എൽഡിഎഫിന്റെ അമിതമായ മുസ്ലിം പ്രീണനം മൂലം ക്രിസ്ത്യാനികൾ ഉൾപ്പെടെ ബിജെപിയിൽ ചേരാൻ തയാറെടുക്കുകയാണ്. ഇതെല്ലാം കണ്ടും കേട്ടും നിൽക്കുന്ന യുവതലമുറയെ ശത്രുപക്ഷത്ത് എത്തിക്കുന്ന സമീപനം ശരിയല്ല. വോട്ടുചോർച്ചയുടെ കാര്യത്തിൽ മലബാറിലെ കാര്യം പറയുമ്പോൾ കണ്ണടയ്ക്കുകയും തെക്കൻ കേരളത്തിലെ കാര്യത്തിൽ വിമർശിക്കുകയും ചെയ്യുന്നത് നല്ല സമീപനമല്ല.
ഇത്തരം വിഷയങ്ങളും ചർച്ചയ്ക്ക് വിധേയമാക്കി കാരണങ്ങൾ കണ്ടെത്തണം. യോഗത്തിന് ആരോടും വിരോധവും വിധേയത്വവുമില്ല. എല്ലാവരോടും തുറന്ന സമീപനമാണ് പുലർത്തുന്നത്. കമ്യൂണിസ്റ്റ് പാർട്ടി പല തവണ ദ്രോഹിച്ചെങ്കിലും നിലപാടിൽ മാറ്റമുണ്ടായിട്ടില്ലെന്നും ഇപ്പോഴും കമ്യൂണിസ്റ്റ് അനുഭാവിയാണെന്നും കോൺഗ്രസുമായി ഒരു യോജിപ്പുമില്ലെന്നും വെള്ളാപ്പള്ളി പറഞ്ഞു.