National News
യോഗിയുടെ വിവാദ പ്രസ്താവനകൾ ട്വിറ്റർ നീക്കം ചെയ്തു
Thursday, April 18, 2019 12:43 AM IST
ന്യൂ​ഡ​ൽ​ഹി: മു​സ്‌​ലിം ലീ​ഗി​നെ​തി​രേ ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ് ന​ട​ത്തി​യ വി​വാ​ദ പ്ര​സ്താ​വ​ന​ക​ൾ ട്വി​റ്റ​ർ നീ​ക്കം ചെ​യ്തു. കേ​ന്ദ്ര തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ നി​ർ​ദേ​ശ പ്ര​കാ​ര​മാ​ണ് ട്വി​റ്റ​ർ ഏ​പ്രി​ൽ അ​ഞ്ചി​നു പോ​സ്റ്റ് ചെ​യ്ത ട്വീ​റ്റു​ക​ൾ നീ​ക്കം ചെ​യ്ത​ത്. പ​ച്ച വൈ​റ​സ് എ​ന്ന പ​രാ​മ​ർ​ശ​ത്തി​നെ​തി​രേ മു​സ്‌​ലിം ലീ​ഗ് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് ക​മ്മീ​ഷ​ൻ ന​ട​പ​ടി.

രാ​ഷ്‌ട്രീ​യ നേ​താ​ക്ക​ൾ ന​ട​ത്തു​ന്ന വ​ർ​ഗീ​യ പ്ര​സ്താ​വ​ന​ക​ൾ​ക്കെ​തി​രേ എ​ന്തു ന​ട​പ​ടി സ്വീ​ക​രി​ക്കു​മെ​ന്ന സു​പ്രീംകോ​ട​തി ആ​രാ​ഞ്ഞ​തി​നു പി​ന്നാ​ലെ യോ​ഗി ആ​ദി​ത്യ​നാ​ഥി​നും മാ​യാ​വ​തി​ക്കും അ​ട​ക്ക​മു​ള്ള നേ​താ​ക്ക​ൾ​ക്ക് ക​മ്മീ​ഷ​ൻ പ്ര​ചാ​ര​ണ​ത്തി​നു വി​ല​ക്കേ​ർ​പ്പെ​ടു​ത്തി​യി​രു​ന്നു. മു​സ്‌​ലിം ലീ​ഗി​നെ​തി​രേ​യു​ള്ള പ​രാ​മ​ർ​ശ​വും മ​റ്റ് വി​ദ്വേ​ഷ പ്ര​സം​ഗ​ങ്ങ​ളും പ​രി​ശോ​ധി​ച്ച ക​മ്മീ​ഷ​ൻ, യോ​ഗി​ക്ക് 72 മ​ണി​ക്കൂ​ർ വി​ല​ക്കാ​ണ് ഏ​ർ​പ്പെ​ടു​ത്തി​യ​ത്.


രാ​ഹു​ൽ ഗാ​ന്ധി​യു​ടെ വ​യ​നാ​ട്ടി​ലെ സ്ഥാ​നാ​ർ​ഥി​ത്വ​ത്തി​ന്‍റെ പ​ശ്ചാ​ത്ത​ല​ത്തി​ലാ​ണ് കോ​ണ്‍ഗ്ര​സി​നും മു​സ്‌​ലിം ലീ​ഗി​നു​മെ​തി​രേ യോ​ഗി ആ​ദി​ത്യ​നാ​ഥ് വി​വാ​ദ പ​രാ​മ​ർ​ശം ന​ട​ത്തി​യ​ത്. മു​സ്‌​ലിം ലീ​ഗ് ഒ​രു വൈ​റ​സാ​ണെ​ന്നും അ​ത് കോ​ണ്‍ഗ്ര​സ് പാ​ർ​ട്ടി​യെ ബാ​ധി​ച്ചി​രി​ക്കു​ക​യാ​ണെ​ന്നും കോ​ണ്‍ഗ്ര​സ് വി​ജ​യി​ച്ചാ​ൽ ഈ ​വൈ​റ​സ് ഇ​ന്ത്യ മു​ഴു​വ​ൻ വ്യാ​പി​ക്കു​മെ​ന്നും ആ​ദി​ത്യ​നാ​ഥ് ട്വീ​റ്റ് ചെ​യ്തി​രു​ന്നു. ഇ​വ അ​ട​ക്ക​മു​ള്ള ട്വീ​റ്റു​ക​ളാ​ണ് ട്വി​റ്റ​ർ നീ​ക്കം ചെ​യ്ത​ത്. ഇ​തു കൂ​ടാ​തെ കേ​ന്ദ്ര​മ​ന്ത്രി ഗി​രി​രാ​ജ് സിം​ഗ്, ബി​ജെ​പി ഐ​ടി സെ​ൽ നേ​താ​വ് അ​മി​ത് മാ​ള​വ്യ തു​ട​ങ്ങി​യ​വ​രു​ടെ വി​വാ​ദ പ​രാ​മ​ർ​ശ​ങ്ങ​ളും ട്വി​റ്റ​ർ നീ​ക്കി​യി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.





Copyright @ 2019 , Rashtra Deepika Ltd.