202425 അക്കാദമിക വർഷം ജോയിന്റ് എംഎസ്സി പ്രോഗ്രാം എംഎസ്സി ഫിസിക്സ് (നാനോ സയൻസ് ആൻഡ് നാനോ ടെക്നോളജി), എംഎസ്സി കെമിസ്ട്രി (നാനോ സയൻസ് ആൻഡ് നാനോ ടെക്നോളജി) പ്രോഗ്രാമുകളുടെ പ്രവേശനത്തിലേക്കുള്ള കോൾ മെമ്മോ സർവകലാശാല വെബ്സൈറ്റിൽ ലഭ്യമാണ്. അപേക്ഷകർ പ്രൊഫൈൽ ലോഗിൻ ചെയ്തു കോൾ മെമ്മോ ഡൗൺലോഡ് ചെയ്തുകൊണ്ട് നിശ്ചിത തീയതിയിൽ പഠന വകുപ്പിൽ പ്രവേശനം നേടേണ്ടതാണ്.
ഹാൾടിക്കറ്റ് ഈ മാസം 15ന് ആരംഭിക്കുന്ന മൂന്നാം സെമസ്റ്റർ എംഎസ്സി സ്റ്റാറ്റിസ്റ്റിക്സ് വിത്ത് ഡാറ്റ അനലിറ്റിക്സ് ഒക്ടോബർ 2023 (റഗുലർ 2022 അഡ്മിഷൻ) പരീക്ഷയുടെ ഹാൾടിക്കറ്റുകളും നോമിനൽ റോളും സർവകലാശാലാ വെബ്സൈറ്റിൽ നിന്നും ഡൗൺലോഡ് ചെയ്യാവുന്നതാണ്. ഹാൾ ടിക്കറ്റുകൾ ലഭിക്കാത്ത വിദ്യാർഥികൾ സർവകലാശാലയുമായി ബന്ധപ്പെടണം.
പരീക്ഷാഫലം അഫിലിയേറ്റഡ് കോളജുകളിലെ നാലാം സെമസ്റ്റർ എംഎ കന്നഡ, ഹിന്ദി, ഇംഗ്ലീഷ്, ഇക്കണോമിക്സ്, അപ്ലൈഡ് ഇക്കണോമിക്സ്, ഡെവലപ്മെന്റ് ഇക്കണോമിക്സ്, മലയാളം, അറബിക്, ഫിലോസഫി, ഹിസ്റ്ററി, ഭരതനാട്യം, എം എസ് ഡബ്ല്യു, ജേണലിസം ആൻഡ് മാസ് കമ്യൂണിക്കേഷൻ, ഗവേർണൻസ് ആൻഡ് പൊളിറ്റിക്സ്, സോഷ്യൽ സയൻസ്, എംടിടിഎം (റെഗുലർ/ ഇംപ്രൂവ്മെന്റ്/ സപ്ലിമെൻറി 2020 അഡ്മിഷൻ മുതൽ ന്യൂ ജെൻ ഉൾപ്പെടെ, മേഴ്സി ചാൻസ് 2014 അഡ്മിഷൻ മുതൽ 2019 അഡ്മിഷൻ വരെ) ഏപ്രിൽ 2024 പരീക്ഷ ഫലം സർവകലാശാല വെബ്സൈറ്റിൽ നാളെ ഉച്ച്ക്ക് ശേഷം ലഭ്യമാകും. പുനർമൂല്യനിർണയം/ ഉത്തരക്കടലാസ് സൂക്ഷ്മ പരിശോധന/ പകർപ്പ് ലഭ്യമാക്കൽ എന്നിവയ്ക്കുള്ള അപേക്ഷകൾ 18ന് വൈകുന്നേരം അഞ്ചുവരെ സ്വീകരിക്കും.
സ്പോട്ട് അഡ്മിഷൻ കണ്ണൂർ സർവകലാശാല നീലേശ്വരം ക്യാമ്പസിലെ ഫൈവ് ഇയർ ഇന്റഗ്രേറ്റഡ് എം. കോം പ്രോഗ്രാമിൽ ജനറൽ, എസ്സി, എസ്ടി, മുസ്ലീം, ഒബിസി, ഇഡബ്ല്യുഎസ് വിഭാഗങ്ങളിൽ ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. പ്ലസ്ടൂവാണ് അടിസ്ഥാന യോഗ്യത. പ്രവേശനം ആഗ്രഹിക്കുന്ന വിദ്യാർഥികൾ അസൽ സർട്ടിഫിക്കറ്റുകളുമായി നാളെ രാവിലെ 10 ന് പഠനവകുപ്പിൽ എത്തണം. ഫോൺ: 7510396517
പഠനവകുപ്പുകളിലെ പി ജി പ്രവേശനം; റാങ്ക് ലിസ്റ്റ് പ്രസിദ്ധീകരിച്ചു 202425 അധ്യയന വർഷത്തിൽ കണ്ണൂർ സർവകലാശാല പഠന വകുപ്പുകളിലെ/ സെന്ററുകളിലെ വിവിധ പിജി പ്രോഗ്രാമുകളുടെ പ്രവേശനത്തിനുള്ള പ്രൊവിഷണൽ റാങ്ക് ലിസ്റ്റ് കണ്ണൂർ സർവകലാശാല വെബ്സൈറ്റിൽ പ്രസിദ്ധീകരിച്ചു. അപേക്ഷകർക്ക് റാങ്ക് ലിസ്റ്റ് സംബന്ധിച്ച ആക്ഷേപങ്ങളും, പരാതികളും
[email protected] എന്ന ഇമെയിൽ ഐ ഡി യിലേക്ക് അയക്കാവുന്നതാണ്. പരാതികൾ ഒൻപതിന് വൈകുന്നേരം അഞ്ചുവരെ സ്വീകരിക്കും.