പ്രാഥമിക കണക്കുകൾ പ്രകാരം ബഹിരാകാശ നിലയത്തിന് ഏകദേശം 20 ടണ് ഭാരമുണ്ടാകും. അടിയന്തര ഘട്ടങ്ങളിൽ ഉപയോഗിക്കുന്നതിന് സ്ഥിരമായി ഡോക്ക് ചെയ്ത സുരക്ഷാ ക്രൂ മൊഡ്യൂൾ എസ്കേപ്പ് സംവിധാനവും ഇതിലുണ്ടാകും.
താൻ അർബുദരോഗ ബാധിതനായിരുന്നുവെന്നും ഇപ്പോൾ സുഖം പ്രാപിച്ചെന്നും വെളിപ്പെടുത്തി ഐഎസ്ആർഒ മേധാവി എസ്. സോമനാഥ്. വയറ്റിലാണ് കാൻസർ കണ്ടെത്തിയതെന്നും ഒരു അഭിമുഖത്തിൽ അദ്ദേഹം പറഞ്ഞു.
ചന്ദ്രയാൻ 3 ദൗത്യം നടക്കുന്ന സമയത്താണ് തനിക്ക് ആരോഗ്യ പ്രശ്നങ്ങളുണ്ടായത്. എന്നാൽ ആ ഘട്ടത്തിൽ എന്താണ് രോഗമെന്ന് വ്യക്തമായിരുന്നില്ല. ആദിത്യ-എൽ1 ദൗത്യം വിക്ഷേപിച്ച ദിവസം, 2023 സെപ്റ്റംബർ രണ്ടിനാണ് രോഗനിർണയം നടത്തി കാൻസർ സ്ഥിരീകരിച്ചത്. കീമോതെറാപ്പി ചികിത്സയ്ക്ക് താൻ വിധേയനായതായും അദ്ദേഹം വെളിപ്പെടുത്തി.