യ​വോ​ൻ​ഡെ: ആ​ഫ്രി​ക്ക​ൻ രാ​ജ്യ​മാ​യ കാ​മ​റോ​ണി​ന്‍റെ പ​ടി​ഞ്ഞാ​റ​ൻ മേ​ഖ​ല​യി​ൽ ആ​യു​ധ​ധാ​രി​ക​ൾ അ​ഞ്ചു ക​ത്തോ​ലി​ക്കാ വൈ​ദി​ക​രെ​യും ഒ​രു ക​ന്യാ​സ്ത്രീ​യെ യും ര​ണ്ടു വി​ശ്വാ​സി​ക​ളെ​യും ത​ട്ടി​ക്കൊ​ണ്ടു​പോ​യ​ശേ​ഷം പ​ള്ളി തീ​യി​ട്ടു ന​ശി​പ്പി​ച്ചു. എ​ൻ​ചാം​ഗ് പ്ര​ദേ​ശ​ത്തെ സെ​ന്‍റ് മേ​രീ​സ് പ​ള്ളി​യി​ൽ വെ​ള്ളി​യാ​ഴ്ച വൈ​കി​ട്ടാ​യി​രു​ന്നു സം​ഭ​വം.

ഇ​തു​പോ​ലൊ​രു സം​ഭ​വം മു​ന്പു​ണ്ടാ​യി​ട്ടി​ല്ലെ​ന്നും ദൈ​വ​ത്തി​ന്‍റെ ആ​ല​യ​ത്തി​ൽ ന​ട​ന്ന ഈ ​ഹീ​ന​കൃ​ത്യ​ത്തി​നു കൃ​ത്യ​മാ​യ കാ​ര​ണം വ്യ​ക്ത​മ​ല്ലെ​ന്നും കാ​മ​റോ​ണി​ലെ ആ​ർ​ച്ച്ബി​ഷ​പ് ആ​ൻ​ഡ്രൂ എ​ൻ​കി​യ പ​റ​ഞ്ഞു.


സം​ഭ​വ​ത്തി​ന്‍റെ ഉ​ത്ത​ര​വാ​ദി​ത്വം ആ​രും ഏ​റ്റെ​ടു​ത്തി​ട്ടി​ല്ല. സ​ർ​ക്കാ​ർ സേ​ന​യു​മാ​യി പോ​രാ​ടു​ന്ന വി​മ​ത ഗ്രൂ​പ്പു​ക​ളാ​കാം പി​ന്നി​ലെ​ന്നു സം​ശ​യ​മു​ണ്ട്. ഇ​വ​ർ സാ​ധാ​ര​ണ ആ​ളു​ക​ളെ ത​ട്ടി​ക്കൊ​ണ്ടു​പോ​യ​ശേ​ഷം മോ​ച​ന​ദ്ര​വ്യം വാ​ങ്ങി വി​ട്ട​യ​യ്ക്കാ​റാ​ണു പ​തി​വ്.

ഭൂ​രി​ഭാ​ഗ​വും ഫ്ര​ഞ്ച് സം​സാ​രി​ക്കു​ന്ന കാ​മ​റോ​ണി​ലെ വ​ട​ക്കു​പ​ടി​ഞ്ഞാ​റ്, തെ​ക്കു​പ​ടി​ഞ്ഞാ​റ് മേ​ഖ​ലകളി​ലു​ള്ള ഇം​ഗ്ലീ​ഷ് സം​സാ​രി​ക്കു​ന്ന ന്യൂ​ന​പ​ക്ഷ​ങ്ങ​ൾ ആ​റു വ​ർ​ഷ​മാ​യി സ​ർ​ക്കാ​ർ സേ​ന​യു​മാ​യി പോ​രാ​ട്ട​ത്തി​ലാ​ണ്.