കണ്ണൂർ സർവകലാശാല മാങ്ങാട്ടുപറമ്പ കാമ്പസിൽ പ്രവർത്തിക്കുന്ന ഇൻഫർമേഷൻ ടെക്നോളജി പഠനവകുപ്പിലെ അഞ്ചുവർഷ ഇന്‍റഗ്രേറ്റഡ് മാസ്റ്റേഴ്സ് പ്രോഗ്രാം ഇൻ കംപ്യൂട്ടേഷണൽ സയൻസ് പ്രോഗ്രാമിൽ എസ്‌സി/എസ്ടി വിഭാഗങ്ങൾക്കായി സംവരണം ചെയ്ത സീറ്റുകൾ (എസ്‌സി 4, എസ്ടി ഒന്ന്) ഒഴിവുണ്ട്. യോഗ്യതയുള്ള വിദ്യാർഥികൾ നാളെ രാവിലെ 11.30 ന് അസൽ ർട്ടിഫിക്കറ്റുകളുമായി മാങ്ങാട്ടുപറമ്പ് കാമ്പസിലെ ഇൻഫർമേഷൻ ടെക്നോളജി പഠനവകുപ്പിൽ എത്തിച്ചേരണം.
കണ്ണൂർ സർവകലാശാലയുടെ പയ്യന്നൂർ സ്വാമി ആനന്ദതീർത്ഥ കാമ്പസിൽ ഫിസിക്സ്, കെമിസ്ട്രി പഠനവകുപ്പിൽ നടത്തുന്ന അഞ്ചുവർഷ ഇന്‍റഗ്രേറ്റഡ് മാസ്റ്റേഴ്സ് പ്രോഗ്രാം ഇൻ ഫിസിക്കൽ സയൻസ് പ്രോഗ്രാമിൽ ഒഴിവുവന്ന സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. സയൻസ് വിഷയങ്ങളിൽ 50 ശതമാനത്തിലഅധികം മാർക്കോടെ 12ാം ക്ലാസ് പാസായ വിദ്യാർഥികൾ അസൽ സർട്ടിഫിക്കറ്റുകൾ സഹിതം നാളെ രാവിലെ 10.30ന് പയ്യന്നൂർ കാമ്പസിലെ ഫിസിക്സ് പഠനവകുപ്പിൽ നടക്കുന്ന സ്പോട്ട് അഡ്മിഷനിൽ പങ്കെടുക്കണം.
ഹയർ ഓപ്ഷൻ കാൻസൽ ചെയ്യുന്നതിന് 202425 അധ്യയന വർഷത്തിൽ അഫിലിയേറ്റഡ് കോളേജുകളിലെ ബിരുദ പ്രോഗ്രാമുകളിൽ പ്രവേശനം നേടിയ വിദ്യാർഥികൾക്ക് തങ്ങളുടെ നിലവിലുള്ള ഹയർ ഓപ്ഷനുകൾ റദ്ദ് ചെയ്യുവാൻ ജൂലൈ അഞ്ചു വരെ അവസരമുണ്ട്. ഇതിനകം പ്രവേശനം നേടിയ കോളജിൽ പെർമനന്‍റ് അഡ്മിഷൻ എടുക്കുവാൻ ആഗ്രഹിക്കുന്നവർ ഹയർ ഓപ്ഷനുകൾ നിർബന്ധമായും റദ്ദ് ചെയ്യേണ്ടതാണ്. അതുപോലെ ഹയർ ഓപ്ഷനുകളിൽ താല്പര്യമില്ലാത്ത ഓപ്ഷനുകളുണ്ടെങ്കിൽ റദ്ദ് ചെയ്യണം.
ജോയിന്‍റ് എംഎസ്‌സി; റാങ്ക് ലിസ്റ്റ് 202425 അക്കാദമിക വർഷം ജോയിന്‍റ് എംഎസ്‌സി പ്രോഗ്രാമുകളായ എംഎസ്‌സി ഫിസിക്സ് (നാനോ സയൻസ് ആൻഡ് നാനോ ടെക്നോളജി)/എംഎസ്‌സി കെമിസ്ട്രി (നാനോ സയൻസ് ആൻഡ് നാനോ ടെക്നോളജി) പ്രോഗ്രാമുകളുടെ പ്രവേശനത്തിനുള്ള പ്രൊവിഷണൽ റാങ്ക് ലിസ്റ്റ് വെബ്സൈറ്റിൽ പ്രസിദ്ധീകരിച്ചു. ഇതു സംബന്ധിച്ച പരാതികൾ ജൂലൈ നാലിനകം
[email protected] എന്ന ഐഡിയിലേക്ക് ഇമെയിൽ അയക്കണം
പരീക്ഷാ തീയതി പുതുക്കി നിശ്ചയിച്ചു ചോദ്യ പേപ്പറിലെ അപാകതയെ തുടർന്ന് മാറ്റിവച്ച അഫിലിയേറ്റഡ് കോളജുകളിലെ രണ്ടാം സെമസ്റ്റർ എംഎസ്‌സി കെമിസ്ട്രി/ എംഎസ്‌സി കെമിസ്ട്രി വിത്ത് ഡ്രഗ് കെമിസ്ട്രി സ്പെഷലൈസേഷൻ പ്രോഗ്രാമിന്‍റെ ഫിസിക്കൽ കെമിസ്ട്രി–II (MSCHE02C11/MSCHD02C11) പരീക്ഷ ജൂലൈ 10ന് നടത്തുന്ന രീതിയിൽ ക്രമീകരിച്ചു.
പുനർ മൂല്യനിർണയ ഫലം അഫിലിയേറ്റഡ് കോളജുകളിലെയും സെന്‍ററുകളിലെയും മൂന്നാം സെമസ്റ്റർ എംബിഎ (ഒക്ടോബർ 2023) പരീക്ഷകളുടെ പുനർ മൂല്യനിർണയ ഫലം സർവകലാശാല വെബ്സൈറ്റിൽ ലഭ്യമാണ്.
ഹാൾടിക്കറ്റ് നാളെ ആരംഭിക്കുന്ന രണ്ടാം സെമസ്റ്റർ ബിഎഡ് ഡിഗ്രി (റെഗുലർ/സപ്ലിമെന്‍ററി/ഇംപ്രൂവ്മെന്‍റ്), ഏപ്രിൽ 2024, അഫിലിയേറ്റഡ് കോളജുകളിലെയും സെന്‍ററുകളിലെയും നാലാം സെമസ്റ്റർ എംബിഎ (റെഗുലർ/സപ്ലിമെന്‍ററി/മേഴ്‌സി ചാൻസ്) ഏപ്രിൽ 2024 പരീക്ഷകളുടെ ഹാൾ ടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
പരീക്ഷാ ഫലം ഒന്നാം സെമസ്റ്റർ എംഎ അറബിക്, ഇക്കണോമിക്സ്, ഇംഗ്ലീഷ്, ഹിസ്റ്ററി (പ്രൈവറ്റ് രജിസ്ട്രേഷൻ) നവംബർ 2022 (റെഗുലർ/സപ്ലിമെന്‍ററി/ഇംപ്രൂവ്മെന്‍റ്) പരീക്ഷകളുടെ ഫലം വെബ്സൈറ്റിൽ ലഭ്യമാണ്. മാർക്ക് ലിസ്റ്റിന്‍റെ പകർപ്പെടുത്ത് സൂക്ഷിക്കേണ്ടതാണ്. പുനഃപരിശോധന, സൂക്ഷ്മപരിശോധന, പകർപ്പ് എന്നിവയ്ക്കായുള്ള അപേക്ഷകൾ ജൂലൈ 17 വരെ സ്വീകരിക്കും.
അഫിലിയേറ്റഡ് കോളജുകളിലെ നാലാം സെമസ്റ്റർ ബിഎസ്‌സി/ബിസിഎ (റെഗുലർ/സപ്ലിമെന്‍ററി/ ഇംപ്രൂവ്മെന്‍റ്) ഏപ്രിൽ 2024 പരീക്ഷാഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മപരിശോധന, പകർപ്പ് എന്നിവയ്ക്കായുള്ള അപേക്ഷകൾ ജൂലൈ 17 വരെ സ്വീകരിക്കും.
നാലുവർഷ ബിരുദം; അനധ്യാപക ജീവനക്കാർക്കുള്ള ഓറിയന്‍റേഷൻ ക്ലാസ് നടത്തി കണ്ണൂർ: നാലുവർഷ ബിരുദ (എഫ്‌വൈയുജി‌പി) വുമായി ബന്ധപ്പെട്ട് കണ്ണൂർ സർവകലാശാലയുടെ അഫിലിയേറ്റഡ് കോളജുകളിലെ അനധ്യാപക ജീവനക്കാർക്കുള്ള ഏകദിന ഓറിയന്‍റേഷൻ ക്ലാസ് സർവകലാശാലാ ആസ്ഥാനത്ത് സംഘടിപ്പിച്ചു. ചെറുശേരി ഓഡിറ്റോറിയത്തിൽ നടന്ന ചടങ്ങ് സർവകലാശാലാ രജിസ്ട്രാർ പ്രഫ. ജോബി കെ. ജോസ് ഉദ്ഘാടനം ചെയ്തു. സെനറ്റംഗം കെ.പി. ദിനേശൻ അധ്യക്ഷത വഹിച്ചു. കണ്ണൂർ സർവകലാശാലാ സിൻഡിക്കേറ്റംഗവും എഫ്‌വൈ യുജിപി കോർ കമ്മിറ്റി കൺവീനറുമായ കെ.വി. പ്രമോദ് കുമാർ ക്ലാസെടുത്തു. പ്രത്യുഷ് പുരുഷോത്തമൻ, അലി കുയ്യാലിൽ എന്നിവർ പ്രസംഗിച്ചു.