​ച്ചു. പാ​ക്കി​സ്ഥാ​ൻ, യു​കെ, അ​മേ​രി​ക്ക എ​ന്നീ രാ​ജ്യ​ങ്ങ​ൾ നി​രോ​ധി​ച്ച സം​ഘ​ട​ന​യാ​ണ് ബി​എ​ൽ​എ.

ട്രെ​യി​ൻ ഡ്രൈ​വ​ർ​ക്കും നി​ര​വ​ധി യാ​ത്ര​ക്കാ​ർ​ക്കും വെ​ടി​വ​യ് പി​ൽ പ​രി​ക്കേ​റ്റ​താ​യി സു​ര​ക്ഷാ വൃ​ത്ത​ങ്ങ​ൾ അ​റി​യി​ച്ചു. ര​ക്ഷാ​പ്ര​വ​ർ​ത്ത​ക​രും സു​ര​ക്ഷാ സൈ​നി​ക​രും പ്ര​ദേ​ശ​ത്തെ​ത്തി​യി​ട്ടു​ണ്ട്. പ്ര​ദേ​ശ​ത്തെ ആ​ശു​പ​ത്രി​ക​ളി​ൽ അ​ടി​യ​ന്തരാ​വ​സ്ഥ പ്ര​ഖ്യാ​പി​ച്ചു. ട്രെ​യി​ൻ ഡ്രൈ​വ​ർ​ക്കു ഗു​രു​ത​ര പ​രി​ക്കേ​റ്റെ​ന്ന് റെ​യി​ൽ​വേ അ​ധി​കൃ​ത​ർ വ്യ​ക്ത​മാ​ക്കി. ര​ക്ഷാ​പ്ര​വ​ർ​ത്ത​ന​ത്തി​നാ​യി കൂ​ടു​ത​ൽ ട്രെ​യി​നു​ക​ൾ അ​യ​ച്ചു.

ഒ​ന്പ​തു കോ​ച്ചു​ക​ളു​ള്ള ട്രെ​യി​നി​ൽ അ​ഞ്ഞൂ​റി​ന​ടു​ത്ത് യാ​ത്ര​ക്കാ​രു​ണ്ടാ​യി​രു​ന്നു​വെ​ന്ന് റെ​യി​ൽ​വേ​സ് ക​ൺ​ട്രോ​ള​ർ മു​ഹ​മ്മ​ദ് കാ​ഷി​ഫ് പ​റ​ഞ്ഞു. എ​ട്ടാം ന​ന്പ​ർ തു​ര​ങ്ക​ത്തി​ലാ​ണ് ഭീ​ക​ര​ർ ട്രെ​യി​നി​നു നേ​രേ ആ​ക്ര​മ​ണം ന​ട​ത്തി​യ​ത്.


ട്രാ​ക്കു​ക​ൾ ബോം​ബി​ട്ട് ത​ക​ർ​ത്ത​ശേ​ഷം ട്രെ​യി​നി​നു നേ​ർ​ക്ക് വെ​ടി​വ​യ്പ് ന​ട​ത്തു​ക​യാ​യി​രു​ന്നു. ദു​ർ​ഘ​ട പ​ർ​വ​ത​പ്ര​ദേ​ശ​മാ​യ ഈ ​മേ​ഖ​ല​യി​ൽ 17 തു​ര​ങ്ക​ങ്ങ​ളു​ണ്ട്. ട്രെ​യി​ൻ വേ​ഗം കു​റ​ച്ചാ​ണ് ഇ​തു​വ​ഴി പോ​കാ​റു​ള്ള​ത്. ട്രെ​യി​ൻ ത​ട​ഞ്ഞി​ട്ടി​രി​ക്കു​ന്ന​ത് സ​ങ്കീ​ർ​ണ​മാ​യ ഭൂ​പ്ര​ദേ​ശ​ത്താ​യ​തി​നാ​ൽ ര​ക്ഷാ​പ്ര​വ​ർ​ത്ത​ക​രും സൈ​ന്യ​വും ഏ​റെ വെ​ല്ലു​വി​ളി നേ​രി​ടു​ക​യാ​ണ്.

മേ​ഖ​ല​യി​ലെ റെ​യി​ൽ​പ്പാ​ള​ങ്ങ​ൾ​ക്കു നേ​ർ​ക്ക് മു​ന്പ് ഭീ​ക​ര​ർ റോ​ക്ക​റ്റ്, റി​മോ​ട്ട് ക​ൺ​ട്രോ​ൾ​ഡ് ബോം​ബ് ആ​ക്ര​മ​ണ​ങ്ങ​ൾ ന​ട​ത്തി​യി​ട്ടു​ണ്ട്. മി​ക്ക ആ​ക്ര​മ​ണ​ങ്ങ​ളു​ടെ​യും ഉ​ത്ത​ര​വാ​ദി​ത്വം ബി​എ​ൽ​എ ഏ​റ്റെ​ടു​ത്തി​രു​ന്നു.

ക്വെ​റ്റ-​പെ​ഷ​വാ​ർ റൂ​ട്ടി​ൽ ക​ഴി​ഞ്ഞ വ​ർ​ഷം ഒ​ന്ന​ര മാ​സം ട്രെ​യി​ൻ സ​ർ​വീ​സു​ക​ൾ നി​ർ​ത്തി​വ​ച്ചി​രു​ന്നു. ഒ​ക്ടോ​ബ​റി​ലാ​ണ് സ​ർ​വീ​സ് പു​ന​രാ​രം​ഭി​ച്ച​ത്. ഇ​റാ​ൻ, അ​ഫ്ഗാ​നി​സ്ഥാ​ൻ രാ​ജ്യ​ങ്ങ​ളു​മാ​യി അ​തി​ർ​ത്തി പ​ങ്കി​ടു​ന്ന ബ​ലൂ​ചി​സ്ഥാ​നി​ൽ നി​ര​വ​ധി വ​ർ​ഷ​ങ്ങ​ളാ​യി ആ​ക്ര​മ​ണ​ങ്ങ​ൾ പ​തി​വാ​ണ്.

പാ​ക്കി​സ്ഥാ​നി​ൽ​നി​ന്നു ബ​ലൂ​ചി​സ്ഥാ​നെ സ്വ​ത​ന്ത്ര​മാ​ക്ക​ണ​മെ​ന്നാ​ണ് ബ​ലൂ​ചി​സ്ഥാ​ൻ ലി​ബ​റേ​ഷ​ൻ ആ​ർ​മി, ബ​ലൂ​ചി​സ്ഥാ​ൻ ലി​ബ​റേ​ഷ​ൻ ഫ്ര​ണ്ട് തു​ട​ങ്ങി​യ വി​ഘ​ട​ന​വാ​ദി ഗ്രൂ​പ്പു​ക​ളു​ടെ ആ​വ​ശ്യം.