കുറി തൊടാന് പത്ത് രൂപ വരെ ഭക്തരില്നിന്ന് ഫീസ് ഈടാക്കാന് സ്വകാര്യ കക്ഷികള്ക്ക് അവകാശം നല്കുന്നത് ചോദ്യം ചെയ്ത് എരുമേലി സ്വദേശികളായ മനോജ് എസ്. നായര്, അരുണ് സതീഷ് എന്നിവരാണ് ഹര്ജി നല്കിയിട്ടുള്ളത്. പേട്ട തുളളിയെത്തി കുറി തൊടുക എന്നത് ക്ഷേത്രാചാരത്തിന്റെ ഭാഗമല്ലെന്നും എന്നാല് ഈ രീതി കാലങ്ങളായി ഭക്തര് തുടരുന്നതാണെന്നും ദേവസ്വം ബോര്ഡ് അഭിഭാഷകന് വ്യക്തമാക്കി.
ഇതിന്റെ പേരില് ചിലര് ഭക്തരില്നിന്ന് വലിയ തുക അനധികൃതമായി പിരിക്കുകയും ചെയ്തിരുന്നു. ഇതിന് പരിഹാരമായാണ് ദേവസ്വം ബോര്ഡ്തന്നെ സൗകര്യം ഒരുക്കാനും ഇത് ടെന്ഡര് ചെയ്ത് നല്കാനും തീരുമാനിച്ചതെന്നും വ്യക്തമാക്കി. തുടര്ന്നാണ് പണപ്പിരിവ് ഇല്ലെന്ന് ഉറപ്പാക്കണമെന്ന് കോടതി നിര്ദേശിച്ചത്.