മ്യൂ​ണി​ക്: ജ​ർ​മ​നി​യും യൂ​റോ​പ്പും എ​ന്തു ചെ​യ്യ​ണ​മെ​ന്ന് ആ​രും പ​ഠി​പ്പി​ക്കേ​ണ്ടെ​ന്ന് ജ​ർ​മ​ൻ ചാ​ൻ​സ​ല​ർ ഒ​ലാ​ഫ് ഷോ​ൾ​സ്. യൂ​റോ​പ്പി​ൽ അ​ഭി​പ്രാ​യസ്വാ​ത​ന്ത്ര്യം ലം​ഘി​ക്ക​പ്പെ​ടു​ന്നു​വെ​ന്നാ​രോ​പി​ച്ച യു​എ​സ് വൈ​സ് പ്ര​സി​ഡ​ന്‍റ് ജെ.​ഡി. വാ​ൻ​സി​നു മ​റു​പ​ടി ന​ല്കു​ക​യാ​യി​രു​ന്നു അ​ദ്ദേ​ഹം.

യൂ​റോ​പ്യ​ൻ രാ​ജ്യ​ങ്ങ​ളി​ൽ വി​ദ്വേ​ഷ​പ്ര​സം​ഗം എ​ന്നു മു​ദ്ര​കു​ത്തി അ​ഭി​പ്രാ​യ​സ്വാ​ത​ന്ത്ര്യം വി​ല​ക്കു​ന്ന​താ​യും ജ​ർ​മ​നി​യി​ലെ എ​എ​ഫ്ഡി പോ​ലു​ള്ള തീ​വ്ര ​വ​ല​തു​പ​ക്ഷ പാ​ർ​ട്ടി​ക​ളോ​ട് മ​റ്റു ക​ക്ഷി​ക​ൾ അ​ക​ലം പാ​ലി​ക്കു​ന്ന​താ​യും ജ​ർ​മ​നി​യി​ലെ മ്യൂ​ണി​ക് ന​ഗ​ര​ത്തി​ൽ ന​ട​ന്ന സു​ര​ക്ഷാ ഉ​ച്ച​കോ​ടി​യി​ൽ പ്ര​സം​ഗി​ച്ച വാ​ൻ​സ് കു​റ്റ​പ്പെ​ടു​ത്തി​യി​രു​ന്നു.


തീ​വ്ര​നി​ല​പാ​ടു​ക​ൾ പു​ല​ർ​ത്തു​ന്ന പാ​ർ​ട്ടി​യോ​ട് സ​ഹ​ക​രി​ക്കാ​ത്ത​ത് ന​ല്ല​തി​നു​വേ​ണ്ടി​യാ​ണെ​ന്ന് ഷോ​ൾ​സ് വ്യ​ക്ത​മാ​ക്കി. അ​വ​രോ​ട് സ​ഹ​ക​രി​ക്ക​ണ​മെ​ന്ന് ആ​രും ഉ​പ​ദേ​ശി​ക്കേ​ണ്ട. സു​ഹൃ​ത്തു​ക്ക​ളും സ​ഖ്യ​ക​ക്ഷി​ക​ളും ഇ​ത്ത​രം ഉ​പ​ദേ​ശം ന​ല്കു​ന്ന​ത് അം​ഗീ​ക​രി​ക്കി​ല്ലെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.

ഇ​തി​നി​ടെ, ഒ​ലാ​ഫ് ഷോ​ൾ​സു​മാ​യി കൂ​ടി​ക്കാ​ഴ്ച​യ്ക്കു ത​യാ​റാ​കാ​തി​രു​ന്ന വാ​ൻ​സ്, എ​എ​ഫ്ഡി നേ​താ​വ് ആ​ലീ​സ് വീ​ഡെ​ലു​മാ​യി ച​ർ​ച്ച ന​ട​ത്തു​ക​യു​ണ്ടാ​യി.