പോർച്ചുഗലിൽ മുസ്ലിം സെന്ററിൽ കത്തിയാക്രമണം; രണ്ടു സ്ത്രീകൾ കൊല്ലപ്പെട്ടു
Wednesday, March 29, 2023 12:42 AM IST
ലിസ്ബൺ: പോർച്ചുഗലിന്റെ തലസ്ഥാനമായ ലിസ്ബണിലെ ഇസ്മയിലി മുസ്ലിം സെന്ററിൽ രണ്ടു സ്ത്രീകൾ കത്തിക്കുത്തേറ്റു കൊല്ലപ്പെട്ടു. നിരവധി പേർക്കു പരിക്കേറ്റു.
ഇന്നലെ രാവിലെ വലിയ കത്തിയുമായെത്തിയ അക്രമി തലങ്ങും വിലങ്ങും ആളുകളെ ആക്രമിക്കുകയായിരുന്നു. ഇയാളെ പോലീസ് വെടിവച്ചു പിടികൂടി.
ഇയാൾ ആശുപത്രിയിൽ ചികിത്സയിലാണെന്നു പ്രധാനമന്ത്രി അന്റോണിയോ കോസ്റ്റ പറഞ്ഞു. ഷിയാ മുസ്ലിംകളിൽനിന്നു വേർപെട്ട വിഭാഗമാണ് ഇസ്മയിലികൾ എന്നറിയപ്പെടുന്നത്. ഇരുപത്തിയഞ്ചിലേറെ രാജ്യങ്ങളിൽ ഇസ്മയിലികൾ വസിക്കുന്നുണ്ട്.