തേഞ്ഞിപ്പലം: കാലിക്കട്ട് സർവകലാശാലാ തുഞ്ചൻ മാനുസ്ക്രിപറ്റ് റെപ്പോസിറ്ററി ആൻഡ് മൾട്ടിഡിസിപ്ലിനറി റിസർച്ച് സെന്ററിനു കീഴിൽ പുതുതായി ആരംഭിക്കുന്ന എംഎ എപ്പിഗ്രഫി ആൻഡ് മാനുസ്ക്രിപറ്റോളജി കോഴ്സിന് മണിക്കൂർ വേതനാടിസ്ഥാനത്തിൽ (കോൺട്രാക്ട് അധ്യാപകരെ നിയമിക്കുന്നത് വരെ) രണ്ട് ഗസ്റ്റ് അധ്യാപകരെ നിയമിക്കുന്നു. യോഗ്യത തസ്തിക (1). 55 ശതമാനം മാർക്കോടുകൂടിയ എംഎ എപിഗ്രഫി / എംഎ മ്യൂസിയോളജി / എംഎ മനുസ്ക്രിപറ്റോളജി ബിരുദാനന്തര ബിരുദവും പിഎച്ച്ഡി / നെറ്റ് / ജെആർഎഫ്, തസ്തിക (2). 55 ശതമാനം മാർക്കോടുകൂടിയ എംഎ ആർക്കിയോളജി ബിരുദാനന്തര ബിരുദവും പിഎച്ച്ഡി / നെറ്റ് / ജെആർഎഫ്. പ്രായ പരിധി 64 വയസ്. വാക് ഇൻ ഇന്റർവ്യൂ 11ന് രാവിലെ 11 ന് ലൈഫ് ലോംഗ് ലേണിംഗ് ആൻഡ് എക്സ്റ്റൻഷൻ പഠനവകുപ്പിൽ വച്ച് നടക്കും. യോഗ്യരായവർ ബയോഡാറ്റാ അസൽ സർട്ടിഫിക്കറ്റുകൾ എന്നിവ സഹിതം ഹാജരാകണം. ഫോൺ: 0494 2407608.
ഗസ്റ്റ് അധ്യാപക നിയമനം തേഞ്ഞിപ്പലം: കാലിക്കട്ട് സർവകലാശാലയുടെ പാലക്കാട് കൊടുവായൂരുള്ള ടീച്ചർ എജുക്കേഷൻ സെന്റർ (CUTEC) വിവിധ അസിസ്റ്റന്റ് പ്രഫസർ തസ്തികയിൽ ദിവസവേതനടിസ്ഥാനത്തിൽ ഗസ്റ്റ് അധ്യാപകരെ നിയമിക്കുന്നു. തസ്തിക, യോഗ്യത എന്നിവ ക്രമത്തിൽ അസിസ്റ്റന്റ് പ്രഫസർ ഇൻ ഫിസിക്കൽ എജുക്കേഷൻ: 55 ശതമാനം മാർക്കോടുകൂടി എംപിഎഡ്, നെറ്റ്, അസി. ഫ്രഫ. ഇൻ ഫൈൻ ആർട്സ്: 55 ശതമാനം മാർക്കോടുകൂടി എംഎഫ്എ, അസി. ഫ്രഫ. ഇൻ പെർഫോമിംഗ് ആർട്സ്: 55 ശതമാനം മാർക്കോടുകൂടി പിജി മ്യൂസിക്. ഉദ്യോഗാർത്ഥികൾ ജൂലൈ പത്തിന് രാവിലെ പത്തിന് ബയോഡാറ്റാ, സർട്ടിഫിക്കറ്റുകളുടെ കോപ്പി സഹിതം കോളജ് കാര്യാലയതിൽ നേരിട്ട് ഹാജരാക്കേണ്ടതാണ്. ഫോൺ: 0492 3252556, ഇമെയിൽ:
[email protected].
സ്ഥിര അധ്യാപക നിയമനം തേഞ്ഞിപ്പലം: കാലിക്കട്ട് സർവകലാശാലയിൽ ഒഴിവുള്ള അധ്യാപക തസ്തികകളിലേക്ക് (എൻസിഎ ഒഴിവുകൾ ഉൾപ്പെടെ) സ്ഥിര നിയമനത്തിനായി അപേക്ഷ ക്ഷണിക്കുന്നു. വിശദവിവരങ്ങൾ സർവകലാശാലാ വെബ്സൈറ്റിൽ https://www.uoc.ac.in/ .
പിജി പ്രവേശനം: ഓൺലൈൻ രജിസ്ട്രേഷൻ ജൂലൈ എട്ടുവരെ നീട്ടി സർവകലാശാലക്ക് കീഴിലുള്ള അഫിലിയേറ്റഡ് കോളജുകളിലെയും സെന്ററുകളിലേയും ബിരുദാനന്തര ബിരുദ പ്രവേശനത്തിനുള്ള ഓൺലൈൻ രജിസ്ടേഷൻ ജൂലൈ എട്ടിന് വൈകുന്നേരം അഞ്ചുവരെ നീട്ടി. വിശദവിവരങ്ങൾ പ്രവേശനവിഭാഗം വെബ്സൈറ്റിൽ https://admission.uoc.ac.in/.
അഫ്സല് ഉല് ഉലമ ( പ്രിലിമിനറി ) ട്രയല് അലോട്ട്മെന്റ് കാലിക്കട്ട് സര്വകലാശാലയുടെ 2024 2025 അധ്യയന വര്ഷത്തെ അഫ്സല് ഉല് ഉലമ (പ്രിലിമിനറി) കോഴ്സിന്റ ട്രയല് അലോട്ട്മെന്റ് പ്രസിദ്ധീകരിച്ചു. നേരത്തെ സമര്പ്പിച്ച അപേക്ഷയില് വിദ്യാർഥികൾക്ക് തിരുത്തലുകള്ക്ക് (രജിസ്റ്റര് നമ്പര്, മൊബൈല് നമ്പര്, ജനന തിയതി എന്നിവ ഒഴികെ) ജൂലൈ അഞ്ചിന് വൈകുന്നേരം നാലുവരെ അവസരമുണ്ടാകും. തിരുത്തലിനു ശേഷം അപേക്ഷയുടെ പ്രിന്റൗട്ട് നിര്ബന്ധമായും സൂക്ഷിക്കേണ്ടതാണ്. ഒന്നാം അലോട്ട്മെന്റ് ജൂലൈ എട്ടിന് പ്രസിദ്ധീകരിക്കും.
ഗ്രേസ് മാർക്ക് അപേക്ഷ അഫിലിയേറ്റഡ് കോളജുകളിലെ എൻസിസി / സ്പോർട്സ് / ആർട്സ് മുതലായവയുടെ ഗ്രേസ് മാർക്കിന് അർഹരായ ഒന്ന് മുതൽ അഞ്ച് വരെ സെമസ്റ്റർ ( CBCSSVUG ) 2021 പ്രവേശനം ബിവോക് വിദ്യാർഥികൾ സ്റ്റുഡന്റ്സ് പോർട്ടലിലെ “ ഗ്രേസ് മാർക്ക് പ്ലാനർ ” വഴി ഓപ്ഷൻ നൽകിയ ശേഷം പരീക്ഷാ ഭവൻ ഇപിആർ വിഭാഗത്തിൽ നേരിട്ടെത്തി അപേക്ഷ സമർപ്പിക്കേണ്ടതാണ്. അവസാന തീയതി ജൂലൈ 15.
പരീക്ഷാ കേന്ദ്രത്തിൽ മാറ്റം ജൂലൈ എട്ടിന് ആരംഭിക്കുന്ന അഫിലിയേറ്റഡ് കോളജുകളിലെ വിദ്യാർഥികൾക്കായുള്ള രണ്ടാം സെമസ്റ്റർ ബികോം, ബിബിഎ, ബികോം വൊക്കേഷണൽ ( സിയുസിബിസിഎസ്എസ് 2014 മുതൽ 2016 വരെ പ്രവേശനം ) സെപ്റ്റംബർ 2022 ഒറ്റത്തവണ റഗുലർ സപ്ലിമെന്ററി പരീക്ഷയിലെ ജൂലൈ 12 ന് നടത്താൻ നിശ്ചയിച്ചിട്ടുള്ള ബികോം ആൻഡ് ബികോം വൊക്കേഷണൽ പേപ്പർ: BCM2CO2 മാർക്കറ്റിംഗ് മാനേജ്മെന്റ്, ബിബിഎ പേപ്പർ: BBAIICO2 ഐടി ഫോർ ബിസിനസ് ആൻഡ് മാനേജ്മെന്റ് എന്നീ പേപ്പറുകളുടെ പരീക്ഷകൾ തേഞ്ഞിപ്പലം കോഹിനൂരുള്ള കാലിക്കട്ട് സർവകലാശാലാ എൻജിനീയറിംഗ് കോളജിൽ വച്ച് നടത്തും. സമയം 9.30 മുതൽ 12.30 വരെ.
പരീക്ഷാ അപേക്ഷ ഒന്നാം സെമസ്റ്റർ എംവോക് മൾട്ടിമീഡിയ, അപ്ലൈഡ് ബയോടെക്നോളജി, സോഫ്റ്റ്വെയർ ഡെവലപ്മെന്റ് വിത് സ്പെഷ്യലൈസേഷൻ ഇൻ ഡാറ്റാ അനലറ്റിക്സ് നവംബർ 2022 / നവംബർ 2023 പരീക്ഷകൾക്ക് പിഴ കൂടാതെ 11 വരെയും 190 രൂപ പിഴയോടെ 17 വരെയും അപേക്ഷിക്കാം.
ഒറ്റത്തവണ റഗുലർ സപ്ലിമെന്ററി പരീക്ഷ അഫിലിയേറ്റഡ് കോളജുകളിലെ രണ്ടാം സെമസ്റ്റർ ( സിബിസിഎസ്എസ്പിജി 2019 പ്രവേശനം ) എംഎ, എംഎസ്സി, എംകോം, എംഎസ്ഡബ്ല്യൂ, എംഎ ജേർണലിസം ആൻഡ് മാസ് കമ്മ്യൂണിക്കേഷൻ സെപ്റ്റംബർ 2023 ഒറ്റത്തവണ റഗുലർ സപ്ലിമെന്ററി പരീക്ഷ ജൂലൈ 22ന് തുടങ്ങും. കേന്ദ്രം: ടാഗോർ നികേതൻ, കാലിക്കട്ട് സർവകലാശാലാ ക്യാമ്പസ്. വിശദമായ സമയക്രമം വെബ്സൈറ്റിൽ.
പരീക്ഷാഫലം എട്ടാം സെമസ്റ്റർ ബിആർക് ( 2020 പ്രവേശനം ) മെയ് 2024 റഗുലർ പരീക്ഷയുടെ ഫലം പ്രസിദ്ധീകരിച്ചു.
പത്താം സെമസ്റ്റർ ബിബിഎ എൽഎൽബി ഹോണേഴ്സ് (2019 പ്രവേശനം) ഏപ്രിൽ 2024 റഗുലർ പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 15 വരെ അപേക്ഷിക്കാം.
ആറാം സെമസ്റ്റർ ബിആർക് (2014 മുതൽ 2021 വരെ പ്രവേശനം) ഏപ്രിൽ 2024 റഗുലർ / സപ്ലിമെന്ററി / ഇംപ്രൂവ്മെന്റ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 23 വരെ അപേക്ഷിക്കാം.