അഫിലിയേറ്റഡ് കോളജുകളിലെ നാലാം സെമസ്റ്റർ ഏപ്രിൽ 2024 ബിഎ അഫ്സൽ ഉൽ ഉലമ, ബിടി ടിഎം, ബിഎസ്ബ്ല്യൂ, ബിബിഎ, ബിബിഎ (ടിടിഎം), ബിബിഎ (എഎച്ച്), ബിഎംഎംസി, ബികോം (റെഗുലർ/ സപ്ലിമെന്ററി/ ഇംപ്രൂവ്മെന്റ്/ മേഴ്സി ചാൻസ്) പരീക്ഷകളുടെയും ബിബിഎം (മേഴ്സി ചാൻസ്) പരീക്ഷയുടെയും ഫലം വെബ് സൈറ്റിൽ ലഭ്യമാണ്. പുനപരിശോധന, ഫോട്ടോകോപ്പി എന്നിവയ്ക്ക് ഓൺലൈനായി ജൂലൈ 11 നു വൈകുന്നേരം അഞ്ചുവരെ അപേക്ഷിക്കാം.
പുനർമൂല്യനിർണയ ഫലം
2024 ഏപ്രിലിൽ നടത്തിയ ആറാം സെമസ്റ്റർ ബിരുദ പരീക്ഷകളുടെ പുനർമൂല്യനിർണയ ഫലം വെബ് സൈറ്റിൽ പ്രസിദ്ധീകരിച്ചിട്ടുണ്ട്. പുനർമൂല്യനിർണയം പൂർത്തിയായ ഫലങ്ങളാണ് ഇപ്പോൾ പ്രസിദ്ധീകരിച്ചിട്ടുള്ളത്. പൂർണഫലപ്രഖ്യാപനം മൂല്യനിർണയം പൂർത്തിയാകുന്ന മുറയ്ക്ക് നടത്തുന്നതാണ്.
സ്പോട്ട് അഡ്മിഷൻ
കണ്ണൂർ സർവകലാശാലയുടെ പയ്യന്നൂർ സ്വാമി ആനന്ദതീർഥ കാമ്പസിൽ ഫിസിക്സ്, കെമിസ്ട്രി പഠനവകുപ്പിൽ നടത്തുന്ന അഞ്ചുവർഷ ഇന്റഗ്രേറ്റഡ് മാസ്റ്റേഴ്സ് പ്രോഗ്രാം ഇൻ ഫിസിക്കൽ സയൻസ് പ്രോഗ്രാമിൽ ഒഴിവുവന്ന സീറ്റുകളിലേക്ക് സ്പോട്ട് അഡ്മിഷൻ നടത്തുന്നു. സയൻസ് വിഷയങ്ങളിൽ 50 ശതമാനത്തിൽ അധികം മാർക്കോടെ പന്ത്രണ്ടാം തരം പാസായ വിദ്യാർഥികൾ അസൽ സർട്ടിഫിക്കറ്റുകൾ സഹിതം നാളെ രാവിലെ 10.30 ന് പയ്യന്നൂർ കാമ്പസിലെ ഫിസിക്സ് പഠനവകുപ്പിൽ നടക്കുന്ന സ്പോട്ട് അഡ്മിഷനിൽ പങ്കെടുക്കണം.
കണ്ണൂർ സർവകലാശാലയുടെ പാലയാട് ഡോ. ജാനകി അമ്മാൾ കാമ്പസിൽ അഞ്ചുവർഷത്തെ ആന്ത്രോപോളജി ഇന്റഗ്രേറ്റഡ് പ്രോഗ്രാമിന് എസ്സി, എസ്ടി, ജനറൽ വിഭാഗങ്ങളിൽ സീറ്റുകൾ ഒഴിവുണ്ട്. എസ്സി/എസ്ടി യുടെ അഭാവത്തിൽ മറ്റുള്ളവരേയും പരിഗണിക്കും. യോഗ്യതയുള്ളവർ നാളെ രാവിലെ 10 ന് സർട്ടിഫികറ്റുകൾ സഹിതം പഠനവകുപ്പിൽ എത്തണം. ഫോൺ: 9447380663.
കണ്ണൂർ സർവകലാശാല മാങ്ങാട്ടുപറമ്പ കാമ്പസിൽ പ്രവർത്തിക്കുന്ന ഇൻഫർമേഷൻ ടെക്നോളജി പഠന വകുപ്പിലെ ഫൈവ് ഇയർ ഇന്റഗ്രേറ്റഡ് മാസ്റ്റേഴ്സ് പ്രോഗ്രാം ഇൻ കംപ്യൂട്ടേഷണൽ സയൻസ് പ്രോഗ്രാമിൽ എസ്സി/ എസ്ടി വിഭാഗങ്ങൾക്കായി സംവരണം ചെയ്ത സീറ്റുകൾ (എസ്സി 4, എസ് ടി 1)ഒഴിവുണ്ട്. യോഗ്യതയുള്ള വിദ്യാർഥികൾ നാളെ രാവിലെ 11.30 ന് അസൽ സർട്ടിഫിക്കറ്റുകളു മായി മാങ്ങാട്ടുപറമ്പ കാമ്പസിലെ ഇൻഫർമേഷൻ ടെക്നോളജി പഠനവകുപ്പിൽ എത്തിച്ചേരണം.
ഡെവലപ്മെന്റ് ഓഫീസർ
കണ്ണൂർ: കണ്ണൂർ സർവകലാശാലയിൽ ഡെപ്യൂട്ടേഷൻ/ കരാർ അടിസ്ഥാനത്തിൽ ഡെവലപ്മെന്റ് ഓഫീസറെ താത്കാലികമായി നിയമിക്കുന്നതിനുള്ള അപേക്ഷ ക്ഷണിച്ചു. ഇതുസംബന്ധിച്ച വിശദവിവരങ്ങൾ സർവകലാശാല വെബ്സൈറ്റിൽ ലഭ്യമാണ്. അപേക്ഷ ലഭിക്കേണ്ട അവസാന തീയതി 31.