ബിരുദ പ്രവേശനം സ്പെഷല് അലോട്ട്മെന്റ്
202021 അധ്യയന വര്ഷത്തെ ബിരുദപ്രവേശനത്തില് എസ് സി, എസ് ടി വിഭാഗത്തിലെ ഒഴിവുകള് നികത്തുന്നതിനായി സ്പെഷല് അലോട്ട്മെന്റ് നടത്തുന്നു. വെബ്സൈറ്റില് പ്രസിദ്ധീകരിച്ച ഒഴിവുകള്ക്കനുസരിച്ച് കോളജ് ഓപ്ഷനുകള് സ്റ്റുഡന്റ്സ് ലോഗിന് വഴി ഡിസംബര് നാലു വരെ മാറ്റി നല്കാവുന്നതാണ്. സ്പെഷല് അലോട്ട്മെന്റ് ഡിസംബര് ഏഴിന് 12 വരെ
പ്രസിദ്ധീകരിക്കും. ഡിസംബര് 11ന് വൈകീട്ട് മുന്നിനുള്ളില് പ്രവേശനം നേടണം.
കീം സപ്ലിമെന്ററി റാങ്ക്ലിസ്റ്റ് ബി.ടെക്. പ്രവേശനം
എന്ജിനിയറിംഗ് കോളജില് ഒന്നാം വര്ഷ ബിടെക് പ്രവേശനത്തിന് ഒഴിവുള്ള ഏതാനും സീറ്റുകളിലേക്ക് ഇലക്ട്രിക്കല് ആന്റ് ഇലക്ട്രോണിക്സ്, ഇലക്ട്രോണിക്സ് ആന്റ് കമ്മ്യൂണിക്കേഷന്, ഇന്ഫര്മേഷന് ടെക്നോളജി, പ്രിന്റിംഗ് ടെക്നോളജി, മെക്കാനിക്കല് എന്ജിനിയറിംഗ് വിഭാഗങ്ങളിലേക്ക് ഡിസംബര് മൂന്നുമുതല് അഞ്ചുവരെ കീം സപ്ലിമെന്ററി റാങ്ക്ലിസ്റ്റില് നിന്നും പ്രവേശനം നടത്തുന്നു. ഫോണ്: 8547105479, 9995999208
ബിടെക് ലാറ്ററല് എന്ട്രി സ്പോട്ട് അഡ്മിഷന്
എന്ജിനിയറിംഗ് കോളജില് ബിടെക് ലാറ്ററല് എന്ട്രി കോഴ്സിന് ഒഴിവുള്ള ഏതാനും സീറ്റുകളിലേക്ക്, ഇലക്ട്രിക്കല് ആന്റ് ഇലക്ട്രോണിക്സ്, ഇലക്ട്രോണിക്സ് ആൻഡ് കമ്യൂണിക്കേഷന്, ഇന്ഫര്മേഷന് ടെക്നോളജി, പ്രിന്റിംഗ് ടെക്നോളജി, മെക്കാനിക്കല് എന്ജിനിയറിംഗ് വിഭാഗങ്ങളിലേക്ക് ഡിസംബര് മൂന്നുമുതല് അഞ്ചുവരെ സ്പോട്ട് അഡ്മിഷന് നടത്തുന്നു.ഫോണ് 8547105479, 9995999208
എംഎ ജേർണലിസം പ്രവേശനം
ജേണലിസം ആൻഡ് മാസ് കമ്യൂണിക്കേഷന് വിഭാഗത്തിലെ എംഎജെഎംസി. 2020 പ്രവേശനത്തിന് പിഎച്ച്. വിഭാഗത്തില് ഒരു സീറ്റ് ഒഴിവുണ്ട്. പ്രവേശനം ആഗ്രഹിക്കുന്ന അര്ഹതപ്പെട്ട വിദ്യാർഥികള് എല്ലാ അസല് രേഖകളുമായി ഡിസംബര് നാലിന് മുമ്പായി പഠനവകുപ്പില് ഹാജരാകേണ്ടതാണ്.
എംഎസ് സി അപ്ലൈഡ് ജിയോളജി പ്രവേശനം
ജിയോളജി പഠനവകുപ്പില് എംഎസ്സി അപ്ലൈഡ് ജിയോളജി പ്രവേശനത്തിന് ഒരു എസ്ടി. സീറ്റ് ഒഴിവുണ്ട്. എംഎസ്സി. അപ്ലൈഡ് ജിയോളജി എന്ട്രൻസ് പരീക്ഷയ്ക്ക് രജിസ്റ്റര് ചെയ്ത എസ്ടി. വിഭാഗത്തിലെ വിദ്യാർഥികളില് താല്പര്യമുള്ളവര് പ്രവേശനം നേടുന്നതിനായി മൂന്നിന് 4.30 ന മുമ്പായി യോഗ്യത തെളിയിക്കുന്ന അസല് രേഖകളുമായി പഠനവിഭാഗത്തില് ഹാജരാകണം.
എല്എല്എം സ്പോട്ട് അഡ്മിഷന്
എല്എല്എം. 2020 പ്രവേശനത്തിന് ഒരു ഓപ്പണ് സീറ്റും, ഇടിബി.2, മുസ്ലീം1, ഒബിഎച്ച്.1, ഇഡബ്ല്യുഎസ്.2, എസ്.സി./എസ്ടി4 സീറ്റുകളും ഒഴിവുണ്ട്. എല്എല്എം. രണ്ടുവര്ഷ എന്ട്രന്സ് പരീക്ഷക്ക് രജിസ്റ്റര് ചെയ്ത വിദ്യാര്ത്ഥികളില് താല്പര്യമുള്ളവര് പ്രവേശനത്തിനായി ഡിസംബര് ഏഴിന് രാവിലെ 10.30ന് യോഗ്യത തെളിയിക്കുന്ന അസല് രേഖകളുമായി നിയമ പഠനവിഭാഗത്തില് ഹാജരാകണം.
ഗ്രേഡ് ഷീറ്റ് കോളജുകളില് നിന്ന് കൈപ്പറ്റാം
2009, 2014 സ്കീം, നാലാം സെമസ്റ്റര് ബിടെക്. ഏപ്രില് 2019 സപ്ലിമെന്ററി, ഇംപ്രൂവ്മെന്റ് പരീക്ഷകളുടെ ഗ്രേഡ് ഷീറ്റ് കോളജുകളിലേക്ക് അയച്ചിട്ടുണ്ട്. മെക്കാനിക്കല് ബ്രാഞ്ചിന്റെ പിന്നീട് അയക്കുന്നതാണ്. ബിആര്ക്ക്. മൂന്നാം സെമസ്റ്റര് നവംബര് 2018, നാലാം സെമസ്റ്റര് ഏപ്രില് 2019 പരീക്ഷകളുടെ ഗ്രേഡ് ഷീറ്റ് നവംബര് 19ന് കോളജുകളിലേക്ക് അയച്ചിട്ടുണ്ട്. കൂടുതല് വിവരങ്ങള്ക്ക് 0494 2407472
ഇന്റേണല് മാര്ക്ക് അപ്ലോഡ് ചെയ്യാം
ഒന്നാം സെമസ്റ്റര് ബിവോക്. റഗുലര് പരീക്ഷ, നാലാം സെമസ്റ്റര് എംഎസ് സി. ഫുഡ്സയന്സ് ആന്റ് ടെക്നോളജി ജൂണ് 2020 റഗുലര് പരീക്ഷ, മൂന്നാം വര്ഷ ബിഎസ് സി. മെഡിക്കല് മൈക്രോബയോളജി, മെഡിക്കല് ബയോകെമിസ്ട്രി, മെഡിക്കല് ലബോറട്ടറി ടെക്നോളജി നവംബര് 2019 റഗുലര് പരീക്ഷ, നാലാം സെമസ്റ്റര് എംഎഡ്. ജൂലൈ 2020 റഗുലര് പരീക്ഷ, മൂന്നാം സെമസ്റ്റര് എംപിഎഡ്. ഏപ്രില് 2020 റഗുലര് പരീക്ഷ എന്നിവയുടെ ഇന്റേണല് മാര്ക്ക് അപ്ലോഡ് ചെയ്യുന്നതിനാവശ്യമായ ലിങ്ക് 16 വരെ സര്വകലാശാല വെബ്സൈറ്റില് ലഭ്യമാകും.
പരീക്ഷ
2007 സിലബസ്, അവസാന വര്ഷ അദീബേ ഫാസില് ഉറുദു ഏപ്രില്/മെയ് 2020 റഗുലര്,
സപ്ലിമെന്ററി പരീക്ഷകള് 29ന് ആരംഭിക്കും.മാര്ച്ച് 16 മുതല് നടത്താന് നിശ്ചയിച്ചിരുന്ന, 2009 സ്കീം നാലാം സെമസ്റ്റര് ബിടെക്, പാര്ട്ട് ടൈം ബിടെക് നവംബര് 2019 സപ്ലിമെന്ററി പരീക്ഷകളും, 2014 സ്കീം അഞ്ചാം സെമസ്റ്റര് ബിടെക്. നവംബര് 2019 റഗുലര് സപ്ലിമെന്ററി, ഇംപ്രൂവ്മെന്റ് പരീക്ഷകളും പുതുക്കിയ ടൈംടേബിള് പ്രകാരം 2021 ആറുമുതല് ആരംഭിക്കും.