സുരേന്ദ്രനു പുറമേ യുവമോര്ച്ച മുന് സംസ്ഥാന ട്രഷറര് സുനില് നായിക്, ബിജെപി സംസ്ഥാന സമിതി അംഗം വി. ബാലകൃഷ്ണ ഷെട്ടി, പ്രാദേശിക നേതാക്കളായ സുരേഷ് നായിക്, കെ. മണികണ്ഠ റൈ, ലോകേഷ് നോഡ എന്നിവരാണു മറ്റു പ്രതികളായി കുറ്റപത്രത്തിലുണ്ടായിരുന്നത്.
കേസിനു പിന്നില് ഗൂഢാലോചന: കെ. സുരേന്ദ്രന് കാസര്ഗോഡ്: കേസിനു പിന്നില് സിപിഎം- കോണ്ഗ്രസ്-ലീഗ് ഗൂഢാലോചനയായിരുന്നെന്നും കള്ളക്കേസില് കുടുക്കി ബിജെപിയെ താറടിക്കുകയായിരുന്നു ലക്ഷ്യമെന്നും ഒടുവില് സത്യം ജയിച്ചെന്നും ഒരു കേസിനെയും താന് ഭയക്കുന്നില്ലെന്നും ബിജെപി സംസ്ഥാന പ്രസിഡന്റ് കെ. സുരേന്ദ്രന് പറഞ്ഞു.
അന്വേഷണത്തില് വീഴ്ച: കെ. സുന്ദര കാസര്ഗോഡ്: മഞ്ചേശ്വരം തെരഞ്ഞെടുപ്പ് കോഴക്കേസ് അന്വേഷണത്തില് പോലീസിനും ക്രൈംബ്രാഞ്ചിനും വീഴ്ചപറ്റിയെന്ന് മഞ്ചേശ്വരത്തെ ബിഎസ്പി സ്ഥാനാര്ഥിയായിരുന്ന കെ. സുന്ദര.
ചെറിയ ശിക്ഷയെങ്കിലും ലഭിക്കുമെന്ന് പ്രതീക്ഷിച്ചു. പ്രോസിക്യൂഷന് ആവശ്യത്തിന് തെളിവുകള് ശേഖരിച്ചില്ല. നിയമ നടപടികളുമായി മുന്നോട്ടു പോകുക ഏറെ ശ്രദ്ധയോടെയായിരിക്കുമെന്നും സുന്ദര പറഞ്ഞു.