ബികോം സ്പെഷൽ സപ്ലിമെന്ററി പരീക്ഷ 27 മുതൽ
ബികോം പാർട്ട് മൂന്ന് (2005 മുതൽ പ്രവേശനം) സ്പെഷൽ സപ്ലിമെന്ററി പരീക്ഷ 27ന് ആരംഭിക്കും. പരീക്ഷാ കേന്ദ്രം സർവകലാശാലാ കാന്പസ്. ടൈംടേബിളും പരീക്ഷയ്ക്ക് ഹാജരാകേണ്ട കേന്ദ്രങ്ങളും സർവകലാശാലാ വെബ്സൈറ്റിൽ.
പരീക്ഷാ അപേക്ഷ
ആറാം സെമസ്റ്റർ ബി.ടെക് 2014 സ്കീം2016 പ്രവേശനം (ഐഇടി വിദ്യാർഥികളുടെ) റഗുലർ, 2014 സ്കീം2014 മുതൽ പ്രവേശനം സപ്ലിമെന്ററി/ഇംപ്രൂവ്മെന്റ്, ആറാം സെമസ്റ്റർ ബിടെക്/പാർട്ട്ടൈം ബിടെക് 2009 സ്കീം2011 മുതൽ 2013 വരെ പ്രവേശനം സപ്ലിമെന്ററി പരീക്ഷയ്ക്കും, ആറാം സെമസ്റ്റർ ബിആർക് 2012 സ്കീം2012 മുതൽ പ്രവേശനം റഗുലർ/സപ്ലിമെന്ററി/ഇംപ്രൂവ്മെന്റ്, 2004 സ്കീം2009 മുതൽ 2011 വരെ പ്രവേശനം സപ്ലിമെന്ററി പരീക്ഷയ്ക്കും പിഴകൂടാതെ ഏപ്രിൽ മൂന്ന് വരെയും 160 രൂപ പിഴയോടെ ഏപ്രിൽ ആറ് വരെയും ഫീസടച്ച് ഏപ്രിൽ ഒന്പത് വരെ രജിസ്റ്റർ ചെയ്യാം.
എക്സാമിനേഴ്സ് മീറ്റിംഗ് കാലിക്കട്ട് സർവകലാശാല ആറാം സെമസ്റ്റർ ബിഎസ് സി കംപ്യൂട്ടർ സയൻസ്/ബിസിഎ പ്രാക്ടിക്കൽ പരീക്ഷയുമായി ബന്ധപ്പെട്ട എക്സാമിനേഴ്സ് മീറ്റിംഗിന് വയനാട് ജില്ലയിലെ കോളജുകളിലെ കംപ്യൂട്ടർ സയൻസ്/ബിസിഎ അധ്യാപകർ ഏപ്രിൽ ഒന്നിന് രാവിലെ 10.30ന് മുട്ടിൽ ഡബ്ല്യൂഎംഒ കോളജിൽ ഹാജരാകണം.
ആറാം സെമസ്റ്റർ ബിഎസ് സി ഇലക്ട്രോണിക്സ് പ്രാക്ടിക്കൽ പരീക്ഷയുമായി ബന്ധപ്പെട്ട എക്സാമിനേഴ്സ് മീറ്റിംഗിന് തൃശൂർ ജില്ലയിലെ കോളജുകളിലെ ഇലക്ട്രോണിക്സ് അധ്യാപകർ 27ന് രാവിലെ 10.30ന് തൃശൂർ പ്രജ്യോതി നികേതൻ കോളജിൽ ഹാജരാകണം.
ആറാം സെമസ്റ്റർ ബിഎസ് സി ബോട്ടണി പ്രാക്ടിക്കൽ പരീക്ഷയുമായി ബന്ധപ്പെട്ട എക്സാമിനേഴ്സ് മീറ്റിംഗിന് പാലക്കാട് ജില്ലയിലെ കോളജുകളിലെ ബോട്ടണി അധ്യാപകർ ഏപ്രിൽ ഒന്നിന് രാവിലെ 10.30ന് പാലക്കാട് വിക്ടോറിയ കോളജിൽ ഹാജരാകണം.
സുവോളജി ശിൽപശാല ആരംഭിച്ചു
തേഞ്ഞിപ്പലം: കാലിക്കട്ട് സർവകലാശാലാ സുവോളജി പഠനവകുപ്പിന്റെ ആഭിമുഖ്യത്തിൽ ഇൻസെക്ട് ടാക്സോണമി ആൻഡ് ഫീൽഡ് സാംപ്ലിംഗ് സ്കിൽസ് എന്ന വിഷയത്തിൽ നാല് ദിവസത്തെ ശിൽപശാല ആരംഭിച്ചു.
പ്രോവൈസ് ചാൻസലർ ഡോ. പി. മോഹൻ ഉദ്ഘാടനം ചെയ്തു. പഠനവകുപ്പ് മേധാവി ഡോ.വൈ.ഷിബു വർധനൻ അധ്യക്ഷനായിരുന്നു. ബംഗളൂരു ഐസിഎആർഎൻബിഎഐആർ പ്രിൻസിപ്പൽ സയന്റിസ്റ്റ് ഡോ. സുനിൽ എസ്. ജോഷി പ്രഭാഷണം നടത്തി. ഡോ. ഇ. പുഷ്പലത ഡോ.ഇ.എം.മനോജം എന്നിവർ പ്രസംഗിച്ചു. ശിൽപശാല 28ന് സമാപിക്കും.