വാ​ഷിം​ഗ്ട​ൺ ഡി​സി: ​ക്ഷാ​മ​ത്തി​ലേ​ക്കു നീ​ങ്ങു​ന്ന ഗാ​സ​യി​ൽ അ​മേ​രി​ക്ക​ൻ സേ​ന ഭ​ക്ഷ​ണ​വി​ത​ര​ണം തു​ട​ങ്ങി. ഇ​ന്ന​ലെ യു​എ​സ് വ്യോ​മ​സേ​ന​യു​ടെ മൂ​ന്ന് ച​ര​ക്കു​വി​മാ​ന​ങ്ങ​ളി​ൽ​നി​ന്ന് 38,000 ഭ​ക്ഷ​ണ​പ്പൊ​തി​ക​ൾ താ​ഴേ​ക്ക് ഇട്ടുകൊ​ടു​ത്ത​താ​യി റി​പ്പോ​ർ​ട്ടു​ക​ളി​ൽ പ​റ​യു​ന്നു.

ഗാ​സ​യി​ൽ ഭ​ക്ഷ​ണ​വും മ​റ്റ് അ​വ​ശ്യ​വ​സ്തു​ക്ക​ളും അ​മേ​രി​ക്ക​ൻ സേ​ന വി​ത​ര​ണം ചെ​യ്യു​മെ​ന്ന് പ്ര​സി​ഡ​ന്‍റ് ജോ ​ബൈ​ഡ​ൻ നേ​ര​ത്തേ അ​റി​യി​ച്ചി​രു​ന്നു. ഗാ​സ സി​റ്റി​യി​ൽ ഭ​ക്ഷ​ണ​ത്തി​നു കാ​ത്തു​നി​ന്ന പ​ല​സ്തീ​നി​ക​ൾ ഇ​സ്രേ​ലി സേ​ന​യു​ടെ വെ​ടി​യേ​റ്റു മ​രി​ച്ചു​വെ​ന്നാ​രോ​പി​ക്ക​പ്പെ​ടു​ന്ന ദാ​രു​ണ സം​ഭ​വ​ത്തി​നു പി​റ്റേ​ന്നാ​ണ് ബൈ​ഡ​ൻ ഇ​ക്കാ​ര്യം പ്ര​ഖ്യാ​പി​ച്ച​ത്.

ഗാ​സ​യ്ക്കു ല​ഭി​ക്കു​ന്ന സ​ഹാ​യം ഒ​ട്ടും പ​ര്യാ​പ്ത​മ​ല്ലെ​ന്ന് ബൈ​ഡ​ൻ പ​റ​ഞ്ഞു. സ​മു​ദ്ര ഇ​ട​നാ​ഴി സ്ഥാ​പി​ച്ച് വി​പു​ല​മാ​യ രീ​തി​യി​ൽ സ​ഹാ​യം എ​ത്തി​ക്കാ​നു​ള്ള സാ​ധ്യ​ത പ​രി​ഗ​ണ​ന​യി​ലു​ണ്ടെ​ന്നും അ​ദ്ദേ​ഹം അ​റി​യി​ച്ചു.


സ​ഹാ​യ​വി​ത​ര​ണം ദീ​ർ​ഘ​കാ​ല​ത്തേ​ക്കാ​യി​രി​ക്കു​മെ​ന്നും ഉ​ട​ൻ ക​ഴി​ക്കാ​വു​ന്ന ഭ​ക്ഷ​ണ​പ്പൊ​തി​ക​ളാ​യി​രി​ക്കും തു​ട​ക്ക​ത്തി​ൽ ന​ല്കു​ക​യെ​ന്നും വൈ​റ്റ്ഹൗ​സ് വ​ക്താ​വ് ജോ​ൺ കി​ർ​ബി പ​റ​ഞ്ഞു.
നി​ല​വി​ൽ ജോ​ർ​ദാ​നും ഫ്രാ​ൻ​സും ഇ​ങ്ങ​നെ ഗാ​സ​യി​ൽ സ​ഹാ​യം വി​ത​ണം ചെ​യ്യു​ന്നു​ണ്ട്.

ഗാ​സ​യി​ൽ ഏ​താ​ണ്ട് അ​ഞ്ചേ​മു​ക്കാ​ൽ ല​ക്ഷം പേ​ർ പ​ട്ടി​ണിയു​ടെ വ​ക്കി​ലാ​ണെ​ന്ന് യു​എ​ൻ ഏ​ജ​ൻ​സി​ക​ൾ മു​ന്ന​റി​യി​പ്പു ന​ല്കു​ന്നു. കാ​ലി​ത്തീ​റ്റ​യും ക​ള്ളി​ച്ചെ​ടി​യും മറ്റും ഭ​ക്ഷി​ച്ചാ​ണ് ആ​ളു​ക​ൾ ജീ​വ​ൻ നി​ല​നി​ർ​ത്തു​ന്ന​ത്. ആ​ശു​പ​ത്രി​യി​ൽ ശി​ശു​ക്ക​ൾ പോ​ഷ​കാ​ഹാ​രം ല​ഭി​ക്കാ​തെ മ​രി​ച്ചു​തു​ട​ങ്ങി.