നാലാം സെമസ്റ്റര് പിജി പരീക്ഷാ അപേക്ഷ
പഠനവകുപ്പുകളിലെ നാലാം സെമസ്റ്റര് എംഎ/ എംഎസ് സി/ എംകോം/ എംബിഎ/ എംഎ ജേണലിസം ആൻഡ് മാസ് കമ്മ്യൂണിക്കേഷന്/ എംലിബ്ഐഎസ് സി/ എംസിജെ/ എംടിഎ (2015 മുതല് പ്രവേശനം മാത്രംസിസിഎസ്എസ്) റഗുലര്/ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ 17 വരെയും 170 രൂപ പിഴയോടെ 22 വരെയും ഫീസടച്ച് 25 വരെ രജിസ്റ്റര് ചെയ്യാം.
ബിപിഎഡ് എക്സ്റ്റേണല് പ്രാക്ടിക്കല്
മൂന്നാം സെമസ്റ്റര് ബിപിഎഡ് എക്സ്റ്റേണല് പ്രാക്ടിക്കല് പരീക്ഷാ ഷെഡ്യൂള് വെബ്സൈറ്റില്.
അഫ്സല്ഉല്ഉലമ മൂല്യനിര്ണയ ക്യാമ്പ്
മാര്ച്ചില് നടത്തിയ രണ്ടാം വര്ഷ അഫ്സല്ഉല്ഉലമ പ്രിലിമിനറി പരീക്ഷയുടെ മൂല്യനിര്ണയ ക്യാമ്പ് പുളിക്കല് എംയുഎ കോളജില് 12ന് തുടങ്ങും. അഫിലിയേറ്റഡ് അറബിക് കോളജുകളിലെ എല്ലാ അധ്യാപകരും ക്യാമ്പില് പങ്കെടുക്കണം.
ഫോട്ടോഗ്രഫി സര്ട്ടിഫിക്കറ്റ് പ്രോഗ്രാം സമാപിച്ചു
കാലിക്കട്ട് സര്വകലാശാലാ ലൈഫ്ലോംഗ് ലേണിംഗ് ആൻഡ് എക്സ്റ്റന്ഷന് വകുപ്പും ജേണലിസം ആൻഡ് മാസ് കമ്മ്യൂണിക്കേഷന് പഠനവകുപ്പും സംയുക്തമായി സംഘടിപ്പിച്ച ഫോട്ടോഗ്രഫി സര്ട്ടിഫിക്കറ്റ് പ്രോഗ്രാം സമാപിച്ചു. വൈസ് ചാന്സലര് ഡോ. കെ. മുഹമ്മദ് ബഷീര് സര്ട്ടിഫിക്കറ്റുകള് വിതരണം ചെയ്തു. ഡോ. സി. നസീമ, പി. മുസ്തഫ തുടങ്ങിയവര് പ്രസംഗിച്ചു.
ഫോട്ടോഗ്രഫി വിദ്യാര്ഥികള് പകര്ത്തിയ ഫോട്ടോകളുടെ പ്രദര്ശനം നടന്നു. ഫോട്ടോകള് കാലിക്കട്ട് സര്വകലാശാലയ്ക്ക് കൈമാറി.