ബിഎഡ് പ്രവേശനം 2024: ട്രയല് അലോട്ട്മെന്റ് പ്രസിദ്ധീകരിച്ചു
കാലിക്കട്ട് സര്വകലാശാലയുടെ 2024 2025 അധ്യയന വര്ഷത്തെ ബിഎഡ് പ്രവേശനത്തിന്റെ ട്രയല് അലോട്ട്മെന്റ് (കൊമേഴ്സ് ഓപ്ഷനും, ബിഎഡ് സ്പെഷ്യല് എഡ്യുക്കേഷനും ഒഴികെ ) പ്രസിദ്ധീകരിച്ചു. ട്രയല് അലോട്ട്മെന്റ് സ്റ്റുഡന്റ് ലോഗിനില് ലഭ്യമാക്കും. ട്രയല് അലോട്ട്മെന്റിനെ തുടര്ന്ന് ബിഎഡിന് ജൂലൈ ഒന്നിന് വൈകുന്നേരം മൂന്നു വരെയും ബിഎഡ് സ്പെഷ്യല് എഡ്യുക്കേഷന് 30 വരെയും ( പേര്, മൊബൈല് നമ്പര്, ഇമെയില് ഐഡി, ജനന തീയതി എന്നിവ ഒഴികെ ) എഡിറ്റിംഗ് സൗകര്യമുണ്ടായിരിക്കുന്നതാണ്. തിരുത്തലുകൾക്ക് ശേഷം പുതുക്കിയ അപേക്ഷയുടെ പ്രിന്റൗട്ട് നിർബന്ധമായും ഡൗൺലോഡ് ചെയ്ത് സൂക്ഷിക്കേണ്ടതാണ്. അല്ലാത്ത പക്ഷം തുടര്ന്നുള്ള അലോട്ട്മെന്റ് പ്രക്രിയകളില് നിന്ന് പുറത്താകും. പ്രസ്തുത അപേക്ഷകള് പൂര്ത്തീകരിക്കുന്നതിനുള്ള അവസരം രണ്ടാം അലോട്ട്മെന്റിന് ശേഷം മാത്രമേ ഉണ്ടായിരിക്കുകയുള്ളൂ. അപേക്ഷകര് ഓണ്ലൈന് രജിസ്ട്രേഷന് സമയത്ത് നല്കിയ മാര്ക്ക് കൃത്യമാണെന്നും എൻഎസ്എസ്, എൻസിസി തുടങ്ങിയ വെയിറ്റേജ് സര്ട്ടിഫിക്കറ്റുകള് ബിരുദ പ്രോഗ്രാമിന്റെ കാലയളവിലുള്ളതാണെന്നും നോണ്ക്രീമിലെയര്, ഇഡബ്ല്യൂഎസ് സംവരണ വിവരങ്ങള് എന്നിവ കൃത്യമാണെന്നും ഉറപ്പുവരുത്തേണ്ടതാണ്. ബിഎഡിന്റെ ഒന്നാം അലോട്ട്മെന്റും ബിഎഡ് സ്പെഷ്യല് എഡ്യുക്കേഷന്റെ റാങ്ക് ലിസ്റ്റും ജൂലൈ ആറിന് പ്രസിദ്ധീകരിക്കും. ഫോണ്: 0494 2407016, 2660600.
ബിരുദ പ്രവേശനം 2024
2024 25 വര്ഷത്തേക്കുളള ബിരുദ പ്രവേശനത്തിന്റെ രണ്ടാം അലോട്ട്മെന്റ് പ്രസിദ്ധീകരിച്ചു. ഒന്നും രണ്ടും അലോട്ട്മെന്റ് ലഭിച്ച് മാന്റേറ്ററി ഫീസ് അടച്ച എല്ലാ വിദ്യാർഥികളും അഡ്മിറ്റ് കാർഡ് ഡൗൺലോഡ് ചെയ്ത ശേഷം ജൂലൈ രണ്ടിന് വൈകുന്നേരം മൂന്നിന് മുൻപായി കോളജിൽ ഹാജരായി നിര്ബന്ധമായും സ്ഥിരപ്രവേശനം നേടേണ്ടതാണ്. അല്ലാത്ത പക്ഷം പ്രസ്തുത വിദ്യാർഥികൾക്ക് ലഭിച്ച അലോട്ട്മെന്റ് നഷ്ടപ്പെടുന്നതും അലോട്ട്മെന്റ് പ്രക്രിയയിൽ നിന്ന് പുറത്താകുന്നതുമായിരിക്കും. ലഭിച്ച ഓപ്ഷനില് തൃപ്തരായവർ ഹയര് ഓപ്ഷനുകള്ക്ക് പരിഗണിക്കേണ്ടതില്ലെങ്കില് ജൂലൈ രണ്ടിന് വൈകുന്നേരം അഞ്ചിന് മുൻപ് നിര്ബന്ധമായും ഹയര് ഓപ്ഷന് റദ്ദാക്കണം. ഹയര് ഓപ്ഷനുകള് നിലനിര്ത്തുന്ന പക്ഷം പ്രസ്തുത ഹയര് ഓപ്ഷനുകളില് ഏതെങ്കിലും ഒന്നിലേക്ക് മൂന്നാം അലോട്ട്മെന്റ് ലഭിച്ചാല് നിര്ബന്ധമായും സ്വീകരിക്കണം. ഇതോടെ മുൻപ് ലഭിച്ച അലോട്ട്മെന്റ് നഷ്ടപ്പെടുന്നതും അത് യാതൊരു കാരണവശാലും പുനഃസ്ഥാപിച്ചു നല്കില്ല. ഹയര് ഓപ്ഷനുകള് ഭാഗികമായോ പൂർണമായോ റദ്ദ് ചെയ്യാവുന്നതാണ്. ഹയർ ഓപ്ഷൻ റദ്ദ് ചെയ്യുന്നവർ നിർബന്ധമായും പുതുക്കിയ അപേക്ഷയുടെ പ്രിന്റൗട്ട് എടുത്ത് സൂക്ഷിക്കേണ്ടതാണ്.
ബിരുദ പ്രവേശനം 2024: ഭിന്നശേഷി ക്വാട്ട
2024 2025 അധ്യയന വര്ഷത്തേക്കുള്ള ബിരുദ പ്രവേശനത്തിന് ഭിന്നശേഷിക്കാരുടെ ക്വാട്ടയിലേക്ക് അപേക്ഷിച്ചവരുടെ ലിസ്റ്റ് അതത് കോളജുകളിൽ ലഭ്യമാക്കിയിട്ടുണ്ട്. ജൂലൈ ഒന്ന് മുതൽ പ്രസ്തുത വിഭാഗത്തിലേക്കുള്ള പ്രവേശനം തുടങ്ങും. ഭിന്നശേഷി വിഭാഗത്തിലേക്കുള്ള പ്രവേശനം സർവകലാശാല നൽകിയ ലിസ്റ്റിൽ നിന്ന് കോളജുകൾ നേരിട്ടാണ് നടത്തുന്നത്. ആയതിനാൽ ഭിന്നശേഷി വിഭാഗത്തിൽപ്പെട്ട വിദ്യാർഥികൾ പ്രവേശനത്തിന് ഹാജരാകുന്നതിന് മുൻപ് കോളജുമായി ബന്ധപ്പെടേണ്ടതും പ്രവേശനത്തിനായി അവർ നിർദേശിക്കുന്ന സമയക്രമം പാലിക്കേണ്ടതുമാണ്. ഭിന്നശേഷിക്കാരുടെ റാങ്ക് ലിസ്റ്റിൽ ഉൾപ്പെട്ടിട്ടുള്ള നിലവിൽ മൂന്നാം അലോട്ട്മെന്റിനായി കാത്തിരിക്കുന്നവർക്ക് (രണ്ടാം അലോട്ട്മെന്റില് പ്രവേശനം നേടി ഹയർ ഓപ്ഷൻ നിലനിർത്തി മൂന്നാം അലോട്ട്മെന്റിനായി കാത്തിരിക്കുന്നവർ ഉൾപ്പെടെ) മൂന്നാം അലോട്ട്മെന്റ് പ്രസിദ്ധീകരിച്ച് പ്രവേശനം ആരംഭിക്കുന്നത് വരെ ഭിന്നശേഷി വിഭാഗത്തിലേക്കുള്ള പ്രവേശനത്തിന് ഹാജരാകാൻ സമയം അനുവദിക്കുന്നതിനായി അതത് കോളജുകളോട് ആവശ്യപ്പെടാവുന്നതാണ്.
മാസീവ് ഓപ്പൺ ഓൺലൈൻ കോഴ്സ് പ്രവേശനം
ഓൺലൈൻ വിദ്യാഭാസ പ്ലാറ്റ്ഫോമായ സ്വയത്തിലെ ( സ്റ്റഡി വെബ് ഓഫ് ആക്റ്റീവ് ലേണിംഗ് ഫോർ യംഗ് അസ്പയറിംഗ് മൈൻഡ് ) ( https://swayam.gov.in/ ) 19 മാസീവ് ഓപ്പൺ ഓൺലൈൻ കോഴ്സുകളിലേക്കുള്ള പ്രവേശനം ആരംഭിച്ചു. 2024 ജൂലൈ ഡിസംബർ സെമസ്റ്ററിലേക്കാണ് പ്രവേശനം. മൂന്ന് മാസം ദൈർഘ്യമുള്ള ഈ കോഴ്സുകളിലേക്ക് പ്രവേശനം സൗജന്യമാണ്. യുജി / പിജി മാസീവ് ഓപ്പൺ ഓൺലൈൻ കോഴ്സുകളുടെ (മൂക്) ദേശീയ കോ ഓർഡിനേറ്ററായ കൺസോർഷ്യം ഫോർ എഡ്യൂക്കേഷണൽ കമ്മ്യൂണിക്കേഷൻസ് (സിഇസി) ന്യൂഡൽഹിക്കുവേണ്ടി കാലിക്കട്ട് സർവകലാശാലാ എഡ്യൂക്കേഷൻ മൾട്ടിമീഡിയ റിസർച്ച് സെന്ററാണ് മൂക് ഉള്ളടക്കം തയാറാക്കിയത്. കൂടുതൽ വിവരങ്ങൾക്കും കോഴ്സുകളിൽ രജിസ്റ്റർ ചെയ്യാനും https://emmrccalicut.org/ എന്ന വെബ്സൈറ്റ് സന്ദർശിക്കുക. ഫോൺ: 9495108193.
പുനഃപ്രവേശന അപേക്ഷ
കാലിക്കട്ട് സർവകലാശാലാ സെന്റർ ഫോർ ഡിസ്റ്റൻസ് ആൻഡ് ഓൺലൈൻ എഡ്യൂക്കേഷനു (മുൻ എസ്ഡിഇ) കീഴിൽ ബിഎ അഫ്സൽഉൽഉലമ, ബിഎ ഇക്കണോമിക്സ്, ബിഎ ഹിസ്റ്ററി, ബിഎ പൊളിറ്റിക്കൽ സയൻസ്, ബിഎ ഫിലോസഫി, ബിഎ സോഷ്യോളജി, ബികോം, ബിബിഎ ( സിയുസിബിസിഎസ്എസ് / സിബിസിഎസ്എസ്) പ്രോഗ്രാമുകൾക്ക് 2018, 2019, 2021 എന്നീ വർഷങ്ങളിൽ പ്രവേശനം നേടി ഒന്ന് മുതൽ നാല് വരെ സെമസ്റ്റർ പരീക്ഷകൾക്ക് അപേക്ഷിച്ച ശേഷം തുടർപഠനം നടത്താൻ കഴിയാത്ത സിഡിഒഇ വിദ്യാർഥികൾക്ക് പ്രസ്തുത പ്രോഗ്രാമിന്റെ അഞ്ചാം സെമസ്റ്ററിലേക്ക് പുനഃപ്രവേശനത്തിന് പിഴ കൂടാതെ ജൂലൈ പത്ത് വരെയും 100 രൂപ പിഴയോടെ 15 വരെയും 500 രൂപ അധിക പിഴയോടെ 20 വരെയും ഓൺലൈനായി അപേക്ഷിക്കാവുന്നതാണ്. കൂടുതൽ വിവരങ്ങൾ സിഡിഒഇ വെബ്സൈറ്റിൽ https://sde.uoc.ac.in/ . ഫോൺ: 0494 2400288, 2407356.
കാലിക്കട്ട് സർവകലാശാലയിൽ പ്രൈവറ്റ് രജിസ്ട്രേഷൻ വഴി 2020 ൽ (സിബിസിഎസ്എസ്) ബിഎ അഫ്സൽഉൽഉലമ, ബിഎ ഇക്കണോമിക്സ്, ബിഎ ഹിസ്റ്ററി, ബിഎ പൊളിറ്റിക്കൽ സയൻസ്, ബിഎ ഫിലോസഫി, ബിഎ സോഷ്യോളജി, ബികോം, ബിബിഎ എന്നീ പ്രോഗ്രാമുകളിൽ പ്രവേശനം നേടി ഒന്ന് മുതൽ നാല് വരെ സെമസ്റ്റർ പരീക്ഷകൾക്ക് രജിസ്റ്റർ ചെയ്ത ശേഷം തുടർപഠനം നടത്താൻ സാധിക്കാത്ത വിദ്യാർഥികൾക്ക് ആവശ്യമായ രേഖകൾ സഹിതം സെന്റർ ഫോർ ഡിസ്റ്റൻസ് ആൻഡ് ഓൺലൈൻ എഡ്യൂക്കേഷൻ ( മുൻ എസ്ഡിഇ ) വിഭാഗത്തിൽ പ്രവർത്തിക്കുന്ന പ്രൈവറ്റ് രജിസ്ട്രേഷൻ വിങ്ങിൽ നേരിട്ടെത്തി അഞ്ചാം സെമസ്റ്ററിലേക്ക് (സിബിസിഎസ്എസ് 2022 ) പുനഃപ്രവേശനം നേടാവുന്നതാണ്. പിഴ കൂടാതെ ജൂലൈ പത്ത് വരെയും 100 രൂപ പിഴയോടെ 17 വരെയും 500 രൂപ അധിക പിഴയോടെ 22 വരെയും അപേക്ഷിക്കാം. ഫോൺ: 0494 2400288, 2407356.