റോഡിൽ വീണ കു​ഞ്ഞി​നെ ര​ക്ഷി​ച്ച​ത് ഓ​ട്ടോ​റി​ക്ഷ ഡ്രൈ​വ​ർ
Sunday, October 13, 2019 1:16 AM IST
മൂ​​ന്നാ​​ർ: ഓ​​ടി​​ക്കൊ​​ണ്ടി​​രു​​ന്ന ജീ​​പ്പി​​ൽ​​നി​​ന്നു റോ​​ഡി​​ലേ​​ക്കു തെ​​റി​​ച്ചു​​വീ​​ണ കു​​ട്ടി​​യെ ര​​ക്ഷ​​പ്പെ​​ടു​​ത്തി​​യെ​​ന്ന​​വ​​കാ​​ശ​​പ്പെ​​ട്ട വ​​നം​​വ​​കു​​പ്പ് വാ​​ച്ച​​ർ​​മാ​​ർ നാ​​ണം​​കെ​​ട്ടു. സ​​മൂ​​ഹ​മാ​​ധ്യ​​മ​​ങ്ങ​​ളും മു​​ഖ്യാ​​ധാ​​ര മാ​​ധ്യ​​മ​​ങ്ങ​​ളും ഏ​​റെ വാ​​ഴ്ത്തി​​യ രാ​​ജ​​മ​​ല അ​​ഞ്ചാം​​മൈ​​ൽ ചെ​​ക്കു​​പോ​​സ്റ്റി​​ലെ വാ​​ച്ച​​ർ​​മാ​​രാ​ണു സ​​ത്യം പു​​റ​​ത്തു​​വ​​ന്ന​​പ്പോ​​ൾ അ​​ന​​ഭി​​മ​​ത​​രാ​​യ​​ത്.

സെ​​പ്റ്റം​​ബ​​ർ ഒ​​ൻ​​പ​​തി​​നാ​​ണ് ത​​മി​​ഴ്നാ​​ട് പ​​ഴ​​നി​​യി​​ൽ തീ​​ർ​​ഥാ​​ട​​നം​​ക​​ഴി​​ഞ്ഞു ക​​ന്പി​​ളി​​ക​​ണ്ട​​ത്തേ​​ക്കു മ​​ട​​ങ്ങി​​യ സം​​ഘ​​ത്തി​​ലെ ഒ​​ന്ന​​ര വ​​യ​​സു​​കാ​​രി രോ​​ഹി​​ത രാ​​ജ​​മ​​ല ചെ​​ക്കു​​പോ​​സ്റ്റ് ഭാ​​ഗ​​ത്ത് ഇ​​വ​​ർ സ​​ഞ്ച​​രി​​ച്ചി​​രു​​ന്ന ജീ​​പ്പി​​ൽ​​നി​​ന്നു തെ​​റി​​ച്ചു വ​​ഴി​​യി​​ൽ​​വീ​​ണ​​ത്. വ​​ഴി​​യ​​ൽ ​വീ​​ണ കു​​ട്ടി റോ​​ഡി​​ലൂ​​ടെ നീ​​ന്തി ന​​ട​​ക്കു​​ന്ന​​തു സി​സി ടി​വി വ​ഴി ശ്ര​​ദ്ധ​​യി​​ൽ​​പെ​​ട്ട ചെ​​ക്കു​​പോ​​സ്റ്റി​​ലെ വാ​​ച്ച​​ർ​​മാ​​ർ ഒാ​ടി​ച്ചെ​ന്നു ര​ക്ഷി​ച്ചെ​ന്നാ​യി​രു​ന്നു അ​വ​കാ​ശ​വാ​ദം.

എ​ന്നാ​ൽ, ഇ​വ​ർ ചെ​​ക്കു​​പോ​​സ്റ്റ് ഓ​​ഫീ​​സി​​ൽ​​ത​​ന്നെ പ​​ക​​ച്ചു​​നോ​​ക്കി നി​​ൽ​​ക്കു​​ക​​യാ​​യി​​രു​​ന്നെ​ന്നാ​ണ് പു​തി​യ ക​ണ്ടെ​ത്ത​ൽ. അ​​പ്പോ​​ൾ അ​​തു​​വ​​ഴി​​വ​​ന്ന ഓ​​ട്ടോ​​റി​​ക്ഷ​​യു​​ടെ ഡ്രൈ​​വ​​റാ​​ണ് യ​​ഥാ​​ർ​​ഥ​​ത്തി​​ൽ കു​​ട്ടി​​യെ വ​​ഴി​​യി​​ൽ​​നി​​ന്നും എ​​ടു​​ത്ത് ചെ​​ക്കു​​പോ​​സ്റ്റി​​ൽ എ​​ത്തി​​ച്ചു ര​​ക്ഷി​​ച്ച​​ത്.

ഓ​​ട്ടോ​​റി​​ക്ഷ ഡ്രൈ​​വ​​റു​​ടെ കാ​​ര്യം മ​​റ​​ച്ചു​​വ​​ച്ചു ത​​ങ്ങ​​ളാ​​ണു കു​​ട്ടി​​യെ ര​​ക്ഷി​​ച്ച​​തെ​ന്നു ക​​ഥ​​യു​​ണ്ടാ​​ക്കി​​യാ​​ണു വാ​​ച്ച​​ർ​​മാ​​ർ വ​​നം​​വ​​കു​​പ്പ് ഉ​​ന്ന​​ത​​രെ​​യും പോ​​ലീ​​സി​​നെ​​യും ജ​ന​ങ്ങ​ളെ​യും വി​​ഡ്ഢി​​ക​​ളാ​​ക്കി​​യ​​ത്. കു​​ട്ടി​​യെ ര​​ക്ഷി​​ക്കു​​ന്ന​​തു സി​​സി​​ടി​​വി കാ​​മ​​റ​​യി​​ൽ പ​​തി​​ഞ്ഞി​​രു​​ന്നെ​​ങ്കി​​ലും ഓ​​ട്ടോ​​റി​​ക്ഷാ ഡ്രൈ​​വ​​ർ കു​​ഞ്ഞി​​നെ എ​​ടു​​ത്തു​​കൊ​​ണ്ടു​​വ​​രു​​ന്ന ഭാ​​ഗം മ​​റ​​ച്ചു​​വ​​ച്ച് ഇ​​വ​​ർ ചെ​​യ്ത ധീ​​ര​​കൃ​​ത്യം എ​​ന്ന​ നി​​ല​​യി​​ൽ വാ​​ച്ച​​ർ​​മാ​​ർ ബാ​ക്കി ദൃ​​ശ്യ​​ങ്ങ​​ൾ പു​​റ​​ത്തു​​വി​​ടു​​ക​​യാ​​യി​​രു​​ന്നു.

കു​​ട്ടി​​യെ അ​​ശ്ര​​ദ്ധ​​മാ​​യി കൈ​​കാ​​ര്യം​​ചെ​​യ്ത​​തി​​നു ജു​​വ​​നൈ​​ൽ ആ​​ക്ട് പ്ര​​കാ​​രം കു​​ട്ടി​​യു​​ടെ മാ​​താ​​പി​​താ​​ക്ക​​ൾ​​ക്കെ​​തി​​രേ പോ​​ലീ​​സ് എ​​ടു​​ത്തി​​ട്ടു​​ള്ള കേ​​സി​​ന്‍റെ അ​​ന്വേ​​ഷ​​ണ​​വു​​മാ​​യി ബ​​ന്ധ​​പ്പെ​​ട്ട സി​​സി​​ടി​​വി ദൃ​​ശ്യ​​ങ്ങ​​ൾ പ​​രി​​ശോ​​ധി​​ക്കു​​ന്ന​​തി​​നി​​ടെ​​യാ​​ണ് യ​​ഥാ​​ർ​​ഥ സം​​ഭ​​വം പു​​റ​​ത്തു​​വ​​ന്ന​​ത്. പോ​​ലീ​​സ് സി​​സി​​ടി​​വി ദൃ​​ശ്യ​​ങ്ങ​​ൾ പ​​രി​​ശോ​​ധി​​ക്കു​​ന്പോ​ൾ വാ​​ച്ച​​ർ​​മാ​​രെ കൂ​​ടാ​​തെ മ​​റ്റൊ​​രാ​​ൾ​​കൂ​​ടി അ​​വി​​ടെ​​യു​​ള്ള​​തു പോ​ലീ​സ് ക​​ണ്ടെ​​ത്തു​​ക​​യാ​​യി​​രു​​ന്നു. വി​​ശ​​ദ​​മാ​​യ അ​​ന്വേ​​ഷ​​ണ​​ത്തി​​ലാ​​ണ് ദൃ​​ശ്യ​​ങ്ങ​​ളി​​ൽ ഉ​ള്ള വ്യ​​ക്തി കെ​​ഡി​​എ​​ച്ച്പി ക​​ന്പ​​നി ന​​യ​​മ​​ക്കാ​​ട് എ​​സ്റ്റേ​​റ്റ് സൂ​​പ്പ​​ർ​​വൈ​​സ​​റും ഓ​​ട്ടോ ഡ്രൈ​​വ​​റു​​മാ​​യ ക​​ന​​ക​​രാ​​ജ് ആ​​ണെ​​ന്നു വ്യ​​ക്ത​​മാ​​യ​​ത്. വ​​നം​​വ​​കു​​പ്പ് ഉ​​ദ്യോ​​ഗ​​സ്ഥ​​ർ ഈ ​​വി​​വ​​രം സ​​മ്മ​​തി​​ക്കു​​ക​​യും ചെ​​യ്തു.


കു​​ട്ടി വീ​​ണ​​ത് ആ​​ദ്യം ക​​ണ്ട​​തു വ​​നം​​വ​​കു​​പ്പ് വാ​​ച്ച​​ർ​​മാ​​രാ​​യി​​രു​ന്നെ​​ങ്കി​​ലും അ​​സ​​മ​​യ​​ത്തു റോ​​ഡി​​ൽ കു​​ട്ടി​​യെ​​ക​​ണ്ടു ഭ​​യ​​ന്ന് ത​​ങ്ങ​​ൾ മാ​​റി​​നി​​ൽ​​ക്കു​​ക​​യാ​​യി​​രു​​ന്നെ​​ന്നു വാ​​ച്ച​​ർ​​മാ​​ർ പോ​​ലീ​​സി​​നോ​​ടു സ​​മ്മ​​തി​​ച്ചു. കു​​ട്ടി​​യു​​ടെ രൂ​​പ​​മാ​​ണ് ഭ​​യ​​പ്പെ​​ടു​​ത്തി​​യ​​തെ​​ന്നാ​​ണ് വാ​​ച്ച​​ർ​​മാ​​രാ​​യ കൈ​​ലേ​​ഷ​​ൻ, വി​​ശ്വ​​നാ​​ഥ​​ൻ എ​​ന്നി​​വ​​ർ പ​​റ​​യു​​ന്ന​​ത്.

വ​​ഴി​​യോ​​ര വി​​ള​​ക്കി​​ന്‍റെ വെ​​ളി​​ച്ച​​ത്തി​​ൽ റോ​​ഡി​​ൽ എ​​ന്തോ ഒ​​ന്ന് ഇ​​ഴ​​ഞ്ഞു​​ന​​ട​​ക്കു​​ന്ന​​തു ശ്ര​​ദ്ധ​​യി​​ൽ​​പെ​​ട്ട് ഇ​​റ​​ങ്ങി​​ച്ചെ​​ന്നു നോ​​ക്കി​​യ​​പ്പോ​​ൾ മൊ​​ട്ട​​യ​​ടി​​ച്ച ത​​ല​​യും വ​​സ്ത്ര​​മി​​ല്ലാ​​ത്ത ഉ​​ട​​ലു​​മാ​​യി ഒ​​രു രൂ​​പ​​ത്തെ ക​​ണ്ട​​തോ​​ടെ​​യാ​​ണ് ഭ​​യ​​മു​​ണ്ടാ​​യ​​ത്. അ​​സ​​മ​​യ​​മാ​​യ​​തി​​നാ​​ലും ത​​ല​​യി​​ൽ മു​​റി​​വു​​ണ്ടാ​​യ​​തും ഭ​​യം കൂ​​ട്ടി​​യെ​​ന്നും ഇ​​വ​​ർ പ​​റ​​ഞ്ഞു.

ഇ​​വ​​ർ പ​​ര​​സ്പ​​രം ആ​​ലോ​​ചി​​ച്ചു​ നി​​ൽ​​ക്കു​​ന്പോ​​ഴാ​​ണ് ഓ​​ട്ടോ ഡ്രൈ​​വ​​ർ ക​​ന​​ക​​രാ​​ജ് അ​​വി​​ടെ​​യെ​​ത്തി​​യ​​ത്. റോ​​ഡി​​ൽ കു​​ഞ്ഞി​​നെ ക​​ണ്ടെ​​തോ​​ടെ വാ​​ഹ​​നം വ​​ഴി​​യി​​ൽ​​നി​​ർ​​ത്തി ക​​ന​​ക​​രാ​​ജ് റോ​​ഡി​​ലേ​​ക്കി​​റ​​ങ്ങി കു​​ട്ടി​​യെ എ​​ടു​​ക്കു​​ക​​യാ​​യി​​രു​​ന്നു.

കു​​ട്ടി​​യു​​ടെ അ​​ടു​​ത്ത് ആ​​ദ്യ​​മാ​​യെ​​ത്തി​​യ​​തു ക​​ന​​ക​​രാ​​ജാ​​ണെ​​ന്നും കു​​ട്ടി​​യെ എ​​ടു​​ത്തു​​കൊ​​ണ്ടു​​പോ​​കു​​ന്ന​​തും വാ​​ച്ച​​ർ​​മാ​​രെ ഏ​​ൽ​​പി​​ക്കു​​ന്ന​​തും ക​​ന​​ക​​രാ​​ജ് ആ​​ണെ​​ന്നും ദൃ​​ശ്യ​​ങ്ങ​​ളി​​ൽ തെ​​ളി​​ഞ്ഞി​​രു​​ന്നു.

ക​​ന്പി​​ളി​​ക​​ണ്ടം സ്വ​​ദേ​​ശി​​ക​​ളാ​​യ സ​​തീ​​ഷ് - സ​​ത്യ​​ഭാ​​മ ദ​​ന്പ​​തി​​ക​​ളു​​ടെ കു​​ട്ടി​​യാ​​ണ് അ​​മ്മു​​വെ​​ന്നു വി​​ളി​​ക്കു​​ന്ന രോ​​ഹി​​ത.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.